கன்னியாகுமரி கடல் நடுவில் அமைந்துள்ள திருவள்ளுவர் சிலை மற்றும் விவேகானந்தர் நினைவு மண்டபத்துக்கு சுற்றுலாப் பயணிகள் செல்ல பொதிகை, குகன், விவேகானந்தா ஆகிய 3 படகுகள் இயக்கப்பட்டு வருகின்றன.

இதில், குகன் படகு பழுதடைந்த நிலையில் ரூ.30 லட்சம் செலவில் பூம்புகார் கப்பல் போக்குவரத்துக் கழகம் சீரமைத்துக் கொடுத்தது. அதனைத் தொடர்ந்து குகன் படகு நேற்று கடலில் வெள்ளோட்டம் விடப்பட்டு சோதனை ஓட்டம் நடத்தப்பட்டது. அதன் பிறகு விவேகானந்தர் நினைவு மண்டபத்துக்கு சுற்றுலாப் பயணிகளை இன்று ஏற்றிச் சென்றது.

கன்னியாகுமரி கடல் நடுவில் அமைந்துள்ள பாறையில் சுவாமி விவேகானந்தர் நினைவு மண்டபமும் அதன் அருகில் உள்ள இன்னொரு பாறையில் 133 அடி உயர திருவள்ளுவர் சிலையும் எழுப்பப்பட்டுள்ளது. இவற்றை தினமும் ஆயிரக்கணக்கான உள்நாட்டு மற்றும் வெளிநாட்டு சுற்றுலா பயணிகள் படகில் சென்று பார்த்து வருகிறார்கள்.

இந்த நிலையில் திருவள்ளுவர் சிலைக்கும், விவேகானந்தர் நினைவு மண்டபத்துக்கும் இடையே கண்ணாடி இழை கூண்டு பாலம் அமைக்கும் பணி நடைபெற்று வருவதையொட்டி கடந்த 10 மாதங்களாக திருவள்ளுவர் சிலைக்கு படகு போக்குவரத்து இயக்கப்பட்டவில்லை.

இதற்கிடையில் விவேகானந்தர் நினைவு மண்டபத்துக்கு இயக்கப்பட்டு வந்த பொதிகை, குகன், விவேகானந்தா ஆகிய 3 படகுகளில் குகன் படகு பழுதடைந்த நிலையில் இருந்ததால் கடந்த ஆண்டு நவம்பர் மாதம் அதனை சின்ன முட்டம் துறைமுகத்துக்கு கொண்டு சென்று கரையேற்றி சீரமைப்பு பணி நடத்தப்பட்டது. பின்னர் அந்த படகு சீரமைப்பு பணி 3 நாட்களில் முடிக்கப்பட்டு கடந்த நவம்பர் மாதமே கடலில் வெள்ளோட்டம் விடப்பட்டு சுற்றுலா பயணிகளின் பயன் பாட்டுக்கு வந்தது.

இதற்கிடையில் தற்போது கோடை விடுமுறை சீசன் தொடங்கி உள்ளதைத் தொடர்ந்து அதே குகன் படகை ரூ.30 லட்சம் செலவில் சீரமைக்க பூம்புகார் கப்பல் போக்குவரத்துக்கழகம் முடிவு செய்தது.

இதைத்தொடர்ந்து குகன் என்ற சுற்றுலா படகு கன்னியாகுமரியில் உள்ள பூம்புகார் கப்பல் போக்குவரத்துகழக படகுத் துறையில் இருந்து கடந்த பிப்ரவரி மாதம் 15-ம் தேதி கடல் வழியாக சின்னமுட்டம் துறைமுகத்தில் உள்ள படகு கட்டும் தளத்துக்கு கொண்டு செல்லப்பட்டது. அங்கு அந்த படகு கரையேற்றப்பட்டு சீரமைக்கும் பணி தீவிரமாக நடைபெற்று வந்தது. கடந்த 2 மாதங்களாக நடைபெற்று வந்த இந்த சுற்றுலா படகு சீரமைக்கும் பணி கடந்த ஏப்ரல் 15-ம் தேதி முடிவடைந்தது.

இதைத்தொடர்ந்து அந்த படகு புதுப்பொலிவுடன் கடந்த 15-ம் தேதி மதியம் கடலில் இறக்கப்பட்டு, சின்னமுட்டம் துறைமுகத்தில் இருந்து கடல் வழியாக அந்த படகு மாலை கன்னியாகுமரிக்கு கொண்டு வரப்பட்டு, குகன் படகு பூம்புகார் கப்பல் போக்குவரத்து கழக படகு துறையில் நிறுத்தி வைக்கப்பட்டு இருந்தது.

இந்தநிலையில் குகன் படகினை நேற்று கடலில் வெள்ளோட்டம் விடப்பட்டு பரிசோதனை ஓட்டம் நடத்தப்பட்டது. சென்னையில் இருந்து வந்த சர்வேயர் இந்த சோதனை ஓட்டத்தை நடத்தினார். அதன்பிறகு கோடை விடுமுறை சீசனையொட்டி அந்த படகு உடனடியாக சுற்றுலா பயணிகளின் பயன்பாட்டுக்காக இயக்கப்பட்டது.

இதைத் தொடர்ந்து அந்த குகன் படகு கன்னியாகுமரி கடல் நடுவில் அமைந்துள்ள விவேகானந்தர் நினைவு மண்டபத்துக்கு சுற்றுலா பயணிகளை ஏற்றி சென்றது. புதுப்பொலிவுடன் காட்சி அளித்த குகன் படகில் சுற்றுலா பயணிகள் குதூகலத்துடன் பயணம் செய்து விவேகானந்தர் நினைவு மண்டபத்தை பார்வையிட்டு வருகின்றனர்.

செய்தி: க.சண்முகவடிவேல்

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

உடலின் ஒரு பகுதியில் ஏற்படும் வலி, வேறு இடத்தில் மிகவும் தீவிரமான பிரச்சனையைக் குறிக்கலாம் என்பது உங்களுக்குத் தெரியுமா?

குறிப்பிடப்பட்ட வலி, உடலின் பல்வேறு பகுதிகளிலிருந்து நரம்புகள் மூளையுடன் நரம்பு வழிகளைப் பகிர்ந்து கொள்ளலாம், இதனால் வலி எங்கிருந்து வருகிறது என்பதில் குழப்பமடையலாம்.

குறிப்பிடப்பட்ட வலி என்பது நன்கு ஆவணப்படுத்தப்பட்ட மருத்துவ கவனிப்பாக இருந்தாலும், பிரச்சனையின் மூலத்தைக் கண்டறியும் ஒரே முறையாக அதைப் பயன்படுத்துவது எப்போதும் நம்பகமானதல்ல, என்று

டாக்டர் பல்லேட்டி சிவ கார்த்திக் ரெட்டி (MBBS, MD General Medicine and consultant physician) வலியுறுத்துகிறார்.

துல்லியமான நோயறிதலுக்கு பெரும்பாலும் மருத்துவ வரலாறு, உடல் பரிசோதனை மற்றும் சில நேரங்களில் இமேஜிங் அல்லது பிற கண்டறியும் சோதனைகள் உட்பட விரிவான மருத்துவ மதிப்பீடு தேவைப்படுகிறது.

இன்ஸ்டாகிராமில், டாக்டர் ஜபன் மூர், DC, குறிப்பிட்ட உடல் பகுதிகளில் ஏற்படும் வலிக்கு அதன் தொடர்பை விளக்கும் ரீலைப் பகிர்ந்துள்ளார்.

உடலின் சில பகுதிகளில் ஏற்படும் வலி பின்வருவனவற்றைக் குறிக்கலாம் என்று டாக்டர் ரெட்டி விளக்குகிறார்:

வலது வயிறு மற்றும் தோள்பட்டை:

வலது வயிறு மற்றும் தோள்பட்டை வலி உண்மையில் பித்தப்பை பிரச்சினைகள், குறிப்பாக பித்தப்பை கற்கள் அல்லது கோலிசிஸ்டிடிஸ் ஆகியவற்றைக் குறிக்கலாம், இது முன்னோக்கி வளைக்கும்போது மோசமடைகிறது மற்றும் இது ஃபிரெனிக் நரம்பு காரணமாகும்.

இடது கை:

இடது கையில் உள்ள வலியானது மாரடைப்பு போன்ற இதயப் பிரச்சனைகளுடன் தொடர்புடையது, ஏனெனில் இவை உணர்வுப் பாதைகளைப் பகிர்ந்து கொண்டுள்ளன. இது செர்விலகல் ரேடிகுலோபதி காரணமாகவும் இருக்கலாம்.

கீழ் முதுகு:

சிறுநீரக வலி, கீழ் முதுகில் குறிப்பிடலாம், ஆனால் அனைத்து கீழ் முதுகு வலியும் சிறுநீரக பிரச்சனைகளுக்கு காரணம் என்பது மிகவும் எளிமையானது. தசைக்கூட்டு பிரச்சினைகள் மிகவும் பொதுவான காரணங்களாகும். சிறுநீரக கற்களுக்கு இடுப்பு வலி இருக்கும்.

கீழ் வலது பக்கம்:

குடல் அழற்சி (Appendicitis) பொதுவாக கீழ் வலது அடிவயிற்றில் வலியை ஏற்படுத்துகிறது, ஆனால் இந்த பகுதியில் உள்ள அனைத்து வலிகளும், இதனால் ஏற்படாது.

மார்பு மற்றும் கழுத்து:

மார்பு மற்றும் கழுத்தில் உள்ள வலி நுரையீரல் பிரச்சினைகளான நிமோனியா அல்லது ப்ளூரிசி போன்றவற்றைக் குறிக்கலாம், இது இருதய பிரச்சினைகள் காரணமாகவும் இருக்கலாம்.

மேல் இடது தோள்பட்டை:

இங்கு வலி பொதுவாக மண்ணீரலுடன் தொடர்புடையது அல்ல. அதற்கு பதிலாக, மண்ணீரல் பிரச்சினைகள் இடது மேல் வயிற்றில் வலியை ஏற்படுத்தலாம் ஆனால் பொதுவாக தோள்பட்டை அல்ல.

இடுப்பு அல்லது தொடை:

இடுப்பு அல்லது தொடையில் வலி, குடலில் இருந்து குறிப்பிடப்படுவது சாத்தியமில்லை. இத்தகைய வலி பொதுவாக தசைக்கூட்டு அல்லது நரம்பு பிரச்சினைகளால் எழுகிறது.

இடது தோள்பட்டை அல்லது மேல் வயிறு:

இந்த வலியானது பொதுவாக குடலில் அல்லாமல், பகிரப்பட்ட மத்திய நரம்பு வழிகள் காரணமாக வயிறு அல்லது கணையப் பிரச்சினைகளுடன் தொடர்புடையதாக இருக்கலாம்.

வலி என்பது நரம்பு மண்டலத்தின் ஒரு சிக்கலான அம்சமாகும், மேலும் மூல காரணத்தை அடையாளம் கண்டு நிவர்த்தி செய்ய சுகாதார நிபுணர்களால் அடிக்கடி கவனமாக பரிசோதனை மற்றும் நோயறிதல் தேவைப்படுகிறது. இந்த நிகழ்வின் கூடுதல் உதாரணங்களை டாக்டர் மூர் குறிப்பிட்டார்.

இவை துல்லியமானவையா இல்லையா என்பதை டாக்டர் ரெட்டி விளக்குகிறார்:

டெஸ்டிகுலர் பிரச்சனைகள்:

டெஸ்டிகுலர் பிரச்சினைகளால் ஏற்படும் வலியானது, பகிரப்பட்ட உணர்ச்சி நரம்புகள் காரணமாக அடிவயிறு அல்லது உள் தொடையைக் குறிக்கலாம்.

கருப்பை நீர்க்கட்டிகள்/சிக்கல்கள்

முதுகுத்தண்டைச் சுற்றியுள்ள உணர்வு நரம்புகள் வரை பரவும் இடுப்பு அழற்சியின் காரணமாக இவை கீழ் முதுகில் வலியை ஏற்படுத்தலாம்.

காது/தொண்டை நோய்த்தொற்றுகள்

மண்டையோட்டு நரம்புகள் ஒன்றோடொன்று இணைந்திருப்பதால் இந்தப் பகுதிகளில் ஏற்படும் வலிகள் தாடை அல்லது கழுத்தைக் குறிக்கலாம்.

கர்ப்பப்பை வாய் முதுகெலும்பு பிரச்சனைகள்:

இங்குள்ள பிரச்சினைகள் நரம்பு சுருக்கம் அல்லது எரிச்சல் காரணமாக கை அல்லது தோள்பட்டைக்கு கீழே குறிப்பிடப்படும் வலியை ஏற்படுத்தும்.

புரோஸ்டேட் பிரச்சினைகள்:

 இடுப்புத் தள தசை பதற்றம் அல்லது அருகிலுள்ள நரம்புகளைப் பாதிக்கும் வீக்கத்தின் காரணமாக கீழ் முதுகு அல்லது இடுப்பில் குறிப்பிடப்பட்ட வலி ஏற்படலாம்.

இடமகல் கருப்பை அகப்படலம் (Endometriosis):

இந்த நிலை நிச்சயமாக கீழ் முதுகு அல்லது கால்களில் வலியை ஏற்படுத்தும், ஏனெனில் இது அருகிலுள்ள நரம்பு முடிவுகளை பாதிக்கும் அழற்சி மத்தியஸ்தர்களால் ஏற்படுகிறது.

பரிந்துரைக்கப்பட்ட வடிவங்களின் அடிப்படையில் வலியைப் புரிந்துகொள்வதற்கும் கண்டறிவதற்கும் ஒரு முழுமையான அணுகுமுறை தேவைப்படுகிறது, இது சாத்தியமான அனைத்து ஆதாரங்களையும் கருத்தில் கொண்டு சரியான காரணத்தைக் கண்டறிய பல கண்டறியும் கருவிகளைப் பயன்படுத்துகிறது, என்று டாக்டர் ரெட்டி கூறினார்.

Read in English: From left arm to the chest: What pain in specific areas of the body might mean

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

நடிகர் விஷால் – இயக்குனர் ஹரி கூட்டணியில் உருவாகியுள்ள 3-வது படமான ரத்னம் நாளை வெளியாக உள்ள நிலையில், கடைசி நேரத்தில் படத்தின் வெளியீடு குறித்து கட்டப்பஞ்சாயத்து நடப்பதாக நடிகர் விஷால் குற்றம்சாட்டியுள்ளது பரபரப்பை ஏற்படுத்தியுள்ளது.

தமிழ் சினிமாவில் ஸ்பீடு இயக்குனர் என்று அழைக்கப்படும் ஹரி இயக்கத்தில் விஷால் நடித்துள்ள படம் ரத்னம். இவர்கள் இருவரும் ஏற்கனவே இணைந்த தாமிரபரணி மற்றும் பூஜை ஆகிய திரைப்படங்கள் ரசிகர்கள் மத்தியில் நல்ல வரவேற்பை பெற்றிருந்த்தால் ரத்னம் படத்திற்கு பெரிய எதிர்பார்ப்பு எழுந்துள்ளது. இந்த படத்தில் பிரியா பவானி சங்கர் நாயகியாக நடித்துள்ளார்.

இந்த படம் ஏப்ரல் 26 (நாளை) வெளியாகும் என்று அறிவிக்கப்பட்டுள்ள நிலையில், கடைசி நேரத்தில் படத்தை ரிலீஸ் செய்வது குறித்து கட்டப்பஞ்சாயத்து நடப்பதாக விஷால் குற்றம் சாட்டி ஆடியோ ஒன்றை வெளியிட்டுள்ளார். சமீபத்தில் விஷால் அளித்த ஒரு பேட்டியில், தனது மார்க் ஆண்டனி திரைப்படத்தை வெளியிட கூடாது என்று தனக்கு மிரட்டல் வந்ததாக கூறியிருந்த நிலையில், உதயநிதியின் ரெட் ஜெயண்ட் நிறுவனத்தை கடுமையாக சாடியிருந்தார்.

அதேபேட்டியில் தனது ரத்னம் படத்திற்கும் பிரச்சனை வரலாம் என்று விஷால் கூறியிருந்த நிலையில், தற்போது அவர் வெளியிட்டுள்ள ஆடியோ பரபரப்பை ஏற்படுத்தியுள்ளது. இது குறித்து வெளியாகியுள்ள ஆடியோவில், திருச்சி மற்றும் தஞ்சாவூர் ஏரியாவில் ரத்னம் படத்தை வெளியிட விடாமல் தடுக்கிறார்கள். இதற்கு பெயர் கட்டப்பஞ்சாயத்து. ரத்தமும் வியர்வையும் சிந்தி இந்த படத்தில் நடித்திருக்கிறேன். என்து நண்பர்கள் இந்த படத்தை வாங்கி வெளியிடுகின்றனர்.

கடைசி நேரத்தில் தயாரிப்பாளருக்கு நஷ்டம் ஏற்படும் என்று கடிதம் கொடுத்துவிட்டார்கள் என படத்திற்கு தடை விதிப்பது சரியல்ல. படத்திற்கு சம்பந்தம் இல்லாத ஒரு நபர் திருச்சி தஞ்சாவூர் ஏரியாவில் திரையரங்கு உரிமையாளர்களுக்கு கடிதம் கொடுத்தால் படத்தை முடக்குவீர்களா? காலையில் இருந்து உங்களை தொடர்கொள்ள முயற்சிக்கிறேன். ஆனால் வெயிட்டிங்கிலேயே வைத்திருக்கிறீர்கள்.

பண்ணுங்க எவ்வளவு பண்ண முடியுமோ பண்ணுங்க. விஷாலுக்கே இந்த நிலைமை என்றால் மற்ற சாதாரண நடிகர்களின் நிலை எப்படி இருக்கும் என்று தமிழ் சினிமா தெரிந்துகொள்ளட்டும் என்று பேசியுள்ளார். இந்த ஆடியோ பதிவு தற்போது இணையத்தில் வைரலாகி வருகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

பந்தன் வங்கி, ஹெச்டிஎஃப்சி வங்கி மற்றும் ஸ்டேட் பேங்க் ஆஃப் இந்தியா ஆகிய வங்கிகள் 9.47 முதல் 11.15 சதவீதம் வரையிலான வட்டி விகிதங்களை ரூ. 1 லட்சம் தனிநபர் கடனுக்கு 4 ஆண்டு காலத்திற்கு வழங்குகின்றன.

தனிநபர் கடன் என்பது ஈடு அல்லது பிணை தேவையில்லாத பாதுகாப்பற்ற கடனாகும். நல்ல கிரெடிட் ஸ்கோர்கள் தனிநபர் கடன்களை விரைவாகப் பெறலாம்.

திடீர் மற்றும் காப்பீடு செய்யப்படாத மருத்துவச் செலவுகள், வேலை இழப்பால் ஏற்படும் நிதி சிக்கல்கள் மற்றும் அவசரத் தேவைகளுக்காக உங்களுக்குப் பணம் தேவைப்பட்டால் தனிநபர் கடனுக்கு விண்ணப்பிக்கலாம்.

இருப்பினும் எச்சரிக்கையாக இருப்பது அவசியம். ஏனென்றால் தனிநபர் கடனுக்கான வட்டி விகிதம் அதிகம்.

கடனைப் பெறுவது எளிதானது. ஆனால் மாதாந்திர தவணையைச் சரியாக கட்ட தவறினாலோ, அதைவிட மோசமாக இருந்தாலோ உங்களுக்கு பாதிப்பை ஏற்படுத்தும்.

அந்த வகையில், மலிவான வட்டி விகிதத்தில் கிடைக்கும் தனிநபர் கடன்களை பார்க்கலாம். 

பாங்க் ஆஃப் இந்தியா

ஆக்சிஸ் பேங்க், பாங்க் ஆஃப் இந்தியா, சிட்டி பேங்க், ஹெச்டிஎஃப்சி வங்கி மற்றும் ஐடிஎஃப்சி ஃபர்ஸ்ட் பேங்க் ஆகியவை தனிநபர் கடனுக்கு 10.75 சதவீதத்தில் இருந்து வட்டி விகிதத்தை வழங்குகிறது.
மேலும், 4 வருட திருப்பிச் செலுத்தும் காலத்துடன் ரூ. 1 லட்சம் கடனுக்கான இ.எம்.ஐ. ரூ.2 ஆயிரத்து 572 ஆகும்.

பந்தன் வங்கி 
ரூ.1 லட்சம் தனிநபர் கடனுக்கு 9.47 சதவீதத்தில் தொடங்கி, 4 வருடங்கள் திருப்பிச் செலுத்தும் காலத்துடன் மலிவான வட்டி விகிதத்தை வழங்குகிறது. மாதம் இ.எம்.ஐ. ரூ. 2 ஆயிரத்து 592 ஆக இருக்கும்.

பஞ்சாப் நேஷனல் வங்கி

பொதுத்துறை வங்கியான பஞ்சாப் நேஷனல் வங்கி, தனிநபர் கடனுக்கு 12.4 சதவீதத்தில் இருந்து வட்டி விகிதத்தை வசூலிக்கிறது. இங்கு, 4 ஆண்டு திருப்பிச் செலுத்தும் காலத்துடன் ரூ.1-லட்சம் தனியார் கடனுக்கான இ.எம்.ஐ. ரூ. 2 ஆயிரத்து 653 ஆகும். 

பாரத ஸ்டேட் வங்கி

இந்தியாவின் மிகப்பெரிய வங்கியான பாரத ஸ்டேட் வங்கி தனிநபர் கடனுக்கான வட்டி விகிதத்தை 11.15 சதவீதத்திலிருந்து வசூலிக்கிறது. 4 வருட திருப்பிச் செலுத்தும் காலத்துடன் ரூ.1 லட்சம் கடனுக்கான இ.எம்.ஐ. ரூ.2 ஆயிரத்து 592 ஆகும்.

யெஸ் வங்கி

கோடக் மஹிந்திரா வங்கி மற்றும் யெஸ் வங்கி ஆகியவை தனிநபர் கடனுக்கு 10.99 சதவீத வட்டி விகிதத்தை விதிக்கின்றன.
யெஸ் வங்கியில், 4 வருட திருப்பிச் செலுத்தும் காலத்துடன் ரூ.1 லட்சம் கடனுக்கான இ.எம்.ஐ. ரூ.2 ஆயிரத்து 584 ஆகும்.

இண்டஸ்இந்த் வங்கி 

தனியார் துறை கடன் வழங்கும் இண்டஸ்இந்த் வங்கி  (IndusInd bank) தனிநபர் கடனுக்கான வட்டி விகிதத்தை 10.49 சதவீதத்திலிருந்து வழங்குகிறது. இங்கு 4 ஆண்டு திருப்பிச் செலுத்தும் காலத்துடன் ரூ.1 லட்சம் கடனுக்கான இஎம்ஐ ரூ.2 ஆயிரத்து 560 ஆகும்.

யூனியன் பேங்க் ஆஃப் இந்தியா

யூனியன் பேங்க் ஆஃப் இந்தியா தனிநபர் கடனுக்கு 11.75 சதவீதத்தில் இருந்து வட்டி விகிதத்தை விதிக்கிறது. இங்கு, 4 வருட திருப்பிச் செலுத்தும் காலத்துடன் ரூ.1 லட்சம் கடனுக்கான இ.எம்.ஐ. ரூ. 2 ஆயிரத்து 621 ஆகும்.

ஐ.சி.ஐ.சி.ஐ. வங்கி

தனியார் துறை கடன் வழங்கும் ஐசிஐசிஐ வங்கி, தனிநபர் கடனுக்கான வட்டி விகிதத்தை 10.8 சதவீதத்தில் இருந்து வசூலிக்கிறது.
இங்கு ஆண்டு திருப்பிச் செலுத்தும் காலத்துடன் ரூ. 1 லட்சம் கடனுக்கான இஎம்ஐ ரூ.2 ஆயிரத்து 575 ஆகும்.

பேங்க் ஆஃப் பரோடா
அரசு வங்கிகளான பேங்க் ஆஃப் பரோடா மற்றும் கனரா வங்கி தனிநபர் கடனுக்கான வட்டி விகிதத்தை 11.4 சதவீதத்திலிருந்து வழங்குகிறது.

இந்த வங்கிகளில் 4 வருட திருப்பிச் செலுத்தும் காலத்துடன் ரூ.1 லட்சம் கடனுக்கான இ.எம்.ஐ. ரூ. 2 ஆயிரத்து 604 ஆகும்.

இந்தத் தகவல் மார்ச் 20, 2024 அன்று அந்தந்த வங்கிகளின் இணையதளங்களில் இருந்து தரவு சேகரிக்கப்பட்டது ஆகும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

நடிகை ஸ்ருதிஹாசன் தனது காதலர் சாந்தனு ஹசாரிகாவுடன் ஒன்றாக வாழ்ந்து வந்த நிலையில், இவர்கள் இருவரும் டேட்டிங்கில் இருப்பதாக கூறி வந்தனர். ஆனால் தற்போது அவர்கள் இருவரும் பிரிந்துவிட்டதாக செய்திகள் வெளியாகி வருகிறது.

இந்திய சினிமாவின் முன்னணி நடிகையாக, உலக நாயகன் கமல்ஹாசனின் மகள் என்ற அடையாளத்துடன் சுற்றி வரும் ஸ்ருதிஹாசனுக்கு தற்போது தமிழில் அதிகமான பட வாய்ப்புகள் இல்லை என்றாலும், தெலுங்கு மற்றும் இந்தியில் பிஸியான நடிகையாக வலம் வருகிறார். சமீபத்தில் இவர் பிரபாஸ்க்கு ஜோடியாக நடித்து வெளியான சலார் பார்ட் 1 திரைப்படம் ரசிகர்கள் மத்தியில் நல்ல வரவேற்பை பெற்றிருந்தது.

தொடர்ந்து இந்த படத்தின் 2-ம் பாகம் விரைவில் வெளியாக உள்ள நிலையில், ஸ்ருதிஹாசன் கடந்த சில வருடங்களாக ஆர்டிஸ்ட் சாந்தனு ஹசாரிகாவை காதலித்து வந்தார். இவர்கள் இருவரும் ஒரே வீட்டில் தங்கி டேட்டிங்கில் இருப்பதாக கூறி வந்த நிலையில், அவ்வப்போது சமூக வலைதளங்களில் போட்டோஸ் வெளியிட்டு ரசிகர்களை குஷிப்படுத்தி வந்தனர். மேலும் அவ்வப்போது ரசிகர்களிடம் பேசி வரும் ஸ்ருதிஹாசன் அவர்களின் கேள்விகளுக்கு போல்டாக பதில் அளித்து ஆச்சரியப்பட வைத்தார்.

இதனிடையே சமீப காலமாக ஸ்ருதிஹாசன் தனது சமூகவலைதளத்தை பயன்படுத்தாமல் இருக்கிறார். இதன் காரணமாக ஸ்ருதியும் சாந்தனுவும் ஒரு மாதமாக பிரிந்து வாழ்வதாக சில வதந்திகள் பரவத்தொடங்கியது. இது குறித்து டைம்ஸ் ஆஃப் இந்தியா வெளியிட்டுள்ள செய்தியில், சில நாட்கள் இடைவெளிக்கு பின் மீண்டும் தனது சமூகவலைதள பக்கத்திற்கு திரும்பிய ஸ்ருதிஹாசன், "இது ஒரு பைத்தியக்காரத்தனமான பயணம். இதில் என்னைப் பற்றியும் மக்களைப் பற்றியும் நிறைய கற்றுக்கொண்டேன் என்று கூறியிருந்தார்.

அதன்பிறகு அவர் தொடர்ந்து தனது இன்ஸ்டாகிராம் பக்கத்தில் சுறுசுறுப்பாக ஆக்டீவாக இருந்தாலும்,அவரது பதிவுகளில் சாந்தனுவுடன் அவரது புகைப்படங்கள் ஒன்றுகூட பதிவிடவில்லை. மேலும் அவர்கள் இருவரும் இன்ஸ்டாகிராமில் ஒருவரையொருவர் பின்தொடரவில்லை. சில மாதங்களுக்கு முன்பு, ஓரி (ஓர்ஹான் அவத்ரமணி) ரெடிட்டில் சாந்தனுவை ஸ்ருதியின் கணவர் என்று குறிப்பிட்டார். இதனால் இருவரும் திருமணம் செய்து கொண்டதாக வதந்தி பரவியது.

ஆனால் இந்த தகவலை மறுத்த ஸ்ருதிஹாசன்,’’எனக்கு திருமணம் ஆகவில்லை. ஒவ்வொரு விஷயத்தையும் வெளிப்படையாகக் கூறும் நான், இதை நான் ஏன் மறைக்க வேண்டும்?  என்னை பற்றி அறியாதவர்கள், தயவுசெய்து அமைதியாக இருங்கள் என்று பதிவிட்டிருந்தது குறிப்பிடத்தக்கது.

சமீபத்தில் லோகேஷ் கனகராஜூடன் இணைந்து இனிமேல் என்ற ஆல்பம் பாடலில் நடித்த ஸ்ருதிஹாசன் தற்போது லோகேஷ் கனகராஜ் இயக்கத்தில் ரஜினிகாந்த் நடிக்க உள்ள கூலி படத்தில் நடிக்க உள்ளதாக தகவல்கள் வெளியாகி வருகிறது.

Optical illusion game: ஆப்டிகல் இல்யூஷன் படங்கள் ஒரு சுவாரசியமான விளையாட்டா நெட்டிசன்கள் மத்தியில் பிரபலமாக உள்ளது. சுவாரசியம் என்றால் நீங்கள் நினைத்துப் பார்க்க முடியாத அளவுக்கு சுவாரசியமானது. 

இந்த ஆப்டிகல் இல்யூஷன் சவாலைத் தீர்ப்பது என்பது ஜீனியஸ்களால் மட்டுமே சாத்தியம், இந்த படத்தில் தோட்டத்தில் மறைந்திருக்கும் கிளிகளை 5 வினாடிகளில் கண்டுபிடிக்க முடியுமா என்று சவால் விடப்படுகிறது. முயற்சி செய்துபாருங்கள், முடியாதது எதுவுமில்லை.

இந்த படம் Reddit சமூக வலைதளத்தில் வெளியாகி உள்ளது. இந்த படத்தை லாப நோக்கம் இல்லாமல் பொழுதுபோக்கிற்காக பயன்படுத்துகிறோம். இந்த ஆப்டிகல் இல்யூஷன் சவாலைத் தீர்ப்பது என்பது ஜீனியஸ்களால் மட்டுமே சாத்தியம், இந்த படத்தில் தோட்டத்தில் மறைந்திருக்கும் கிளிகளை 5 வினாடிகளில் கண்டுபிடிக்க முடியுமா என்று சவால் விடப்படுகிறது. 

நீங்கள் இந்நேரம் இந்த ஆப்டிகல் இல்யூஷன் படத்தில் கிளிகள் எங்கே இருக்கிறது என்று கண்டுபிடித்துவிட்டிருப்பீர்கள் என்று நம்புகிறோம். ஆப்டிகல் இல்யூஷன் சவால்களைத் தீர்ப்பதில் நீங்கள் ஜீனியஸ்தான். உங்களுக்கு பாராட்டுகள்.

ஒருவேளை, உங்களால் இன்னும் இந்த படத்தில் உள்ள கிளிகளைக்  கண்டுபிடிக்க முடியவில்லை என்றால் கவலைப்பட வேண்டாம். ஏனென்றால், இது மிகவும் கடினமான சவால். உங்களுக்காக இந்த படத்தில் கிளிகள் எங்கே இர்கிறது என்று வட்டமிட்டுக் காட்டுகிறோம் பாருங்கள்.

ஆப்டிகல் இல்யூஷன் படங்கள் வெறுமனே இணையப் பொழுதுபோக்கு புதிர் விளையாட்டுகளாக மட்டுமில்லாமல், கண்ணுக்கும் மூளைக்கும் பயிற்சி அளிக்கும் விளையாட்டுகளாக இருப்பதால் தமிழ் இந்தியன் எக்ஸ்பிரஸ் தளத்தில் நிறைய ஆப்டிகல் இல்யூஷன் படங்களைப் பார்த்து பயிற்சி செய்யுங்கள்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Optical illusion game: ஆப்டிகல் இல்யூஷன் படங்கள் சமீப காலமாக நெட்டிசன்களின் அடிக்‌ஷனாகி வருகிறது. நெட்டிசன்கள் அதன் சுவாரசியத்தில் மயங்கிப் போய் வெறித்தனமாகத் தேடி வருகிறார்கள். அது தனியாத வெறித்தனம். 

இந்த ஆப்டிகல் இல்யூஷன் படத்தில் பனிமலையில் உலவும் சிறுத்தையை 10 வினாடிகளில் கண்டுபிடிக்க முடியுமா என்று உங்கள் கூர்மையான பார்வைக்கு சவால்; அப்படி கண்டுபிடிச்சா நீங்க புத்திசாலி. ஏனென்றால், புத்திசாலிகளால் மட்டுமே சாத்தியம். முயற்சி செய்து பாருங்கள், முடியாதது எதுவுமில்லை.

ஆப்டிகல் இல்யூஷன் என்பது இணையத்தில் ஒரு சூறாவளியைப் போல வீசிக்கொண்டிருக்கிறது. சூறாவளி என்று சொல்வதைவிட சுனாமி போல தாக்கிக்கொண்டிருக்கிறது என்றே கூறலாம். ஆப்டிகல் இல்யூஷன் மனிதர்களின் பொதுவான பார்வைக் கோணம், ஒரு காட்சியை எப்படி பார்த்து உணர்ந்து புரிந்துகொள்கிறார்கள் என்ற அடிப்படையில் அமைக்கப்படுகிறது. இந்த ஆப்டிகல் இல்யூஷன் சவாலை ஒருமுறை ஏற்று கண்டுபிடித்துவிட்டீர்கள் என்றால் அதற்குப் பிறகு உங்களை யாராலும் இதில் இருந்து விலக்க முடியாது. இந்த ஆப்டிகல் இல்யூஷன் சவாலை ஏற்று ட்ரை பண்ணி பாருங்கள்.

இந்த படம் Satisfying என்ற முகநூல் பக்கத்தில் வெளியாகி உள்ளது. இந்த படத்தை லாப நோக்கமில்லாமல் பொழுதுபோக்கிற்காக பயன்படுத்துகிறோம். இந்த ஆப்டிகல் இல்யூஷன் படத்தில் பனிமலையில் உலவும் சிறுத்தையை 10 வினாடிகளில் கண்டுபிடிக்க முடியுமா என்று உங்கள் கூர்மையான பார்வைக்கு சவால்; அப்படி கண்டுபிடிச்சா நீங்க புத்திசாலி. ஏனென்றால், புத்திசாலிகளால் மட்டுமே சாத்தியம். முயற்சி செய்து பாருங்கள், முடியாதது எதுவுமில்லை.

நீங்கள் இந்நேரம் இந்த ஆப்டிகல் இல்யூஷன் படத்தில் பனிமலையில் உலவும் சிறுத்தையைக் கண்டுபிடித்து விட்டிருப்பீர்கள் என்று நம்புகிறோம். ஆப்டிகல் இல்யூஷன் சவால்களைத் தீர்ப்பதில் நீங்கள் புத்திசாலி. உங்களுக்கு பாராட்டுகள்.

ஆனால், பலரும் இந்த படத்தில் சிறுத்தை இல்லை என்று சத்தியம் செய்கிறார்கள். ஆனால், புத்திசாலிகள் எளிதாகக் கண்டுபிடித்துவிட்டதாகக் கூறுகிறார்கள். ஆனால், சிலர் சிறுத்தை எங்கே இருக்கிறது என்று கேட்கிறார்கள். அவர்களுக்காக இந்த படத்தில் சிறுத்தை எங்கே மறைந்திருக்கிறது என்று கண்டுபிடிக்க ஒரு குறிப்பு தருகிறோம். இந்த படத்தை ஜூம் செய்து கவனமாகப் பாருங்கள் சிறுத்தை சிக்கலாம். 

இப்போது நீங்கள் மிகவும் எளிதாக சிறுத்தையைக் கண்டுபிடித்துவிட்டிருப்பீர்கள் என்று நம்புகிறோம். ஆனால், சிறுத்தையைக் கண்டுபிடிக்காதவர்களுக்கு சிறுத்தை எங்கே இருக்கிறது என்று வட்டமிட்டுக் காட்டுகிறோம்.

ஆப்டிகல் இல்யூஷன் படங்கள் வெறுமனே இணையப் பொழுதுபோக்கு புதிர் விளையாட்டு மட்டுமில்லாமல், கண்ணுக்கும் மூளைக்கும் பயிற்சி அளிக்கும் விளையாட்டாக இருப்பதால் தமிழ் இந்தியன் எக்ஸ்பிரஸ் தளத்தில் நிறைய ஆப்டிகல் இல்யூஷன் படங்களைப் பார்த்து பயிற்சி செய்யுங்கள்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Share Market News Today | Sensex | Nifty | Share Prices | இந்தியப் பங்குச் சந்தை பெஞ்ச்மார்க் ஈக்விட்டி குறியீடுகள் வியாழக்கிழமை (ஏப்.25, 2024) வர்த்தக அமர்வை உயர்வில் நிறைவு செய்தன.

தேசிய பங்குச் சந்தை (NSE) நிஃப்டி-50 156 புள்ளிகள் அல்லது 0.70% உயர்ந்து 22,558.50 ஆகவும், மும்பை பங்குச் சந்தை (BSE) சென்செக்ஸ் 486.50 புள்ளிகள் அல்லது 0.66% முன்னேறி 74,339.44 ஆகவும் நிறைவடைந்தது.

பரந்த குறியீடுகள் ஏற்றத்தில் டப்பட்டன. பேங்க் நிஃப்டி குறியீடு 310.20 புள்ளிகள் அல்லது 0.64% குறைந்து 48,499.20 ஆக முடிந்தது.

பங்குகள் நிலவரம்

இன்றைய வர்த்தகத்தில், ஆக்சிஸ் வங்கி, ஸ்டேட் பாங்க் ஆஃப் இந்தியா, டாக்டர் ரெட்டிஸ் லேப், நெஸ்லே இந்தியா மற்றும் ஹீரோ மோட்டோகார்ப் ஆகியவை என்எஸ்இ நிஃப்டி 50 குறியீட்டில் அதிக லாபம் ஈட்டின.

கோடக் மஹிந்திரா வங்கி, எல்.டி.ஐ மைண்ட் ட்ரீ (LTIMindtree), டைட்டன் கம்பெனி, ஹிந்துஸ்தான் யூனிலீவர் மற்றும் பஜாஜ் ஃபைனான்ஸ் ஆகியவை மிகவும் பின்தங்கின.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

தமிழகத்தில் பொறியியல் கவுன்சலிங் விரைவில் தொடங்க உள்ள நிலையில், மெரிட் மேனேஜ்மெண்ட் கோட்டாவில் புதிதாக இணைந்த கல்லூரிகள் குறித்து இப்போது பார்ப்போம்.

தமிழகத்தில் அண்ணா பல்கலைக்கழகத்தின் கீழ் உள்ள பொறியியல் கல்லூரிகளுக்கு தமிழ்நாடு பொறியியல் சேர்க்கை மூலம் கலந்தாய்வு நடத்தி மாணவர் சேர்க்கை நடைபெறும். அதேநேரம் தனியார் பொறியியல் கல்லூரிகளில் மேனேஜ்மெண்ட் கோட்டாவிலும் சேர்க்கை பெறலாம்.

இந்த நிலையில், புதிதாக மெரிட் மேனேஜ்மெண்ட் கோட்டாவில் சேர்ந்துள்ள டாப் பொறியியல் கல்லூரிகள் குறித்து கல்வி ஆலோசகர் அஸ்வின் தனது யூடியூப் வீடியோவில் விளக்கியுள்ளார்.

தனியார் கல்லூரிகள் மேனேஜ்மெண்ட் கோட்டாவை நிரப்ப, பல்வேறு அளவுகோல்கள் வைத்திருந்தாலும், சில டாப் தனியார் கல்லூரிகள் மெரிட் அடிப்படையில் சேர்க்கை வழங்குகின்றன. இதன்படி, 12 ஆம் வகுப்பு மதிப்பெண், நுழைவுத் தேர்வு, நேர்முகத் தேர்வு அடிப்படையில் மாணவர் சேர்க்கை நடைபெறும்.

இந்த மெரிட் கோட்டாவில் புதிதாக சில டாப் கல்லூரிகள் இணைந்துள்ளன. அவற்றில் ஒன்று சென்னை பழைய மகாபலிபுரம் சாலையில் உள்ள செயிண்ட் ஜோசப் காலேஜ் ஆப் இன்ஜினியரிங். இந்தக் கல்லூரியில் தமிழ்நாடு தேர்வு வாரிய மாணவர்கள் 195க்கு மேல் கட் ஆஃப் எடுத்திருந்தால் 100% கல்வி கட்டண தள்ளுபடி வழங்கப்படுகிறது. 190க்கு மேல் கட் ஆஃப் எடுத்திருந்தால் 50% கல்வி கட்டண தள்ளுபடி வழங்கப்படுகிறது. 160க்கு மேல் எடுத்திருந்தால், சிவில் மற்றும் மெக்கானிக்கல் பிரிவுகளில் கல்வி கட்டண தள்ளுபடியுடன் சேர்க்கை வழங்கப்படுகிறது.

சி.பி.எஸ்.இ உள்ளிட்ட பிற தேர்வு வாரிய மாணவர்கள் 185க்கு மேல் கட் ஆஃப் எடுத்திருந்தால் 100% கல்வி கட்டண தள்ளுபடி வழங்கப்படுகிறது. 180க்கு மேல் கட் ஆஃப் எடுத்திருந்தால் 50% கல்வி கட்டண தள்ளுபடி வழங்கப்படுகிறது. 

அடுத்து கோயம்புத்தூரில் உள்ள பி.எஸ்.ஜி இன்ஸ்டிடியூட் ஆஃப் டெக்னாலஜி அண்ட் அப்ளைடு ரிசர்ச் கல்லூரி மற்றும் பி.எஸ்.ஜி காலேஜ் ஆஃப் டெக்னாலஜியில் மெரிட் மேனேஜ்மெண்ட் கோட்டாவில் சேர்க்கை வழங்கப்படுகிறது.

அடுத்து காஞ்சிபுரத்தில் உள்ள சவீதா இன்ஜினியரிங் காலேஜில் மெரிட் மேனேஜ்மெண்ட் கோட்டா மூலம் சேர்க்கை பெறலாம். இங்கு நுழைவு தேர்வு நடத்தப்படும்.

அடுத்து கோயம்புத்தூரில் உள்ள குமரகுரு காலேஜ் ஆஃப் டெக்னாலஜியில் மெரிட் மேனேஜ்மெண்ட் கோட்டா சேர்க்கை வழங்கப்படுகிறது. இங்கும் நுழைவுத் தேர்வு உண்டு.

அடுத்து கோயம்புத்தூரில் உள்ள ஸ்ரீ ஈஸ்வர் காலேஜ் ஆஃப் இன்ஜினியரிங் மெரிட் மேனேஜ்மெண்ட் வழங்குகிறது. இங்கு நுழைவுத் தேர்வு மற்றும் நேர்முகத் தேர்வு உள்ளது. 

அடுத்து சென்னையில் உள்ள சென்னை இன்ஸ்டிடியூட் ஆஃப் டெக்னாலஜி மெரிட் மேனேஜ்மெண்ட் கோட்டா நுழைவுத் தேர்வு மூலம் வழங்கப்படுகிறது.

அடுத்து செங்கல்பட்டில் உள்ள எஸ்.எஸ்.என் எனப்படும் ஸ்ரீ சிவசுப்ரமணிய நாடார் காலேஜ் ஆப் இன்ஜினியரிங்கில் மெரிட் மேனேஜ்மெண்ட் கோட்டாவில் சேர நுழைவு தேர்வு உண்டு.

அடுத்து வேலூர் இன்ஸ்டிடியூட் ஆஃப் டெக்னாலஜியில் மாவட்டத்திற்கு ஒரு அரசுப் பள்ளி மாணவர், ஒரு மாணவிக்கு கட்டணம் இல்லாமல் சேர்க்கை வழங்கப்படுகிறது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

IPL 2024 | Sunrisers Hyderabad | Royal Challengers Bangalore: 17-வது ஐ.பி.எல். (இந்தியன் பிரீமியர் லீக் - 2024) டி-20 கிரிக்கெட் திருவிழா இந்திய மண்ணில் கடந்த மார்ச் 22 தொடங்கி விறுவிறுப்பாக நடைபெற்று வருகிறது. இந்த தொடரில் இன்று (வியாழக்கிழமை) இரவு 7:30 மணிக்கு ஐதராபாத்தில் உள்ள ராஜீவ் காந்தி சர்வதேச ஸ்டேடியத்தில் அரங்கேறும் 41-வது லீக் ஆட்டத்தில் சன் ரைசர்ஸ் ஐதராபாத் - ராயல் சேலஞ்சர்ஸ் பெங்களூரு அணிகள் மோதுகின்றன.

ஆங்கிலத்தில் படிக்கவும்: SRH vs RCB Live Score, IPL 2024

பேட் கம்மின்ஸ் தலைமையிலான ஐதராபாத் அணி இதுவரை 7 ஆட்டங்களில் ஆடி 5 வெற்றி, 2 தோல்வி என 10 புள்ளிகளுடன் புள்ளிகள் பட்டியலில் 3-வது இடத்தில் உள்ளது. அந்த அணி முதல் 3 ஆட்டங்களில் 2-ல் தோல்வியை சந்தித்த நிலையில், அதன் பிறகு தொடர்ச்சியாக 4 ஆட்டங்களில் வெற்றியை ருசித்து எழுச்சி கண்டுள்ளது.

ஐ.பி.எல். வரலாற்றில் அதிக ரன் குவித்த அணி (பெங்களூருவுக்கு எதிராக 287 ரன்கள்) என்ற சாதனையை படைத்த ஐதராபாத் தொடர்ந்து ரன்வேட்டையில் மிரட்டுகிறது. நடப்பு தொடரில் 3 முறை 260 ரன்களுக்கு மேல் சேர்த்து பிரமிக்க வைத்துள்ள ஐதராபாத் அணியில் டிராவிஸ் ஹெட் (ஒரு சதம், 2 அரைசதம் உள்பட 324 ரன்), ஹென்ரிச் கிளாசென் (268), அபிஷேக் ஷர்மா (257) ஆகியோர் தரமான ஃபார்மில் உள்ளனர். பந்து வீச்சில் நடராஜன், கேப்டன் கம்மின்ஸ், மயங்க் மார்கண்டே வலுசேர்க்கிறார்கள்.

பாப் டு பிளிஸ்சிஸ் தலைமையிலான பெங்களூரு நடப்பு சீசனில் பெரும் பின்னடைவை சந்தித்துள்ளது. அந்த அணி இதுவரை ஆடியுள்ள 8 போட்டியில் ஒன்றில் மட்டுமே வென்று பட்டியலில் கடைசி இடத்தில் தள்ளாடி வருகிறது. இதனால் அந்த அணியின் அடுத்த சுற்று வாய்ப்பு குறைந்துவிட்டது. மீதமுள்ள 6 ஆட்டங்களிலும் முழுமையாக வெற்றி பெற்று, மற்ற ஆட்டங்களின் முடிவு மற்றும் ரன்ரேட் சாதகமாக அமைந்தால் மட்டுமே அந்த அணி அடுத்த சுற்று வாய்ப்பு குறித்து கொஞ்சமாவது நினைத்து பார்க்க முடியும். இன்றைய ஆட்டத்திலும் சறுக்கினால், கதை முடிந்து விடும்.

இந்த சீசனில் பேட்டிங்கில் ருத்ரதாண்டவம் ஆடி வரும் ஐதராபாத்தை பெங்களூரு சமாளிக்குமா? என்பது தான் ரசிகர்களின் கேள்வியாக உள்ளது. போட்டியில் உயிர்ப்புடன் இருக்க பெங்களூரு முடிந்தவரை போராடும். அதற்கு முட்டுக்கட்டை போட்டு, ரன் குவிப்பில் புதிய வரலாறு படைக்கும் எண்ணத்துடன்  ஐதராபாத் களமாடும். எனவே, இவ்விரு அணிகள் மோதும் இன்றைய ஆட்டத்தில் அனல் பறக்கும் என்பதில் சந்தேகமில்லை. 

நேருக்கு நேர்

ஐ.பி.எல் தொடரில் ஐதராபாத் - பெங்களூரு அணிகள் இதுவரை 23 முறை நேருக்கு நேர் மோதி இருக்கின்றன. இதில் ஐதராபாத் 13 ஆட்டத்திலும், பெங்களூரு 10 ஆட்டத்திலும் வெற்றி பெற்றுள்ளன.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

டி.என்.பி.எஸ்.சி குரூப் 4 தேர்வுக்கான அறிவிப்பை வெளியிட்டுள்ள நிலையில், என்னென்ன பதவிகள் உள்ளன? எத்தனை காலியிடங்கள் உள்ளன? என்பன உள்ளிட்ட தகவல்களை விரிவாக பார்ப்போம்.

தமிழ்நாடு அரசுப் பணியாளர் தேர்வாணையம் அமைச்சு பணிகள், வாரியங்கள், வனப் பணி மற்றும் பொதுத் துறை நிறுவனங்களில் காலியாக உள்ள நான்காம் நிலை பணியிடங்களை நிரப்புவதற்கான குரூப் 4 தேர்வை அறிவித்துள்ளது. மொத்தம் 6244 பணியிடங்கள் நிரப்பப்பட உள்ளன. 

கிராம நிர்வாக அலுவலர்

காலியிடங்களின் எண்ணிக்கை: 108

கல்வித் தகுதி: 10 ஆம் வகுப்பு தேர்ச்சி பெற்றிருக்க வேண்டும்.

சம்பளம்: ரூ. 19,500 – 71,900

இளநிலை உதவியாளர் (அமைச்சு பணி)

காலியிடங்களின் எண்ணிக்கை: 2486

கல்வித் தகுதி: 10 ஆம் வகுப்பு தேர்ச்சி பெற்றிருக்க வேண்டும்.

சம்பளம்: ரூ. 19,500 – 71,900

இளநிலை உதவியாளர் (பிற பணிகள்)

காலியிடங்களின் எண்ணிக்கை: 118

(தமிழ்நாடு மகளிர் மேம்பாட்டு நிறுவனம் – 10, வக்பு வாரியம் – 27, குடிநீர் வடிகால் வாரியம் – 49, சிறு தொழில் கழகம் – 15, பாடநூல் மற்றும் கல்வியியல் பணிகள் கழகம் – 7, மூலிகை மருந்து கழகம் - 10)

கல்வித் தகுதி: இளங்கலை பட்டம் பெற்றிருக்க வேண்டும். பாடநூல் மற்றும் கல்வியியல் பணிகள் கழகப் பணிகளுக்கு 10 ஆம் வகுப்பு தேர்ச்சி போதும்.

சம்பளம்: ரூ. 19,500 – 62,000

தட்டச்சர் (அமைச்சு பணி)

காலியிடங்களின் எண்ணிக்கை: 1653

கல்வித் தகுதி: 10 ஆம் வகுப்பு தேர்ச்சி பெற்றிருக்க வேண்டும். தட்டச்சு தெரிந்திருக்க வேண்டும்.

சம்பளம்: ரூ. 19,500 – 71,900

தட்டச்சர் (பிற பணிகள்)

காலியிடங்களின் எண்ணிக்கை: 52

(தமிழ்நாடு மகளிர் மேம்பாட்டு நிறுவனம் – 3, சிறு தொழில் கழகம் – 3, வாணிப கழகம் – 39, பாடநூல் மற்றும் கல்வியியல் பணிகள் கழகம் – 7)

கல்வித் தகுதி: 10 ஆம் வகுப்பு தேர்ச்சி பெற்றிருக்க வேண்டும். தட்டச்சு தெரிந்திருக்க வேண்டும்.

சம்பளம்: ரூ. 19,500 – 62,000 (வாணிப கழகம் ரூ. 19,500 – 71,900)

சுருக்கெழுத்து தட்டச்சர் (அமைச்சு பணி)

காலியிடங்களின் எண்ணிக்கை: 441

கல்வித் தகுதி: 10 ஆம் வகுப்பு தேர்ச்சி பெற்றிருக்க வேண்டும். சுருக்கெழுத்து தட்டச்சு தெரிந்திருக்க வேண்டும்.

சம்பளம்: ரூ. 20,600 – 75,900

சுருக்கெழுத்து தட்டச்சர் (பிற பணிகள்)

காலியிடங்களின் எண்ணிக்கை: 4

(தமிழ்நாடு மகளிர் மேம்பாட்டு நிறுவனம் – 2, பாடநூல் மற்றும் கல்வியியல் பணிகள் கழகம் – 2)

கல்வித் தகுதி: இளங்கலை பட்டம் பெற்றிருக்க வேண்டும். பாடநூல் மற்றும் கல்வியியல் பணிகள் கழகப் பணிகளுக்கு 10 ஆம் வகுப்பு தேர்ச்சி போதும். சுருக்கெழுத்து தட்டச்சு தெரிந்திருக்க வேண்டும்.

சம்பளம்: ரூ. 20,600 – 65,500 

நேர்முக உதவியாளர்

காலியிடங்களின் எண்ணிக்கை: 1
(தமிழ்நாடு மகளிர் மேம்பாட்டு நிறுவனம்)

கல்வித் தகுதி: இளங்கலை பட்டம் பெற்றிருக்க வேண்டும். சுருக்கெழுத்து தட்டச்சு தெரிந்திருக்க வேண்டும்.

சம்பளம்: ரூ. 20,600 – 65,500 

நேர்முக எழுத்தர்

காலியிடங்களின் எண்ணிக்கை: 2
(தமிழ்நாடு மகளிர் மேம்பாட்டு நிறுவனம்)

கல்வித் தகுதி: இளங்கலை பட்டம் பெற்றிருக்க வேண்டும். சுருக்கெழுத்து தட்டச்சு தெரிந்திருக்க வேண்டும்.

சம்பளம்: ரூ. 19,500 – 62,000 

தனிச் செயலாளர்

காலியிடங்களின் எண்ணிக்கை: 4
(தமிழ்நாடு பால் உற்பத்தியாளர்கள் கூட்டுறவு இணையம்)

கல்வித் தகுதி: இளங்கலை பட்டம் பெற்றிருக்க வேண்டும். சுருக்கெழுத்து தட்டச்சு தெரிந்திருக்க வேண்டும்.

சம்பளம்: ரூ. 20,600 – 65,500 

இளநிலை செயல் பணியாளர்

காலியிடங்களின் எண்ணிக்கை: 34
(தமிழ்நாடு பால் உற்பத்தியாளர்கள் கூட்டுறவு இணையம்)

கல்வித் தகுதி: இளங்கலை பட்டம் பெற்றிருக்க வேண்டும். கூட்டுறவு பயிற்சி பெற்றிருக்க வேண்டும்.

சம்பளம்: ரூ. 19,500 – 62,000

இளநிலை செயல் பணியாளர் (தட்டச்சு)

காலியிடங்களின் எண்ணிக்கை: 7
(தமிழ்நாடு பால் உற்பத்தியாளர்கள் கூட்டுறவு இணையம்)

கல்வித் தகுதி: இளங்கலை பட்டம் பெற்றிருக்க வேண்டும். தட்டச்சு தெரிந்திருக்க வேண்டும்.

சம்பளம்: ரூ. 19,500 – 62,000

வரவேற்பாளர் மற்றும் தொலைபேசி இயக்குபவர்

காலியிடங்களின் எண்ணிக்கை: 1
(தமிழ்நாடு மகளிர் மேம்பாட்டு நிறுவனம்)

கல்வித் தகுதி: 10 ஆம் வகுப்பு தேர்ச்சி பெற்றிருக்க வேண்டும். தொலைபேசி இயக்குவதில் சான்றிதழ் பட்டம் பெற்றிருக்க வேண்டும்.

சம்பளம்: ரூ. 19,500 – 62,000 

பால் அளவையாளர்

காலியிடங்களின் எண்ணிக்கை: 15
(தமிழ்நாடு பால் உற்பத்தியாளர்கள் கூட்டுறவு இணையம்)

கல்வித் தகுதி: இளங்கலை பட்டம் பெற்றிருக்க வேண்டும். கூட்டுறவு பயிற்சி பெற்றிருக்க வேண்டும்.

சம்பளம்: ரூ. 18,200 – 57,900

ஆய்வக உதவியாளர்

காலியிடங்களின் எண்ணிக்கை: 25
(தமிழ்நாடு தடய அறிவியல் சார்நிலைப் பணி)

கல்வித் தகுதி: 12 ஆம் வகுப்பில் அறிவியல் பாடங்கள் படித்து தேர்ச்சி பெற்றிருக்க வேண்டும். 

சம்பளம்: ரூ. 19,500 – 71,900

வரித்தண்டலர்

காலியிடங்களின் எண்ணிக்கை: 66

கல்வித் தகுதி: 10 ஆம் வகுப்பு தேர்ச்சி பெற்றிருக்க வேண்டும்.

சம்பளம்: ரூ. 19,500 – 71,900

முதுநிலை தொழிற்சாலை உதவியாளர்

காலியிடங்களின் எண்ணிக்கை: 49

கல்வித் தகுதி: 12 ஆம் வகுப்பு தேர்ச்சி பெற்றிருக்க வேண்டும். அல்லது 10 ஆம் வகுப்புடன் ஐ.டி.ஐ படித்திருக்க வேண்டும்.

சம்பளம்: ரூ. 15,900 – 50,400

வனக் காப்பாளர்

காலியிடங்களின் எண்ணிக்கை: 171

கல்வித் தகுதி: 12 ஆம் வகுப்பில் அறிவியல் பாடங்கள் படித்து தேர்ச்சி பெற்றிருக்க வேண்டும்.

சம்பளம்: ரூ. 18,200 – 57,900

ஓட்டுநர் உரிமத்துடன் கூடிய வனக் காப்பாளர்

காலியிடங்களின் எண்ணிக்கை: 192

கல்வித் தகுதி: 12 ஆம் வகுப்பில் அறிவியல் பாடங்கள் படித்து தேர்ச்சி பெற்றிருக்க வேண்டும்.

சம்பளம்: ரூ. 18,200 – 57,900

வனக் காவலர்

காலியிடங்களின் எண்ணிக்கை: 526

கல்வித் தகுதி: 10 ஆம் வகுப்பு தேர்ச்சி பெற்றிருக்க வேண்டும்.

சம்பளம்: ரூ. 16,600 – 52,400

வனக் காவலர் (பழங்குடியின இளைஞர்)

காலியிடங்களின் எண்ணிக்கை: 288

கல்வித் தகுதி: 10 ஆம் வகுப்பு தேர்ச்சி பெற்றிருக்க வேண்டும்.

சம்பளம்: ரூ. 16,600 – 52,400

கூட்டுறவு சங்கங்களின் இளநிலை ஆய்வாளர்

காலியிடங்களின் எண்ணிக்கை: 1

கல்வித் தகுதி: 10 ஆம் வகுப்பு தேர்ச்சி பெற்றிருக்க வேண்டும்.

சம்பளம்: ரூ. 20,600 – 75,900

தேர்வு முறை: தேர்வு இரண்டு பகுதிகளாக நடைபெறும். முதல் பகுதி கட்டாய தமிழ் மொழித் தகுதித் தேர்வு. இது 100 மதிப்பெண்களுக்கு நடைபெறும். இரண்டாம் பகுதியில் பொது அறிவில் 75 கேள்விகளும், திறனறி பகுதியில் 25 கேள்விகளும் இடம்பெறும். தேர்வு நடைபெறும் நாள்: 09.06.2024

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

திருட்டு சம்பவம் தொடர்பான போலீசார் விசாரித்ததால் கடுமையான மன உளைச்சலில் இருந்த சினிமா தயாரிப்பாளர் கே.இ.ஞானவேல்ராஜா வீட்டு பணிப்பெண் தற்கொலைக்கு முயன்றுள்ள சம்பவம் சினிமா வட்டாரத்தில் பெரும் பரபரப்பை ஏற்படுத்தியுள்ளது.

தமிழ் சினிமாவில் முன்னணி தயாரிப்பு நிறுவனங்களில் ஒன்று ஸ்டூடியோகிரீன். இந்த நிறுவனத்தின் மூலம் பல வெற்றிப்படங்களை தயாரித்த தயாரிப்பாளர் கே.இ.ஞானவேல்ராஜா, நடிகர் சூர்யாவின் உறவினர் ஆவார். தற்போது சூர்யா நடிப்பில் தயாராகி வரும் கங்குவா படத்தை தயாரித்துள்ள இவர், விக்ரம் நடிப்பில் பா.ரஞ்சித் இயக்கியுள்ள தங்கலான் படத்தையும் தாயரித்துள்ளார்.

தங்கலான் படம் விரைவில் வெளியாக உள்ள நிலையில், கங்குவா படத்திற்கு பெரிய எதிர்பார்ப்பு ஏற்பட்டுள்ளது. இதனிடையே கடந்த சில தினங்களுக்கு முன்பு தனது வீட்டில், நகைகள் திருடு போனதால் ஞானவேல்ராஜா சென்னை மாம்பலம் காவல்நிலையத்தில் புகார் அளித்திருந்தார். இது குறித்து விசாரணை மேற்கொண்ட போலீசார், ஞானவெல்ராஜா வீட்டு பணிப்பெண் லட்சுமி என்பவரிடம் விசாரணை நடத்தியுள்ளனர்.

இந்த விசாரணையில் அவர் தான் நகையை எடுக்கவில்லை என்றும், விசாரணைக்கு அழைக்கும்போது வர வேண்டும் என்று போலீசார் எழுதி வாங்கிக்கொண்டு சென்றதாகவும் கூறப்படுகிறது. போலீசார் விசாரணை நடத்தியதால் மனஉளைச்சலில் இருந்த பணிப்பெண் லட்சுமி, இன்று விஷம் குடித்து தற்கொலைக்கு முயன்றுள்ளார். இதனை பார்த்த அவரது குடும்பத்தினர் அவரை மீட்டு சென்னை ராயப்பேட்டை அரசு மருத்துவமனையில் அனுமதித்துள்ளனர்.

மருத்துவமனையில் லட்சுமிக்கு தீவிர சிகிச்சை அளிக்கப்பட்டு வரும் நிலையில், இது குறித்து போலீசார் விசாரணை நடத்தி வருகின்றனர். ஞானவேல்ராஜா வீட்டில் நகை திருடுபோனது, பணிப்பெண் தற்கொலைக்கு முயன்றது என இந்த இரு சம்பவங்களும் தமிழ் சினிமா வட்டாரத்தில் பரபரப்பை ஏற்படுத்தியுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

க.சண்முகவடிவேல்

Trichy: திருச்சி  நீதிமன்றம் அருகே மாநகராட்சி தொடக்கப்பள்ளி ஒன்று செயல்பட்டு வருகின்றது. இங்கு 100-க்கும் மேற்பட்ட சிறுவர்-சிறுமிகள் பயின்று வருகின்றனர். இந்த பள்ளியின் தலைமை ஆசிரியராக இருக்கும் அம்சவல்லி மற்றும் பள்ளி ஊழியர்கள் நேற்று புதன்கிழமை மாலை வழக்கம்போல் பள்ளியை பூட்டி விட்டு வீடு சென்றனர்.

இந்த நிலையில், இன்று காலை வழக்கமாக பள்ளியை திறக்க வாட்ச்மேன் வந்து பார்த்தபோது பள்ளியின் பூட்டு உடைக்கப்பட்டிருந்தது. இதனைக் கண்டு அதிர்ச்சியடைந்த அவர் இதுகுறித்து தலைமை ஆசிரியருக்கு தகவல் கொடுத்தார். இதன் பின்னர், தலைமை ஆசிரியை பள்ளிக்கு வந்து உள்ளே சென்று பார்த்தபோது, தலைமை ஆசிரியை அறையில் பீரோக்கள் உடைக்கப்பட்டிருந்தது. 

பீரோவில் இருந்த ரூ. 25 ஆயிரம் ரொக்கம் மற்றும் சிறுவர் சிறுமியரின் விளையாட்டு பொருட்கள், மின் விசிறிகள் திருடப்பட்டு இருந்தன. நூலகத்திலும் பொருட்கள் சிதறி கிடந்தன. இதுகுறித்து தலைமை ஆசிரியை அம்சவல்லி திருச்சி அரசு பொதுமருத்துவமனை வளாகத்தில் உள்ள காவல் நிலையத்தில் புகார் கொடுத்தார். அதன்பேரில் போலீஸார் விரைந்து வந்து தீவிர விசாரனை நடத்தி அப்பகுதியில் உள்ள சி.சி.டி.வி கேமராக்களை ஆய்வு செய்து வருகின்றனர்.

பள்ளியின் வாசலில் இரவு நேரங்களில் சில சமூக விரோத கும்பல்கள் அங்கே அமர்வதும், மது அருந்துவதும் அவ்வப்போது நடைபெற்று வருவதாகவும், இதுகுறித்து ஏற்கனவே பள்ளி சார்பிலும், அப்பகுதியினர் சார்பிலும் காவல் நிலையத்தில் புகார் கொடுத்திருந்த நிலையில், இன்று பூட்டு உடைக்கப்பட்டு பொருட்கள் கொள்ளையடிக்கப்பட்டிருக்கும் சம்பவம் அப்பகுதியில் பெரும் பரபரப்பை ஏற்படுத்தியிருக்கின்றது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

Coimbatore | கோவை வெள்ளியங்கிரி மலையில் இருந்து வரும் நீரை நானா நானி என்ற முதியோர்கள் வசிக்கும் குடியிருப்பின் பயன்பாட்டிற்காக விதிமீறல் செய்து முறைகேடாக எடுத்து செல்வதாகவும், இது குறித்து குடியிருப்பு தரப்பில் அளிக்கப்பட்டுள்ள கடிதத்தின் உண்மை நிலை அறிக்கையை மாவட்ட ஆட்சியர் தர வேண்டி ஆட்சியரிடம் புதுக்காட்டு வாய்க்கால் நீர் பாசன விவசாயிகள் நல சங்கத்தினர் மனு அளித்தனர்.

இது குறித்து பேசிய  புதுக்காட்டு வாய்க்கால் நீர் பாசன விவசாயிகள் நல சங்க விவசாயிகள் , 2019ம் ஆண்டு நானா நானி என்ற கட்டுமான நிறுவனத்தின் விவசாய நிலத்துக்கு நீர் கொண்டு வர வெள்ளியங்கிரி அடிவாரத்தில் கிணறு வெட்டி நீர் கொண்டு செல்ல அவர்கள் அனுமதி வாங்கி இருந்தனர்.
அப்போதே அந்த அனுமதி தவறு என கூறி உயர் நீதிமன்றத்தில் தாங்கள் வழக்கு தொடர்ந்தோம்.  அந்த வழக்கு தங்களுக்கு சாதகமாக வந்து, அவர்கள் போட்டுள்ள  பைப் லைன்களை  எடுக்க நீதிமன்றம் கூறியது.

பின்னர் குடியிருப்பின் உரிமையாளர்  போலி கடிதம் ஒன்றை தாசில்தாரிடம் அளித்ததாக நீதிமன்றத்தில் அளித்தனர்.
இந்நிலையில் அந்த கடிதத்தின் உண்மை அறிக்கையை அளிக்குமாறு மாவட்ட ஆட்சியரிடம் மனு அளித்துள்ளதாக கூறினர். 
மேலும், அவர்களின் இந்த செயலால்  அப்பகுதி விவசாயிகள் அனைவரும் பாதிக்கப்படுவோம் எனவும் மக்களுக்கும் குடிநீர் இன்றி தவிப்பார்கள் எனவும் கூறினர்.

நொய்யல் ஆற்றங்கரை ஓரமாகவே கிணறு வெட்டி போர்வேல் போட்டுள்ளார்கள் எனவும் அதற்கான அனுமதியெல்லாம் விதிமுறைகளுக்கு முரணாக பெற்றுள்ளதாக குற்றம் சாட்டினர்.
தொடர்ந்து, அப்பகுதியில் பைப் லைன் போடுவதற்கு விவசாயிகளுக்கே அனுமதி வழங்கப்படுவதில்லை என்ற நிலையில் இவர் விவசாயி என்று கூறி அனுமதி பெற்று பைப் லைன் போட்டுள்ளதாக தெரிவித்தனர்.

இதனை ரத்து செய்ய வேண்டும் என நீதிமன்றம் உத்தரவு அளித்துள்ளதாகவும் அந்த உத்தரவின் மீது அவர் அப்பீல் செய்துள்ளார் எனவும் இந்நிலையில் மாவட்ட ஆட்சியர் உண்மை அறிக்கை தருவதாக கூறியுள்ளார் என கூறினர். 
குடியிருப்பிற்காக நொய்யல் ஆற்றை கடந்து 8 இஞ்ச் பைப் போட்டுள்ளார்கள் எனவும் விவசாயிகளுக்கே 2 இஞ்ச் பைப் தான் அனுமதி அளிக்கப்படுகிறது எனவும் தெரிவித்தனர். 

இது குறித்து மாவட்ட ஆட்சியரிடம் கடிதம் அளித்துள்ளதாக அவர்கள் கூறுகிறார்கள், ஆனால் மாவட்ட ஆட்சியர் அவ்வாறு எந்த கடிதமும் வரவில்லை என்கிறார் என தெரிவித்தனர்.
அவரது குடியிருப்புகளுக்கு தண்ணீர் கொண்டு செல்வதற்காக ஆற்றை ஒட்டி கிணறு வெட்டி நீர் எடுப்பதாகவும் இதன் மூலம் சுமார் 4000 ஏக்கர் பாசன விவசாய நிலங்கள் பாதிக்கப்படும் எனவும் அங்கு நிலத்தடி நீரும் போய்விடும் என கூறினர்.

செய்தியாளர் பி ரஹ்மான்

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“