2ஜி அலைக்கற்றை ஊழல் வழக்கில் உச்ச நீதிமன்றத்தின் 2012 தீர்ப்பை மாற்றியமைக்க அட்டர்னி ஜெனரல் ஆர் வெங்கடரமணி, ஏப்ரல் 22 (திங்கள் கிழமை) அன்று உச்ச நீதிமன்றத்தில் மனுத்தாக்கல் செய்துள்ளார்.

2012 ஆம் ஆண்டு உச்ச நீதிமன்றம் பரிந்துரைத்த ஏலத்தின் மூலம் 2ஜி ஸ்பெக்ட்ரம் உரிமங்களை வழங்குவதற்கு மாறாக, நிர்வாக செயல்முறை மூலம் 2ஜி அலைக்கற்றை உரிமங்களை வழங்க முடியுமா என்பதை தெளிவுபடுத்துமாறு மத்திய அரசு கேட்கிறது.

2ஜி ஊழல் வழக்கு என்ன? உச்ச நீதிமன்றத்தின் தீர்ப்பில் மாற்றம் செய்ய மத்திய அரசு ஏன் கோருகிறது?

2008 ஆம் ஆண்டில், அப்போதைய தொலைத்தொடர்பு அமைச்சர் ஏ. ராஜாவின் கீழ், தொலைத்தொடர்புத் துறை (DoT) குறிப்பிட்ட தொலைத்தொடர்பு ஆபரேட்டர்களுக்கு 2ஜி ஸ்பெக்ட்ரம் உரிமங்களை முதல் மற்றும் முதல் சேவை அடிப்படையில் வழங்கியது.

விண்ணப்பங்களுக்கான கட்-ஆஃப் தேதி அக்டோபர் 1 முதல் செப்டம்பர் 25 வரை கொண்டு வரப்பட்டு, தனியார் தொலைத்தொடர்பு நிறுவனங்களுக்கு 122 உரிமங்கள் வழங்கப்பட்டன.

2009 ஆம் ஆண்டு, உரிமம் வழங்குவதில் முறைகேடுகள் நடந்ததாகக் கூறப்படும் புகார்களை விசாரிக்க சிபிஐக்கு மத்திய விஜிலென்ஸ் ஆணையம் உத்தரவிட்டது.

இதைத் தொடர்ந்து, டிஓடி, தனியார் நபர்கள் மற்றும் நிறுவனங்களின் தெரியாத அதிகாரிகள் மீது சிபிஐ முதல் தகவல் அறிக்கையை பதிவு செய்தது.

இதற்கிடையில், 2008ல் தொலைத்தொடர்பு உரிமம் வழங்கியதில் ரூ.70 ஆயிரம் கோடி ஊழல் நடந்ததாகக் கூறி, பொதுநல வழக்குகளுக்கான மையம் மற்றும் சுப்பிரமணியன் சுவாமி ஆகியோர் உச்ச நீதிமன்றத்தில் மனு தாக்கல் செய்தனர்.

2010 ஆம் ஆண்டில், இந்திய பொதுத் தணிக்கையாளர் (சிஏஜி) இந்த ஒதுக்கீட்டால் பொதுக் கருவூலத்திற்கு ரூ.1.76 லட்சம் கோடி இழப்பு ஏற்பட்டதாகக் கூறி அறிக்கை தாக்கல் செய்தது.

ராஜா சிறிது நேரத்தில் ராஜினாமா

2011 ஆம் ஆண்டு சிபிஐ தனது முதல் குற்றப்பத்திரிகையை தாக்கல் செய்தது. அதில் ராஜா குற்றம் சாட்டப்பட்டார்.
2012 பிப்ரவரி மாதம், ராஜா பதவியில் இருந்தபோது வழங்கப்பட்ட 122 உரிமங்களை உச்ச நீதிமன்றம் ரத்து செய்தது.

குறிப்பிட்ட தனியார் தொலைத்தொடர்பு ஆபரேட்டர்களுக்கு பயனளிக்கும் வகையில், 2001ம் ஆண்டு விலையை அடிப்படையாகக் கொண்டு ராஜா 2008ல் உரிமங்களை ஒதுக்கீடு செய்ததாக நீதிமன்றம் கண்டறிந்தது.

பொதுச் சொத்துக்களை ஒதுக்கீடு செய்யும் போது முதலில் வருபவருக்கு முதலில் சேவை என்பது போன்ற முறைகளைப் பயன்படுத்துவது "அதிகபட்ச நிதிப் பலனைப் பெறுவதில் மட்டுமே ஆர்வமுள்ள நேர்மையற்ற நபர்களால் தவறாகப் பயன்படுத்தப்பட வாய்ப்புள்ளது" என்றும் அது கண்டறிந்துள்ளது.

அதற்குப் பதிலாக, "தகுதியுள்ள அனைத்து நபர்களும் செயல்பாட்டில் பங்கேற்கும் வகையில், அதிக விளம்பரம் கொடுத்து ஏலம் கொடுக்கும் முறையை கடைப்பிடிக்க வேண்டிய கடமை அரசுக்கு உள்ளது" என்று நீதிமன்றம் கூறியது.

மத்திய அரசின் தற்போதைய மனு

2ஜி ஊழல் தீர்ப்புக்குப் பிறகு, வழக்கமான ஏலம் மூலம் அலைக்கற்றை ஒதுக்கீடு நடைபெற்றதாக மத்திய அரசு தெரிவித்துள்ளது.

இருப்பினும், அலைக்கற்றை ஒதுக்கீடு என்பது வணிக தொலைத்தொடர்பு சேவைகளுக்கு மட்டுப்படுத்தப்படவில்லை மற்றும் "பாதுகாப்பு, பேரிடர் முன்னெச்சரிக்கை போன்ற பொது நலன் செயல்பாடுகளுக்கும்" அவசியமானது என்ற கருத்தை எழுப்பியுள்ளது.

மேலும், ஏலங்கள் "தொழில்நுட்ப ரீதியாகவோ அல்லது பொருளாதார ரீதியாக விரும்பத்தக்கதாகவோ அல்லது உகந்ததாகவோ" இல்லாத சில சூழ்நிலைகள் உள்ளன. அதாவது ஒரு முறை அல்லது அவ்வப்போது பயன்படுத்தப்படும் சூழ்நிலைகள் உள்ளன என்று  மத்திய அரசு வாதிட்டது.

2012 ஆம் ஆண்டு பரிந்துரைக்கப்பட்ட ஏல முறையானது "அரசியலமைப்புக் கொள்கை" அல்ல என்றும், "அனைத்து இயற்கை வளங்களுக்கும் பொருந்தக்கூடிய முழுமையான அறிக்கையாக" கருதப்படக்கூடாது என்றும் செப்டம்பர் 2012 இல் உச்ச நீதிமன்றத்தின் தெளிவுபடுத்தலையும் மனுவில் குறிப்பிடுகிறது.

"இதுபோன்ற விஷயங்களுக்கான நிர்வாகத்தின் ஆணையையும் ஞானத்தையும் மதிக்கிறது" என்று நீதிமன்றம் தெளிவுபடுத்தியது.

இந்த முடிவைக் குறிப்பிட்டு, பொது அல்லது தொழில்நுட்ப மற்றும் பொருளாதார காரணங்களுக்காக, எதிர்காலத்தில் 2ஜி அலைக்கற்றையை நிர்வாகச் செயல்பாட்டின் மூலம் ஒதுக்க முடியுமா என்பது குறித்து தெளிவுபடுத்துமாறு மத்திய அரசு கேட்டுள்ளது.

ஆங்கிலத்தில் வாசிக்க: Why Centre filed an application to modify 2G spectrum scam judgement

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

தமிழ் சினிமாவின் முன்னணி நடிகராக வலம் வரும் நடிகர் அஜித் குமார் - ஷாலினி தம்பதியரின் 24-ம் ஆண்டு திருமண நாளில், அவர்களுக்கு ரசிகர்கள் சமூக வலைதளங்களில் வாழ்த்து தெரிவித்து ட்ரெண்டிங் செய்து கொண்டாடினர். இதனிடையே, அஜித் - ஷாலினி திருமண நாள் கொண்டாட்ட புகைப்படங்கள் வெளியாகி வைரலாகி வருகிறது.

தமிழ் சினிமா உலகில் நடிகர் அஜித் குமார் - ஷாலினி ஜோடி தங்கள் திருமண வாழ்க்கையில் வெற்றிகரமான தம்பதியராக திகழ்கின்றனர். அஜித்தும், ஷாலினியும் கடந்த 2000-ம் ஆண்டு காதலித்து திருமணம் செய்துகொண்டார்கள். அஜித் - ஷாலினிக்கு அனௌஷ்கா என்ற மகளும், ஆத்விக் என்ற மகனும் இருக்கிறார்கள். ஷாலினி திருமணத்துக்குப் பிறகு, சினிமாவில் இருந்து ஒதுங்கிக்கொண்டார். அஜித் இப்போது இயக்குனர் மகிழ் திருமேனி இயக்கத்தில் விடாமுயற்சி படத்தில் நடித்துவருகிறார். அடுத்து, குட் பேட் அக்லி படத்தில் நடிக்க உள்ளார். 

இந்நிலையில், அஜித்தும் ஷாலினியும் இன்று (24.04.2024) தங்களது 24ஆவது திருமண நாளை கொண்டாடுகிறார்கள். சரண் இயக்கத்தில் அமர்க்களம் படத்தில் அஜித்தும், ஷாலினியும் இணைந்து நடித்தனர். அந்தப் படத்தில் நடித்தபோது இருவருக்கும் இடையே காதல் மலர்ந்து இருவீட்டார் சம்மதத்துடன் திருமணம் செய்துகொண்டனர். தமிழ் சினிமா உலகின் வெற்றிகரமான ஜோடியாக அஜித்தும், ஷாலினியும் தங்களுடைய 24-வது ஆண்டு திருமண நாளைக் கொண்டாடி வருகிறார்கள்.

அஜித் - ஷாலின் தம்பதியருக்கு திரையுலக பிரபலங்களும், ரசிகர்களும் வாழ்த்து மழைப் பொழிந்து வருகிறார்கள். ரசிகர்கள், அஜித்குமார்ஷாலினி திருமணநாள் வாழ்த்துகளை சமூக வலைதளங்களில் பதிவிட்டு ட்ரெண்டிங் செய்து அஜித் - ஷாலினி திருமண நாளைக் கொண்டாடினர். அதெ நேரத்தில், அஜித் - ஷாலினி இருவரும் தங்கள் திருமண நாளைக் கொண்டாடிய புகைப்படங்கள் சமூக வலைதளங்களில் வைரலாகி வருகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

கோவை, தீத்திபாளையம் அரசு பள்ளி மாணவர்கள் மூன்று பேர் பெருமாள் கோவில் பதியில் உள்ள முண்டந்துறை தடுப்பணியில் குளிக்கச் சென்ற போது நீச்சல் தெரியாமல் உயிரிழந்த சம்பவம் அப்பகுதியில் சோகத்தை ஏற்படுத்தி உள்ளது.

கோவை, காருண்யா நகர் காவல் நிலைய சரகம் பெருமாள் கோவில்பதி  கிராமம் முண்டாந்துறை ஆறு தடுப்பணையில் குளிப்பதற்காக பச்சாபாளையம் திருவள்ளுவர் காலனியைச் சேர்ந்த தீத்திபாளையம் அரசு மேல் நிலைப் பள்ளி 12 ஆம் வகுப்பு மாணவர்கள்  1)பிரவீன்  2) கவின்  3) தக்க்ஷன்  மற்றும் சஞ்சய்  ஆகிய 4 பேரும் சென்று குளித்து உள்ளனர். 40 அடி ஆழம் உள்ள தடுப்பணையில் தற்போது 15 அடி நீர் உள்ளது.
இதில் நீச்சல் தெரியாமல் பிரவீன், கவின், தக்ஷன் ஆகிய 3 பேரும் நீரில் மூழ்கி இறந்து உள்ளனர்.  இது குறித்து காருண்யா நகர் காவல் துறை மற்றும் தீயணைப்பு, மீட்பு துறையினருக்கு  தகவல் தெரிவிக்கப்பட்டது.  

சம்பவ இடத்திற்கு வந்த காவல்துறை மற்றும் தீயணைப்புத் துறையினர் 3 பேரின் உடல்களை மீட்டு ஆம்புலன்ஸ் மூலமாக கோவை அரசு மருத்துவமனைக்கு உடல் கூறு ஆய்வுக்காக அனுப்பி வைக்கப்பட்டது.  

இதுகுறித்து காருண்யா நகர் காவல் துறையினர் வழக்கு பதிவு செய்து விசாரணை மேற்கொண்டு வருகின்றனர்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Tnpsc | குரூப்-1, குரூப்-2, குரூப்-2A, குரூப்-4 உள்ளிட்ட தேர்வுகளுக்கான அறிவிப்பை தமிழ்நாடு அரசு பணியாளர் தேர்வாணையம் இன்று (ஏப்.24,2024) வெளியிட்டுள்ளது.

அதன்படி, துணை ஆட்சியர், டி.எஸ்.பி. உள்ளிட்ட பதவிகளுக்கான 90 காலிப் பணியிடங்களுக்கான குரூப் 1 முதல்நிலை தேர்வு ஜூலை 13ம் தேதி நடைபெறுகிறது.

தொடர்ந்து, இந்து சமய அறநிலையத்துறையில் உதவி ஆணையர், மாவட்ட கல்வி அதிகாரி பதவிகளில் 29 காலிப் பணியிடங்களுக்கான குரூப் 1B, 1C தேர்வு ஜூலை 12ம் தேதி நடக்கும்.
அதேபோல், 6244 காலிப் பணியிடங்களை நிரப்புவதற்கான குரூப் 4 தேர்வு, ஜூன் 9ம் தேதி நடைபெறும் என டி.என்.பி.எஸ்.சி தெரிவித்துள்ளது.

மேலும், 2030 காலிப் பணியிடங்களுக்கான குரூப்2 மற்றும் 2ஏ முதல்நிலை தேர்வு செப்டம்பர் 28ஆம் தேதி நடைபெறுகிறது.
இது தொடர்பான முழுமையான தகவல்கள் டி.என்.பி.எஸ்.சி. இணைய தளத்தில் தெரிவிக்கப்பட்டுள்ளன.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

சுவை, ஆரோக்கியமான சுண்டைக்காய் துவையல் செய்வது குறித்து இங்கு பார்ப்போம். சுண்டைக்காய் பசியை தூண்டும் சாப்பிட அடம்பிடிக்கும் குழந்தைகளுக்கு கொடுக்கலாம். அதோடு செரிமான பிரச்சனை,  வயிற்று மந்தம் , வயிற்றுக் கோளாறு உள்ளிட்டவைகளுக்கும் இது மருந்தாக இருக்கும். 

தேவையான பொருட்கள் 

இளம் சுண்டைக்காய் – 1 கப்
எண்ணெய் – 2 டேபிள் ஸ்பூன்
தேங்காய்த்துருவல் – 3 டேபிள் ஸ்பூன்
உளுந்தம்பருப்பு – 2 டேபிள் ஸ்பூன்
வரமிளகாய் – 2
உப்பு – தேவைக்கு ஏற்ப
பெருங்காயம் – 1/2 டீஸ்பூன்

செய்முறை 

கடாயில் 1 டீஸ்பூன் எண்ணெய் ஊற்றி வரமிளகாய், உளுந்தம்பருப்பு, பெருங்காயம் இவற்றை வறுத்து மிக்ஸியில் அரைத்து பொடியாக்கவும். அதே கடாயில் மீதியுள்ள எண்ணெயை ஊற்றி சுண்டைக்காயை முழுதாக அப்படியே வதக்கவும். நன்றாக வதங்கியதும் அடுப்பை ஆப் செய்துவிடவும். பொடி செய்த பொருட்களுடன் தேங்காய்த் துருவல் சேர்த்து மீண்டும் ஒரு சுற்று சுற்றிப்பிறகு வதக்கிய சுண்டைக்காயைச் சேர்த்து உப்பு சேர்த்து சிறிதளவு நீர் ஊற்றி கெட்டியாக அரைக்கவும். அவ்வளவு தான் சுவையான, சத்தான சுண்டைக்காய் துவையல் ரெடி.

கரூரில் நடைபெற்ற குடிமராமத்து பணிகளை தடுத்ததாகவும், அரசு அதிகாரிகளை பணி செய்ய விடாமல் தடுத்ததாகவும் பதிவு செய்யப்பட்ட வழக்கில், அ.தி.மு.க முன்னாள் அமைச்சர் எம்.ஆர். விஜயபாஸ்கருக்கு சென்னை உயர் நீதிமன்றம் நிபந்தனையுடன் கூடிய முன் ஜாமீன் வழங்கி உத்தரவிட்டுள்ளது.

கரூரில் நடைபெற்ற குடிமராமத்து பணிகளை தடுத்ததாகவும், அரசு அதிகாரிகளை பணி செய்ய விடாமல் தடுத்ததாகவும் பதிவு செய்யப்பட்ட வழக்கில், முன்னாள் அமைச்சர் எம்.ஆர்.விஜயபாஸ்கர், முன் ஜாமின் கோரி சென்னை உயர் நீதிமன்றத்தில் மனுத்தாக்கல் செய்திருந்தார். 

இந்த வழக்கு கடந்த முறை விசாரணைக்கு வந்தபோது, 2022-ம் ஆண்டு முதல் முன்னாள் அமைச்சர் எம்.ஆர். விஜயபாஸ்கர் மீது நிலுவையில் உள்ள வழக்குகள் மற்றும் அதன் தற்போதைய நிலை பற்றி பதிலளிக்க காவல்துறைக்கு நீதிபதிகள் உத்தரவிட்டனர். 

இதைத் தொடர்ந்து, இந்த வழக்கு சென்னை உயர் நீதிமன்றத்தில் நீதிபதி ஜி.ஜெயச்சந்திரன் முன்பு மீண்டும் இன்று (24.04.20240 விசாரணைக்கு வந்தது. அப்போது காவல்துறை தரப்பில், முன்னாள் அமைச்சர் எம்.ஆர். விஜயபாஸ்கர் மீது 23 வழக்குகள் நிலுவையில் இருப்பதாகவும், அதில் சில வழக்குகள் ரத்து செய்யப்பட்டுவிட்டதாகவும், சில வழக்குகளின் விசாரணை நிலுவையில் இருப்பதாகவும்  தெரிவிக்கப்பட்டது. இதையடுத்து, முன்னாள் அமைச்சர் எம்.ஆர்.விஜயபாஸ்கருக்கு நிபந்தனையுடன் கூடிய முன் ஜாமின் வழங்கி நீதிபதி உத்தரவிட்டார். மேலும், மேலும், ஒரு லட்சம் ரூபாய்க்கான பிணைத் தொகை உத்தரவாதத்தை செலுத்தவும், விசாரணைக்கு தேவைப்படும் போது நேரில் ஆஜராகவும் உத்தரவிட்டார்.

முன்னதாக, அ.தி.மு.க முன்னாள் அமைச்சர் எம்.ஆர். விஜயபாஸ்கர் தன் மீது உள்ள 6 ஆறு வழக்குகளை ரத்து செய்யக்கோரி சென்னை உயர்நீதிமன்றத்தில் வழக்கு தொடர்ந்தார். அவர் மீது பதிவு செய்யப்பட்ட வழக்கு விவரங்கள்: கடந்த 2021-ம் ஆண்டு அ.தி.மு.க ஆண்டு விழாவின்போது கொரோனோ விதிகளை பின்பற்றாமல், பொதுமக்களுக்கு இடையூறு ஏற்படுத்தியதாக எம்.ஆர். விஜயபாஸ்கர் மீது பதிவு சேய்யப்பட்ட வழக்கு கரூர் மாவட்ட நீதிமன்றத்தில் நிலுவையில் இருந்தது.

அதேபோல், கடந்த 2022-ம் ஆண்டு வீட்டு வரி, மின்சார கட்டணம், பால் விலை உயர்வு ஆகியவற்றை கண்டித்து நடைபெற்ற ஆர்ப்பாட்டம் மற்றும் அதே ஆண்டில் அண்ணாவின் பிறந்த நாளை முன்னிட்டு பொதுக்கூட்டம் நடத்திய போது, சட்டவிரோதமாக ஒன்று கூடியதுடன், பொதுமக்கள் மற்றும் போக்குவரத்திற்கு இடையூறு ஏற்படுத்தியதாக பதியப்பட்ட வழக்கும் கரூர் மாவட்ட நீதிமன்றத்தில் நிலுவையில் இருந்தது. இப்படி பதிவு செய்யப்பட்ட ஆறு வழக்குகளையும் சென்னை உயர்நீதிமன்றம் கடந்த மார்ச் 12ம் தேதி ரத்து செய்து உத்தரவிட்டது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Madras High Court | 1976 ஆம் ஆண்டு தமிழ்நாடு பொது வளாகங்கள் (அங்கீகரிக்கப்படாத ஆக்கிரமிப்பாளர்களை வெளியேற்றுதல்) சட்டத்தின் கீழ் வக்ஃப் சொத்துக்களை கொண்டு வந்த 2010 ஆம் ஆண்டு திருத்தம் அரசியலமைப்பிற்கு முரணானது என்று சென்னை உயர்நீதிமன்றம் அறிவித்துள்ளது.

தொடர்ந்து, தமிழ்நாடு வக்ஃப் வாரியத்தின் தலைமை நிர்வாக அதிகாரிக்கு (CEO) உத்தரவிட அதிகாரம் அளித்தது.
தலைமை நீதிபதி சஞ்சய் வி. கங்காபூர்வாலா மற்றும் நீதிபதி டி. பாரத சக்கரவர்த்தி ஆகியோர் 2010 ஆம் ஆண்டு மாநில சட்டமன்றத்தால் செய்யப்பட்ட திருத்தம் மத்திய சட்டமான 1995 ஆம் ஆண்டின் வக்ஃப் சட்டத்திற்கு எதிரானது என்று அறிவித்தனர்.

2013 ஆம் ஆண்டு மத்திய சட்டத்தில் செய்யப்பட்ட திருத்தத்தின்படி அமைக்கப்பட்ட வக்ஃப் தீர்ப்பாயங்கள் மூலம் மட்டுமே வக்ஃப் சொத்துகளை ஆக்கிரமிப்பவர்களை அகற்ற முடியும் என்று நீதிபதிகள் தெரிவித்தனர்.

மூத்த வழக்கறிஞர் வி. ராகவாச்சாரி மற்றும் எஸ்.ஆர் ஆகியோர் தலைமையிலான வழக்கறிஞர்களின் வாதத்தை நீதிபதிகள் ஏற்றுக் கொண்டனர்.
தொடர்ந்து, மாநில சட்டமும், மத்திய சட்டமும் இணைந்து செயல்படலாம் என்ற மாநில அரசின் வாதத்தை நீதிபதிகள் ஏற்க மறுத்துவிட்டனர்.

ஆகவே, வக்ஃப் சொத்துக்கள் அல்லது உரிமை தொடர்பாக சிக்கலான தகராறு இருந்தால், மத்திய சட்டத்தின் கீழ் தீர்ப்பாயத்தை அணுகலாம்.
தொடர்ந்து, தீர்ப்பை எழுதிய நீதிபதி சக்ரவர்த்தி, வக்ஃப் சொத்துக்களை ஆக்கிரமிப்பு அல்லது சட்டவிரோத ஆக்கிரமிப்பு ஆகியவற்றைக் கையாள்வதற்கு வக்ஃப் சட்டம், 1995 இன் அசல் விதிகள் போதுமானதாக இல்லை.

எனவே, பொது வளாகங்கள் (அங்கீகரிக்கப்படாத ஆக்கிரமிப்பாளர்களை வெளியேற்றுதல்) சட்டம், 1971 வக்ஃப் சொத்துக்களுக்கும் பயன்படுத்தப்பட வேண்டும் என்று சச்சார் கமிட்டி பரிந்துரைத்தது, ஏனெனில் இந்த சொத்துக்கள் பொதுமக்களின் நலனுக்காகவும் இருந்தன.

இந்தப் பரிந்துரையைத் தொடர்ந்து தமிழ்நாடு 2010ஆம் ஆண்டு திருத்தம் கொண்டு வந்தாலும், பல மாநிலங்கள் அவ்வாறு செய்யவில்லை.

எனவே, ஆக்கிரமிப்புகளை அகற்றுவதில் நாடு முழுவதும் ஒரே சீரான தன்மையை உறுதி செய்யும் வகையில், பார்லிமென்ட், 2013ல் வக்ஃப் சட்டத்தில் திருத்தம் செய்தது. 2013 ஆம் ஆண்டு திருத்தம் மத்திய சட்டத்தின் கீழ் பரிந்துரைக்கப்பட்ட நடைமுறைகளின்படி மட்டுமே வக்ஃப் சொத்துக்களை ஆக்கிரமிப்பவர்களை வெளியேற்ற முடியும் என்று தெளிவாகக் கூறப்பட்டுள்ளது.

மத்திய சட்டத்தில் 2013 திருத்தம் 2010 ஆம் ஆண்டு மாநில சட்டத் திருத்தத்தைத் தொடர்ந்து வந்ததால், மாநிலத் திருத்தம் பற்றி நாடாளுமன்றம் நன்கு அறிந்திருந்தும், அது 1995 ஆம் ஆண்டின் வக்ஃப் சட்டத்தை மனப்பூர்வமாகத் திருத்தியது என்று கருத வேண்டும்” என்று பெஞ்ச் கூறியது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

தளபதி விஜய் நடிப்பில் கடந்த 2004-ம் ஆண்டு வெளியான கில்லி திரைப்படம் 20 வருடங்களுக்கு பிறகு தற்போது ரீ-ரிலீஸ் செய்யப்பட்டு வசூலில் சாதனை படைத்து வரும் நிலையில், அடுத்து அஜித் நடிப்பில் கடந்த 2011-ம் ஆண்டு வெளியான மங்காத்தா திரைப்படம் மீண்டும் ரீ-ரிலீஸ் செய்ய நடவடிக்கை எடுக்கப்பட்டு வருகிறது.

வெங்கட் பிரபு இயக்கத்தில் கடந்த 2011-ம் ஆண்டு வெளியான படம் மங்காத்தா. அஜித்குமார், த்ரிஷா, அர்ஜூன், வைபவ், மகத், அஸ்வின், பிரேம்ஜி, லட்சுமி ராய், ஜெயபிரகாஷ் உள்ளிட்ட பலர் நடித்திருந்த இந்த படத்திற்கு யுவன் சங்கர் ராஜா இசையமைத்திருந்தார். இந்த படம் வெளியாகி சூப்பர் டூப்பர் ஹிட் அடித்த நிலையில், தற்போது 13 வருடங்களுக்குப் பிறகு, 4K பதிப்பில் மங்காத்தா திரைப்படம் மீண்டும் திரையரங்குகளில் ரசிகர்களைக் கவர தயாராகி வருகிறது.

இன்ஸ்பெக்டர் விநாயக் ஒரு கடத்தல்காரனைப் பிடிக்கத் தவறியதால் சஸ்பெண்ட் செய்யப்படுகிறார். ஒரு கும்பலுக்குச் சொந்தமான 500 கோடி ரூபாய் மதிப்புள்ள கிரிக்கெட் பந்தய பணத்தை கொள்ளையடிக்கத் திட்டமிடும் ஒரு குழுவில் இணையும் விநாயக், அவருக்கு உதவி செய்வதாக உறுதியளித்தனர். இருப்பினும், அவர் திட்டமிட்டபடி தான் அனைத்து விஷயங்கள் நடக்கும். இறுதியில் என்ன நடந்தது என்பதை க்ளைமேக்ஸ் ட்விஸ்டுடன் சொல்லியிருப்பார் இயக்குனர் வெங்கட் பிரபு.

மங்காத்தா படத்தின் ரீ-ரிலீஸ் தேதி குறித்த அதிகாரப்பூர்வ போஸ்டர்கள் வெளியாகி இணையத்தில் வைரலாகி வருகிறது. இப்படத்தை மே 1 ஆம் தேதி உலகமெங்கும் பிரமாண்டமாக தமிழில் வெளியிட படத்தின் தயாரிப்பாளர்கள் தயாராகிவிட்டனர். இருப்பினும், தற்போது திட்டமிட்டபடி மங்காத்தா ரீ-ரிலீஸ் ஆகுமா என்பது கேள்விக்குறியாகியுள்ளது. சமீபத்திய தகவலின்படி, மங்காத்தாவின் ரீ-ரிலீஸ் தேதி தற்போது ஒத்திவைக்கப்பட்டுள்ளதாக கூறப்படுகிறது.  

அதன்படி மே 1 க்கு மாறாக, வெளியீட்டிற்கு செல்ல தயாரிப்பாளர்கள் இப்போது சில சிக்கல்களை எதிர்கொள்கின்றனர். திரையரங்கு பகிர்வில் சிக்கல் இருப்பதாக தகவல் வெளியானது. தயாரிப்பாளர்கள் சிக்கலைத் தீர்த்து அதிகாரப்பூர்வ தேதியை விரைவில் வெளியிடுவார்கள் என்று எதிர்பார்க்கப்படுகிறது.

தமிழகத்தில் கோடை வெயில் தாக்கம் அதிகரித்துள்ள நிலையில் கோவை மாவட்டத்தில் பகல் 12 மணி முதல் 3 மணி வரை வெளியில் செல்வதை தவிர்த்திடுமாறு மாவட்ட ஆட்சியர் கிராந்திகுமார் பாடி அறிவுறுத்தி உள்ளார்.

இது குறித்து மாவட்ட ஆட்சியர் வெளியிட்டுள்ள அறிக்கையில்

"தமிழ்நாட்டில் கடந்த சில நாட்களாக பல்வேறு மாவட்டங்களில் வெப்பம் அதிகரித்து காணப்படும் நிலையில், இந்திய வானிலை ஆய்வு மையம் தனது 23.4.2024 நாளிட்ட அறிவிக்கையில், தமிழ்நாட்டின் வட உள் மாவட்டமான கோயம்புத்தூர் மாவட்டத்தில் வரும் நாட்களில் ஓரிரு இடங்களில் வெப்ப அலை வீசக்கூடும் என்று தெரிவிக்கப்பட்டுள்ளது.

எனவே பொதுமக்கள் போதுமான அளவு தண்ணீர் அருந்துமாறும், அத்தியாவசிய தேவையின்றி வெளியில் செல்வதை தவிர்க்குமாறும், குறிப்பாக நண்பகல் 12 மணி முதல் பிற்பகல் 3 மணி வரை வெளியில் செல்வதை தவிர்த்திடுமாறும், வெயிலின் தாக்கத்தால் உடல்நலக் குறைவு ஏற்படும் நிலையில், உடனடியாக மருத்துவரை அணுகுமாறும் இதன் மூலம் தெரிவித்துக் கொள்ளப்படுகிறது என குறிப்பிடப்பட்டுள்ளது.

பி.ரஹ்மான் கோவை மாவட்டம்.

நெல்லை தொகுதி பா.ஜ.க வேட்பாளர் நயினார் நாகேந்திரன், தி.மு.க மாவட்ட செயலாளர் அலுவலகத்தில் பணம் பறிமுதல் செய்யப்பட்டது தொடர்பாக அமலாக்கத்துறை விசாரணை கோரிய மனுவை சென்னை உயர் நீதிமன்றம் தள்ளுபடி செய்து உத்தரவிட்டது.

தமிழ்நாட்டில் நடந்து முடிந்த மக்களவைத் தேர்தலின்போது, திருநெல்வேலி தொகுதி பா.ஜ.க வேட்பாளர் நயினார் நாகேந்திரன் உதவியாளர்களிடம் இருந்து, சென்னை தாம்பரம் ரயில் நிலையத்தில் ரயிலில் எடுத்துச் செல்லப்பட்ட ரூ.3.99 கோடி பறிமுதல் செய்யப்பட்டது. 

அதே போல, தி.மு.க மாவட்டச் செயலாளர் அலுவலகத்தில் இருந்து ரூ.28.51 லட்சம் ரூபாய் பறிமுதல் செய்யப்பட்டது. இந்த பணம் பறிமுதல் செய்யப்பட்டது தொடர்பாக, அமலாக்கத்துறை இயக்குனரகம் விசாரணை நடத்த வேண்டும் என்று திருநெல்வேலி தொகுதியில் போட்டியிட்டுள்ள சுயேட்சை வேட்பாளர் ராகவன் சென்னை உயர் நீதிமன்றத்தில் மனு தாக்கல் செய்திருந்தார். 

அந்த மனுவில், வாக்காளர்களுக்கு விநியோகிக்க பணம் கொண்டு சென்றது என்பது சட்டவிரோத பணப் பரிமாற்றத் தடைச் சட்டத்தின் கீழ் குற்றம் என்பதால் இது சம்பந்தமாக அமலாக்கத்துறை இயக்குனரகம் விசாரணை நடத்த உத்தரவிட வேண்டும் என்று கோரிக்கை விடுத்திருந்தார்.

இந்த மனு சென்னை உயர் நீதிமன்றத்தில் நீதிபதிகள் எம்.எஸ். ரமேஷ், சுந்தர் மோகன் அடங்கிய அமர்வு முன்பு விசாரணைக்கு வந்தது. அப்போது, பணம் பறிமுதல் செய்யப்பட்டது தொடர்பான வழக்கு, சட்டவிரோதப் பணப்பரிமாற்றத் தடைச் சட்டத்தின் கீழ் பட்டியலிடப்பட்ட வழக்காக கருத முடியாது என்று அமலாக்கத்துறை தரப்பில் பதில் மனு தாக்கல் செய்யப்பட்டது. 

அமலாக்கத்துறை தரப்பு பதிலை பதிவு செய்துகொண்ட நீதிபதிகள், இந்த மனுவை தள்ளுபடி செய்வதாக விரிவான உத்தரவு பின்னர் பிறப்பிக்கப்படும் என்றும் தெரிவித்தனர். 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“