2024-ம் ஆண்டு மே 6 முதல் 12 வரை - எண் கணித கணிப்புகள்

எண் 1: (எந்த மாதத்திலும் 1, 10, 19 மற்றும் 28 ஆகிய தேதிகளில் பிறந்தவர்கள்)

இந்த வாரம், உங்களுக்கு நிதிச் செல்வம் அதிகரிப்பதற்கான நல்ல வாய்ப்புகள் உருவாகும், முதலீடுகள் மூலம் நல்ல லாபமும் கிடைக்கும். வாரத்தின் இரண்டாம் பாதியில் பணியிடத்தில் திடீர் சாதகமான மாற்றங்கள் ஏற்படும். காதல் உறவில் உள்ள பிரச்சனைகளை பேச்சு வார்த்தை மூலம் தீர்த்து வைத்தால் நல்லது. இந்த வார இறுதியில், சூழ்நிலைகள் உங்களுக்கு சாதகமாக இருக்கும், உங்கள் மனம் மகிழ்ச்சியாக இருக்கும்.

எண் 2: (எந்த மாதத்திலும் 2, 11, 20 மற்றும் 29 ஆகிய தேதிகளில் பிறந்தவர்கள்)

காதல் உறவில் அமைதி நிலவும், பரஸ்பர அன்பு வலுவடையும். பணியிடத்திலும் முன்னேற்றம் இருக்கும், படிப்படியாக உங்கள் திட்டங்கள் உங்கள் எதிர்பார்ப்புகளுக்கு ஏற்ப முடிவுகளைத் தரும். நிதி விஷயங்களில் செலவுகள் அதிகமாக இருக்கலாம், எந்த முடிவும் உங்களை நம்பிய பின்னரே எடுக்க வேண்டும். வார இறுதியில் வாழ்க்கையில் நிம்மதியாக இருப்பீர்கள்.

எண் 3: (எந்த மாதத்திலும் 3, 12, 21 மற்றும் 30 ஆகிய தேதிகளில் பிறந்தவர்கள்)

இந்த வாரம் நிதி விஷயங்களுக்கு சாதகமாக இருப்பதாகவும், செல்வம் பெருக நல்ல வாய்ப்புகள் இருப்பதாகவும் தெரிகிறது. இந்த வாரத்தின் தொடக்கத்தில் பணம் தொடர்பான நல்ல செய்திகளைப் பெறுவீர்கள். காதல் உறவுகளில் உங்கள் சிந்தனையில் கொஞ்சம் விசாலமாக இருங்கள், நீங்கள் பிடிவாதமாக இருந்தால் மகிழ்ச்சியற்றவராக இருப்பீர்கள். பணியிடத்தில் உங்கள் உள்ளுணர்வைப் பின்பற்றி முடிவுகளை எடுப்பது நன்மை பயக்கும். வார இறுதியில் சில பிரச்சனைகள் அதிகரிக்கலாம்.

எண் 4: (எந்த மாதத்திலும் 4, 13, 22 மற்றும் 31 ஆகிய தேதிகளில் பிறந்தவர்கள்)

இந்த வாரம் நிதி விஷயங்களில் மிகவும் லாபகரமான வாரம் என்றும், முதலீடுகள் மூலம் நன்மைகள் இருக்கும். காதல் உறவில் அமைதி பெற்று புதிய சிந்தனையுடன் முன்னேறினால் வாழ்வில் மகிழ்ச்சியும் வளமும் கிடைக்கும். இந்த வாரம் பணியிடத்தில் சாதாரண சூழ்நிலைகள் உருவாகும். வார இறுதியில் அதிக சோர்வு இருக்கும்.

எண் 5: (எந்த மாதத்திலும் 5, 14 மற்றும் 23 ஆகிய தேதிகளில் பிறந்தவர்கள்)

காதல் உறவுகளில் நேரம் இனிமையாக இருக்கும், உங்கள் மனைவி மற்றும் பிறருடன் நீங்கள் மகிழ்ச்சியாக நேரத்தை செலவிடுவீர்கள். நிதி ஆதாயத்திற்கான நிபந்தனைகளும் உருவாக்கப்படுகின்றன மற்றும் முதலீடுகள் நன்மைகளை வழங்கும். உங்களை நம்பி முடிவுகளை எடுக்கும்போதுதான் பணியிடத்தில் முன்னேற்றம் ஏற்படும். வார இறுதியில், சூழ்நிலைகள் உங்களுக்கு சாதகமாக இருக்கும், மேலும் உங்கள் எதிரிகள் மீதும் வெற்றி பெறுவீர்கள்.

எண் 6: (எந்த மாதத்திலும் 6, 15 மற்றும் 24 ஆகிய தேதிகளில் பிறந்தவர்கள்)

பணியிடத்தில் முன்னேற்றம் ஏற்படும், உங்கள் எதிர்காலம் குறித்து சிந்தித்து திட்டமிடுவீர்கள். நிதி விஷயங்களிலும் நேரம் சாதகமாக இருக்கும் மற்றும் நிதி ஆதாயத்திற்கான சுப அறிகுறிகள் இருக்கும். காதல் உறவுகளில் நேரம் காதல் மற்றும் உங்கள் நேர்மறையான சிந்தனை உங்கள் அன்பை பலப்படுத்தும். வார இறுதியில் மகிழ்ச்சியைத் தட்டுகிறது, ஆனால் நீங்கள் இன்னும் எதையாவது வருத்தப்படுவீர்கள்.

எண் 7 (எந்த மாதத்திலும் 7, 16 மற்றும் 25 ஆகிய தேதிகளில் பிறந்தவர்கள்)

நிதி விஷயங்களில் நீங்கள் எடுக்கும் முயற்சிகள் உங்களுக்கு சாதகமாக முடிவுகளைத் தரும். இந்த வாரம் பணியிடத்தில் பிரச்சனைகளை சந்திக்க நேரிடலாம், எந்த ஒரு முடிவையும் ஆராய்ந்து திட்டமிட்ட பிறகுதான் எடுத்தால் வெற்றி கிடைக்கும். காதல் உறவுகளில் ஈகோ மோதல்கள் அதிகரிக்கலாம். வார இறுதியில் நிலைமைகள் படிப்படியாக வலுவடையும்.

எண் 8: (எந்த மாதத்திலும் 8, 17 மற்றும் 26 ஆகிய தேதிகளில் பிறந்தவர்கள்)

பணியிடத்தில் முன்னேற்றம் ஏற்படும், மனம் மகிழ்ச்சியாக இருக்கும். உங்கள் திட்டத்தைப் பற்றி நீங்கள் மிகவும் நம்பிக்கையுடன் இருப்பீர்கள் மற்றும் வெற்றியை அடைவீர்கள். காதல் உறவில் காதல் படிப்படியாக அதிகரிக்கும். இந்த வாரம் நிதிச் செலவுகள் அதிகமாக இருக்கலாம். வார இறுதியில் கூட சில இழப்புகள் ஏற்பட வாய்ப்புகள் அதிகரித்து மனதை கவலைகள் சூழ்ந்து கொள்ளும்.

எண் 9: (எந்த மாதத்திலும் 9, 18 மற்றும் 27 ஆகிய தேதிகளில் பிறந்தவர்கள்)

இந்த வாரம் எந்த ஒரு முடிவையும் எடுக்கும் முன் கவனமாக யோசித்தால் நல்லது. பணியிடத்தில் படிப்படியாக முன்னேற்றத்திற்கான பாதை அமையும். நிதி விஷயங்களில், உங்கள் முதலீடுகள் தொடர்பான கவலைகளால் நீங்கள் சூழப்படுவீர்கள் மற்றும் பணச் செலவும் அதிகரிக்கும். காதல் உறவுகளில் கூட தனிமையை உணர்வீர்கள். வார இறுதியில் நிலைமைகள் படிப்படியாக மேம்படும்.

கோடையின் வெப்பத்திலும் கொட்டும் வியர்வையிலும் முதலில் பாதிப்படைவது நம் சருமம்தான். வெயிலில் சென்றுவிட்டு வீடு திரும்பினாலேயே சிலருக்குச் சருமம் கருத்துவிடும். தினமும் சில நிமிடங்களை ஒதுக்கினால் போதும். கோடைக் காலச் சருமப் பிரச்சினைகளிலிருந்து மட்டுமல்லாமல் பொதுவான சருமப் பிரச்சினைகளில் இருந்தும் விடுபடலாம்.

ஐஸ் க்யூப்ஸ் உள்ளே இருந்து மட்டுமல்ல, வெளியிலிருந்தும் நம்மை புத்துணர்ச்சியுடன் உணர வைக்கும்.

பால் பல நன்மைகளைக் கொண்டுள்ளது, குறிப்பாக உங்கள் சருமத்திற்கு. இது ஸ்கின் டோனர் மற்றும் மாய்ஸ்சரைசராக செயல்படுகிறது, நேர்த்தியான கோடுகள் மற்றும் சுருக்கங்களை மறைக்கிறது மற்றும் முகப்பரு தழும்புகளை குணப்படுத்துகிறது.

எப்படி செய்வது?

ஒரு ஐஸ் ட்ரேயில் ¾ கப் பால் மற்றும் ¼ கப் தண்ணீர் ஊற்றவும்.

பால் கியூப்ஸை உங்கள் முகம் மற்றும் கழுத்து முழுவதும் மென்மையாகவும் சமமாகவும் தேய்த்து 30 நிமிடங்கள் விடவும். குளிர்ந்த நீரில் அதை கழுவவும்.

பலன்கள்

ஐஸ் கியூப்ஸ் உங்கள் சருமத்தை இறுக்கமாக்குகிறது, வீங்கிய கண்களுக்கு சிகிச்சையளிக்கிறது. முகத்தில் எண்ணெய் உற்பத்தி மற்றும் சிவத்தல் வாய்ப்புகளை குறைக்கிறது.முகப்பரு மற்றும் கரும்புள்ளிகளுக்கு சிகிச்சையளிக்கிறது. கருவளையங்களையும் நீக்குகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

சுவை, சத்தான கீரை ஆம்லெட் ரெசிபி செய்வது குறித்து இங்கு பார்ப்போம். 

தேவையான பொருட்கள் 

ஏதாவது ஒரு கீரை – 1 கப்
நாட்டு முட்டை – 3
வெங்காயம் – 1
பச்சை மிளகாய் – 2
மிளகு தூள் – அரை டீஸ்பூன்
மஞ்சள் தூள் – 1 டீஸ்பூன்
உப்பு, எண்ணெய் – தேவையான அளவு

செய்முறை 

பச்சை மிளகாய், வெங்காயத்தைப் பொடியாக நறுக்கிக் கொள்ளவும். கீரையை நன்றாக சுத்தம் செய்து பொடியாக நறுக்கி கொள்ளவும். ஒரு பாத்திரத்தில் முட்டையை உடைத்து ஊற்றி,  அதனுடன் உப்பு, மிளகு தூள் சேர்த்து நன்றாக அடித்து கொள்ளவும். கடாயை அடுப்பில் வைத்து அரை டீஸ்பூன் எண்ணெய் ஊற்றி சூடானதும் மிளகாய், வெங்காயத்தை போட்டு சிறிது வதக்கிய பின்னர் கீரை, உப்பு சேர்த்து வதக்கவும்.கீரை பாதியளவு வெந்ததும் இறக்கி முட்டை கலவையில் சேர்த்து நன்றாக கலந்து கொள்ளவும். 

அடுப்பில்  தோசை கல் சூடானதும் முட்டைக் கலவையை ஆம்லெட்டாக ஊற்றி வேக விடவும். இருபுறமும் வேக வைத்து எடுத்தால் சத்தான, சுவையான கீரை ஆம்லெட் தயார்.

எம்.ஜி.ஆர் படத்திற்கு பாடல் எழுத சென்ற வாலிக்கு பாடலின் முதல் வரி கொடுத்த பின், 2-வது வரியை எழுத முடியாமல் இருந்தபோது அவருக்கு கலைஞர் கருணாநிதி உதவி செய்துள்ளார் என்பது பலரும் அறியாத ஒரு தகவல்.

1970-ம் ஆண்டு முரசொலி மாறன் கதை மற்றும் தயாரிப்பில் வெளியான படம் எங்கள் தங்கம். கிருஷ்ணன் பஞ்சு இயக்கிய இந்த படத்தில் எம்.ஜி.ஆர் ஜெயலலிதா, ஏ.வி.எம்.ராஜன், அசோகன், தேங்காய் சீனிவாசன் உள்ளிட்ட பலர் நடித்திருந்தனர். இந்த படத்திற்கு எம்.எஸ்.விஸ்வநாதன் இசையமைக்க, கவிஞர் வாலி அனைத்து பாடல்களையும் எழுதியுள்ளார்.

இந்த படத்தில் ஒரு பாடலில், ‘’நான் அளவோடு ரசிப்பவன்’’ என்ற ஒற்றை வரியை கொடுத்து அடுத்தடுத்து பாடல்களை எழுதுமாறு எம்.எஸ்.விஸ்வநாதன் வாலியிடம் கூறியுள்ளார். அதன்பிறகு பாடலை எழுத யோசித்த வாலிக்கு, எந்த யோசனையுமே வராத நிலையில், வெற்றிலைபாக்கு போட்டுக்கொண்டே பாடலுக்கான யோசித்துக்கொண்டு இருந்துள்ளார்.

அப்போது அங்கு வந்த கலைஞர் மு.கருணாநிதி, என்னய்யா வாலி பாடல் எழுதியாச்சா என்று கேட்க, ‘’நான் அளவோடு ரசிப்பவன்’’ என்று சொல்லிவிட்டார், அடுத்த வரி வரவில்லை என்று கூறியுள்ளார். இதை கேட்ட கலைஞர், விசு அந்த டியூனை வாசி என்று சொல்ல, எம்.எஸ்.வி டியூனை வாசித்துள்ளார். இதை கேட்ட கலைஞர், ‘’எதையும் அளவின்றி கொடுப்பவன்’’ என்று அடுத்த வரியை கூறியுள்ளார். இதை கேட்ட வாலி ஆச்சரியத்தில் ஆழ்ந்துள்ளார்.

அதன்பிறகு முழு பாடலையும் எழுதிய வாலி, எம்.எஸ்.வியிடம் கொடுக்க, டி.எம்.சௌந்திராஜன், பி.சுசீலா குரலில் இந்த பாடல் பதிவு செய்யப்பட்டு, எம்.ஜி.ஆர் கேட்டுள்ளார். 10 நாட்கள் கழித்து வாலி எம்.ஜி.ஆரை சந்திக்கும்போது அவர், வாலிக்கு முத்தம் கொடுத்துள்ளார். இதை பார்த்த வாலி எதுக்கு அண்ணா முத்தம் என்று கேட்க, என்னை அளவின்றி கொடுப்பவன் என்று புகழ்ந்து எழுதியிருக்கிறாயே அதற்காகத்தான் என்று கூறியுள்ளார்.

அந்த ஒற்றை வரிக்காக நீங்கள் முத்தம் கொடுக்க வேண்டும் என்றால் கலைஞருக்கு தான் கொடுக்க வேண்டும். அவர் தான் அந்த வரியை சொன்னார் என்று எம்.ஜி.ஆரிடம் வாலி கூறியுள்ளார்.

விஜய் டிவியின் பாக்கியலட்சுமி சீரியலில் ராதிகா கேரக்டரில் நடித்து வந்த நடிகை நந்திதா ஜெனிபர் அந்த சீரியலில் இருந்து விலகியதை தொடர்ந்து பெரிய இடைவெளிக்கு பின் மீண்டும் சீரியலில் என்டரி கொடுத்துள்ளார்.

கடந்த 2000-ம் ஆண்டு அர்ஜூன் – மீனா நடிப்பில் வெளியான ரிதம் படத்தின் மூலம் தமிழ் சினிமாவில் அறிமுகமானவர் நந்திதா ஜெனிபர். தொடர்ந்து, முத்தம், அற்புதம், இன்று முதல், உள்ளிட்ட சில படங்களில் நடித்த இவர், பாரதிராஜா இயக்கததில் வெளியான ஈரநிலம் படத்தில் முக்கிய கேரக்டரில் நடித்திருந்தார்.

மேலும் வசந்தம் வந்தாச்சு, காசு இருக்கனும் உள்ளிட்ட சில படங்களில் நாயகியாக நடித்துள்ள நந்திதா ஜெனிபர், பார்த்திபன் கனவு படத்தில் வரும் வாடி மச்சினியே உள்ளிட்ட பல பாடல்களளுக்கு நடனமாடியுள்ளார். கடைசியாக ஹன்சிகா நடிப்பில் கடந்த 2022-ம் ஆண்டு வெளியான மகா என்ற படத்தில் நடித்திருந்தார். தமிழ் மட்டுமல்லாமல் தெலுங்கு கன்னடம் உள்ளிட்ட மொழிகளிரும் பல படங்களில் நடித்துள்ளார்.

2008-ம் ஆண்டு நாகவள்ளி என்ற சீரியல் மூலம் சின்னத்திரையில் அறிமுகமான நந்திதா ஜெனிபர், சன்டிவியில் லட்சுமி ஸ்டோர்ஸ், கலர்ஸ் தமிழின் அம்மன் உள்ளிட்ட சீரியல்களில் நடித்திருந்தார். கடைசியாக விஜய் டிவியின் பாக்கியலட்சுமி சீரியலில் நடித்து வந்த ஜெனிபர், அதில் இருந்து விலகிய நிலையில், பெரிய இடைவெளிக்கு பிறகு ஜீ தமிழின் கார்த்திகை தீபம் சீரியலில் ரீ- என்ட்ரி ஆகியுள்ளார்.

சொத்துக்கள் மீது பேராசை கொண்ட அண்ணன்களை திருத்த கார்த்திக் தனது கம்பெனியிலேயே வேலைக்கு சேர்ந்துள்ள நிலையில், அவனை வேலையில் இருந்து தூக்குவதற்காக, வோறொரு கம்பெனிக்கு அனுப்புகின்றனர். அந்த கம்பெனியின் முதலாளி தான் நந்திதா ஜெனிபர். இனி கார்த்தி இவரின் கம்பெனியில் தான் வேலை செய்ய வேண்டும். ஜெனிபர் – கார்த்திக் தொடர்பான காட்சிகள் அடுத்த வாரம் முதல் வெளியாகும் என்று எதிர்பார்க்கப்படுகிறது.

ஐபிஎல் கிரிக்கெட் தொடரில் சென்னை சூப்பர் கிங்ஸ் அணி விளையாடிய போட்டியை நேரில் கண்டு ரசித்த சீரியல் நடிகை தர்ஷனா கொடுத்த ரியாக்ஷன் தொடர்பான புகைப்படங்கள் இணையத்தில் வைரலாகி வருகிறது.

இந்தியாவில் ஆண்டுதோறும் நடத்தப்படும் மிக்பெரிய கிரிக்கெட் திருவிழா ஐ.பி.எல் டி20 கிரிக்கெட் தொடர். ஆண்டுதோறும் கோடை விடுமுறை காலங்களில் நடத்தப்படும் இந்த தொடரின் 17-வது சீசன் கடந்த மார்ச் 22-ந் தேதி தொடங்கியது. இந்த தொடரில் இதுவரை 10 போட்டிகளில் விளையாடியுள்ள சென்னை அணி 5 வெற்றி 5 தோல்வியுடன் 10 புள்ளிகள் பெற்று 5-வது இடத்தில் உள்ளது.

ப்ளேஅப் சுற்றுக்கு முன்னேற வேண்டும் என்றால் சென்னை அணி இனி வரும் அனைத்து போட்டிகளிலும் வெற்றியை ஈட்ட வேண்டிய கட்டாயத்தில் உள்ளது. இதனிடையே சென்னை அணி கடந்த 3 போட்டிகளையும் சொந்த மைதானமான சென்னை சேப்பாக்கம் மைதானத்தில் விளையாடியது. சி.எஸ்.கே விளையாடும் போட்டியை பார்க்க, சினிமா மற்றும் சின்னத்திரை ரசிகர்கள் படையெடுத்து வருகின்றனர்.

View this post on Instagram

A post shared by Senjuta Pochu (@senjuta.pochu.official_)

அந்த வகையில் கடந்த மே 1-ந் தேதி நடைபெற்ற பஞ்சாப் – சென்னை அணிகளுக்கு இடையிலான போட்டியை பார்க்க, பிரபல சீரியல் நடிகை தர்ஷனா வந்திருந்தார். சென்னை அணி விளையாடும்போது இவர் கொடுத்த கியூட் ரியாக்ஷன்ஸ் தொடர்பான புகைப்படங்கள் இணையத்தில் வைரலாகி வருகிறது. மேலும் இவரது ரியாக்ஷன் தொடர்பான புகைப்படங்கள் ரசிகர்கள் மத்தியில் வரவேற்பை பெற்று வருகின்றன. சி.எஸ்.கே எனது ஃபேவரெட். கடந்த முறை லக்னோ அணிக்கு எதிரான மேட்ச் பார்த்தேன்.

View this post on Instagram

A post shared by memeskirukkan (@memeskirukkan)

அந்த போட்டியில் சென்னை தோற்றுவிட்டதால், பஞ்சாப் அணிக்கு எதிரான போட்டியை பார்க்க வந்தேன். எனக்கு டைம் கிடைக்கும்போதெல்லாம் கிரி்க்கெட் பார்க்க வருவேன். எனது புகைப்படத்திற்கு இவ்வளவு ஆதரவு தருவார்கள் என்று நினைக்கவில்லை. ஏற்கனவே தமிழும் சரஸ்வதியும் சீரியல் மூலம் என்னை பிரபலமாக்கினார்கள். அதேபோல் இப்போது மீண்டும் பிரபலமாகியிருக்கிறேன் என்று தர்ஷனா கூறியுள்ளார்.

தமிழும் சரஸ்வதியும் சீரியலில் வசு கேரக்டரில் நடித்து வந்த நடிகை தர்ஷனா அதில் இருந்து விலகினார். தற்போது சன்டிவியின் பூவா தலையா சீரியலில் நாயகியாக நடித்து வருகிறார்.

தமிழ்நாடு சட்டக் கல்லூரிகளில் 5 ஆண்டு ஒருங்கிணைந்த சட்டப் படிப்புகளுக்கு மே 10 முதல் 31 வரை விண்ணப்பிக்கலாம் என்று அம்பேத்கர் சட்டப் பல்கலைக்கழகம் அறிவித்துள்ளது.

தமிழ்நாட்டில் 12 ஆம் வகுப்பு பொதுத் தேர்வு முடிவுகள் வருகின்ற 6 ஆம் தேதி வெளியிடப்படுகிறது. அதேநேரம் சி.பி.எஸ்.இ 12 ஆம் வகுப்பு தேர்வு முடிவுகள் மே 20 ஆம் தேதி வெளியிடப்படும் என்று எதிர்ப்பார்க்கப்படுகிறது. இதனையடுத்து கல்லூரிகளில் 2024-2025 ஆம் ஆண்டுக்கான மாணவர் சேர்க்கை விரைவில் தொடங்க உள்ளது. 

அந்தவகையில், தமிழ்நாட்டில் உள்ள சட்டக் கல்லூரிகளில் மாணவர் சேர்க்கைக்கான விண்ணப்பப் பதிவு வருகின்ற மே 10 ஆம் தேதி தொடங்க உள்ளதாக தமிழ்நாடு டாக்டர் அம்பேத்கர் சட்டப் பல்கலைக்கழகம் தெரிவித்துள்ளது.

அம்பேத்கர் சட்டப் பல்கலைக் கழகத்துடன் இணைவு பெற்ற கல்லூரிகள் மற்றும் சீர்மிகு சட்டப் பள்ளிகளில் 5 ஆண்டு படிப்புக்கான விண்ணப்பம் மே 10 ஆம் தேதி தொடங்கவுள்ளது. இந்தப் படிப்புகளில் சேர விரும்புவோர் அம்பேத்கர் சட்ட பல்கலைக்கழகத்தின் அதிகாரப்பூர்வ இணையதளம் www.tndalu.ac.in வாயிலாக விண்ணப்பிக்கலாம் என்று தெரிவிக்கப்பட்டுள்ளது.

அதேநேரம் மூன்றாண்டு சட்டப் படிப்பு, முதுநிலை சட்ட மேற்படிப்பு மாணவர் சேர்க்கை தொடர்பான அறிவிப்பு பின்னர் வெளியிடப்படும் என்று அம்பேத்கர் சட்டப் பல்கலைக்கழகம் சார்பில் தெரிவிக்கப்பட்டுள்ளது. மேலும் இதுகுறித்த முழு விவரங்களுக்கு அம்பேத்கர் பல்கலைக்கழகத்தின் அதிகாரப்பூர்வ இணையதளத்தை பார்த்து தெரிந்து கொள்ளலாம் என்றும் அறிவுறுத்தப்பட்டுள்ளது. 12 ஆம் வகுப்பு முடித்தவுடன் சட்டம் படிக்க விரும்புவர்கள் நேரடியாக இந்தப் படிப்புகளில் சேரலாம்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

விஜய் – த்ரிஷா நடிப்பில் வெளியான கில்லி படத்தின் ரீ-ரிலீஸ் வசூலில் மாஸ் காட்டி வரும் நிலையில், விஜயிடம் பிடிக்காத ஒரு விஷயம் என்ன என்பது குறித்து நடிகை த்ரிஷா பகிர்ந்துகொண்ட பழைய வீடியோ பதிவு இணையத்தில் வைரலாகி வருகிறது.

தென்னிந்திய சினிமாவின் முன்னணி நடிகையாக இருக்கும் த்ரிஷா இன்று தனது பிறந்த நாளை கொண்டாடுகிறார். 2004-ம் ஆண்டு வெளியான கில்லி படத்தின் மூலம் முதல்முறையாக விஜயுடன் இணைந்து நடித்த த்ரிஷா அடுத்து ஆதி, திருப்பாச்சி, குருவி ஆகிய படங்களில் நடித்திருந்தார். கடந்த 2008-ம் ஆண்டு வெளியான குருவி படம் கலவையான விமர்சனங்களை பெற்றிருந்த நிலையில், 15 வருட இடைவெளிக்கு பிறகு கடந்த ஆண்டு வெளியான லியோ படத்தின் மூலம் மீண்டும் விஜய் – த்ரிஷா ஜோடி இணைந்தது.

ஆங்கிலத்தில் படிக்க : When Trisha revealed the annoying thing about Vijay

இனிமேல் விஜய் – த்ரிஷா ஜோடி மீண்டும் எபபோது இணைவார்கள் என்று காத்திருந்த ரசிகர்களுக்கு சமீபத்தில் வெளியான கில்லி படத்தின் ரீ-ரிலீஸ் பாக்ஸ் ஆபீஸ் வசூலில் புதிய சாதனை படைத்து, தமிழ் சினிமாவின் வறட்சியான காலகட்டத்திற்கு சரியான பொழுதுபோக்காக அமைந்தது. சமூக ஊடகங்களில் கில்லி படம் தொடர்பான பேச்சுக்கள் இன்னும் தொடர்ந்து வரும் நிலையில், அனுஹாசனின் பிரபலமான நிகழ்ச்சியான காஃபி வித் அனுவுக்காக விஜய் மற்றும் த்ரிஷாவின் பழைய பேட்டி தற்போது வைரலாகி வருகிறது.

விஜய் எப்போதும் எளிதில் அணுகக்கூடிய ஒரு ஹீரோ, இதுபோன்ற பேச்சு நிகழ்ச்சிகளை வசீகரிப்பவர். சமீப வருடங்களில் தமிழ் சினிமாவில் இந்த நடிகர் இணையற்ற இடத்தை அடைந்துள்ளார். சமீபத்தில் அவர் கேரளாவிற்கு சென்றபோது வெளியான பல வீடியோக்கள் இணையத்தில் தற்போதுவரை பெரிய வைரலாக பரவி வருகிறது. ஆனாலும் இந்த நேர்காணலில், கேள்விக்கு பதில் சொல்ல வார்த்தைகள் கிடைக்காமல் போராடும் ஒரு கூச்ச மற்றும் அமைதியான மனிதராக விஜய் வருகிறார். அதிலும் த்ரிஷா நிகழ்ச்சிக்கு வந்தவுடன், அவரது கூச்சம் பன்மடங்கு அதிகரிக்கிறது.

இந்த பேட்டியில் விஜய் பற்றி பேசிய த்ரிஷா,“ஷூட்டிங் ஸ்பாட்டில், அனைவரும் வேடிக்கையாக இருக்கும்போது, ​​அவர் மட்டும் ஒரு மூலையில் அமர்ந்து மணிக்கணக்கில் சுவரைப் பார்த்துக் கொண்டிருப்பார். அவர் எப்போதும் அமைதியாக இருப்பார், படப்பிடிப்பில் அதிகம் பேசமாட்டார். இது குறித்து அவரிடம் கேட்டால்“நான் உங்கள் அனைவரையும் போலல்லாமல் காட்சியைப் பற்றி நினைக்கிறேன். நான் காட்சியைப் பற்றி கவலைப்படுகிறேன் என்று சொல்வார் என்று கூறியுள்ளார்.

தொடர்ந்து ரேபிட்-ஃபயர் ரவுண்டின் போது, த்ரிஷாவிடம் விஜய்யைப் பற்றியும் அவரிம் நீங்கள் வெறுக்கும் ஒரு குணத்தைப் பற்றி, அவர் எதை மாற்றிக்கொள்ள வேண்டும் என்பது குறித்தும் கேட்கப்பட்டது. இதற்கு பதில் அளித்த த்ரிஷா, “அவரது அமைதி. அவர் அப்படிப்பட்டவர் என்பது எனக்குப் புரிகிறது, ஆனால் சில சமயங்களில் அவர் அணுக முடியாதவர் போல் இருக்கிறார். இதனால் அவரை பார்ப்பவர்கள் தங்கள் ஏதேனும் தவறு செய்துவிட்டோமோ என்று நினைக்க வைக்கிறார். அவர் இன்னும் கொஞ்சம் அணுகக்கூடியவராக இருக்க வேண்டும் என்று சொல்ல, விஜய்... அவரை அமைதியாகக் கவனித்தார்!

இந்த பேட்டியின் போது, த்ரிஷா 11 ஆம் வகுப்பு படிக்கும் போது மிஸ் சென்னை பட்டத்தை வென்றது பற்றிய ஒரு சுவாரஸ்யமான தகவலை பகிர்ந்துகொண்டுள்ளார். இந்த போட்டியில் ஒரு கேள்விக்கு தான் அளித்த பதில் தான் விருதை வெல்ல முக்கிய காரணம் என்று கூறியுள்ளார். “என்னிடம் இல்லாத ஒரு தரம் என்ன என்று கேட்டார்கள். நான், ‘நேர்மை’ என்றேன். நாம் அனைவரும் நிறைய பொய்களைச் சொல்கிறோம். நான் அப்படித்தான் சொன்னேன்” என்று த்ரிஷா கூறியுள்ளார்.

விஜய் மற்றும் த்ரிஷா இருவரும் சிறந்த ஜோடி என்று ஒப்புக்கொண்ட நிலையில், விஜய்யும் அதே கருத்தைக் ஒப்புக்கொண்டுள்ளார். விஜய்-அசின், விஜய்-நயன்தாரா, விஜய்-த்ரிஷா ஆகியோரில் சிறந்த ஜோடியைத் தேர்வு செய்யும்படி கேட்டபோது, ‘விஜய் – த்ரிஷா என்ற கடைசி ஆப்ஷனை தேர்வு செய்தார். அது உண்மை என்று நான் நினைக்கிறேன்." த்ரிஷாவும் குறிப்பிட்டுள்ளார்

அரசியல் வருகைக்காக திரைப்படங்களில் நடிப்பதில் இருந்து விலக உள்ளதாக விஜய், கூறியிருப்பதால் த்ரிஷாவையும் விஜய்யையும் வெள்ளித்திரையில் மீண்டும் ரசிகர்கள் பார்ப்பார்களா என்பது தெளிவாகத் தெரியவில்லை. தற்போது தி கிரேட்டஸ்ட் ஆஃப் ஆல் டைம் படத்தின் படப்பிடிப்பில் இருக்கிறார் விஜய். இருப்பினும் விஜய் அடுத்து ஒரு படம் நடிக்க பேச்சுவார்த்தை நடைபெற்று வருவதாக கூறப்படுகிறது. இதனிடையே த்ரிஷா, அஜித்தின் விடாமுயற்சி, சிரஞ்சீவியின் விஸ்வம்பரா மற்றும் கமல்ஹாசனின் தக்லைஃப் உட்பட பல பெரிய படங்களில் நடித்து வருகிறார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

தனது முன்னா பாய் எம்.பி.பி.எஸ் படத்தை தமிழில் வெளியிட யாரும் விரும்பவில்லை. இதனால் நானே சொந்தமாக வெளியிட்டு ஒரு கோடிக்கு அதிகமாக சம்பாதித்தேன் என்று தயாரிப்பாளர் விது வினோத் சோப்ரா கூறியுள்ளார்.

பாலிவுட் சினிமாவில் முன்னணி இயக்குனர்களில் ஒருவராக இருப்பவர் ராஜ்குமார் ஹிரானி. சினிமாவில் எடிட்டராக இருந்த இவர், 2003-ம் ஆண்டு வெளியான முன்னா பாய் எம்.பி.பி.எஸ் படத்தின் மூலம் இயக்குனராக அறிமுகமானார். இந்த படம் அவருக்கு பெரிய வெற்றியை கொடுத்தது. இந்த படத்தின் திரைக்கதை உருவாக்கத்தில் பணியாற்றியதோடு மட்டுமல்லாமல், படத்தையும் தயாரித்தவர் தான் விது வினோத் சோப்ரா. ஆயுதம் வைத்திருந்த வழக்கில் கைது செய்யப்பட்ட சஞ்சய் தத்துக்கு ரீ-என்ட்ரியாக இந்த படம் அமைந்தது.

ஆங்கிலத்தில் படிக்க : A Tamil distributor refused to buy Munna Bhai MBBS for Rs 5 lakh, Vidhu Vinod Chopra released it himself and made Rs 1.6 crore

சமீபத்தில், கெல்லாக் ஸ்கூல் ஆஃப் மேனேஜ்மென்ட் உடனான ஃபயர்சைட் பேச்சின்போது முன்னா பாய் எம்.பி.பி.எஸ் படம் குறித்து பேசிய விது வினோத் சோப்ரா, இந்த படத்தை தமிழ்நாட்டில் வெளியிடும் முயற்சியில், தமிழ்நாட்டைச் சேர்ந்த திரைப்பட விநியோகஸ்தர் ஒருவருடனான தனது அனுபவத்தை மேற்கோள் காட்டி பேசியிருந்தார். இந்த படத்தின் வெளியீட்டு தேதிக்கு மூன்று நாட்களுக்கு முன்பு அந்த தமிழ் விநியோக்தர் படதம்தை வாங்க மறுத்துவிட்டதாகவும், இதனால் வேறு வழி இல்லாமல் படத்தைத் தானே தமிழகத்தில் வநியோகித்தாகவும், ஆபத்தை அழகாக எதிர்கொண்டதாகவும் கூறியுள்ளார்.

முன்னா பாய படத்தை யாரும் விநியோகிக்க விரும்பவில்லை. உண்மையில், தமிழ்நாட்டைச் சேர்ந்த ஒருவர், என் படத்தை 11 லட்சத்துக்கு வாங்கினார். இதற்காக 5 லட்சம் முன்பணம் கொடுத்திருந்தார். ஆனால் ரிலீசுக்கு 3 நாட்களுக்கு முன்னதாக என் படத்தைப் பார்த்த, அவர் இந்தப் படத்தை எடுக்க முடியாது இந்த படம் யாருக்கும் இது புரியாது’ என்று கூறிவிட்டார். இதனால் நான் அவரிடம் வாங்கிய முன்பணத்தை திருப்பி கொடுக்க வேண்டிய நிலை ஏற்பட்டது. அப்போது என்னிடம் பணம் இல்லை என்றாலும் அவருக்கான 5 லட்சத்தை திருப்பி கொடுத்தேன்.

இதன்பிறகு என்ன செய்வது என்று யோசித்து, தமிழ்நாட்டின் பெரிய திரையரங்கான சத்யத்தில் ஒரு ஷோ வைத்திருந்த, விநியோகஸ்தராக இருந்த எனது நண்பரான ஷ்யாம் ஷெராப்பை அழைத்தேன், அவர் முன்னா பாய்க்கு 11.45 மார்னிங் ஷோ கொடுத்தார். அதன்பிறகு தமிழ்நாட்டில் வெளியான முன்னா பாய் எம்.பி.பி.எஸ். திரைப்படம், ரூ.1.67 கோடி வசூல் கொடுத்தது என்று கூறியுள்ளார்.

சஞ்சய் தத் குறித்து பேசிய அவர். ஆயுதம் வைத்திருந்த வழக்கில் தண்டனை விதிக்கப்பட்டதைத் தொடர்ந்து, ஒட்டுமொத்த இண்டஸ்ட்ரியும் அவர் நடிக்க தடை விதித்தது. அவர்களுடன் அவருடன் செயல்படுவதாக நானும் உறுதி அளித்தேன். இதனால் முன்னா பாய் எம்.பி.பி.எஸ் படத்தில் முதலில் ஷாருக்கான் முக்கிய வேடத்தில் நடிக்கவிருந்தார், ஆனால் அவர் விலகியதும் சஞ்சய் தத் இந்த படத்தில் நடித்திருந்தார் என்று கூறியுள்ளார்.

ராஜ்குமார் ஹிரானி இயக்கிய முன்னா பாய் எம்.பி.பி.எஸ் படத்தில் சஞ்சய் தத், அவரது தந்தை சுனில் தத், கிரேசி சிங் மற்றும் அர்ஷத் வார்சி ஆகியோர் நடித்திருந்தனர். இந்த படம் 2003-ம் ஆண்டு வெளியானதை தொடர்ந்து, தமிழில் கமல்ஹாசன் நடிப்பில் வசூல் ராஜா எம்.பி.பி.எஸ் என்ற பெயரில் ரீமேக் செய்யப்பட்டது. மேலும் 2006 ஆம் ஆண்டு லகே ரஹோ முன்னா பாய் என்ற தலைப்பில் இந்த படத்தின் 2-ம் பாகம் வெளியானது. இந்த படத்தில் சஞ்சய்க்கு ஜோடியாக வித்யா பாலன் நடித்தார் என்பது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

கர்நாடக மாநிலம் பெல்லாரியில் உள்ள கல்யாண் ஜூவல்லர்ஸ் நகைக் கடையில், கடந்த வியாழக்கிழமை ஏ.சி மெஷின் (குளிரூட்டி) வெடித்ததில் 3 பேர் படுகாயமடைந்தனர். ஏ.சி-யில் ஏற்பட்ட கோளாறு காரணமாக தீப்பிடித்து வெடித்து விபத்து ஏற்பட்டதாக தெரிவிக்கப்பட்டது. இந்த சம்பவத்தில் காயமடைந்தவர்கள் ஆபத்தான நிலையில் மருத்துவமனையில் அனுமதிக்கப்பட்டு சிகிச்சை பெற்று வருகிறார்கள். 

தற்போது கோடைக்காலம் என்பதால், ஏ.சி-யின் பயன்பாடு அதிகமாக வரும் நிலையில், இதுபோல ஏ.சி தீப்பிடித்து வெடிப்பதற்கான காரணம் என்ன? என்பது பற்றியும், எப்படி தவிர்க்கலாம் என்பது பற்றியும் இங்கு பார்க்கலாம். 

கோடையில் ஏ.சி தீப்பிடித்து வெடிப்பதற்கான காரணம் 

ஏ.சி-யின் கண்டன்ஸரில் உருவாகும் அதீத வெப்பமோ அல்லது கம்ப்ரஸரில் உருவாகும் அதீத அழுத்தமோ தீப்பிடிக்க ஒரு காரணமாக இருக்கலாம். நம் பார்வைக்குத் தெரியும்படி இருக்கும் கண்டன்ஸர் பகுதியில் வெப்பம் அதிகமாகக் காணப்படும். வீட்டுக்கு வெளியே இருக்கும் கம்ப்ரஸர் மற்றும் கண்டன்ஸர் அமைப்பில் பழுது ஏற்பட்டால், தீ விபத்து ஏற்படக்கூடும். வெப்பத்தால் காயில்களில் உள்ள வெல்டிங்குகளில் விரிசல் ஏற்படலாம். அதனால், அதிக அழுத்தத்தால் கம்ப்ரஸர் வெடிக்கும் நிலை ஏற்படலாம். 

ஏ.சி-களில் தரம் உயர்ந்த காப்பரையே பயன்படுத்தினார்கள். எனவே, அவை அதிக காலத்துக்குப் பிரச்னை இல்லாமல் உழைத்தன. ஆனால், சமீப காலமாக நிறுவனங்கள் விலையைக் குறைக்க வேண்டும் என்ற நோக்கில் அலுமினியத்தைப் பயன்படுத்தத் தொடங்கி இருக்கிறார்கள். 

இவை வெப்பம் அதிகமான காணப்படும் நகரங்களுக்கு ஏற்றவையாக இருக்காது. இருப்பினும், தற்போது அலுமினியம் பயன்படுத்துவதைக் குறைக்கத் தொடங்கியிருக்கிறார்கள். இது போல தரம் குறைந்த பொருள்களைப் பயன்படுத்தும் ஏ.சிகளில் விபத்து அதிகமாக ஏற்படுகிறது. மேலும், கோடைக் காலங்களில் ஏ.சிகளின் பயன்பாடு அதிகமாக இருக்கும் என்பதும், வெளிப்புறத்தில் வெப்பம் அதிகமாக இருக்கும் என்பதும் விபத்து நிகழ்வதற்கான சூழ்நிலையை உருவாக்கும் வாய்ப்புகள் உண்டு. 

தவிர்ப்பது எப்படி? 

ஏ.சி-யில் உள்ள ஃபில்டர்களை 10 நாள்களுக்கு ஒருமுறை சுத்தம் செய்ய வேண்டும். சுத்தம் செய்யும்போது உள்ளே இருக்கும் சர்க்யூட் போர்டில் தண்ணீர் படாதவாறு பார்த்துக்கொள்ளல் வேண்டும். 

சிறிய அளவில் பிரச்னை என்று தெரிந்தால் கூட சர்வீஸ் சென்டருக்கு எடுத்து செல்ல வேண்டும். அல்லது ஏ.சி பழுது பார்ப்பவர்களை தொடர்பு கொள்ள வேண்டும். 

ஏ.சிக்கு கட்டாயமாக ஸ்டெபிலைசரை பொருத்த வேண்டும். 

குறைந்த விலைக்கு கிடைக்கும் தரமற்ற ஏ.சி-களை வாங்குவதை தவிர்க்க வேண்டும். 

ஏ.சி-யை முறையாக பராமரிக்க வேண்டும் என்பது குறிப்பிடத்தக்கது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

ரஜினிகாந்த் நடிப்பில் அடுத்து படப்பிடிப்பு தொடங்க உள்ள கூலி படத்தின் டிசரில் தனது அனுமதி இல்லாமல் தனது பாடல் பயன்படுத்தப்பட்டதாக இசையமைப்பாளர் இளையராஜா நோட்டீஸ் அனுப்பியுள்ளது குறித்து நடிகர் ரஜினிகாந்த் கருத்து தெரிவித்துள்ளார்.

விக்ரம் மற்றும் லியோ படங்களின் மூலம் தமிழ் சினிமாவில் கவனிக்கப்படும் இயக்குனர்களில் ஒருவராக மாறியுள்ள லோகேஷ் கனகராஜ் அடுத்து தனது 6-வது படமாக ரஜினிகாந்த் நடிக்கும் படத்தை இயக்க உள்ளார். தற்காலிகமாக தலைவர் 171 என்று பெயரிப்பட்டிருந்த இந்த படத்திற்கு டைட்டில் கூலி என்று அறிவித்த படக்குழுவினர் இதற்கான டைட்டில் டீசரையும் சமீபத்தில் வெளியிட்டிருந்தனர். இந்த படத்திற்கு அனிருத் இசையமைத்துள்ளார்.

பிளாக் அண்ட் வொயிட்டில் வெளியான இந்த டீசரில் தங்கம் மட்டும் கலரில் இருந்தது. ரங்கா படத்தில் வரும் வசனத்துடன் தொடங்கும் இந்த டீசரில் தங்கமகன் படத்தில் வரும் ‘’வா வா பக்கம் வா பாடலின் பின்னணி இசை ஒலிப்பதுடன் டீசர் முடிவடையும். இந்த டீசர் ரசிகர்கள் மத்தியில் நல்ல வரவேற்பை பெற்றிருந்த நிலையில், கடந்த இரு தினங்களுக்கு முன்பு கூலி படத்தின் டீசரில் தனது பாடலின் இசையை தனது அனுமதி இல்லாமல் படக்குழு பயன்படுத்தியுள்ளதாக சன் பிச்சர்ஸ் நிறுவனத்திற்கு இளையராஜா நோட்டீஸ் அனுப்பியிருந்தார்.

இந்த நோட்டீசில், கூலி படத்தின் டீசரில் வரும், வா வா பக்கம் வா பாடலின் பின்னணி இசையை நீக்க வேண்டும். அல்லது அது குறித்து தன்னிடம் உரிய அனுமதி பெற வேண்டும்.  இந்த படத்தின் இயக்குனர் லோகேஷ் கனகராஜ் ஏற்கனவே விக்ரம் படத்தில் நான் இசையமைத்த விக்ரம் பாடலையும், அவர் தயாரித்த ஃபைட் க்ளப் படத்தில் என் ஜோடி மஞ்சக்குருவி பாடலின் இசையையும் பயன்படுத்தியிருப்பார். இப்போது கூலி படத்திலும் எனது இசையை பயன்படுத்தியுள்ளார்.

கூலி டீசரில் இருந்து எனது இசையை நீக்க வேண்டும். இல்லை என்றால் சட்டப்படி நடவடிக்கை எடுக்கப்படும் என்று இளையராஜா அந்த நோட்டீசில் தெரிவித்திருந்தார். இளையராஜாவின் இந்த நடவடிக்கை பெரும் அதிர்வலைகளை ஏற்படுத்தியுள்ள நிலையில், இது குறித்து நடிகர் ரஜினிகாந்த் கருத்து தெரிவித்துள்ளார். வேட்டையன் படத்தின் படப்பிடிப்பை முடித்துவிட்டு சென்னை திரும்பிய ரஜினிகாந்த் விமான நிலையத்தில் செய்தியாளர்களை சந்தித்தார்.

அப்போது அவர் கூறுகையில், கூலி டீசர் பின்னணி இசை பிரச்சனை குறித்து கேள்விக்கு இசையமைப்பாளருக்கும் தயாரிப்பாளருக்கும் இடையே உள்ள பிரச்சனை. காஃபி ரைட்ஸ் கேட்டு நோட்டீஸ் அனுப்புவது இளையராஜாவின் முடிவு என்று கூறியுள்ளார். மேலும் கூலி டீசர் ரசிகர்கள் மத்தியில் நல்ல வரவேற்பை பெற்று வருகிறது என்றும், வேட்டையன் படத்தின் படப்பிடிப்பு 80 சதவீதம் முடிந்துள்ளது என்றும் ரஜினிகாந்த் தெரிவித்துள்ளார்.

உலக செவிலியர்கள் தினத்தை முன்னிட்டு கோவையில் தனியார் செவிலியர் கல்லூரி மாணவிகள், ஆசிரியர்கள் புற்றுநோயாளிகளுக்காக தலை முடி தானம் செய்தனர்.

ஒவ்வொரு ஆண்டும் மே 12 ஆம் தேதி உலகம் முழுவதும் செவிலியர்கள் தினம் கொண்டாடப்பட்டு வருகிறது. மேலும் செவிலியர்கள் பணிகள் குறித்தும், பல்வேறு விழிப்புணர்வு நிகழ்ச்சிகள் நடத்தப்பட்டு வருகிறது. 

இந்நிலையில் உலக செவிலியர் தினத்தை முன்னிட்டு கோவை மதுக்கரை பகுதியில் உள்ள அபிராமி செவிலியர்கள் கல்லூரி சார்பில் புற்றுநோயால் பாதிக்கப்பட்ட மக்களுக்கு தலை முடி தானம் செய்ய முடிவு செய்யப்பட்டது. வரும் மே 12 ஆம் தேதி வரை கோவை மண்டலத்தில் நடைபெறும் தலைமுடி தான நிகழ்ச்சியின் மூலம் பல்வேறு நிறுவனங்களை சேர்ந்த பெண்கள் தலைமுடி தானம் செய்கின்றனர்.

இதில் முதல் கட்டமாக 15 செவிலியர் கல்லூரி ஆசிரியர்கள், 150 செவிலியர் மாணவிகள் தங்கள் தலைமுடியை புற்றுநோயால் பாதிக்கப்பட்டவர்களுக்கு தானமாக வழங்கினர். இதற்காக ஏற்பாடு செய்யப்பட்ட அழகுகலை பெண் நிபுணர்கள் மாணவிகளின் தலைமுடிகளை வெட்டி எடுத்ததோடு, அதை அழகுபடுத்தியும் முடி வெட்டுவதால் மாணவிகளுக்கு ஏற்படும் தாழ்வு மனப்பான்மையையும் நீக்கினர்.

பி.ரஹ்மான், கோவை 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Vairamuthu | Ilayaraja: நடிகை யாஷிகா ஆனந்த் நடித்துள்ள திரைப்படம் படிக்காத பக்கங்கள். செல்வம் மாதப்பன் இயக்கத்தில் உருவாகி வரும் இப்படத்தின் டிரெய்லர் மற்றும் இசை வெளியீட்டு விழா அண்மையில் சென்னையில் நடைபெற்றது. இந்த விழாவில் கவிப்பேரரசு வைரமுத்து உள்ளிட்ட பலரும் கலந்து கொண்டனர். 

வைரமுத்து பேச்சு 

இந்த விழாவில் பேசிய வைரமுத்து, "ஒரு பாடலில், இசை பெரியதா, மொழி பெரியதா என்பது ஒரு பெரிய சிக்கலாகப் பேசப்பட்டு வருகிறது. இதில் என்ன சந்தேகம்? இசை எவ்வளவு பெரியதோ, அவ்வளவு பெரியது மொழி. மொழி எவ்வளவு பெரியதோ, அவ்வளவு பெரியது இசை. இரண்டும் கூடினால்தான் அது பாட்டு. சில நேரங்களில், இசை சிறந்ததாகவும், சில நேரங்களில், மொழி சிறந்ததாகவும் திகழ்கிற சந்தர்ப்பங்கள் உண்டு. இதைப்புரிந்து கொண்டவன் ஞானி. இதைப்புரிந்து கொள்ளாதவன் அஞ்ஞானி." என்று தெரிவித்தார். 

விமர்சனம் 

வைரமுத்து பேசியது தொடர்பான வீடியோ வெளியான நிலையில், அவர் இளையராஜாவை விமர்சித்து தான் அவ்வாறான கருத்தை தெரிவித்து இருக்கிறார் என்று  ரசிகர்கள் சமூக வலைதளத்தில் பதிவிட்டனர். இதற்கு பகிரங்ககமாக எச்சரித்த இசையமைப்பாளரும் இளையராஜாவின் தம்பியுமான கங்கை அமரன், வைரமுத்துவை கண்டித்து நேற்று செவ்வாய்க்கிழமை வீடியோ ஒன்றை வெளியிட்டார். 

அந்த வீடியோவில் கங்கை அமரன், "வைரமுத்து நல்ல கவிஞர் என்பதை ஒத்துக்கொள்ளலாம். ஆனால் அவர் நல்லவர் இல்லை. தடுக்க ஆள் இல்லாததால் இப்படி செய்கிறார். இனிமேல் இளையராஜாவைப் பற்றி அவமரியாதையாகப் பேசினால் அதற்கான விளைவுகளைச் சந்திக்க நேரிடும். இளையராஜா இல்லை என்றால் இன்று வைரமுத்து என்ற பெயரே இருக்காது." என்று கூறினார். 

சீண்டி வைரமுத்து 

கங்கை அமரன் வைரமுத்துவை சாடி வீடியோ சமூக வலைதள பக்கங்களில் வைரலாகிய நிலையில், மீண்டும் வைரமுத்து இளையராஜாவை மறைமுகமாக சீண்டி கவிதை ஒன்றை வெளியிட்டுள்ளார். தனது எழுத்தில் இளையராஜா இசையில் வெளியான கண் சிவந்தால் மண் சிவக்கும் படத்தில் இடம் பெற்ற மனிதா மனிதா பாடலை குறிப்பிட்டு மே முதல் நாளாம் உழைப்பாளர் தின வாழ்த்துடன் சேர்த்து இளையராஜாவை மறைமுகமாக சீண்டியிருக்கிறார் வைரமுத்து. 

இது தொடர்பாக வைரமுத்து தனது எக்ஸ் வலைதள பக்கத்தில் பதிவிட்டுள்ள கவிதையில்,"உழைப்பு, காதல், பசி இந்த மூன்றுமே மண்ணுலகை இயக்கும் மகா சக்திகள். அந்த உழைப்பு உரிமை பெற்றநாள் இந்த நாள். தூக்குக் கயிற்றுக்குக் கழுத்து வளர்த்தவர்களும் குண்டுகள் குடைவதற்காக நெஞ்சு நீட்டியவர்களும் வீர வணக்கத்துக்குரியவர்கள். இந்தச் சிறப்பு நாளுக்கு ஒரு சிவப்புப் பாடல் காணிக்கை.  எழுத்து வைரமுத்து. இசை இளையராஜா. குரல் ஜேசுதாஸ். இந்தப் பாட்டு இந்த மூவருக்கு மட்டுமல்ல, உழைக்கும் தோழர் ஒவ்வொருவருக்கும் சொந்தம்" என்று அவர் பதிவிட்டார். 

முற்றும் முன்னாள் நண்பர்களின் யுத்தம்  

இந்த நிலையில், தற்போது வைரமுத்து தனது புதிய சமூக வலைதள பதிவில் மீண்டும் ஒரு முறை இளையராஜா குறித்து மறைமுகமாக சாடியுள்ளார். அந்தப் பதிவில், குயில் கூவத் தொடங்கிவிட்டால் காடு தன் உரையாடலை நிறுத்திக்கொள்ள வேண்டும், புயல் வீசத் தொடங்கிவிட்டால், ஜன்னல் தன் வாயை மூடிக்கொள்ள வேண்டும். வெள்ளம் படையெடுக்கத் தொடங்கிவிட்டால் நாணல் நதிக்கரையில் தலைசாய்த்துக்கொள்ள வேண்டும். மக்கள் தனக்காகப் பேசத் தொடங்கிவிட்டால், கவிஞன் தன் குரலைத் தணித்துக்கொள்ள வேண்டும். அதுதான் நடந்து கொண்டிருக்கிறது." என்று பதிவிட்டுள்ளார். 

இதன் மூலம் இளையராஜாவுக்கும் தனக்கும் இடையிலான கருத்து வேறுபாடு விவகாரத்தில் மக்கள் தனக்காக பேசத் தொடங்கியுள்ளதால், தான் அமைதியாக இருப்பதாக வைரமுத்து சூசகமாக பதிலளித்துள்ளார். அவரது இந்தப் பதிவுக்கு இணையவாசிகள் கலவையான கருத்துகளைப் பகிர்ந்து வருகிறார்கள் என்பது குறிப்பிடத்தக்கது. 

குயில்
கூவத் தொடங்கிவிட்டால்
காடு தன் உரையாடலை
நிறுத்திக்கொள்ள வேண்டும்

புயல்
வீசத் தொடங்கிவிட்டால்
ஜன்னல் தன் வாயை
மூடிக்கொள்ள வேண்டும்

வெள்ளம்
படையெடுக்கத் தொடங்கிவிட்டால்
நாணல் நதிக்கரையில்
தலைசாய்த்துக்கொள்ள வேண்டும்

மக்கள்
தனக்காகப்
பேசத் தொடங்கிவிட்டால்
கவிஞன் தன்…

— வைரமுத்து (@Vairamuthu) May 4, 2024

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

தமிழகத்தில் பொறியியல் கலந்தாய்வு விரைவில் தொடங்க உள்ள நிலையில், முதன்மை பொறியியல் கல்லூரியான மெட்ராஸ் தொழில்நுட்ப கல்லூரியில் இந்த ஆண்டு கட் ஆஃப் எப்படி இருக்கும் என்பதை இப்போது பார்ப்போம்.

தமிழகத்தில் 12 ஆம் வகுப்பு பொதுத் தேர்வு முடிவுகள் வருகின்ற மே 6 ஆம் தேதி வெளியிட திட்டமிடப்பட்டுள்ளது. அதனைத்தொடர்ந்து பொறியியல் மாணவர் சேர்க்கைக்கான கவுன்சலிங் தொடங்கும்.

இந்தநிலையில் தமிழகத்தின் முன்னணி பொறியியல் கல்லூரியாக திகழும் அண்ணா பல்கலைக்கழக வளாக கல்லூரியான எம்.ஐ.டி கேம்பஸ் எனப்படும், குரோம்பேட்டையில் உள்ள மெட்ராஸ் இன்ஸ்டிடியூட் ஆஃப் டெக்னாலஜியில் இந்த ஆண்டு கட் ஆஃப் எப்படி இருக்கும் என்பதை இப்போது பார்ப்போம். கட் ஆஃப் உள்ளிட்ட தகவல்களை கல்வி ஆலோசகர் அஸ்வின் தனது யூடியூப் வீடியோவில் வழங்கியுள்ளார்.

பொதுப் பிரிவு

ஏரோநாட்டிகல் இன்ஜினியரிங் – 195

ஆர்டிபிஷியல் இண்டலிஜென்ஸ் அண்ட் டேட்டா சயின்ஸ் – 198

ஆட்டோமொபைல் இன்ஜினியரிங் – 190

கம்ப்யூட்டர் சயின்ஸ் – 199

கம்ப்யூட்டர் சயின்ஸ் (எஸ்.எஸ்) – 198.50

இ.சி.இ – 198.50

இ.சி.இ (எஸ்.எஸ்) – 197

இ.ஐ.இ – 195.50

ஐ.டி (எஸ்.எஸ்) – 197.50

புரொடொக்சன் இன்ஜினியரிங் – 185.50

ரோபாட்டிக்ஸ் (எஸ்.எஸ்) – 195.50

ரப்பர் அண்ட் பிளாஸ்டிக்ஸ் – 177.50

பி.சி பிரிவு

ஏரோநாட்டிகல் இன்ஜினியரிங் – 192.50

ஆர்டிபிஷியல் இண்டலிஜென்ஸ் அண்ட் டேட்டா சயின்ஸ் – 197

ஆட்டோமொபைல் இன்ஜினியரிங் – 180.50

கம்ப்யூட்டர் சயின்ஸ் – 198.50

கம்ப்யூட்டர் சயின்ஸ் (எஸ்.எஸ்) – 198

இ.சி.இ – 197.50

இ.சி.இ (எஸ்.எஸ்) – 197

இ.ஐ.இ – 193.50

ஐ.டி (எஸ்.எஸ்) – 197

புரொடொக்சன் இன்ஜினியரிங் – 180

ரோபாட்டிக்ஸ் (எஸ்.எஸ்) – 193.50

ரப்பர் அண்ட் பிளாஸ்டிக்ஸ் – 172.50

எஸ்.சி பிரிவு

ஏரோநாட்டிகல் இன்ஜினியரிங் – 184.55

ஆர்டிபிஷியல் இண்டலிஜென்ஸ் அண்ட் டேட்டா சயின்ஸ் – 188.50

ஆட்டோமொபைல் இன்ஜினியரிங் – 180.50

கம்ப்யூட்டர் சயின்ஸ் – 193.50

கம்ப்யூட்டர் சயின்ஸ் (எஸ்.எஸ்) – 190

இ.சி.இ – 190.50

இ.சி.இ (எஸ்.எஸ்) – 188.50

இ.ஐ.இ – 180.50

ஐ.டி (எஸ்.எஸ்) – 189

புரொடொக்சன் இன்ஜினியரிங் – 167.50

ரோபாட்டிக்ஸ் (எஸ்.எஸ்) – 186.50

ரப்பர் அண்ட் பிளாஸ்டிக்ஸ் – 152.50

இதேபோல் ஒவ்வொரு இடஒதுக்கீட்டு பிரிவுக்கும் தனித்தனியாக கட் ஆஃப் வழங்கப்பட்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

இந்திய கடல்சார் தகவல் மையம் (INCOIS0 பல்வேறு மாநிலங்களில் உள்ள கடலோரப் பகுதிகளுக்கு இன்றும், நாளையும் சனிக்கிழமை (மே 4) மற்றும் ஞாயிற்றுக்கிழமை (மே 5) அதீத அலைக்கான கல்லக்கடல் என்று அழைக்கப்படும் எச்சரிக்கையை விடுத்துள்ளது. கோவா, மகாராஷ்டிரா, மேற்கு வங்காளம், ஒடிசா, தமிழ்நாடு, கேரளா, லட்சத்தீவு, கர்நாடகா, குஜராத் மற்றும் அந்தமான் & நிக்கோபார் தீவுகள் ஆகிய மாநிலங்களின் கடலோரப் பகுதிகளை கடல் அலைகள், உயரமாக எழக் கூடும் என எச்சரிக்கை விடுத்துள்ளது. 

INCOIS மீனவர்கள் மற்றும் கரையோர மக்களுக்கும் எச்சரிக்கை விடுத்துள்ளது. கடற்கரை/அருகில் உள்ள பகுதிகளில் செயல்பாடு/பொழுதுபோக்கு நடவடிக்கைகளை முழுவதுமாக நிறுத்துமாறு வலியுறுத்தியது.  மார்ச் மாதத்தில், கேரளாவின் பல பகுதிகளில் வெள்ளப்பெருக்கு ஏற்பட்டது - ஆலப்புழா, கொல்லம் மற்றும் திருவனந்தபுரம் மாவட்டங்கள் மிக மோசமாக பாதிக்கப்பட்டன. இதுபோன்ற வெள்ளப்பெருக்கு நிகழ்வுகள் கேரளாவில் கல்லக்கடல் என்று அழைக்கப்படுகிறது.

Swell waves என்றால் என்ன? 

இந்த அலைகள் கடல் சீற்றத்தால் உருவாகின்றன. கடல் அலைகள் உள்ளூர் காற்றின் காரணமாக அல்ல, மாறாக சூறாவளி போன்ற தொலைதூர புயல்கள் அல்லது நீண்ட கால கடுமையான சூறாவளி காற்றின் காரணமாக ஏற்படுகிறது.
 
இத்தகைய புயல்களின் போது, ​​காற்றில் இருந்து தண்ணீருக்கு மிகப்பெரிய ஆற்றல் பரிமாற்றம் நடைபெறுகிறது, இது மிக உயர்ந்த அலைகளை உருவாக்க வழிவகுக்கிறது. இத்தகைய அலைகள் புயல் மையத்திலிருந்து கரையைத் தாக்கும் வரை ஆயிரக்கணக்கான கிலோமீட்டர்கள் பயணிக்க முடியும். 

வழக்கமாக, கேரளா போன்ற மாநிலங்கள் இந்தியப் பெருங்கடலின் தெற்குப் பகுதியில் பலத்த காற்றின் விளைவாக அலைகளை எதிர்கொள்கின்றன, அங்கு ஒரு கடல் அலை உருவாகிறது, மேலும் அலைகள் வடக்கே பயணித்து இரண்டு அல்லது மூன்று நாட்களில் கடற்கரையை அடைகின்றன.

இந்தியக் கடற்கரையிலிருந்து 10,000 கிலோமீட்டர் தொலைவில் உள்ள தெற்கு அட்லாண்டிக் பெருங்கடலில் இருந்து குறைந்த வளிமண்டல அழுத்தம் அமைப்பு நகர்ந்த பிறகு மார்ச் மாதம் இந்த அலைகள் உருவாக்கப்பட்டன. அழுத்த அமைப்பின் வருகை பலத்த காற்றை ஏற்படுத்தியது, இது 11 மீட்டர் உயரம் வரை அலைகள் உருவாக வழிவகுத்தது. இந்த அலைகள் கேரள கடற்கரை மற்றும் லட்சத்தீவுகளை தாக்கியது. 

ஆங்கிலத்தில் படிக்க: https://indianexpress.com/article/explained/swell-waves-likely-to-hit-several-coastal-areas-over-the-weekend-says-incois-what-are-these-waves-9307429/

Swell waves வருவதற்கான முன்னெச்சரிக்கை நடவடிக்கையை அறிய 2020-ம் ஆண்டில் INCOIS ஸ்வெல் சர்ஜ் முன்னறிவிப்பு அமைப்பை அறிமுகப்படுத்தியது. இந்த அமைப்பை நிறுவியதன் மூலம் 7 நாட்களுக்கு முன்பே Swell waves வருவதற்கான  முன்னறிவிப்பை பெற முடியும். 

Swell waves- சுனாமிக்கும் என்ன வித்தியாசம்?

Swell waves போல் அல்லாமல் சுனாமி அலைகள் பெரிய அளவில் தொடர்ச்சியாக வரும். நீருக்கடியில் ஏற்படும் இடையூறுகளால் உருவாகி அலைகள் எழும். இது பொதுவாக பூகம்பங்கள் ஏற்பட்டு நிகழும். Swell waves விட சுனாமி அலைகள் 10 மடங்கு வேகமானது. Swell waves மற்றும் சுனாமிகள் இரண்டும் கடற்கரைக்கு அருகில் மெதுவாக இருந்தாலும், பின்பு அது மணிக்கு 30-50 கிமீ வேகத்தில் தரையைத் தாக்கும். 

நீட் தேர்வு நாளை நடைபெற உள்ள நிலையில், தேர்வு மையத்திற்குகு அவசியம் எடுத்துச் செல்ல வேண்டிய பொருட்கள் என்னென்ன என்பதை இப்போது பார்ப்போம்.

ஆங்கிலத்தில் படிக்க: NEET UG 2024: Over 24 lakh candidates to appear exam, NTA guidelines

தேசிய தேர்வு முகமை (NTA) தேசிய தகுதி மற்றும் நுழைவுத் தேர்வை (NEET UG 2024) மே 5 அன்று பிற்பகல் 2 மணி முதல் மாலை 5:20 மணி வரை நாடு முழுவதும் 557 நகரங்களிலும், வெளிநாடுகளில் உள்ள 14 நகரங்களிலும் நடத்துகிறது. நீட் தேர்வு சுமார் ஒரு லட்சம் எம்.பி.பி.எஸ் (MBBS) இடங்களுக்கு போட்டியிடும் 24 லட்சத்திற்கும் மேற்பட்ட மருத்துவ ஆர்வலர்களுக்கு நடத்தப்படுகிறது.

தேர்வில் பங்கேற்கும் விண்ணப்பதாரர்கள் தங்களது ஹால் டிக்கெட்டை தேர்வு மையத்திற்கு கட்டாயம் கொண்டு செல்ல வேண்டும். நீட் தேர்வுக்கான ஹால் டிக்கெட் அதிகாரப்பூர்வ இணையதளத்தில் கிடைக்கும் – exams.nta.ac.in/NEET. பதிவிறக்கம் செய்யப்பட்ட நீட் தேர்வு ஹால் டிக்கெட்டில் மாணவரின் புகைப்படம், கையொப்பம் மற்றும் ரோல் எண் பார்கோடு ஆகியவை முக்கியமாகக் காட்டப்பட வேண்டும். தேர்வின் போது அடையாளம் காணல் மற்றும் சரிபார்ப்பு நோக்கங்களுக்காக இந்த விவரங்கள் முக்கியமானவை என்று தேசிய தேர்வு முகமை தேர்வு நாளுக்கான வழிகாட்டுதல்களை வெளியிடும் போது தெரிவித்துள்ளது.

விண்ணப்பதாரர்கள் நீட் தேர்வு ஹால் டிக்கெட்டில் ஏதேனும் அத்தியாவசிய விபரங்கள் விடுபட்டிருந்தால், தேசிய தேர்வு முகமை இணையதளத்தில் இருந்து மீண்டும் ஹால் டிக்கெட்டை பதிவிறக்கம் செய்யுமாறு தேசிய தேர்வு முகமை விண்ணப்பதாரர்களைக் கேட்டுக் கொண்டுள்ளது.

நீட் தேர்வு ஹால் டிக்கெட்டில் மூன்று பக்கங்கள் உள்ளன - பக்கம் 1 – தேர்வு மைய விவரங்கள் மற்றும் சுய அறிவிப்பு (உறுதிமொழி) படிவம், பக்கம் 2 இல் "அஞ்சலட்டை அளவு புகைப்படம்" மற்றும் பக்கம் 3 விண்ணப்பதாரர்களுக்கான வழிமுறைகளைக் கொண்டுள்ளது. விண்ணப்பதாரர் மூன்று பக்கங்களையும் பதிவிறக்கம் செய்து, தேர்வு மையத்திற்கு வருவதற்கு முன் பக்கம் 2 இல் அஞ்சல் அட்டை அளவிலான புகைப்படத்தை ஒட்ட வேண்டும்.

தேர்வில் பங்கேற்கும் விண்ணப்பதாரர்கள் தேசிய தேர்வு முகமை வழங்கிய நீட் தேர்வு ஆடைக் கட்டுப்பாட்டு வழிமுறைகளைப் பின்பற்ற வேண்டும். ஆர்வமுள்ளவர்கள் சாதாரணமாக உடை அணிய வேண்டும் மற்றும் நீண்ட கை கொண்ட ஆடைகளைத் தவிர்க்க வேண்டும். ஷூக்கள் தடைசெய்யப்பட்டுள்ளன. மேலும் மாணவர்கள் செருப்பு அல்லது ஸ்லிப்பர்களை அணிய அறிவுறுத்தப்படுகிறார்கள். விருப்பமுள்ளவர்கள் வழக்கமான உடை அணிந்து மதியம் 12:30 மணிக்குள் தேர்வு மையத்திற்கு வர வேண்டும்.

நீட் தேர்வு மையத்தில் அறிக்கையிடும் நேரம் காலை 11:30 மணியாகவும், தேர்வுக் கூடத்துக்குள் கடைசியாக அனுமதிக்கப்படும் நேரம் மதியம் 1:30 மணியாகவும் இருக்கும். இதைத் தொடர்ந்து, தேர்வர்கள் தேர்வு மையத்திற்குள் அனுமதிக்கப்பட மாட்டார்கள். தடை செய்யப்பட்ட பொருட்களை எடுத்துச் செல்ல வேண்டாம் மற்றும் பாதுகாப்பு நடைமுறைகளை மேற்கொள்ள வேண்டும். தேர்வு தொடங்கிய முதல் ஒரு மணி நேரத்திலும், தேர்வின் கடைசி அரை மணி நேரத்திலும் பயோ-பிரேக்குகள் அனுமதிக்கப்படாது. பயோமெட்ரிக் வருகைப்பதிவு மற்றும் நுழைவு சோதனையைத் தவிர, பயோ-பிரேக் அல்லது கழிப்பறை இடைவேளையில் இருந்து நுழையும்போது, பயோமெட்ரிக் வருகைப்பதிவு மீண்டும் எடுக்கப்படும் என்றும், தேசிய தேர்வு முகமை தெரிவித்துள்ளது.

24 லட்சம் பதிவு செய்யப்பட்ட விண்ணப்பதாரர்களில், 10 லட்சத்துக்கும் மேற்பட்ட மாணவர்கள், 13 லட்சத்துக்கும் மேற்பட்ட மாணவிகள் மற்றும் 24 மாணவர்கள் மூன்றாம் பாலினம் பிரிவின் கீழ் பதிவு செய்துள்ளனர்.

நீட் தேர்வு என்பது பேனா பேப்பர் அடிப்படையிலான தேர்வு. சோதனையின் காலம் மூன்று 3 மணி நேரம் 20 நிமிடங்கள் இருக்கும்.

நீட் தேர்வு மையத்திற்குள் அனுமதிக்கப்பட்ட பொருட்கள்

- தேசிய தேர்வு முகமை இணையதளத்தில் (A4 அளவு தாளில் தெளிவான பிரிண்ட்அவுட்) பதிவிறக்கம் செய்யப்பட்ட, நியமிக்கப்பட்ட இடத்தில் (பக்கம் 2) அஞ்சலட்டை அளவு புகைப்படம் ஒட்டிய சுய பிரகடனத்துடன் (உறுதிமொழி) நீட் தேர்வு ஹால் டிக்கெட்.

- செல்லுபடியாகும் அடையாளச் சான்று முன்னுரிமை ஆதார் அட்டை (புகைப்படத்துடன்), இ-ஆதார், ரேஷன் கார்டு, புகைப்படத்துடன் கூடிய ஆதார் பதிவு எண். இருப்பினும், அரசாங்கத்தால் வழங்கப்பட்ட பிற செல்லுபடியாகும் அடையாளச் சான்றுகள்: பான் கார்டு, ஓட்டுநர் உரிமம், வாக்காளர் அடையாள அட்டை, 12 ஆம் வகுப்பு சேர்க்கை அல்லது பதிவு அட்டை அல்லது பாஸ்போர்ட், புகைப்படத்துடன் கூடிய அசல் பள்ளி அடையாள அட்டை ஆகியவை மேற்கூறிய சான்றுகள் கிடைக்காத பட்சத்தில் மட்டுமே பரிசீலிக்கப்படும். மொபைல் ஃபோனில் உள்ள ஐ.டிகளின் சான்றளிக்கப்பட்ட அல்லது ஸ்கேன் செய்யப்பட்ட புகைப்படம் இருந்தாலும், அந்த ஐ.டி அல்லது ஐ.டிகளின் நகல்களும் சரியான அடையாளச் சான்றாகக் கருதப்படாது.

- தனிப்பட்ட வெளிப்படையான தண்ணீர் பாட்டில்

- நீட் தேர்வு விண்ணப்பப் படிவத்தில் பதிவேற்றியதைப் போன்ற கூடுதல் புகைப்படம், வருகைத் தாளில் ஒட்டப்பட வேண்டும்

- மாற்றுத் திறனாளிச் சான்றிதழ் மற்றும் எழுத்தாளர் தொடர்பான ஆவணங்கள், (தேவைப்படின்)

மே 5 ஆம் தேதி மருத்துவ நுழைவுத் தேர்வில் பங்கேற்கும் அனைத்து விண்ணப்பதாரர்களும் நியாயமற்ற வழிமுறைகள் அல்லது நடைமுறைகளில் ஈடுபடுவதைத் தவிர்க்குமாறு தேசிய தேர்வு முகமை வலியுறுத்தியுள்ளது. முறைகேடுகளுக்கு பூஜ்ஜிய சகிப்புத்தன்மை கொள்கையை தேசிய தேர்வு முகமை ஏற்றுக்கொண்டது மற்றும் தேர்வில் சமரசம் செய்வதற்கான எந்தவொரு முயற்சியையும் தடுக்க தொடர்ச்சியான வலுவான நடவடிக்கைகளை அறிமுகப்படுத்தியுள்ளது என்று NTA நேற்று இரவு வெளியிடப்பட்ட அறிக்கையில் தெரிவித்துள்ளது. விண்ணப்பதாரர்கள் மற்றும் கண்காணிப்பு பணியாளர்கள் இருவருக்கும் மல்டிஸ்டேஜ் பயோமெட்ரிக் அங்கீகாரம், பறக்கும் படைகளின் திடீர் வருகைகள், மாணவர்களின் விண்ணப்ப விவரங்களில் உள்ள முரண்பாடுகளைக் கண்டறிய AI கருவிகளைப் பயன்படுத்துதல், முழுமையான கண்காணிப்பு போன்ற பல்வேறு நடவடிக்கைகளை தேசிய தேர்வு முகமை செயல்படுத்தியுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

ராட்சசன், அசுரன் படங்களில் நடித்து தமிழ் ரசிகர்களை கவர்ந்தவர் அம்மு அபிராமி.

ஒருமுறை அம்மு அபிராமி தன்னுடைய சரும பராமரிப்பு குறித்து ஐபிசி மங்கை யூடியூப் சேனலுக்கு அளித்த பேட்டியின் போது பகிர்ந்து கொண்டார்.

”சினிமாவுக்கு வந்த பிறகு மேக்கப்  போடுறது அவசியமாயிடுச்சு. மேக்கப் போடுறது நம்ம சருமத்தை கண்டிப்பா பாதிக்கும். அதுக்காக நான் தோல் மருத்துவர் பரிந்துரைபடி சிம்பிளான சரும பராமரிப்பு வழக்கத்தை கடைபிடிச்சுட்டே இருக்கேன். முகப்பரு வராம இருக்கிறதுக்கு, என்னோட தோல் மருத்துவர் பரிந்துரை செய்த ஃபேஸ் வாஷ் யூஸ் பண்றேன். செட்டாஃபில் மாய்ஸ்சரைசர்  பயன்படுத்துறேன். இது நீங்க எந்த மெடிக்கல் ஷாப்லயும் வாங்கலாம்.

ஷாம்பூ அடிக்கடி மாத்திட்டே இருப்பேன். கண்டீஷனர், சீரம் எல்லாம் யூஸ் பண்ண மாட்டேன். முடிக்கு சின்ன வயசுல இருந்தே பாராஷூட் தேங்காய் எண்ணெய் தான் யூஸ் பண்றேன்.

View this post on Instagram

A post shared by Ammu_Abhirami (@abhirami_official)

முல்தானிமட்டி, கடலை மாவு ஃபேஸ் மாஸ்க் போடுவேன். அதுல வேற எதையும் சேர்க்க கூடாது. வெறும் முல்தானி மட்டி மட்டும் தண்ணீல மிக்ஸ் பண்ணி முகத்துல போட்டுப்பேன். ரொம்ப நேரம் வைக்காம, 5 நிமிஷத்துல கழுவினா நல்லா இருக்கும்.

டேனிங் பொறுத்தவரைக்கும், உங்க சருமத்தை டேன் ஆகாம பாத்துக்கிறது தான் ஒரே வழி.  டேன் வராம இருக்கணும்னா சரியா உங்களை கவர் பண்ணிட்டு, சன்ஸ்கீரின் யூஸ் பண்ணிக்கோங்க. எப்போவும் நல்ல பிராண்ட் சன்ஸ்கீரின் வாங்கிறது தான் பெஸ்ட். இதுதான் உங்களை காப்பாத்தும். அதையும் தாண்டி டேன் ஆனா, அதுவாவே போகணும். நீங்க ஒன்னும் பண்ண முடியாது.

அதேபோல கருவளையம் போனுனா நல்ல தூங்குங்க. நிறைய தண்ணீர் குடிங்க.

நம்ம என்னதான் ஸ்கின் கேர், டயட், சுத்தம் எல்லாம் கடைபிடிச்சாலும் 1-2 முகப்பரு வரது ரொம்ப நார்மலான விஷயம் தான். அதனால அதுக்காக பெரிசா எதுவும் பண்ணாம அப்படியே விடுறதுதான் நல்லது”, என்றார் அம்மு அபிராமி.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

வாட்ஸ்அப் உலகம் முழுவதும் ஏராளமான பயனர்களை கொண்டுள்ளது. பயனர்களின் வசதிக்கு ஏற்ப புது புது அம்சங்களை வெளியிட்டு வருகிறது. அந்த வகையில் தற்போது வாட்ஸ்அப்-ல் வரும் போட்டோ, வீடியோக்களுக்கு வேகமாக ரியாக்ட் செய்யும் வகையில் புது அம்சம் அறிமுகம் செய்யப்படுகிறது. தற்போது போட்டோ, வீடியோக்களுக்கு long press செய்து ரியாக்ட் செய்து வரும் நிலையில் இதை மேலும் எளிமையாக்க வாட்ஸ்அப் புது வசதியை அறிமுகம் செய்கிறது. 

புதிய அம்சத்தில், வாட்ஸ்அப்-ல் வரும் போட்டோ, வீடியோக்ககளை பார்க்கும் போது ரிப்ளை என்ற ஆப்ஷன்  கொடுக்கப்பட்டிருக்கும், அதன் மூலம் நேரடியாக டெக்ஸ்ட் செய்யலாம். அதோடு அதன் அருகிலேயே உள்ள இமேஜிகளைப் பயன்படுத்தி ரியாக்டும் செய்யலாம். இந்த புதிய அம்சம் தற்போது சோதனை அடிப்படையில் பீட்டா பயனர்களுக்கு வழங்கப்பட்டு வருகிறது, விரைவில் அனைவரது பயன்பாட்டிற்கும் வரும் என எதிர்ப்பார்க்கப்படுகிறது. 

அம்பலமான சதி வேலைகள்.. சுட்டு கொள்ள துணிந்த மகா.. கிளைமாக்ஸில் நடக்க போவது என்ன? சீதா ராமன் இன்றைய எபிசோட் அப்டேட்

தமிழ் சின்னத்திரையில் ஜீ தமிழ் தொலைக்காட்சியில் திங்கள் முதல் சனி வரை தினமும் மாலை 6 மணிக்கு ஒளிபரப்பாகி வரும் பிரபலமான சீரியல் சீதா ராமன். விறுவிறுப்பாக சென்றுகொண்டிருந்த இந்த சீரியல் முடிவுக்கு வர உள்ளதாக தகவல் வெளியன நிலையில், சீரியலின் க்ளைமேக்ஸ் எபிசோடு குறித்து தகவல் வெளியாகியுள்ளது.

சுபாஷ் கை பட்டு துப்பாக்கி குண்டு பாய்ந்து ஜோசியர் உயிரிழந்த நிலையில், வீட்டில் எல்லாரும் கூடியிருக்க மகா சீதாவை பார்த்து எதுக்கு ஜோசியரை பார்க்க போய் இருந்த? அவரை மிரட்ட போனியா என்று கேள்வி கேட்கிறாள். அப்போது சீதா மிரட்ட போகல உண்மையை சொல்ல வைக்க போய் இருந்தேன் என்று சொல்கிறாள். சேது நீ மாறவே மாட்டியா மகா என்று மகாலட்சுமியை திட்டுகிறார்.

அதன் பிறகு பயத்துடன் வீட்டிற்கு வரும் சுபாஷ் அர்ச்சனாவையும் மகாவையும் ரூமுக்குள் அழைத்து சென்று ஜோசியரை கொன்று விட்ட விஷயத்தை சொல்லி உனக்காக தானே மகா பண்ணேன். பழியை சீதா மேலே போட்டுடு என்று சொல்லி கீழே அழைத்து வருகிறான். அதன் பிறகு ராம் போலீசுடன் வீட்டிற்கு வருகிறான். இதை பார்த்தசீதா எதுக்குங்க போலீசுடன் வந்து இருக்கீங்க என்று கேட்கிறாள்.

உன்கிட்ட பேசவே பிடிக்கல என்று சொல்லி ஜோசியர் இறந்து விட்டதாக சொல்ல, மகா ஏய் சீதா நீ தானே நைட் அவரை பார்க்க போய் இருந்த, கொன்னுட்டியா என்று கேட்க அர்ச்சனாவும் கூட சேர்ந்து சீதாவுக்கு எதிராக தாளம் தட்டுகிறாள். ராம் சீதா கையில் விலங்கு மாட்ட போய் கடைசியில் சுபாஷை கைது செய்ய மகாவும் அர்ச்சனாவும் அதிர்ச்சி அடைகின்றனர்.

ஜோசியரை கொன்னது சுபாஷ் சித்தப்பா தான், ஜோசியர் வீட்டில் இருந்த சிசிடிவி கேமராவில் எல்லாம் பதிவாகி இருக்கு என்று அதிர்ச்சி கொடுக்கிறான். இதனால் மகா கோபமாக ரூமுக்குள் சென்று விட சீதா அவளை சந்தித்து என்னையும் என் குழந்தையையும் எதுக்கு கொல்ல பார்க்கறீங்க? எனக்கு என் குழந்தை தான் முக்கியம் நான் வீட்டை விட்டு போயிடுறேன் என்று வெளியே கிளம்பி வர ராம் எனக்கு குழந்தையும் என் பொண்டாட்டியும் தான் முக்கியம். நான் உங்களை என் அம்மாவாக தான் பார்த்தேன், ஆனால் நீங்க இப்படி பண்ணுவீங்கன்னு எதிர்பார்க்கவே இல்ல. நானும் இனி இந்த வீட்டில் இருக்க மாட்டேன் என்று கிளம்பி செல்கிறான்.

பிறகு சேது, துரை, மீரா என எல்லாரும் கிளம்பி செல்ல மகா தனிமரமாக நிற்க தனக்கு தானே தண்டனை கொடுத்து கொள்ள முடிவெடுத்து துப்பாக்கியை தலையில் வைத்து சுட சுடாமல் இருக்கிறது. பிறகு உள்ளே வரும் சீதா நான் தான் குண்டை எடுத்தேன் என்று சொல்ல மாகாண நான் உன்னை கொல்ல நினைத்தாலும் நீ என்னை காப்பாற்ற தான் நினைத்து இருக்க என்று மனம் மாறி காலில் விழுந்து மன்னிப்பு கேட்க செல்கிறாள்.

தடுத்து நிறுத்தும் சீதா சேது மாமா கிட்ட மன்னிப்பு கேளுங்க என்று சொல்ல மகாவை எல்லாரும் ஏற்று கொள்ள மொத்த குடும்பமும் ஒன்றாக சந்தோசமடைகின்றனர். இத்துடன் சீதா ராமன் சீரியலுக்கு சுபம் போட்டு மொத்தமாக நிறைவுக்கு கொண்டு வந்துள்ளனர்.

கார்த்திக்காக முருங்கை மரத்தையே கொண்டு வந்த தீபா.. ஆப்பு வைக்க புது பிளான் போட்ட ஆனந்த் - கார்த்திகை தீபம் சனி மற்றும் ஞாயிறு தின எபிசோட் அப்டேட்

கார்த்திகை தீபம் சீரியலின் நேற்றைய எபிசோடில் ‌ கார்த்தியை வேற ஒரு ஆபீஸ் அனுப்ப பிளான் செய்த நிலையில் இன்று, ஆனந்த் ரம்யா ஒரு லேடி ஹிட்லர் கார்த்தியை அவ கம்பெனிக்கு அனுப்பினா கண்டிப்பா கஷ்டப்படுவான் என்று சொல்லி ரம்யாவுக்கு போன் போட்டு எனக்கு தெரிஞ்ச ஒருத்தனை அனுப்பி வைக்கிறேன். அவனுக்கு உன் கம்பெனில வேலையை கொடு என்று சொல்கிறான்‌. ரம்யா நீயே கம்பெனி வச்சிட்டு தான இருக்க இங்க கொடுக்கலாமே என்று கேட்க இப்போதைக்கு இந்த ஆள் தேவைப்படல என்று சொல்கிறான்.

மேலும் அவன் தப்பு பண்ணா நான் ரெகமெண்ட் பண்ண ஆளு என்றெல்லாம் பார்க்க வேண்டாம் வேலையை விட்டு அனுப்பிடு என்று சொல்லி ஃபோனை வைக்கிறான். மார்க்கெட் சென்று வந்த தீபா முருங்கக்காய் முருங்கைப்பூ என அனைத்தும் முருங்கை ஐட்டமாக வாங்கிட்டு வர மீனாட்சி மைதிலி அவளை கலாய்கின்றனர்.

அபிராமி வந்து என்ன சமையல் என்று கேட்க எல்லாம் தீபா முருங்கைக்காய் அழுத்தமா சமைக்கிற என்று சொல்ல அபிராமி உடம்புக்கு நல்லது தானே கல்யாணமான புதுசுல நானும் இப்படி தான் சமைச்சு கொடுத்தேன் என்று சொல்ல அபிராமியையும் சேர்த்து கலாய்க்கின்றனர். அதன் பிறகு கார்த்திக் ஆபீஸ் கிளம்பி வரேன் ஆனந்த் அவனை கூப்பிட்டு நீ நம்ப ஆபீஸ்க்கு வர வேண்டாம், வேற ஒரு ஆபீஸோட அட்ரஸ் கொடுக்கிறேன் அங்க போ என்று சொல்கிறான்.

கார்த்தி உங்களுக்கு என்னைய இடம் மாத்திக்கிட்டே இருக்கிறதே வேலையை போச்சு என்று சொல்லி சரி குடுங்க என்று ரம்யா கம்பெனிக்கு கிளம்பி செல்கிறான். மறுபக்கம் தண்ணீர் பிடித்த ஒரு பெண் தவறுதலாக வந்து ரம்யா மீது மோதிவிட அந்த ரம்யா அந்தப் பெண்ணிடம் சண்டை போடுகிறார். அந்தப் பெண்ணோ உங்கமேல தப்பு என்று சொல்கிறார். இப்படியான நிலையில் அடுத்ததாக நடக்க போவது என்ன என்பது குறித்து எதிர்பார்ப்பு எழுந்துள்ளது.

மாயா விஷயத்தால் ஜோசியர் கொடுத்த அதிர்ச்சி.. ரகுராமிடம் உண்மையை மறைக்கும் ஜானகி - சந்தியா ராகம் சனி மற்றும் ஞாயிறு தின எபிசோட்

சந்தியா ராகம் சீரியலின் நேற்றைய எபிசோடில் சுமங்கலி பூஜை நடந்து முடிய புருஷன் சாப்பிட்ட தட்டில் தான் பொண்டாட்டி சாப்பிடணும் என்று ரமணி சொல்லிய நிலையில் இன்றும் நாளையும் நடக்க போவது என்ன என்பது குறித்து பார்க்கலாம்.

மாயா யாருக்கும் தெரியாமல் கிச்சனுக்கு வந்து சீனு சாப்பிட்ட தட்டில் இருக்கும் சாப்பாட்டை எடுத்து சாப்பிட திடீரென விக்கல் வர சீனுவே தண்ணீர் கொண்டு வந்து கொடுக்க மாயா அவனிடம் மாட்டி கொள்கிறாள். அதன் பிறகு இருவரும் ரொமான்ஸாக பேசி கொள்கின்றனர். சீனு சென்றதும் ஜானகி வர மாயா சீனு சாப்பிட்ட தட்டில் சாப்பிட்டு கொண்டிருப்பதை பார்த்து அதிர்ச்சி அடைகிறாள்.

அடுத்து ஜோசியரை வந்து சந்திக்க அவர் உன்னுடைய சொந்தம் ஒன்னு உன்கூடவே இருக்க போகுது, அதனால் உன் குடும்பத்துக்கும் உன் கௌரவத்துக்கும் களங்கம் வர போகுது. ரெண்டுத்துல எதையாவது ஒன்னை தான் நீ தடுத்து நிறுத்த முடியும் என்று சொல்லி ஷாக் கொடுக்கிறார். பிறகு வீட்டிற்கு வரும் ஜானகி மாயாவிடம் சீனு விஷயமாக பேச போகிறாள்.

அப்போது குறுக்கே வரும் தனம் ஸ்டேட் லெவல் மேட்சில் வெளியூர் போய் விளையாட போறேன், இதுவரைக்கும் காலேஜ்லயே விளையாடியதுனால் அப்பாவை சமாளிச்சிட்டேன், இப்போ வெளியூர் போகணும், நீதான் என்னை கூட்டிட்டி போகணும் என்று சொல்ல ஜானகி சரி என்று சம்மதம் சொல்கிறாள். மேலும் மாயாவிடம் அப்பறம் பேசி கொள்ளாமல் என்றும் தள்ளி போடுகிறாள்.

பிறகு பக்கத்து ஊரில் உள்ள கோவிலுக்கு மாயாவையும் தனத்தையும் அழைத்து செல்வதாக ரகுராமிடம் முதல் முறையாக பொய் சொல்லி அழைத்து வருகிறாள் ஜானகி. சீனுவும் மணிவண்ணனும் வேலையாட்களுக்கு பணம் கொடுக்க போவதாக சொல்லி விட்டு இவர்களுடன் கிளம்பி வருகின்றனர். சீனு லவ் பாடல்களை போட்டு மாயாவை பார்க்க ஜானகி எதுவும் பேச முடியாமல் தவிக்கிறாள். அடுத்து இவர்கள் கோவிலுக்கு வர ஷாருவின் அப்பா லிங்கம் இதை பார்த்து சாருவுக்கு போன் செய்து விஷயத்தை சொல்கிறார்.

ஷாரு சீனு அங்க இருக்கானா, அப்படினா ஏதோ தப்பா தெரியுது அவங்கள பாலோ பண்ணுங்க என்று சொல்லி போனை வைக்க லிங்கம் இவர்களை பின் தொடர்ந்து வர தனம் காஸ்ட்யூமை மாற்றி கொண்டு பேட்மிட்டன் விளையாடுவதையும் இவர்கள் அங்கு இருப்பதையும் பார்த்து ஷாக் ஆகிறார். இப்படியான நிலையில் அடுத்து நடக்க போவது என்ன என்பது குறித்து எதிர்பார்ப்பு எழுந்துள்ளது.

ஜெயித்து காட்டிய வீரா.. கோபத்தில் பரணி, சௌந்தரபாண்டிக்கு அடுத்தடுத்து அதிர்ச்சி கொடுத்த சண்முகம் - அண்ணா சீரியல் சனி மற்றும் ஞாயிறு தின எபிசோட் அப்டேட்

அண்ணா சீரியலின் நேற்றைய எபிசோடில் சௌந்தரபாண்டியின் சூழ்ச்சியை முறியடிக்க வீரா என்ட்ரி கொடுத்து சிலம்பாட்டம் ஆட தொடங்கிய நிலையில் இன்றும் நாளையும் நடக்க போவது என்ன என்பது குறித்து பார்க்கலாம்.

முதலில் ரவுண்டில் வீரா அடி வாங்க சௌந்தரபாண்டியும் முத்துபாண்டியும் சந்தோசப்பட்டு சிரிக்க அடுத்த ரவுண்ட் தொடங்குகிறது, இந்த ரவுண்டியில் யார் முதலில் எதிரில் இருப்பவர் நெற்றியில் பொட்டு வைக்கிறார்களோ அவர்கள் தான் வெற்றியாளர் என்று சொல்கின்றனர்.

இதனை தொடர்ந்து வீரா ருத்ரா வெளுத்தெடுத்து அவளது நெற்றியில் பொட்டை வைத்து போட்டியில் ஜெயித்து காட்ட எல்லாரும் வீராவை கொண்டாடுகின்றனர், மேடையில் கலெக்டர் இருந்தும் சௌந்தரபாண்டி கையால் தான் பரிசை வாங்குவேன் என்று சொல்லி பரிசு தொகையை வாங்கி கொள்ள சண்முகம் என்னவெல்லாம் பேசுனீங்க என்று அவர்களை கலாய்த்து விட்டு வீட்டிற்கு வருகிறான்.

வீட்டிற்கு வந்து பார்க்க பரணி இருக்க அனைவரும் ஷாக்காகின்றனர். அவர் தான் வேணும்னே உங்களை வம்பிழுக்கிறாரு, நீயும் போவியா என்று திட்ட சண்முகம் வீரா ஜெயித்த விஷயத்தை சொல்லி சமாதானம் செய்கிறான். அடுத்து இரவில் தூங்கி கொண்டிருக்கும் போது சண்முகத்திற்கு கோவிலில் மாற்று திறனாளி ஒருவரை சந்தித்தது. அதன் பிறகு பழனிக்கு போக ஒரு அம்மா உதவி கேட்டது. கும்பாபிஷேகம் நடத்த உண்டியல் வைத்தது போன்ற விஷயங்கள் வந்து வந்து போக சண்முகத்திற்கு ஐடியா ஒன்று தோன்றுகிறது.

உடனே ரத்னாவை எழுப்பி உன் ஸ்கூலில் படிக்கிற பசங்களோட அப்பா அம்மாவை நாளைக்கு கோவிலுக்கு வர சொல்லு என்று சொல்ல ரத்னா காரணம் கேட்க நீ எல்லாருக்கும் சொல்லு, எதுக்குன்னு நாளைக்கு சொல்றேன் என்று சொல்கிறான். மறுநாள் எல்லாரும் கோவிலில் ஒன்று கூடுகின்றனர். அப்போது உடன்குடி ஒரு உண்டியலை கொண்டு வந்து வைக்க சண்முகம் இந்த ஸ்கூல்ல தான் உங்க வீட்டு பிள்ளைங்க எல்லாம் படிக்குதுங்க. இந்த இடத்தை வாங்கி ஒயின் ஷாப்பா மாத்த பிளான் போடுறாரு சௌந்தரபாண்டி.

அதனால் இந்த இடத்தை வாங்க உங்களால் முடிந்த பணத்தையோ நகையையோ போடுங்க, நாளைக்கு வரைக்கும் இந்த உண்டியல் இங்க இருக்கும் என்று சொல்ல வைகுண்டம் இதெல்லாம் நடக்குற விஷயமா என்று சொல்ல சண்முகம் அவரை அடிக்க துரத்துகிறான். மறுநாள் காலையில் கோவிலுக்கு வந்து பார்க்க அங்கு ஒருத்தனும் இல்லாமல் இருக்க சண்முகம் வருத்தம் அடைகிறான்.

கொஞ்ச நேரத்தில் ஸ்கூல் படிக்கும் பெண் அம்மாவுடன் வந்து நகையையும் பணத்தையும் போட்டுட்டு போக ஊர் காரர்கள் எல்லாரும் போட தொடங்குகின்றனர், இதனால் சண்முகம் மனதுக்குள் ஸ்கூலை வாங்கி விடலாம் என்ற சந்தோசம் தோன்றுகிறது. இப்படியான நிலையில் அடுத்து நடக்க போவது என்ன என்பது குறித்து எதிர்பார்ப்பு எழுந்துள்ளது.

கூகுள் ப்ளே ஸ்டோர் பெரும்பாலான ஆண்ட்ராய்டு ஸ்மார்ட் போன்களில் default  ஆப் ஸ்டோராக உள்ளது. இதில் தற்போது மிகவும் பயனுள்ள அம்சம் அறிமுகம் செய்யப்பட்டுள்ளது. அதாவது, மத்திய, மாநில அரசாங்கத்தின் அதிகாரப்பூர்வ செயலி டவுன்லோடு செய்யும் போது அது உண்மையில் அரசின் செயலியா என்பதை காட்டும். பயனர்கள் சரியான செயலியை தான் டவுன்லோடு செய்கிறார்களா  என்பதை அடையாளம் காண இந்த அம்சம் உதவுகிறது. 

கடந்த சில ஆண்டுகளில் அரசின் செயலி போன்றே போலி செயலிகள் பிளே ஸ்டோரில் இடம் பெற்றிருந்தன. இந்த பிரச்சனைகளை களைய, கூகுள் உலகளவில் 14 நாடுகளின் அரசாங்கத்துடன் இணைந்து பணியாற்றியது. இதில் இந்திய அரசும் அடங்கும்.

ஆஸ்திரேலியா, கனடா, ஜெர்மனி, பிரான்ஸ், ஜப்பான், தென் கொரியா, பிரேசில், இந்தோனேஷியா, மெக்சிகோ, யுனைடெட் கிங்டம், அமெரிக்கா மற்றும் இந்தியா போன்ற நாடுகளை சேர்ந்த  2,000க்கும் மேற்பட்ட செயலிகளில் அந்த நாட்டின் அரசாங்க பேட்ச்  (new badge) இடம் பெற்றுள்ளது. இந்தியாவில் Digilocker, mAdhaar, NextGen mParivahan, Voter Helpline போன்ற செயலிகளை டவுன்லோடு செய்யும் போது இந்த புதிய அரசாங்க பேட்ச்  இடம் பெற்றிருக்கும். 

எப்படி இருக்கும்? 

கூகுள் பிளே ஸ்டோர் சென்று Digilocker செயலியை தேடி டவுன்லோடு செய்யும் போது அதன் description பக்கத்தில் ஆப்பின் கீழே “Government” பேட்ச் (சின்னம்) இருக்கும். மேலும் அதை கிளிக் செய்தால், “Play verified this app is affiliated with a government entity” என்று மெசேஜ் காண்பிக்கும். இதன் மூலம் அது அரசின் அதிகாரப்பூர்வ செயலி என்பதை அறிந்து கொள்ளலாம். 

சீனா வரலாற்றில் முதல்முறையாக இதுவரை எந்த நாடும் மேற்கொள்ளாத முயற்சியை மேற்கொண்டுள்ளது. நிலவின் தொலை தூரத்திற்கு நேற்று (வெள்ளிக்கிழமை) ஆளிலில்லா விண்கலனை அனுப்பி உள்ளது. Change-6 ஆய்வு விண்கலத்தின் மூலம் நிலவின் தொலை தூரப் பகுதியில் உள்ள மண் மற்றும் பாறை மாதிரிகளை சேகரித்து கொண்டு வருவது இந்ததிட்டத்தின் நோக்கமாகும். 2 மாத காலம் நிலவில் இந்த திட்டம் செயல்படுத்தப்பட உள்ளது. நிலவின் தொலை தூரத்திற்கு இதுவரை எந்த நாடும் சென்றதில்லை. 

சீனாவின் மிகப்பெரிய ராக்கெட்டான லாங் மார்ச்-5, மாலை 5:27 மணிக்கு ஏவப்பட்டது. பெய்ஜிங் நேரம் (0927 GMT) தெற்கு ஹைனான் தீவில் உள்ள வென்சாங் விண்வெளி ஏவு மையத்திலிருந்து 8 மெட்ரிக் டன்களுக்கும் அதிகமான Change-6 ஆய்வு விண்கலத்தை சுமந்து சென்றது. 

Change-6 ஆய்வு விண்கலம் நிலவின் தொலைவில் உள்ள தென் துருவ-ஐட்கென் பகுதியில் தரையிறங்கிறது. இந்த ஏவுதல் சீனாவின் சந்திர மற்றும் விண்வெளி ஆய்வு திட்டத்தில் மற்றொரு மைல்கல்லை குறிக்கிறது.

"இவ்வளவு குறுகிய காலத்தில் இவ்வளவு லட்சியமான மற்றும் வெற்றிகரமான திட்டத்தை சீனா எவ்வாறு உருவாக்கியது என்பது எங்களுக்கு ஒரு புதிராக உள்ளது" என்று சாங்கின் அறிவியல் நோக்கங்களில் ஒன்றில் பணிபுரியும் பிரெஞ்சு ஆராய்ச்சியாளர் பியர்-யவ்ஸ் மெஸ்லின் கூறினார். 

2018 ஆம் ஆண்டில், Change-4  சீனா அதன் முதல் ஆளில்லா விண்கலத்தை நிலவில் தரையிறங்கியது, மேலும் தொலைவில் உள்ளது. 2020 ஆம் ஆண்டில், Change-5, 44 ஆண்டுகளில் மனிதர்கள் சந்திர மாதிரிகளை மீட்டெடுத்த முதல் முறையாகக் குறித்தது, மேலும் Change-6 மூலம் சந்திரனின் "இருண்ட்" பக்கத்திலிருந்து மாதிரிகளை மீட்டெடுக்கும் முதல் நாடாக சீனா உருவாக்க முடியும்.

20 ஓவர் உலக கோப்பை போட்டிக்கான இந்திய அணியில் தமிழக வீரர்  நடராஜன் இடம்பெறாதது ஏமாற்றம்தான் என்று இந்திய மகளிர் கிரிக்கெட் அணி வீராங்கணை நிரஞ்சனா நாகராஜன் தெரிவித்துள்ளார்.

கோவை சின்னவேடம்பட்டி பகுதியில் உள்ள தனியார் கிரிக்கெட் வளாகத்தில் கோவை பிரீமியர் லீக் கிரிக்கெட் போட்டித் தொடர் துவங்கியுள்ளது. சுமார் 12 அணிகள் பங்கேற்றுள்ள இந்த போட்டி தொடர் அடுத்த 30 நாட்கள் நடைபெற உள்ளது.

லீக் மற்றும் நாக் அவுட் முறையில் நடைபெறும் இந்த போட்டி தொடரின் இறுதி போட்டிகள் ஜூன் 5ஆம் தேதி நடைபெற உள்ள நிலையில் அனைத்து போட்டிகளும் பகல் இரவு ஆட்டங்களாக நடைபெற உள்ளது.

முன்னதாக நேற்று இரவு நடைபெற்ற துவக்க விழாவில் போட்டி தொடரின் ஒருங்கிணைப்பாளர்களான லீமா ரோஸ் மார்ட்டின், வின்னர்ஸ் இந்தியா கண்ணன், லிஜோ சுங்கத் உள்ளிட்ட பலர் பங்கேற்று வீரர்களுக்கு உற்சாகமூட்டினர்.

இந்திய மகளிர் கிரிக்கெட் அணி வீராங்கனை நிரஞ்சனா நாகராஜன் விழாவில் சிறப்பு அழைப்பாளராக பங்கேற்று போட்டிகளை துவக்கி வைத்தார்.

அப்போது நிகழ்ச்சியில் பேசிய அவர், ”சிபிஎல் கோவை போட்டி தொடர் சிறப்பாக துவங்கி உள்ளது. எந்த அளவுக்கு இந்த போட்டிகள் சிறப்பாக நடைபெறுகிறதோ இந்திய கிரிக்கெட்டிற்கு இது உறுதுணையாக இருக்கும்.

இந்திய கிரிக்கெட்டை பொறுத்த வரை ஆண்களுக்கு நிகரான முக்கியத்துவம் பெண்களுக்கும் அளிக்கப்படுகிறது. இப்போது மகளிர் கிரிக்கெட் புதிய புரட்சியை ஏற்படுத்தி. நல்ல ஒரு முன்னேற்றத்தை கண்டுவருகிறது.

தமிழக பெண் வீராங்கனைகளுக்கு இந்திய  கிரிக்கெட் வாரியம் உரிய முக்கியத்துவம் அளித்து வருகிறது. தமிழ்நாடு கிரிக்கெட் வாரியமும் பெண்களுக்கு முக்கியத்துவம் அளித்து ஊக்கமளித்து வருகிறது. விரைவில் தமிழகத்தை சேர்ந்த மூன்று நான்கு பெண்கள் இந்திய அணியில் இடம் பெறுவார்கள்.

20 ஓவர் உலக கோப்பைக்கான இந்திய அணியில் தமிழக வீரர் நடராஜன் இடம்பெறாதது ஏமாற்றம்தான். கண்டிப்பாக நடராஜன் இருந்திருக்க வேண்டும், இந்த உலகக் கோப்பை தொடரில் இடம் பெறா விட்டாலும் அவர் விரைவில் பெரிய அளவில் எழுச்சி பெறுவார். அவரது யாக்கரை அடித்து கொள்ள ஆள் இல்லை”, என்று நிரஞ்சனா நாகராஜன் கூறினார். 

செய்தி: பி.ரஹ்மான். கோவை மாவட்டம்

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

காலிஸ்தான் பிரிவினைவாதி ஹர்தீப் சிங் நிஜ்ஜார் கொல்லப்பட்டதில் இந்திய அரசு முகவர்களுக்கு சாத்தியமான பங்கு இருப்பதாக கனேடிய பிரதமர் ஜஸ்டின் ட்ரூடோ குற்றம் சாட்டிய ஏழு மாதங்களுக்கும் மேலாக, கனேடிய போலீசார் “அரசாங்கத்தால் பணிக்கப்பட்டதாகக் கூறப்படும் தாக்குதலுக்கான புலனாய்வாளர்களின் உறுப்பினர்களை கைது செய்துள்ளனர். கடந்த ஜூன் மாதம் சர்ரேயில் நிஜ்ஜாரைக் கொன்றது இந்தியா” என்று CBC [கனடியன் பிராட்காஸ்டிங் கார்ப்பரேஷன்] செய்திகள் வெள்ளிக்கிழமை தெரிவித்தன.

"குறைந்தது இரண்டு மாகாணங்களில் பொலிஸ் நடவடிக்கைகளின் போது ஆண்கள் வெள்ளிக்கிழமை கைது செய்யப்பட்டனர். சில மாதங்களுக்கு முன்பு கனடாவில் தாக்கப்பட்டதாகக் கூறப்படும் குழு உறுப்பினர்களை புலனாய்வாளர்கள் அடையாளம் கண்டுகொண்டதாகவும், அவர்களைக் கடுமையான கண்காணிப்பில் வைத்திருப்பதாகவும் ஆதாரங்கள் தெரிவித்தன.

கைது செய்யப்பட்டவர்கள் பற்றிய அறிவிப்பை போலீசார் வெள்ளிக்கிழமை பிற்பகுதியில் தங்கள் விசாரணையின் சில விவரங்களைப் பகிர்ந்து கொள்வார்கள் என்று எதிர்பார்க்கப்படுகிறது.  

கைது செய்யப்பட்ட நபர்களின் அடையாளம் பற்றிய விவரங்களை வெளியிடாமல், விசாரணைக்கு நெருக்கமான வட்டாரங்கள் சிபிசி நியூஸிடம், கனடாவின் எட்மண்டனில் 11 வயது சிறுவனை சுட்டுக் கொன்றது உட்பட மூன்று கூடுதல் கொலைகளுக்கான சாத்தியமான தொடர்புகளை போலீசார் தீவிரமாக விசாரித்து வருவதாக அறிக்கை கூறியது. 

ஆதாரங்களின்படி, சர்ரேயில் உள்ள குருநானக் சீக்கிய குருத்வாராவில் நிஜ்ஜார் கொல்லப்பட்ட நாளில், ஹிட் ஸ்காட் உறுப்பினர்கள் துப்பாக்கி சுடும் வீரர்கள், ஓட்டுநர்கள் மற்றும் ஸ்பாட்டர்கள் என வெவ்வேறு பாத்திரங்களில் நடித்ததாகக் கூறப்படுகிறது.

சர்ரேயின் குருநானக் சீக்கிய குருத்வாராவை நிறுத்திய இடத்தில் நிஜ்ஜார் கொல்லப்பட்டதில் இந்திய முகவர்களின் "சாத்தியமான" ஈடுபாடு இருப்பதாக கடந்த ஆண்டு செப்டம்பரில் பிரதமர் ஜஸ்டின் ட்ரூடோவின் குற்றச்சாட்டுகளுக்குப் பிறகு இந்தியாவிற்கும் கனடாவிற்கும் இடையிலான உறவுகள் சிதைந்தன.

வெளிவிவகார அமைச்சர் எஸ் ஜெய்சங்கர், “இது இந்திய அரசின் கொள்கை அல்ல” என்று ஒட்டாவாவிடம் அரசாங்கம் கூறியதாகக் கூறினார். கனடியர்கள் "குறிப்பிட்ட மற்றும் பொருத்தமான" ஒன்றைப் பகிர்ந்து கொண்டால், இந்திய அரசாங்கம் "அதைப் பார்க்கத் திறந்திருக்கும்" என்றும் அவர் கூறினார்.

ஆங்கிலத்தில் படிக்க: https://indianexpress.com/article/world/canadian-police-arrests-khalistani-separatist-hardeep-singh-nijjar-killing-9306456/

வெள்ளிக்கிழமை கைது செய்யப்பட்ட நபர்களின் அடையாளம் மற்றும் அவர்களின் உந்துதல் ஆகியவற்றில் சிறிது வெளிச்சம் இருக்கும் என்று எதிர்பார்க்கப்படுகிறது, புது தில்லியின் முன்னேற்றங்களைக் கவனிக்கும் வட்டாரங்கள் தெரிவித்தன.

கைதுகள் குறித்து அதிகாரப்பூர்வ வார்த்தை எதுவும் இல்லை என்றாலும், ஒரு ஆதாரம் கூறியது, "முடிவுகளை முன்கூட்டியே தீர்மானிக்க வேண்டாம், கைது செய்யப்பட்ட நபர்களின் உந்துதல்கள் மற்றும் ஒப்புதல் வாக்குமூலங்கள் என்ன என்பதைப் பார்ப்போம்." வழக்கின் பிரத்தியேகங்கள் மற்றும் கைது செய்யப்பட்ட நபர்கள், கொலையின் பின்னணியில் உள்ள மர்மத்தைத் திறப்பதற்கு முக்கியமாகும்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

நீட் நுழைவுத் தேர்வு நாளை (மே 5) நடைபெற உள்ள நிலையில் நாட்டின் முதன்மை மருத்துவக் கல்வி நிறுவனங்களான எய்ம்ஸ் கல்லூரிகளில் கடந்த ஆண்டு கட் ஆஃப் நிலவரம் என்ன என்பதை இப்போது பார்ப்போம்.

இளங்கலை மருத்துவ மாணவர் சேர்க்கைக்கான தேசிய தகுதி மற்றும் நுழைவுத் தேர்வு (NEET 2024) நாளை நாடு முழுவதும் நடைபெற உள்ளது. இந்தியா முழுவதும் 557 நகரங்களிலும், வெளிநாடுகளில் 14 நகரங்களிலும் நடைபெறும். 

நீட் தேர்வில் டாப்பர்களாக வரும் மாணவர்களின் முதல் தேர்வு எய்ம்ஸ் எனப்படும் அகில இந்திய மருத்துவ அறிவியல் கழகம் தான். நாட்டின் முதன்மை கல்வி நிறுவனங்களாக உள்ள எய்ம்ஸ் கல்லூரிகளுக்கு மருத்துவ கலந்தாய்வுக் குழு (MCC) மூலம் கவுன்சலிங் நடத்தப்படும். நீட் தேர்வில் தேர்ச்சி பெற்றவர்கள் இந்தக் கவுன்சிலிங்கில் கலந்து கொள்ள முடியும்.

ஒவ்வொரு சுற்று கவுன்சிலிங்கிற்குப் பிறகும் எய்ம்ஸ் நிறுவனங்களின்  தொடக்க மற்றும் நிறைவு நீட் கட்-ஆஃப்களை மருத்துவ கலந்தாய்வுக் குழு வெளியிடுகிறது. இந்தநிலையில் எய்ம்ஸ் நிறுவனங்களின் கடந்த ஆண்டு கட் ஆஃப் நிலவரம் என்ன என்பதை இப்போது பார்ப்போம்.