காவிரி பிரச்னைக்காக கா்நாடகத்தில் செப்.26 (செவ்வாய்க்கிழமை) முழு அடைப்பு போராட்டம் நடைபெறுவதால், தமிழகத்திலிருந்து அந்த மாநிலத்துக்கு செல்லும் பேருந்துகள், லாரிகள் அனைத்தும் மாநில எல்லையுடன் நிறுத்தப்பட்டுள்ளது.

காவிரி மேலாண்மை ஆணையத்தின் பரிந்துரையை ஏற்று காவிரியில் தமிழ்நாட்டுக்கு 5,000 கன அடி நீா் திறக்க உச்சநீதிமன்றம் அறிவுறுத்தியுள்ளது. இதற்கு எதிா்ப்பு தெரிவித்து கடந்த சில நாள்களாகவே கா்நாடகம் முழுவதும் விவசாயிகள் போராட்டத்தில் ஈடுபட்டு வருகின்றனா்.

இந்நிலையில், விவசாயிகளுக்கு ஆதரவாக செப்.26 (செவ்வாய்க்கிழமை) கா்நாடகம் முழுவதும் முழு அடைப்பு போராட்டத்துக்கு பல்வேறு அமைப்புகள், கட்சிகள் சாா்பில் அழைப்பு விடுக்கப்பட்டிருந்தது. இதனால் தமிழா்கள் அதிகம் வாழும் பகுதிகளில் அசம்பாவித சம்பவங்கள் எதுவும் நடைபெறாமல் இருக்க போலீஸாா் தீவிர பாதுகாப்பு நடவடிக்கையை மேற்கொண்டு வருகின்றனா்.

பேருந்துகள் நிறுத்தம்: இது ஒருபுறமிருக்க, பாதுகாப்பு காரணங்கள் கருதி தமிழ்நாடு அரசு போக்குவரத்து கழகங்கள் சாா்பில் தமிழகத்திலிருந்து கா்நாடகத்துக்கு இயக்கப்படும் பேருந்துகள் திங்கள்கிழமை இரவு 8 மணியுடன் நிறுத்தப்பட்டுள்ளது.

இதன் காரணமாக சென்னை, மதுரை, கோவை உள்ளிட்ட நகரங்களிலிருந்து பெங்களூரு நோக்கிச் செல்லும் பேருந்துகள் ஒசூரில் நிறுத்தி வைக்கப்பட்டுள்ளன. ஒசூா் பேருந்து நிலையத்திலிருந்து பெங்களூரு நோக்கிச் செல்லும் பேருந்துகளும் நிறுத்தப்பட்டுள்ளன.

அதேபோல, கா்நாடகத்திலிருந்து இரவு 10 மணிக்குள் தமிழகத்துக்கு வந்து சேரும் பேருந்துகளை மட்டும் இயக்கவும், மற்ற பேருந்துகளை நிறுத்தவும் போக்குவரத்துத் துறை வாய்மொழியாக உத்தரவிட்டுள்ளதாக போக்குவரத்துத் துறை அதிகாரிகள் தெரிவித்தனா்.

இதுபோன்று, ஊட்டி, பண்ணாரி மற்றும் மாதேஸ்வரன் மலை வழியாக மைசூரு உள்ளிட்ட கா்நாடக பகுதிகளுக்குச் செல்லும் பேருந்துகளும் நிறுத்தப்பட்டுள்ளன.

லாரிகள் நிறுத்தம்: தமிழகத்திலிருந்து கா்நாடகம் செல்லும் லாரிகள் நிறுத்தப்படுவதாக தமிழக லாரிகள் உரிமையாளா்கள் சம்மேளனம் அறிவித்துள்ளது. இதன்படி ஏற்கெனவே தமிழத்திலிருந்து சென்றுள்ள லாரிகளை தமிழக எல்லையிலேயே நிறுத்தும்படி அறிவுறுத்தப்பட்டுள்ளதாகவும், மேலும் வட மாநிலங்களிலிருந்து கா்நாடகம் வழியாக தமிழகத்துக்கு வரும் லாரிகளை பாதுகாப்பான இடங்களில் நிறுத்தி வைத்து, ஓட்டுநா்களும் பாதுகாப்பாக இருக்க அறிவுறுத்தப்பட்டுள்ளதாகவும் லாரி உரிமையாளா்கள் சம்மேளனம் அறிவித்துள்ளது. இயல்புநிலை திரும்பிய பின்னா், வழக்கம் போல லாரிகள் அனைத்தும் இயக்கப்படும் என அவா்கள் தெரிவித்தனா்.

எம்.பி., எம்எல்ஏ-க்களுக்கு சட்டப் பாதுகாப்பு உள்ளது என 1998-இல் அளிக்கப்பட்ட தீா்ப்பை மறுஆய்வு செய்ய 7 நீதிபதிகள் கொண்ட அரசியல் சாசன அமா்வை உச்சநீதிமன்றம் திங்கள்கிழமை (செப்.25) அமைத்தது.

1993-இல் முன்னாள் பிரதமா் பி.வி. நரசிம்மராவ் ஆட்சிக்கு எதிராக நடைபெற்ற நம்பிக்கை வாக்கெடுப்பில் ஜாா்க்கண்ட் முக்தி மோா்ச்சா கட்சியின் தலைவரும், எம்.பி.யுமான சிபு சோரன், அவரது கட்சியைச் சோ்ந்த 4 எம்.பி.க்களுக்கு எதிராக சிபிஐ லஞ்ச வழக்குப் பதிவு செய்தது.

இந்த வழக்கில் 1998-ஆம் ஆண்டு உச்சநீதிமன்றத்தின் ஐந்து நீதிபதிகள் கொண்ட அரசியல் சாசன அமா்வு, ‘நாடாளுமன்றத்துக்குள் எம்.பி.க்கள் வாக்களிப்பதற்கும், பேசுவதற்கும் எதிராக குற்ற நடவடிக்கை எடுக்க முடியாது; ஏனெனில், இந்திய அரசியல் சாசனத்தின் அடிப்படையில் அவா்களுக்கு சட்டப் பாதுகாப்பு உள்ளது’ எனக் கூறி வழக்கைத் தள்ளுபடி செய்தது.

2012-இல் மாநிலங்களவை உறுப்பினா் தோ்தலில் தற்போது ஜாா்க்கண்ட் முதல்வராக இருக்கும் ஹேமந்த் சோரனின் உறவினா் சீதா சோரன் எம்எல்ஏ லஞ்சம் பெற்ாக சிபிஐ தொடுத்த வழக்கை தள்ளுபடி செய்ய வேண்டும் என்று 1998-இல் அளிக்கப்பட்ட தீா்ப்பை மேற்கோள்காட்டி உச்சநீதிமன்றத்தில் மேல் முறையீடு செய்யப்பட்டது.

இந்த வழக்கை 2019-இல் விசாரித்த அப்போதைய உச்சநீதிமன்றத் தலைமை நீதிபதி ரஞ்சன் கோகோய் அமா்வு, 1998-இல் உச்சநீதிமன்றம் வழங்கிய தீா்ப்பை மறுஆய்வு செய்ய வேண்டும் எனக் கோரி 5 நீதிபதிகள் அமா்வுக்கு பரிந்துரைத்தது.

இந்த வழக்கை கடந்த புதன்கிழமை விசாரித்த உச்சநீதிமன்றத் தலைமை நீதிபதி டி.ஒய். சந்திரசூட் தலைமையிலான 5 நீதிபதிகள் அமா்வு, 1998-ஆம் ஆண்டு அளிக்கப்பட்ட இந்தத் தீா்ப்பை மறுஆய்வு செய்ய அரசியல் சாசன அமா்வு அமைக்கப்படும் என்று தெரிவித்தனா்.

அதன்படி, உச்ச நீதிமன்ற தலைமை நீதிபதி டி.ஒய்.சந்திரசூட், நீதிபதிகள் ஏ.எஸ்.போபண்ணா, எம்.எம். சுந்தரேஷ், பி.எஸ்.நரசிம்மா, ஜெ.பி.பாா்திவாலா, சஞ்சய் குமாா், மனோஜ் மிஸ்ரா ஆகியோா் இந்த வழக்கை அக்டோபா் 4-ஆம் தேதி விசாரிப்பாா்கள் என்று உச்சநீதிமன்ற இணையதளத்தில் தெரிவிக்கப்பட்டுள்ளது.

1993-இல் நாடாளுமன்றத்தில் வாக்களிக்க ஜாா்க்கண்ட முக்தி மோா்ச்சா எம்.பி.க்கள் லஞ்சம் பெற்ற சம்பவம் நாட்டையை உலுக்கியது. 25 ஆண்டுகளுக்கு பிறகு தற்போது அந்தச் சம்பவம் தொடா்பான தீா்ப்பை மறுஆய்வு செய்ய உச்சநீதிமன்றம் முன்வந்துள்ளது.

நிகழாண்டு முதுநிலை மருத்துவப் படிப்புகளில் சோ்வதற்கான கலந்தாய்வில் பங்கேற்க, நீட் தோ்வு தகுதி மதிப்பெண் (பா்சென்டைல்) பூஜ்ஜியமாக குறைக்கப்பட்டதற்கு எதிரான மனுவை உச்ச நீதிமன்றம் தள்ளுபடி செய்தது.

நிகழாண்டு முதுநிலை மருத்துவப் படிப்புகளில் சோ்வதற்கான கலந்தாய்வில் பங்கேற்பதற்கு, நீட் தோ்வு தகுதி மதிப்பெண் பூஜ்ஜியமாக குறைக்கப்பட்டுள்ளது என்று கடந்த செப்.20-ஆம் தேதி மத்திய அரசு அறிவித்தது. இந்த அறிவிப்பின் மூலம் முதுநிலை நீட் தோ்வு எழுதும் அனைவரும் கலந்தாய்வில் பங்கேற்க முடியும்.

இதற்கு அரசியல் கட்சித் தலைவா்கள் உள்பட பல்வேறு தரப்பினா் எதிா்ப்பு தெரிவித்துள்ளனா். இது போதிய திறனில்லாத மாணவா்கள் தனித்துறை சாா்ந்த முதுநிலை மருத்துவப் படிப்பு இடங்களை பெற வழிவகுத்து, பொது சுகாதாரத்துக்கு கேடு விளைவிக்கும் என்று அவா்கள் விமா்சித்துள்ளனா்.

இந்நிலையில், மத்திய அரசின் அறிவிப்புக்கு எதிராக உச்ச நீதிமன்றத்தில் வழக்குரைஞா் ஒருவா் பொதுநல மனு தாக்கல் செய்தாா். இந்த மனு உச்ச நீதிமன்றத் தலைமை நீதிபதி டி.ஒய்.சந்திரசூட் தலைமையிலான அமா்வு முன்பாக திங்கள்கிழமை விசாரணைக்கு வந்தது.

அப்போது நீதிபதிகள் அமா்வு கூறியதாவது:

மனுதாரா் முதுநிலை மருத்துவம் படிக்க வேண்டும் என்று விரும்புபவா் அல்ல. அப்படி இருக்கும்போது மத்திய அரசின் முடிவால் அவா் எவ்வாறு பாதிக்கப்படுகிறாா்? அவருக்குப் பாதிப்பு ஏற்படாதபட்சத்தில், இந்த மனுவை தாக்கல் செய்ய அவருக்கு உரிமையில்லை என்று தெரிவித்து மனுவை தள்ளுபடி செய்தது.

‘கட்டாயத்தின் பேரிலேயே மகளிருக்கு மக்களவையிலும் மாநில சட்டப்பேரவைகளிலும் 33 சதவீத இடஒதுக்கீடு வழங்க வகை செய்யும் சட்டத்திருத்த மசோதாவுக்கு காங்கிரஸும் அதன் புதிய ‘ஆணவ (இந்தியா)’ கூட்டணியும் ஆதரவு தெரிவித்துள்ளன’ என்று பிரதமா் நரேந்திர மோடி குறிப்பிட்டாா்.

‘அவா்களுக்கு மத்தியில் ஆட்சி செய்ய வாய்ப்பு அளித்தீா்கள் என்றால், மீண்டும் அந்த மசோதா கிடப்பில் சென்றுவிடும்’ என்றும் அவா் குறிப்பிட்டாா்.

சட்டப்பேரவைத் தோ்தல் நடைபெறவிருக்கும் மத்திய பிரதேச மாநிலம் போபாலில் திங்கள்கிழமை நடைபெற்ற பொதுக்கூட்டத்தில் பாஜக தொண்டா்கள் மத்தியில் பேசியபோது பிரதமா் மோடி இந்த எச்சரிக்கையை விடுத்தாா்.

காங்கிரஸ் கட்சியை துருப்பிடித்த இரும்புடன் ஒப்பிட்ட பிரதமா், தலைவா்களால் அக்கட்சி இயக்கப்படவில்லை, மாறாக நகா்ப்புற நக்ஸல்களால் இயக்கப்பட்டு வருகிறது என்று பிரதமா் விமா்சித்தாா்.

அவா் மேலும் பேசியதாவது:

காங்கிரஸ் கட்சியும் அதன் புதிய ‘ஆணவ’ கூட்டணி வேறு வழியின்றி கட்டாயத்தின் பேரிலேயே மகளிா் இடஒதுக்கீடு மசோதாவுக்கு நாடாளுமன்றத்தில் ஆதரவு தெரிவித்தன. பெண்களின் சக்தியை அவா்கள் இப்போது புரிந்துகொண்டதே அதற்குக் காரணம். ஆனால், அவா்கள் ஆட்சியில் இருந்தபோது, இந்த மசோதாவை இரு அவைகளிலும் ஒப்புதல் அளிக்க அவா்கள் அனுமதிக்கவில்லை.

எனவே, மத்தியில் ஆட்சிபுரியும் வாய்ப்பை அவா்களுக்கு அளித்தீா்கள் என்றால், இந்த மசோதாவை அவா்கள் மீண்டும் கிடப்பில் போட்டுவிடுவா். பெண்களைப் பிளவுபடுத்தும் அவா்களின் முயற்சிகளுக்கு எதிராக பெண்கள் விழிப்புடன் இருக்க வேண்டும். இந்த மசோதாவில் குறைகளைக் கண்டுபிடிக்கும் முயற்சியிலும் அவா்கள் ஈடுபடுவாா்கள் என்றாா்.

காங்கிரஸ் எம்.பி. ராகுலை பெயா் குறிப்பிடாமல் விமா்சித்த மோடி, ‘வெள்ளி ஸ்பூனுடன் செல்வந்தா்களாகப் பிறந்த காங்கிரஸ் தலைவா்களுக்கு, ஏழைகளின் வாழ்க்கை சாகச சுற்றுலா போன்றது. ஏழைகளின் விவசாயம் விடியோ எடுப்பதற்கும் புகைப்படம் எடுப்பதற்குமான இடமாக அவா்களுக்குத் திகழ்கிறது’ என்றாா்.

காங்கிரஸ் தனது சொந்த நலனுக்காக மக்கள் ஏழைகளாகவே இருக்க வேண்டும் என்று விரும்புகிறது. அதிக வளங்களைக் கொண்டிருந்த மத்திய பிரதேச மாநிலத்தை முந்தைய காங்கிரஸ் ஆட்சி, பின்தங்கிய நிலைக்குத் தள்ளிவிட்டது. அதே நேரம், மத்தியில் கடந்த 5 ஆண்டு பாஜக ஆட்சியில் 13.5 கோடி மக்கள் வறுமை நிலையிலிருந்து வெளியேறியுள்ளனா்.

புதிய நாடாளுமன்ற கட்டடம், தரமான சாலைகள், நவீன ரயில் நிலையங்கள் அமைக்கப்பட்டு வருவது தொடா்பாக பாஜகவை காங்கிரஸ் விமா்சனம் செய்து வருகிறது. எதிா்மறையான கருத்துகளை காங்கிரஸ் பரப்புகிறது. தேசத்தின் சாதனைகளை அவா்கள் விரும்புவதில்லை. நாடு 20-ஆம் நூற்றாண்டுக்கு பின்னோக்கிச் செல்ல வேண்டும் என அவா்கள் விரும்புகின்றனா்.

எண்ம பணப் பரிமாற்ற நடைமுறையை காங்கிரஸ் எதிா்க்கிறது; ஆனால், உலகம் இந்தியாவின் ஒருங்கிணைந்த பணம் செலுத்துதல் நடைமுறையால் (யுபிஐ) ஈா்க்கப்பட்டுள்ளது என்று பிரதமா் குறிப்பிட்டாா்.

மேலும், ‘காங்கிரஸ் தனது சக்தியை இழந்துவிட்டது. அதன் தொண்டா்களும் களத்தில் செயலிழந்துவிட்டனா். முதலில் அக் கட்சி தோ்தலில் தோல்வியடைந்து; பின்னா் திவால் நிலைக்கு சென்றது. அக் கட்சி தற்போது ஒப்பந்த அடிப்படையில் குத்தகைக்கு விடப்பட்டுள்ளது. அந்த ஒப்பந்தத்தை நகா்ப்புற நக்ஸல்கள் பெற்றுள்ளனா். அந்த வகையில், அக் கட்சி தற்போது தலைவா்களால் இயங்கவில்லை. மாறாக, நகா்ப்புற நக்ஸல்களால் இயக்கப்படுகின்றது. இதனை, களப்பணியாற்றும் அக் கட்சியின் தொண்டா்களும் உணா்ந்துள்ளனா்.

மத்திய பிரதேசத்தில் காங்கிரஸுக்கு மீண்டும் வாய்ப்பளித்தால், மாநிலத்தை மிகவும் பின்தங்கிய நிலைக்கு கொண்டு சென்றுவிடுவாா்கள்’ என்று பிரமதா் கூறினாா்.

தடை செய்யப்பட்ட ஜம்மு காஷ்மீா் விடுதலை அமைப்புக்கு (ஜேகேஎல்எப்) புத்துயிா் கொடுக்க முயன்றதாக கைது செய்யப்பட்ட 10 காஷ்மீா் பிரிவினைவாத தலைவா்களின் ஜாமீன் மனுக்களை நிராகரித்து தேசிய புலனாய்வு முகமை (என்ஐஏ) சிறப்பு நீதிமன்றம் உத்தரவிட்டது.

கடந்த 2019-ஆம் ஆண்டு ஜம்மு காஷ்மீா் விடுதலை அமைப்பு மத்திய அரசால் தடை செய்யப்பட்டது. இதையடுத்து கடந்த ஜூலை மாதம் இந்த அமைப்புக்கு புத்துயிா் கொடுக்க முயன்ற குற்றத்திற்காக பிா்தோஸ் அஹ்மது ஷா, ஜஹாங்கீா் அஹ்மத் பட், சுஹைல் அஹ்மது மீா், குா்ஷீத் அஹ்மத் பட், சையத் ரஹ்மான் ஷம்ஸ், சஜாத் ஹுசைன் குல், முகமது ரபீஃக் பலூ, ஹசன் பா்ரே, முகமது யாசீன் பட், ஷபீா் அஹ்மது தாா் ஆகிய 10 பிரிவினைவாத தலைவா்களை தேசிய புலனாய்வு முகமை கைது செய்தது.

இவா்களின் ஜாமீன் மனு என்ஐஏ சட்டத்தின் சிறப்பு நீதிபதி சந்தீப் கந்தோட்ராவிடம் விசாரணைக்கு வந்தது. மனுவைத் தள்ளுபடி செய்த நீதிபதி, பொதுமக்களுக்கு பாதிப்பை ஏற்படுத்தும் குற்றச் செயல்களில் ஈடுபடுவதாலும் தேசப் பாதுகாப்பை கருத்தில்கொண்டும் சட்டவிரோத செயல்கள் தடுப்பு சட்டம் 43டி உட்பிரிவு 5-இன் கீழ் இவா்கள் கைது செய்யப்பட்டுள்ளதால் ஜாமீன் மனு நிராகரிக்கப்படுகிறது.

ஒருவேளை இவா்களுக்கு ஜாமீன் வழங்கினால் பொதுமக்கள் மற்றும் தேசத்துக்கு பாதுகாப்பு அச்சுறுத்தல் ஏற்பட வாய்ப்புள்ளது. எனவே விசாரணை நிறைவடையும் வரையில் ஜாமீன் வழங்க இயலாது என உத்தரவிட்டாா்.

சமூக நலத் திட்டஙக்ளில் மற்றவா்களுக்கு கிடைக்கும் பலன்களைக் காட்டிலும் மாற்றுத்திறனாளிகளுக்கு 25 சதவீதம் கூடுதலாக அளிக்கக் கோரும் மனு மீது பதிலளிக்குமாறு மத்திய அரசு உச்ச நீதிமன்றம் திங்கள்கிழமை உத்தரவிட்டது.

தில்லியைச் சோ்ந்த பூமிகா அறக்கட்டளை சாா்பில் இதுதொடா்பான மனு தாக்கல் செய்யப்பட்டது. அதில், ‘மாற்றுத்திறனாளிகள் தனியாகவோ அல்லது சமூகமாகவோ வாழவும், அவா்களின் உரிமைகளைப் பாதுகாக்கும் வகையிலும் அரசு அறிமுகம் செய்யும் நலத் திட்டமானது, மாற்றுத்திறன் அல்லாத நபா்களுக்கு அரசு அறிமுகம் செய்யும் அதேபோன்ற சமூகநலத் திட்டம் அளிக்கும் பலனைக் காட்டிலும் 25 சதவீதம் கூடுதலாக இருக்க வேண்டும் என்று, மாற்றுத்திறனாளி உரிமைகள் சட்டம் 2016-இந் பிரிவு 24(1) குறிப்பிடுகிறது. இதை அரசு நடைமுறைப்படுத்த உத்தரவிட வேண்டும்’ என கோரிக்கை விடுக்கப்பட்டது.

இந்த மனு உச்ச நீதிமன்ற தலைமை நீதிபதி டி.ஒய்.சந்திரசூட் தலைமையிலான அமா்வு முன்பு திங்கள்கிழமை விசாரணைக்கு வந்தது.

அப்போது மனுதாரரும் பூமிகா அறக்கட்டளை தலைவருமான ஜெயந்த் சிங், ‘சட்டப் பிரிவில் குறிப்பிட்டுள்ளபடி மற்றவா்களுக்கு அளிக்கப்படும் சமூகநலத் திட்டங்களின் பலன்களைக் காட்டிலும், மாற்றுத்திறனாளிகளுக்கு 25 சதவீதம் கூடுதல் பலன்களுடன் திட்டத்தை அறிவிக்க அரசுக்கு உத்தரவிட வேண்டும்’ எனக் கோரினாா்.

இதைக் கேட்ட நீதிபதிகள், ‘எந்தெந்த திட்டங்களில் 25 சதவீத கூடுதல் பலன்களை எதிா்பாா்க்கிறீா்கள்?’ என்று கேள்வி எழுப்பினா்.

அதற்கு, பல்வேறு மாநிலங்களில் வழங்கப்படும் மாற்றுத்திறனாளிகளுக்கான ஓய்வூதியத் திட்டத்தை மனுதாரா் குறிப்பிட்டாா்.

இதைக் கேட்ட நீதிபதிகள், ‘அனைத்து மாநிலங்களிடம் விளக்கம் கேட்டு நோட்டீஸ் பிறப்பிப்பதற்குப் பதிலாக, மத்திய அரசுக்கு மட்டும் நோட்டீஸ் பிறப்பிக்கிறோம்’ என்று குறிப்பிட்ட நீதிபதிகள், இந்த விவகாரம் தொடா்பாக மத்திய அரசுக்கு உத்தரவிட்டு, விசாரணையை 4 வாரங்களுக்குப் பிறகு ஒத்திவைத்தனா்.

ஐ.நா. பொதுச் சபையின் முக்கிய நிகழ்வில் பங்கேற்க அமெரிக்காவுக்குப் பயணம் மேற்கொண்டுள்ள வெளியுறவுத் துறை அமைச்சா் எஸ்.ஜெய்சங்கா், மெக்ஸிகோ, போஸ்னியா-ஹொ்சகோவினா, ஆா்மீனியா ஆகிய நாடுகளின் வெளியுறவுத் துறை அமைச்சா்களுடன் இருதரப்பு உறவு குறித்து ஞாயிற்றுக்கிழமை பேச்சுவாா்த்தை நடத்தினாா்.

அப்போது, ஐ.நா. உள்ளிட்ட சா்வதேச அமைப்புகளில் சீா்திருத்தம், ஜி20-இல் ஒத்துழைப்பு குறித்து அவா்களிடம் ஜெய்சங்கா் எடுத்துரைத்தாா்.

முன்னதாக, கம்போடியா பிரதமா் ஹன் மனெட், எகிப்து, சைப்ரஸ், உகண்டா, கினியா பிசாவ் ஆகிய நாடுகளின் வெளியுறவுத் துறை அமைச்சா்களையும் ஜெய்சங்கா் சனிக்கிழமை சந்தித்தாா்.

ஐ.நா. தலைவா் அன்டோனியோ குட்டெரெஸ், 78-ஆவது பொதுச் சபை அமா்வின் தலைவா் டென்னிஸ் ஃபிரான்சிஸ் ஆகியோரை திங்கள்கிழமை சந்தித்து பேச்சுவாா்தை நடத்தினாா்.

ஐ.நா. பொதுச் சபையின் 78-வது ஆண்டுக் கூட்டம் கடந்த செப்.5-இல் தொடங்கியது. இதன் முக்கிய நிகழ்வான பொது விவாதத்தில் உலக நாடுகளின் தலைவா்கள் உரையாற்றி வருகின்றனா். இந்நிகழ்வில், இந்தியா சாா்பில் பங்கேற்கும் மத்திய அமைச்சா் ஜெய்சங்கா் செவ்வாய்க்கிழமை (செப்.25) உரையாற்றுகிறாா்.

குறிப்பிட்ட மதத்தைச் சோ்ந்தவா் என்ற காரணத்தால் ஒரு மாணவரை தண்டிக்க முற்பட்டால், அங்கு தரமான கல்வி எதுவும் இருக்க முடியாது என்று உச்ச நீதிமன்றம் தெரிவித்துள்ளது.

உத்தர பிரதேச மாநிலம் முசாஃபா்பூா் நகரில் உள்ள குப்பாபுா் கிராமத்தில், வீட்டுப்பாடம் செய்யாத மாணவரை மதரீதியாக ஆசிரியை ஒருவா் திட்டியாக கூறப்படுகிறது. மேலும் அந்த மாணவரை சக மாணவா்கள் கன்னத்தில் அறைந்தனா். ஆசிரியை கூறியதால், அந்த மாணவரை சக மாணவா்கள் அறைந்தனா். இதுதொடா்பான காணொலி சமூக ஊடகங்கள் மற்றும் ஊடகங்களில் வெளியாகின. இதையடுத்து அந்த ஆசிரியை மீது காவல் துறை வழக்குப் பதிவு செய்தது.

இந்த வழக்கை விரைந்து விசாரிக்கக் கோரி, மகாத்மா காந்தியின் கொள்ளுப்பேரன் துஷாா் காந்தி உச்ச நீதிமன்றத்தில் மனு தாக்கல் செய்தாா். இந்த மனு உச்ச நீதிமன்ற நீதிபதிகள் அபேய் எஸ்.ஓகா, பங்கஜ் மிட்டல் ஆகியோா் அடங்கிய அமா்வு முன்பாக விசாரணைக்கு வந்தது. அப்போது மாணவா் அறையப்பட்ட சம்பவத்துக்கு அதிருப்தி தெரிவித்து நீதிபதிகள் கூறியதாவது:

மதம் காரணமாக மாணவரை அறையுமாறு சக மாணவா்களிடம் ஆசிரியை ஒருவா் கூறினால், என்ன மாதிரியான கல்வி புகட்டப்படுகிறது?

குறிப்பிட்ட மதத்தைச் சோ்ந்தவா் என்ற காரணத்தால் ஒரு மாணவரை தண்டிக்க முற்பட்டால், அங்கு தரமான கல்வி எதுவும் இருக்க முடியாது. இந்த வழக்கில், கல்வி உரிமைச் சட்டம் மற்றும் விதிமுறைகளின் கட்டாய கடமைகளுக்கு உடன்படுவதில் மாநில அரசின் தோல்வி முதன்மையாக உள்ளது.

கன்னத்தில் அறையப்பட்ட மாணவருக்கும், அவரை அறைந்த சக மாணவா்களுக்கும் தொழில்முறை ஆலோசகா்கள் மூலம் மனநல ஆலோசனை வழங்க வேண்டும்.

இந்த வழக்கை விசாரிக்க ஒரு வாரத்துக்குள் மூத்த ஐபிஎஸ் அதிகாரியை உத்தர பிரதேச அரசு நியமிக்க வேண்டும். அந்த அதிகாரி வழக்கு தொடா்பாக உச்ச நீதிமன்றத்தில் அறிக்கை தாக்கல் செய்ய வேண்டும்.

வழக்கு தொடா்பான அனைத்து அறிக்கைகளையும் அக்டோபா் 30-ஆம் தேதி ஆராய்ந்த பின்னா், வேறு ஏதேனும் உத்தரவு பிறப்பிக்க வேண்டுமா என பரிசீலிக்கப்படும் என்று தெரிவித்தனா்.

ஏா்பஸ் நிறுவனத்தின் முதல் சி295 போக்குவரத்து விமானம் இந்திய விமானப் படையில் திங்கள்கிழமை இணைக்கப்பட்டது. இது, இந்திய விமானப் படையின் சரக்குப் போக்குவரத்தை ஊக்குவிக்கும் என எதிா்பாா்க்கப்படுகிறது.

உத்தர பிரதேச மாநிலம் காஸியாபாதில் அமைந்துள்ள ஹிண்டன் விமானப் படைத் தளத்தில் திங்கள்கிழமை இந்த விமான இணைப்பு நிகழ்ச்சி நடைபெற்றது. பாதுகாப்புத் துறை அமைச்சா் ராஜ்நாத் சிங், இந்திய விமானப் படைத் தளபதி வி.ஆா்.செளதரி, ஏா்பஸ் நிறுவன உயரதிகாரிகள் உள்ளிட்டோா் இந்நிகழ்ச்சியில் பங்கேற்றனா்.

இந்த முதல் சி295 விமானம் விமானப் படையின் வதோதரா விமானப் படை நிலையத்தில் செயல்பட்டு வரும் பழைமைவாய்ந்த 11-ஆவது படைப்பிரிவில் இணைக்கப்பட்டுள்ளது.

ஏா்பஸ் நிறுவனம் ஸ்பெயினின் செவில் நகரில் நடைபெற்ற நிகழ்ச்சியில், விமானப்படைத் தளபதி வி.ஆா்.செளதரியிடம் இந்த விமானத்தை கடந்த 13-ஆம் தேதி முறைப்படி ஒப்படைத்தது. அதனைத் தொடா்ந்து இந்த விமானம் கடந்த 20-ஆம் தேதி வதோத்ரா வந்து சோ்ந்தது.

இந்தியாவிடம் தற்போதுள்ள கனரக போக்குவரத்து விமானங்கள் செல்ல முடியாத இடங்களுக்குக்கூட, 50 முதல் 71 வீரா்களையும், ஏராளமான ஆயுதங்களையும் எடுத்துச் செல்லக் கூடிய திறன் கொண்டது இந்த சி295 விமானம். பேரிடா் மீட்பு, கடல்சாா் கண்காணிப்பு பணிகளிலும் இந்த விமானத்தைப் பயன்படுத்த முடியும்.

ஏா்பஸ் நிறுவனத்திடமிருந்து ரூ.21,935 கோடியில் 56 சி295 விமானங்களை கொள்முதல் செய்ய இந்தியா கடந்த ஆண்டு ஒப்பந்தம் மேற்கொண்டது. இதில் முதல் 16 விமானங்களை செவில் நகரில் அமைந்துள்ள ஏா்பஸ் நிறுவன தயாரிப்பு மையத்தில் தயாரித்து ஒப்படைக்கும்.

எஞ்சிய 40 விமானங்கள் இந்தியாவில் டாடா அட்வான்ஸ்ட் சிஸ்டம்ஸ் (டிஏஎஸ்எல்) நிறுவனத்தில் தயாரித்து வழங்கும். இதற்காக குஜராத் மாநிலம் வதோதராவில் அமையவுள்ள டாடா நிறுவன உற்பத்தி மையத்துக்கு பிரதமா் நரேந்திர மோடி கடந்த ஆண்டு அக்டோபரில் அடிக்கல் நாட்டினாா். இந்த உற்பத்தி மையம் அடுத்த ஆண்டு நவம்பரில் செயல்படத் தொடங்கும் என எதிா்பாா்க்கப்படுகிறது.

இந்திய விமானப் படையில் 60 ஆண்டுகளுக்கு முன்பாக அறிமுகப்படுத்தப்பட்டு பயன்பாட்டில் இருந்து வரும் ஆவ்ரோ748 விமானங்களுக்கு மாற்றாக சி295 விமானங்கள் அறிமுகப்படுத்தப்படுகின்றன என்பது குறிப்பிடத்தக்கது.

மக்களவையில் பகுஜன் சமாஜ் எம்.பி. குன்வா் டேனிஷ் அலிக்கு எதிராக சா்ச்சைக்குரிய வாா்த்தைகளைப் பயன்படுத்தி விமா்சனம் செய்த பாஜக எம்.பி. ரமேஷ் பிதூரி, பாஜக தேசியத் தலைவா் ஜெ.பி. நட்டாவை திங்கள்கிழமை நேரில் சந்தித்து விளக்கமளித்தாா்.

அண்மையில் நடைபெற்ற நாடாளுமன்ற சிறப்புக் கூட்டத்தொடரில் விவாதத்தில் பங்கேற்றுப் பேசிய தெற்கு தில்லி எம்.பி. ரமஷ் பிதூரி, பகுஜன் சமாஜ் எம்.பி. டேனிஷ் அலியை மதரீதியாக சா்ச்சைக்குரிய வகையில் விமா்சித்தாா். இதற்கு கடும் கண்டனம் தெரிவித்த எதிா்க்கட்சிகள் பிதூரியை மக்களவையில் இருந்து இடைநீக்கம் செய்ய வேண்டும் என்று வலியுறுத்தினா்.

பிதூரியின் கருத்துக்கு பாதுகாப்புத் துறை அமைச்சா் ராஜ்நாத் சிங் அவையில் வருத்தம் தெரிவித்த நிலையில், அவரது சா்ச்சை பேச்சு அவைக் குறிப்பில் இருந்து நீக்கப்பட்டது.

‘மீண்டும் இதுபோன்று நடந்துகொண்டால் கடும் நடவடிக்கை எடுக்கப்படும்’ என பிதூரிக்கு மக்களவைத் தலைவா் ஓம் பிா்லா எச்சரிக்கை விடுத்தாா். அதே நேரத்தில், பிதூரி மீது உரிய நடவடிக்கை எடுக்க வேண்டும் என்று மக்களவைத் தலைவருக்கு டேனிஷ் அலி கடிதம் எழுதினாா்.

அதே நேரத்தில் அவையில் பிதூரி பேசிக்கொண்டிருந்தபோது, அவரைத் தூண்டிவிடும் வகையில் டேனிஷ் அலி விமா்சித்தாா். பிதூரியின் அமைதியைச் சோதிக்கும் வகையில் விரும்பத்தகாத கருத்துகளை அவா் தெரிவித்தாா் என்று பாஜக எம்.பி.க்கள் பலா் குற்றம்சாட்டினாா். இது தொடா்பாக மக்களவைத் தலைவருக்கும் அவா்கள் கடிதம் எழுதியுள்ளனா்.

முன்னதாக, சா்ச்சை பேச்சு குறித்து விளக்கமளிக்குமாறு பாஜக தலைமை பிதூரிக்கு நோட்டீஸ் அனுப்பியது. இதையடுத்து, பாஜக தேசியத் தலைவா் ஜெ.பி.நட்டாவை பிதூரி திங்கள்கிழமை நேரில் சந்தித்து தனது தரப்பு விளக்கத்தை அளித்தாா். தில்லியில் உள்ள பாஜக தலைமையகத்தில் நடைபெற்ற இந்த சந்திப்பு குறித்து அக்கட்சி சாா்பில் அதிகாரப்பூா்வ அறிவிப்பு ஏதுவும் வெளியாகவில்லை.

மணிப்பூா் உயா்நீதிமன்ற நடவடிக்கைகளில் பங்கேற்பதிலிருந்து சில வழக்குரைஞா்கள் தடுத்து நிறுத்தப்பட்டதாகப் புகாா் எழுந்த நிலையில், நீதிமன்ற நடவடிக்கைகளில் அனைத்து வழக்குரைஞா்களும் பங்கேற்பதை மாநில பாா் கவுன்சில் உறுதி செய்ய வேண்டும் என உச்ச நீதிமன்றம் திங்கள்கிழமை உத்தரவிட்டது.

மேலும், மாநிலத்தின் 9 நீதித் துறை மாவட்டங்களில் உள்ள வழக்குரைஞா்களும் மனுதாரா்களும் காணொலி வாயிலாக நீதிமன்ற நடவடிக்கைகளில் பங்கேற்பதற்கான வசதிகள் ஏற்படுத்தப்பட்டுள்ளதை மாநில அரசு உறுதிசெய்ய வேண்டும் எனவும் உச்ச நீதிமன்றம் தெரிவித்தது.

மணிப்பூா் மாநிலத்தில் மைதேயி சமூகத்தினருக்கும் குகி பழங்குடியினருக்கும் இடையே ஏற்பட்ட வன்முறை கடந்த 4 மாதங்களாகத் தொடா்கிறது.

வன்முறை தொடா்பாக உச்ச நீதிமன்றம் அமைத்த விசாரணை குழு, பாதிக்கப்பட்ட மக்களுக்கான நிவாரணம், மறுகுடியமா்வு குறித்து தாக்கல் செய்யப்பட்ட மனுக்கள், உச்ச நீதிமன்றத் தலைமை நீதிபதி டி.ஒய்.சந்திரசூட், ஜெ.பி.பாா்திவாலா, மனோஜ் மிஸ்ரா ஆகியோா் அடங்கிய அமா்வுக்கு முன்பாக திங்கள்கிழமை விசாரணைக்கு வந்தது.

அப்போது வழக்குரைஞா் ஒருவா், ‘உயா்நீதிமன்றத்தில் வழக்குரைஞா்கள் ஆஜராவதைத் தடுக்கும் செயல்பாடுகள் நடைபெற்று வருகின்றன’ எனத் தெரிவித்தாா். அப்போது நீதிபதிகள், அங்கிருந்த மணிப்பூா் பாா் கவுன்சில் தலைவரை நோக்கி, இது தொடா்பாக கேள்வியெழுப்பினா்.

இந்தக் குற்றச்சாட்டை அவா் நிராகரித்தாா். மத்திய, மணிப்பூா் மாநில அரசு சாா்பில் ஆஜரான சொலிசிட்டா் ஜெனரல் துஷாா் மேத்தாவும் இதே கருத்தை முன்வைத்தாா்.

இதையடுத்து நீதிபதிகள், ‘அனைத்துப் பிரிவைச் சோ்ந்த வழக்குரைஞா்களும் நீதிமன்ற நடவடிக்கையில் பங்கேற்பதை உறுதி செய்யும் வகையிலான ஆதாரங்களை அடுத்த முறை சமா்ப்பிக்க வேண்டும். நீதிமன்ற நடவடிக்கைகள் தவறாகப் பயன்படுத்தவில்லை என்பதை உறுதி செய்வது நமது கடமை. எந்தவொரு வழக்குரைஞருக்கும் நீதிமன்ற நடவடிக்கையில் பங்கேற்கும் உரிமை மறுக்கப்படவில்லை என்பதை பாா் கவுன்சில் உறுப்பினா்கள் உறுதிப்படுத்த வேண்டும். இந்த உத்தரவை மீறினால், நீதிமன்ற அவமதிப்பாகக் கருத்தப்படும்’ என்றனா்.

தடைசெய்யப்பட்ட பாப்புலா் ஃப்ரண்ட் ஆஃப் இந்தியா (பிஎஃப்ஐ) அமைப்பு மீதான சட்டவிரோத பணப்பரிவா்த்தனை வழக்குத் தொடா்பாக கேரளத்தின் வயநாடு, கோழிக்கோடு, கொச்சி உள்ளிட்ட 12 இடங்களில் அமலாக்கத் துறை அதிகாரிகள் திங்கள்கிழமை சோதனை நடத்தினா்.

சட்டவிரோத செயல்பாடுகள் தடுப்புச் சட்டத்தின்கீழ் (உபா) பிஎஃப்ஐ அமைப்பைத் சட்டவிரோத அமைப்பாகக் கடந்த ஆண்டு செப்டம்பரில் மத்திய அரசு அறிவித்தது. மேலும், அந்த அமைப்பு செயல்பட 5 ஆண்டுகளுக்குத் தடைவிதிக்கப்ட்டது.

இந்நிலையில், பயங்கரவாத நடவடிக்கைகளுக்கு நிதி உதவி அளித்து தொடா்பாக, வயநாடு, திருச்சூா் மாவட்டங்களில் உள்ள அமைப்பின் முன்னாள் தலைவா்கள் அப்துல் சமத், லதீஃப் ஆகியோரின் வீடுகளில் இந்தச் சோதனை நடைபெற்றது.

ஜக்கிய ஜனதா தளம் கட்சி மீண்டும் பாஜக கூட்டணியில் இணைய இருப்பதாக வெளியான செய்திகளை பிகாா் முதல்வா் நிதீஷ் குமாா் உறுதியாக மறுத்துள்ளாா்.

நிதீஷ் குமாா் தலைமையிலான ஐக்கிய ஜனதா தளம் கட்சி பாஜக கூட்டணியில் பல ஆண்டுகளாக அங்கம் வகித்தது. பிகாரில் கடந்த 2020-இல் நடைபெற்ற சட்டப் பேரவைத் தோ்தலில் பாஜக அதிக இடங்களில் வெற்றி பெற்றபோதும், நிதீஷ் குமாருக்கு முதல்வா் பதவி அளிக்கப்பட்டது.

எனினும், பாஜக-ஐக்கிய ஜனதா தளம் இடையே ஏற்பட்ட தொடா் மோதல் போக்கு காரணமாக நிதீஷ் குமாா், கடந்த ஆண்டு கூட்டணியை முறித்துக் கொண்டு, லாலு பிரசாதின் ராஷ்ட்ரீய ஜனதா தளம், காங்கிரஸ் உள்ளிட்ட கட்சிகளுடன் கைகோத்து முதல்வா் பதவியைத் தக்கவைத்துக் கொண்டாா்.

இதைத் தொடா்ந்து பாஜகவுக்கு எதிரான கட்சிகளை தேசிய ஒருங்கிணைப்பதில் அவா் தீவிரமாக செயல்பட்டாா். இந்தியா கூட்டணி உருவாவதிலும் அவா் முக்கியப் பங்கு வகித்தாா். எனினும், அக்கூட்டணியில் அவருக்கு உரிய முக்கியத்துவம் கிடைக்கவில்லை என்ற வருத்தத்தில் அவா் இருப்பதாகவும், இதனால் அவா் மீண்டும் பாஜக கூட்டணிக்கு வரலாம் என்றும் செய்திகள் அவ்வப்போது வெளியாகி வருகின்றனா்.

இந்நிலையில் பாட்னாவில் திங்கள்கிழமை பாஜகவின் முன்னோடி அமைப்பான பாரதிய ஜன சங்கத்தின் தலைவா் தீனதயாள் உபாத்யாயவின் பிறந்த நாள் விழா நடைபெற்றது. இதில் நிதீஷ் குமாா், துணை முதல்வா் தேஜஸ்வி யாதவ் ஆகியோா் பங்கேற்று உபாத்யாய படத்துக்கு மலா் தூவி மரியாதை செலுத்தினா்.

பாஜக, ஆா்எஸ்எஸ் அமைப்பை தீவிரமாக எதிா்க்கும் ராஷ்ட்ரீய ஜனதா தளத்தைச் சோ்ந்த தேஜஸ்வி யாதவும் இந்த நிகழ்ச்சியில் பங்கேற்றது அரசியல் வட்டாரத்தில் பரபரப்பை ஏற்படுத்தியது.

நிகழ்ச்சியின்போது செய்தியாளா்களைச் சந்தித்த நிதீஷ் குமாரிடம் மீண்டும் பாஜக கூட்டணியில் இணைய வாய்ப்புள்ளதா என்று கேள்வி எழுப்பப்பட்டது. அதற்கு, ‘நீங்கள் கேட்பது முட்டாள்தனமான கேள்வி. எனது இப்போதைய குறிக்கோள் இந்தியா கூட்டணியை வலுவாக்குவது மட்டும்தான். அதனை நோக்கிதான் பயணித்து வருகிறேன்.

மேலும், நான் பிரதமா் வேட்பாளராக வேண்டும் என்று பேசக் கூடாதென எங்கள் கட்சியினருக்கும் அறிவுறுத்தியுள்ளேன் என்றாா்.

‘பிகாா் அமைச்சரவை விரிவாக்கம் செய்யப்படுமா?’ என்ற கேள்விக்கு, ‘இது தொடா்பான முடிவு துணை முதல்வா் தேஜஸ்வி யாதவின் கையில்தான் உள்ளது. அவரிடம்தான் நீங்கள் இந்த கேள்வியைக் கேட்க வேண்டும்’ என்றாா்.

பாஜக எம்.பி. ரமேஷ் பிதூரி, பகுஜன் சமாஜ் எம்.பி. டேனிஷ் அலி குறித்து மக்களவையில் மோசமாக விமா்சித்துப் பேசியுள்ளது தொடா்பாக கேள்வி எழுப்பப்பட்டபோது, ‘இந்த விவகாரத்தை விட்டு விடுங்கள். பிகாரில் நமது அரசு அனைத்து தரப்பு மக்களின் நலன்களுக்காகவும் பணியாற்றி வருகிறது’ என்று நிதீஷ் குமாா் பதிலளித்தாா்.

வந்தாலும் சோ்க்க மாட்டோம்: பாஜக

பிகாா் முதல்வா் நிதீஷ் குமாா் கருத்து தொடா்பாக பாஜக மூத்த தலைவரும் மாநில முன்னாள் துணை முதல்வருமான சுஷீல்குமாா் மோடி கூறுகையில், ‘மக்களின் நம்பிக்கையையும் சுய பலத்தையும் இழந்துவிட்ட அவா் (நிதீஷ்) இப்போது ஒரு சுமையாக மாறிவிட்டாா்.

அவா் எந்தக் கூட்டணியில் சோ்ந்தாலும் வாக்குகளைப் பெற்றுத் தர முடியாது. மீண்டும் தன்னை பாஜக கூட்டணி சோ்த்துக் கொள்ளுமாறு கெஞ்சினாலும் அவரைச் சோ்க்க மாட்டோம்’ என்றாா்.

பிரதமா் மோடிக்கு எதிராக பல்வேறு கேள்விகளை எழுப்பி தயாரிக்கப்பட்ட ஆவணப்படத்துக்கு எதிராக தாக்கல் செய்யப்பட்ட மனுவுக்கு பதிலளிக்க பிபிசி நிறுவனத்துக்கு தில்லி உயா்நீதிமன்றம் மீண்டும் நோட்டீஸ் அனுப்ப உத்தரவிட்டது.

குஜராத்தைச் சோ்ந்த தன்னாா்வ தொண்டு நிறுவனம் தாக்கல் செய்த மனுவில், ‘இந்த ஆவணப்படுத்தில் உள்ள தகவல்கள் இந்தியாவின் நன்மதிப்பை குறைக்கும் வகையிலும், பிரதமா் மோடிக்கு அவமதிப்பை ஏற்படுத்தும் வகையிலும் அமைந்துள்ளன.

குஜராத் கலவரம் தொடா்பான அவதூறான கருத்துகள் இந்திய அரசுக்கும், குஜராத் அரசுக்கும் கடுமையான பாதிப்பை ஏற்படுத்தி உள்ளன. இதற்கு பிபிசி நிறுவனம் ரூ. 10 ஆயிரம் கோடி இழப்பீடு அளிக்க வேண்டும்’ என்று குறிப்பிடப்பட்டுள்ளது.

இந்த மனுவை கடந்த மே 22 -ஆம் தேதி விசாரித்த உயா்நீதிமன்றம் பிரிட்டனில் தலைமையிடமாக கொண்டு செயல்படும் பிபிசி நிறுவனத்துக்கு நோட்டீஸ் அனுப்ப உத்தரவிட்டிருந்தது.

இந்நிலையில் இந்த மனு நீதிபதி சச்சின் தத்தா முன் திங்கள்கிழமை விசாரணைக்கு வந்தது. அப்போது, தொண்டு நிறுவனத்தின் சாா்பில் ஆஜரான வழக்குரைஞா் சித்தாா்த் சா்மா, ‘முன்பு அனுப்பப்பட்ட நோட்டீஸ்கள் பிபிசி நிறுவனத்துக்கு சென்றடையவில்லை’ என்றாா்.

இதைக் கேட்ட நீதிபதி, ‘பிரிட்டனில் உள்ள பிபிசி, இந்திய பிபிசி ஆகியவற்றுக்கு மீண்டும் நோட்டீஸ் அனுப்ப வேண்டும்’ என்று உத்தரவிட்டு வழக்கை டிசம்பா் 15-ஆம் தேதிக்கு ஒத்தி வைத்தாா்.

‘இந்தியா: மோடிக்கு கேள்விகள்’ என்ற தலைப்பில் குஜராத் கலவரம், சிஏஏ எதிா்ப்பு போராட்டம், தில்லி கலவரம் போன்றவற்றை வைத்து பிபிசி இரண்டு பாகங்களில் ஆவணப்படத்தை வெளியிட்டது. இதற்கு இந்திய அரசு கண்டனம் தெரிவித்து ஆவணப்படத்துக்கு தடை விதித்தது.

மக்களவை, மாநில சட்டப் பேரவைகளில் மகளிருக்கு இடஒதுக்கீடு அளிக்கும் மசோதாவை நிறைவேற்றும் துணிவு காங்கிரஸ் ஆட்சியில் இல்லை என்ற மத்திய அமைச்சா் அா்ஜுன் ராம் மேக்வால் விமா்சித்துள்ளாா்.

அண்மையில் நடைபெற்ற நாடாளுமன்ற சிறப்புக் கூட்டத் தொடரில் மகளிா் இடஒதுக்கீடு மசோதா நிறைவேற்றப்பட்டது. எனினும், இதில் ஓபிசி, எஸ்.சி. இடஒதுக்கீடு இல்லை என்றும், இடஒதுக்கீட்டை உடனடியாக அமல்படுத்த நடவடிக்கை எடுக்கவில்லை என்றும் காங்கிரஸ் கட்சி விமா்சித்து வருகிறது. மேலும், 2024 மக்களவைத் தோ்தலில் வாக்குகளைக் கவரும் நோக்கில்தான் பாஜக இந்த மசோதாவை நிறைவேற்றியுள்ளது என்றும் காங்கிரஸ் குற்றம்சாட்டியுள்ளது.

இந்நிலையில் ஜெய்பூரில் செய்தியாளா்களைச் சந்தித்த சட்டம், நீதித்துறை (தனிப் பொறுப்பு) அமைச்சா் மேக்வால் இது தொடா்பாக கூறியதாவது:

மகளிா் இடஒதுக்கீடு மசோதா விஷயத்தில் மக்களை திசை திருப்பும் நோக்கில் காங்கிரஸ் செயல்படுகிறது. 2004 முதல் 2014 வரை 10 ஆண்டுகள் காங்கிரஸ் தலைமையிலான கூட்டணிதான் மத்தியில் ஆட்சியில் இருந்தது. அப்போது, அவா்கள் இந்த மசோதாவை நிறைவேற்றாதது ஏன்? அப்போது பாஜக சாா்பில் மக்களவை எதிா்க்கட்சித் தலைவராக இருந்த சுஷ்மா ஸ்வராஜ், இந்த மசோதாவுக்கு ஆதரவு தருவதாக கூறினாா்.

ஆனால், மகளிா் இடஒதுக்கீடு மசோதாவை நிறைவேற்ற முயற்சித்தால் தங்கள் ஆட்சிக்கு ஆதரவு அளித்து வருபவா் விலகி விடுவாா்கள் என்ற அச்சத்தில் மசோதாவை நிறைவேற்றாமல் காங்கிரஸ் ஆட்சி நடத்தி வந்தது. மகளிா் மசோதாவை நிறைவேற்றும் துணிவு அவா்களுக்கு இல்லை. ஆட்சி, அதிகாரத்தை தக்கவைத்துக் கொள்வதுதான் அவா்களுக்கு முக்கியமாக இருந்தது.

மத்திய அரசில் செயலா்களாக உள்ள 90 பேரில் 3 போ் மட்டுமே இதர பிற்படுத்தப்பட்டவா்கள் என்று ராகுல் காந்தி கண்டுபிடித்து கூறியுள்ளாா். இப்போது செயலா்களாக இருப்வா்கள் அனைவரும் 1990-களின் தொடக்கத்தில் ஐஏஎஸ் அதிகாரிகள் ஆனவா்கள்தான். அந்த காலகட்டத்தில் நாட்டில் ஆட்சியில் இருந்தது காங்கிரஸ் கட்சிதான்.

அப்போது இதர பிற்படுத்தப்பட்ட பிரிவினா் பலரை ஐஏஎஸ் அதிகாரிகளாக காங்கிரஸ் ஆட்சி உருவாக்கி இருந்தால், இப்போது அவா்களில் பலா் மத்திய அரசில் செயலா்களாக இருந்திருப்பாா்கள். மத்திய அரசை விமா்சிப்பதாக எண்ணிக் கொண்டு, காங்கிரஸ் ஆட்சியின் செயல்பாடுகளைத்தான் ராகுல் காந்தி குறை கூறியுள்ளாா் என்றாா் மேக்வால்.

மத்திய அரசுப் பணிகளுக்கு புதிதாக தோ்வு செய்யப்பட்ட 51,000-க்கும் மேற்பட்டோருக்கு பிரதமா் நரேந்திர மோடி செவ்வாய்க்கிழமை (செப். 26) காணொலி மூலம் பணி நியமன ஆணைகளை வழங்குகிறாா்.

மத்திய அரசின் பல்வேறு அமைச்சகங்கள், துறைகள், பொதுத் துறை நிறுவனங்கள், பொதுத் துறை வங்கிகள், தன்னாட்சி அமைப்புகள் ஆகியவற்றில், அடுத்த ஒன்றரை ஆண்டில் 10 லட்சம் பேருக்கு பணி நியமனம் வழங்கும் திட்டம் கடந்த ஆண்டு அக்டோபரில் தொடங்கப்பட்டது.

மத்திய அரசுப் பணியாளா் தோ்வாணையம் (யுபிஎஸ்சி), ரயில்வே தோ்வு வாரியம், அரசுப் பணியாளா் தோ்வாணையம் (எஸ்எஸ்சி) உள்ளிட்டவற்றின் வாயிலாக இந்த நியமனங்கள் மேற்கொள்ளப்படுகின்றன.

புதிதாக தோ்வு செய்யப்படுவோருக்கு பணி நியமன ஆணைகள் வழங்கும் ‘ரோஜ்கா் மேளா’ முகாம்கள் பலகட்டங்களாக நடத்தப்பட்டு வருகின்றன.

அதன்படி, நாட்டின் 46 இடங்களில் செவ்வாய்க்கிழமை (செப். 26) நடைபெறும் ரோஜ்கா் மேளா முகாமில் 51,000-க்கும் மேற்பட்டோருக்கு பணி நியமன ஆணைகளை, பிரதமா் மோடி காணொலி மூலம் பங்கேற்று வழங்கவுள்ளாா். மேலும், புதிதாக நியமனம் பெறுபவா்கள் மத்தியில் அவா் உரையாற்றுவாா். 680-க்கும் மேற்பட்ட கற்றல் படிப்புகள் கிடைக்கப்பெறும் ‘கா்மயோகி பிரரம்ப்’ வலைதளத்தில் புதிய பணியாளா்கள் பயிற்சி பெறுவா் என்று பிரதமா் அலுவலகம் வெளியிட்ட செய்திக் குறிப்பில் தெரிவிக்கப்பட்டுள்ளது.

இந்திய தபால் துறை, இந்திய தணிக்கைத் துறை, அணுசக்தி துறை, வருவாய் துறை, உயா்கல்வித் துறை, பாதுகாப்புத் துறை, சுகாதாரம் மற்றும் குடும்ப நலத் துறை ஆகியவற்றில் புதிய பணியாளா்கள் இணையவுள்ளனா்.

இந்தியாவில் தனது ஐ-போன்களின் உற்பத்தியை 5 மடங்குக்கும் மேல் அதிகரிக்க ஆப்பிள் நிறுவனம் திட்டமிட்டுள்ளது.

இது குறித்து அரசு வட்டாரங்கள் கூறியதாவது:

கடந்த 2022-23-ஆம் நிதியாண்டில் ஆப்பிள் நிறுவனம் இந்திய உற்பத்தி 700 கோடி டாலரை (சுமாா் ரூ.58,213 கோடி) தாண்டியது.

இந்த நிலையில், நடப்பு நிதியாண்டில் (2023-24) இந்தியாவில் தனது உற்பத்தியை 4,000 கோடி டாலராக (சுமாா் ரூ.3.33 லட்சம் கோடி) அதிகரிக்க நிறுவனம் திட்டமிட்டுள்ளது. இது, கடந்த நிதியாண்டைவிட 5 மடங்குக்கும் மேல் அதிகமாகும் என்று அரசு வட்டாரங்கள் கூறின.

முதுநிலை மருத்துவக் கல்வி நிறுவனங்களுக்காக வெளியிடப்பட்ட தகுதி நெறி வழிகாட்டுதல்கள் குறித்து மருத்துவத் துறையினரின் கருத்துகள் வரவேற்கப்படுவதாக தேசிய மருத்துவ ஆணையம் (என்எம்சி) தெரிவித்துள்ளது.

அக்டோபா் 5-ஆம் தேதிக்குள் கருத்துகளையும், ஆலோசனைகளையும் அனுப்பி வைக்குமாறு அறிவுறுத்தப்பட்டுள்ளது. முதுநிலை மருத்துவப் படிப்புகளை புதிதாகத் தொடங்கவும், ஏற்கெனவே உள்ள இடங்களை அதிகரிக்கவும் தேசிய மருத்துவ ஆணையத்தின் ஒப்புதல் பெறுவது அவசியம்.

இந்நிலையில், அதற்கான புதிய வழிகாட்டி நெறிகளை மருத்துவ ஆணையம் வெளியிட்டுள்ளது. அதுதொடா்பாக துறை சாா் நிபுணா்கள், மருத்துவக் கல்வி நிறுவனங்கள், கல்வியாளா்களின் கருத்துகளைக் கேட்டறிய திட்டமிடப்பட்டது.

அதன்படி அக்டோபா் 5-ஆம் தேதிக்குள் மின்னஞ்சல் முகவரியில் கருத்துகளை அனுப்புமாறு தேசிய மருத்துவ ஆணையம் தெரிவித்துள்ளது.

பாரதிய ஜன சங்கத்தின் நிறுவனா் பண்டித தீனதயாள் உபாத்யாயவின் பிறந்தநாளையொட்டி, ராஜஸ்தானில் உள்ள தன்கியா கிராமத்தில் அவரின் உருவச் சிலைக்கு பிரதமா் மோடி திங்கள்கிழமை மலா்தூவி மரியாதை செலுத்தினாா்.

நிகழாண்டு இறுதியில் சட்டப்பேரவைத் தோ்தல் நடைபெறவுள்ள ராஜஸ்தான் மாநிலத்தில் பாஜக சாா்பில் இதுவரை 3 நடைப்பயணங்கள் மேற்கொள்ளப்பட்டது. தன்கியா கிராமத்தில் தீனதயாள் உபாத்யாய உருவச் சிலைக்கு மலா்தூவி மரியாதை செலுத்தியபின் ததியா கிராமத்தில் 4-ஆவது நடைப்பயணத்தின் நிறைவு விழாவில் மோடி பங்கேற்று உரையாற்றினாா்.

இதுகுறித்து பிரதமா் மோடி எக்ஸ் சமூக வலைதளத்தில், ‘பண்டித தீனதயாள் உபாத்யாய தமது வாழ்நாள் முழுவதையும் பாரத மாதாவின் சேவைக்காக அா்ப்பணித்தவா், அவரது ஆளுமையும் பணியும் நாட்டு மக்களுக்கு எப்போதும் உத்வேகமாக இருக்கும். அவரது பிறந்தநாளில் அவருக்கு எனது மரியாதையை செலுத்துகிறேன்’ எனப் பதிவிட்டுள்ளாா்.

பாரதிய ஜன சங்கமானது, பாஜகவின் முன்னோடிக் கட்சியாகும்.

மாலேகான்-2008 குண்டு வெடிப்பு வழக்கு விசாரணைக்காக பாஜக எம்.பி. பிரக்யா சிங் தாக்குா் மும்பையில் உள்ள தேசிய புலனாய்வு முகமை (என்ஐஏ) சிறப்பு நீதிமன்றத்தில் திங்கள்கிழமை ஆஜரானாா்.

கடந்த 2008, செப்டம்பா் 29-இல் மகாராஷ்டிரத்தின் மாலேகான் பகுதியில் உள்ள மசூதிக்கு அருகே நிறுத்தப்பட்டிருந்த மோட்டாா் சைக்கிளில் இருந்த வெடிகுண்டு வெடித்தது. இந்தச் சம்பவத்தில் 6 போ் உயிரிழந்தனா். 100-க்கும் மேற்பட்டோா் படுகாயமடைந்தனா்.

இந்தக் குண்டு வெடிப்பு சம்பவம் தொடா்பாக பாஜக மக்களவை எம்.பி. பிரக்யா சிங் தாக்குா் உள்பட 7 போ் மீது வழக்குப் பதிவு செய்யப்பட்டது. தொடக்கத்தில், மகாராஷ்டிர பயங்கரவாதத் தடுப்பு படையினா் விசாரித்து வந்த இந்த வழக்கு, கடந்த 2011-இல் என்ஐஏ-க்கு மாற்றப்பட்டது.

குற்றம்சாட்டப்பட்டவா்களில் பிரக்யா, ஓய்வு பெற்ற ராணுவ அதிகாரி பிரசாத் புரோஹித், சுதாகா் சதுா்வேதி, அஜய் ரஹிா்கா் உள்பட 6 போ் நீதிமன்றத்தில் திங்கள்கிழமை ஆஜராகினா்.

சுதாகா் துவிவேதி, மத ரீதியான நிகழ்ச்சியொன்றில் பங்கேற்ால் நீதிமன்றத்தில் ஆஜராக இயலவில்லை என்றும் ஆஜராவதிலிருந்து அவருக்கு விலக்கு அளிக்க வேண்டும் என்றும் அவா் தரப்பு வழக்குரைஞா் நீதிமன்றத்தில் கோரிக்கை விடுத்தாா். இதை ஏற்க மறுத்த நீதிமன்றம், துவிவேதிக்கு எதிராக ரூ.5,000-க்கு பிணையில் வரக் கூடிய பிடிவாரண்டை பிறப்பித்தது. குற்றம்சாட்டப்பட்டவா்கள் தரப்பு வாதத்தைக் கேட்ட நீதிமன்றம், வழக்கு விசாரணையை அக்.3-ஆம் தேதிக்கு ஒத்திவைத்தது.

முன்னதாக, கடந்த செப்.14-இல் நடைபெற்ற வழக்கு விசாரணையின்போது, அனைத்து சாட்சியங்களிடமும் விசாரணை முடிவடைந்ததாக என்ஐஏ தரப்பில் தெரிவிக்கப்பட்டது.

‘எதிா்கால பாதுகாப்பு சவால்களை திறம்பட எதிா்கொள்வதற்கான முப்படைகளின் திறன்களை ஒருங்கிணைக்கும் வகையில் கூட்டு பாதுகாப்புப் படை நெறிமுறைகளை மத்திய அரசு வகுத்து வருகிறது’ என்று அதிகாரிகள் திங்கள்கிழமை தெரிவித்தனா்.

தில்லியில் கடந்த 22-ஆம் தேதி நடைபெற்ற பாதுகாப்புப் படைகளின் ஒருங்கிணைப்பு தொடா்பான மாநாட்டில் முன்வைக்கப்பட்ட யோசனையின் அடிப்படையில் இதற்கான முயற்சிகள் எடுக்கப்பட்டு வருகின்றன என்றும் அவா்கள் தெரிவித்தனா்.

இதுகுறித்து பாதுகாப்பு அமைச்சகம் திங்கள்கிழமை வெளியிட்ட செய்திக்குறிப்பில் கூறியிருப்பதாவது:

முப்படைகளிடையே ஒருங்கிணைப்பை மேம்படுத்தும் நோக்கில் முதன் முறையாக இத்தகைய மாநாடு நடத்தப்பட்டது. ஒருங்கிணைந்த பாதுகாப்புப் படை பயிற்சி அமைப்பின் துணைத் தலைவரும் விமானப் படை துணைத் தளபதியுமான ஜிதேந்திர மிஸ்ரா தலைமையில் நடைபெற்ற இந்த மாநாட்டில், முப்படைகளிடையே சிறந்த செயல்முறைகள் குறித்த தகவல் பரிமாற்றம் மற்றும் படைகளின் ஒருங்கிணைப்பு முயற்சியில் உள்ள பிரச்னைகள் குறித்து விரிவாக ஆலோசிக்கப்பட்டது.

இணையவெளி சவால்கள், கடல் மற்றும் நிலம் வழியிலான சவால்கள், விண்வெளி சவால்கள் உள்ளிட்ட பல்வேறு எதிா்கால சவால்களை எதிா்கொள்வது குறித்து விவாதிக்கப்பட்டதோடு, அவற்றை திறம்பட எதிா்கொள்ள கூட்டு பாதுகாப்புப் படை நெறிமுறைகளை வகுப்பது என முடிவு செய்யப்பட்டது.

அதன்படி கூட்டுப் படை நெறிமுறைகள் தற்போது வகுக்கப்பட்டு வருகின்றன. அதன்படி, ஒவ்வொரு கூட்டுப் படை தளபதியின் கீழும் ராணுவம், கடற்படை, விமானப் படை என முப்படைகளைச் சோ்ந்த வீரா்கள் இடம்பெற்றிருப்பா்.

தற்போது இந்த முப்படை வீரா்களுக்கும் வெவ்வேறு தளபதிகளும் அவா்களிடமிருந்து தனித்தனி உத்தரவுகளும் பிறப்பிக்கப்பட்டு வரும் நிலையில், இனி கூட்டுப் படையில் இடம்பெற்றிருக்கும் முப்படை வீரா்களுக்கும் ஒரே தளபதியிடமிருந்து (கூட்டுப் படை தளபதி) உத்தரவு பிறப்பிக்கப்படும். வீரா்கள் ஒருங்கிணைப்பு, திட்டமிடுதல் உள்ளிட்ட பணிகளை கூட்டுப் படைத் தளபதியே மேற்கொள்வாா் என்று தெரிவிக்கப்பட்டுள்ளது.

ஜூன் முதல் செப்டம்பா் வரை தொடரும் தென்மேற்குப் பருவமழை, வழக்கமான செப்.17-ஆம் தேதிக்குப் பதிலாக, 8 நாள்களுக்குப் பிறகு இந்தியாவிலிருந்து விடைபெறத் தொடங்கியுள்ளது என இந்திய வானிலை ஆய்வு மையம் (ஐஎம்டி) தெரிவித்துள்ளது.

இது குறித்து வானிலை ஆய்வு மையம் திங்கள்கிழமை வெளியிட்ட அறிக்கையில், ‘தென்மேற்குப் பருவமழை ராஜஸ்தானின் தென்மேற்குப் பகுதியிலிருந்து வழக்கமாக செப்.17-ஆம் தேதி விடைபெறத் தொடங்கும். இதற்கு மாறாக, நிகழாண்டில் திங்கள்கிழமை (செப்.25) அன்று விடைபெறத் தொடங்கியது’ எனத் தெரிவிக்கப்பட்டுள்ளது.

தென்மேற்குப் பருவமழை தொடங்குவதற்கு முன்னதாக, பருவமழை நிகழாண்டில் சராசரியாக இருக்கும் என வானிலை ஆய்வு மையம் தெரிவித்திருந்தது. மேலும், பசிபிக் பெருங்கடலில் உருவாகும் ‘எல் நினோ’ நிகழ்வு தென்மேற்குப் பருவமழைப் பொழிவில் தாக்கம் செலுத்தலாம் எனவும் எச்சரிக்கை விடுத்திருந்தது.

கடந்த ஆண்டு தென்மேற்குப் பருவமழை காலத்தில் மழையளவு 843.2 மி.மீ. எனப் பதிவான நிலையில், நிகழாண்டில் 6 சதவீதம் குறைந்து 796.4 மி.மீ. ஆகப் பதிவானது. வழக்கமான ஆண்டில், சராசரியாக 870 மி.மீ. மழையை இந்தியா பெறும்.

தமிழகத்தில் மேலும் 6 நாள்கள் மழை பெய்யும்: வளி மண்டல மேலடுக்கு சுழற்சி மற்றும் மேற்கு திசை காற்றின் வேக மாறுபாடு காரணமாக தமிழ்நாடு, புதுச்சேரி மற்றும் காரைக்கால் பகுதிகளில் 6 நாள்கள் ஓரிரு இடங்களில் இடி மின்னலுடன் கூடிய லேசானது முதல் மிதமான மழை பெய்யக்கூடும் என சென்னை வானிலை ஆய்வு மையம் தெரிவித்துள்ளது.

சென்னை மற்றும் புகா் பகுதிகளில் வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி மின்னலுடன் கூடிய மிதமான மழை பெய்யக்கூடும்.

மழை அளவு( மில்லி மீட்டரில்): குடியாத்தம் (வேலூா்) 120, திருவண்ணாமலை, மேலாலத்தூா் (வேலூா்) தலா 100, சோழிங்கநல்லூா் (சென்னை), ஸ்ரீபெரும்புதூா் (காஞ்சிபுரம்), தாமரைப்பாக்கம் (திருவள்ளூா்), சேத்துப்பட்டு (திருவண்ணாமலை), கலசப்பாக்கம் (திருவண்ணாமலை) தலா 70, மதுராந்தகம் (செங்கல்பட்டு), மாமல்லபுரம் (செங்கல்பட்டு), விரிஞ்சிபுரம் (வேலூா்), ஆனந்தபுரம் (விழுப்புரம்) தலா 60, தாம்பரம் (செங்கல்பட்டு), திருக்கழுக்குன்றம் (செங்கல்பட்டு), மலா் காலனி (சென்னை), சத்யபாமா பல்கலைக்கழகம் (காஞ்சிபுரம்), மூங்கில்துறைப்பட்டு (கள்ளக்குறிச்சி), உத்திரமேரூா் (காஞ்சிபுரம்), கெலவரப்பள்ளி அணை (கிருஷ்ணகிரி), கல்லிக்குடி (மதுரை), பனப்பாக்கம் (ராணிப்பேட்டை), எடப்பாடி (சேலம்), மதுக்கூா் (தஞ்சாவூா்), திருப்பத்தூா், பள்ளிப்பட்டு (திருவள்ளூா்), திருவள்ளூா், காட்பாடி (வேலூா்), செஞ்சி (விழுப்புரம்), மரக்காணம் (விழுப்புரம்), திண்டிவனம் (விழுப்புரம்) தலா 50,

தேசியவாத காங்கிரஸ் கட்சியின் பெயா் மற்றும் சின்னத்தை உரிமைக் கோரிய விவகாரத்தில் தோ்தல் ஆணையத்தின் இறுதி முடிவை ஏற்றுக்கொள்வேன் என மகாராஷ்டிர துணை முதல்வா் அஜீத் பவாா் தெரிவித்தாா்.

புணேயில் திங்கள்கிழமை நடைபெற்ற விநாயகா் சதுா்த்தி நிகழ்ச்சிகளில் கலந்துகொண்ட பின் செய்தியாளா்களிடம் பேசிய அவா் இவ்வாறு கூறினாா்.

மகாராஷ்டிரத்தின் எதிா்க்கட்சித் தலைவராக இருந்த அஜீத் பவாா், ஆளும் சிவசேனை-பாஜக கூட்டணிக்கு ஆதரவு தெரிவித்து துணை முதல்வராக பொறுப்பேற்றாா். அவருடன் தேசியவாத காங்கிரஸ் கட்சியின் 8 எம்எல்ஏ-க்களும் அமைச்சா்களாகப் பொறுப்பேற்றனா்.

இதையடுத்து, சரத் பவாா் பிரிவு மற்றும் அஜீத் பவாா் பிரிவு என தேசியவாத காங்கிரஸ் இரண்டாக பிளவுற்றது. இருதரப்பும் பரஸ்பரம் தலைவா்களைக் கட்சியிலிருந்து நீக்கின.

தேசியவாத காங்கிரஸ் தலைவராக துணை முதல்வா் அஜீத் பவாரை தோ்ந்தெடுத்து, அவா் சாா்ந்த அணியின் மக்கள் பிரதிநிதிகள் மற்றும் கட்சி நிா்வாகிகளில் பெரும்பாலானோா் கையொப்பமிட்ட தீா்மானம் இந்திய தோ்தல் ஆணையத்திடம் சமா்ப்பிக்கப்பட்டது.

கட்சியின் பெயா் மற்றும் சின்னத்துக்கும் அந்தத் தீா்மானத்தில் உரிமை கோரப்பட்டது. இந்தக் கோரிக்கையை நிராகரிக்க வேண்டும் என சரத் பவாா் தரப்பு பதில்மனு தாக்கல் செய்தது. இவ்விவகாரம் தொடா்பான முடிவு தோ்தல் ஆணையத்திடம் நிலுவையில் உள்ளது.

இந்நிலையில், புணே செய்தியாளா் சந்திப்பில் அஜீத் பவாா் கூறுகையில், ‘எனது தலைமையிலான அணியில் இணைந்த எம்எல்ஏ-க்கள் மீது சரத் பவாா் அணியினா் நடவடிக்கை மேற்கொள்வது அவா்களது உரிமை சாா்ந்த விஷயம்.

எனினும், தோ்தல் ஆணையமே இறுதி முடிவு எடுக்கவுள்ளது. இருதரப்பும் தோ்தல் ஆணையத்தை அணுகி, அவரவா் வாதங்களை முன்வைத்துள்ளோம். எனவே, என்னைப் பொருத்தவரை தோ்தல் ஆணையத்தின் இறுதி முடிவை முழுமையாக நான் ஏற்றுக் கொள்வேன்.

சிவசேனை எம்எல்ஏ-க்களை தகுதிநீக்கம் செய்து முதல்வரை மாற்றுவதற்கான வாய்ப்பிருப்பதாக பரவும் செய்திகளில் அா்த்தமில்லை. ஏக்நாத் ஷிண்டே முதல்வராகப் பதவியேற்றதில் இருந்து இதுபோன்ற செய்திகள் பரவி வருகின்றன’ என்றாா்.

பாஜகவின் முன்னோடி கட்சியான பாரதிய ஜன சங்கத்தின் நிறுவன உறுப்பினரான தீனதயாள் உபாத்யாயவின் கொள்கைகளின் அடிப்படையில் மத்தியில் கடந்த 9 ஆண்டு கால ஆட்சியை நடத்தி வருவதாக பிரதமா் நரேந்திர மோடி தெரிவித்தாா்.

தீனதயாள் உபாத்யாயவின் பிறந்த நாளையொட்டி, தில்லி பாஜக தலைமையகம் அருகே அமைக்கப்பட்டுள்ள அவருடைய 72 அடி உயர சிலையை பிரதமா் மோடி திங்கள்கிழமை திறந்து வைத்தாா்.

அந்த விழாவில் பேசிய அவா், ‘நாடாளுமன்றத்தில் மகளிா் இடஒதுக்கீடு மசோதா நிறைவேறியது ஜனநாயகத்துக்கு மட்டும் கிடைத்த வெற்றி அல்ல; கட்சியின் கொள்கைக்கும் கிடைத்த வெற்றியாகும்.

அரசியலில் பெண்களின் பங்களிப்பு இல்லாமல் ஒருங்கிணைந்த சமுதாயம், ஜனநாயக ஒருங்கிணைப்பு ஏற்படும் என்று கூற முடியாது.

தீனதயாள் உபாத்யாயவின் கொள்கைகளான ஒருங்கிணைந்த மனிதநேயம், அடித்தட்டு மக்களை மேம்படுத்துவது ஆகியவற்றின் அடிப்படையில் கடந்த 9 ஆண்டுகளாக மத்தியில் பாஜக ஆட்சியை நடத்தி வருகிறது.

சேவை மனப்பான்மையில் நடைபெறும் இந்த ஆட்சி, சமூக நீதிக்கும், உண்மையான மதச்சாா்பின்மைக்கும் எடுத்துக்காட்டாகும். நாட்டின் வளங்கள் சிலரது சொந்த தேவைக்காக முன்பு பயன்படுத்தப்பட்டு வந்தது. தற்போது நாட்டின் வளா்ச்சிக்காக பயன்படுத்தப்படுகிறது’ என்றாா்.

முன்னதாக, எக்ஸ் வளைதலத்தில் தீனதயாள் உபாத்யாயவுக்கு மரியாதை செலுத்திய பிரதமா் மோடி, ‘நாட்டிற்காக தனது வாழ்நாள் முழுவதும் செலவிட்டவரின் பணிகள் மக்களை எப்போதும் உத்வேகம் அளிக்கும்’ என்று பதிவிட்டாா்.

மத்திய பிரதேச சட்டப்பேரவைத் தோ்தலில் போட்டியிடும் பாஜகவின் 2-ஆவது வேட்பாளா் பட்டியலில் மத்திய அமைச்சா்கள், எம்.பி.க்கள் பலா் இடம்பெற்றுள்ளனா்.

இந்த ஆண்டு நவம்பா்-டிசம்பா் மாதங்களில் மத்திய பிரதேச சட்டப்பேரவைத் தோ்தல் நடைபெறும் என்று எதிா்பாா்க்கப்படுகிறது. மொத்தம் 230 தொகுதிகளுக்கு தோ்தல் நடைபெற உள்ளது. அதில் போட்டியிடும் 39 போ் கொண்ட பாஜகவின் முதல் வேட்பாளா் பட்டியல் கடந்த மாதம் வெளியிடப்பட்டது.

இந்நிலையில், தோ்தலில் போட்டியிடும் அக்கட்சியின் 2-ஆவது வேட்பாளா் பட்டியல் திங்கள்கிழமை வெளியிடப்பட்டது. இதில் மத்திய அமைச்சா்கள் மற்றும் எம்.பி.க்கள் பலா் இடம்பெற்றுள்ளனா்.

மத்திய அமைச்சா்கள்...: மத்திய விவசாயத் துறை அமைச்சா் நரேந்திர சிங் தோமா் டிமனி தொகுதி வேட்பாளராக அறிவிக்கப்பட்டுள்ளாா். மத்திய ஊரக வளா்ச்சித் துறை இணையமைச்சா் ஃபகன் சிங் குலஸ்தே நிவாஸ் தொகுதியிலும், மத்திய ஜல் சக்தி துறை இணையமைச்சா் பிரகலாத் சிங் படேல் நரசிங்பூா் தொகுதியிலும் போட்டியிடுகின்றனா்.

எம்.பி.க்கள்... மக்களவை பாஜக எம்.பி.க்கள் ராகேஷ் சிங், கணேஷ் சிங், ரிதி பாடக், உதய் பிரதாப் சிங் ஆகியோரும் 2-ஆம் கட்ட வேட்பாளா் பட்டியலில் இடம்பெற்றுள்ளனா்.

பாஜக தேசிய பொதுச் செயலா் கைலாஷ் விஜய்வா்கியா இந்தூா்-1 தொகுதி வேட்பாளராக அறிவிக்கப்பட்டுள்ளாா்.

இந்த வேட்பாளா் பட்டியலை தொடா்ந்து, 78 தொகுதிகளுக்கான வேட்பாளா்களை பாஜக அறிவித்துள்ளது.

இந்தியாவின் 75-ஆவது சுதந்திர தின விழாவை கொண்டாடும் வகையில் சிறப்பு வாய்ந்த 75 கலங்கரை விளக்கங்களை ரூ. 60 கோடி மதிப்பீட்டில் மறு சீரமைப்பு செய்ய உள்ளதாக, துறைமுகங்கள், கப்பல் போக்குவரத்து மற்றும் நீா்வழித் துறை அமைச்சகச் செயலா் டி.கே. ராமச்சந்திரன் தெரிவித்தாா்.

இது குறித்து சென்னை கலங்கரை விளக்கத்தில் திங்கள்கிழமை நடைபெற்ற செய்தியாளா் சந்திப்பில் அவா் கூறியது:

பிரதமா் மோடியின் உத்தரவின் பேரில், நாட்டில் 75 கலங்கரை விளக்கங்கள் தோ்வு செய்யப்பட்டு ரூ.60 கோடி மதிப்பீட்டில் மறுசீரமைப்பு செய்யப்பட உள்ளன. 75 கலங்கரை விளக்கங்களிலும் ‘கலங்கரை விளக்க திருவிழா’ சிறப்பு நிகழ்ச்சிகள் நடத்தப்படுகிறது.

அனைத்து கலங்கரை விளக்கங்களிலும் அருங்காட்சியகங்கள் அமைக்கப்படும். மேலும் இசை நிகழ்ச்சிகள், சிறுவா் விளையாட்டுப் போட்டிகள் உள்ளிட்டவை நடத்தப்பட உள்ளன. சென்னையில் உள்ள கலங்கரை விளக்கம் சுமாா் 40 கி.மீ. தூரத்துக்கு விசைப்படகுகள் மற்றும் கப்பல்களில் பயணிக்கும் மாலுமிகளுக்கு கடல் வழிகாட்டியாக இருந்து வருகிறது.

சென்னை கலங்கரை விளக்கம் தினமும் காலை 10 மணி முதல் பிற்பகல் 1 மணி வரையிலும் பிற்பகல் 3 முதல் 5 மணி வரையிலும் பொது மக்களின் பாா்வைக்காக அனுமதிக்கப்படுகிறது. இதற்கான கட்டணம் ரூ. 10 மட்டுமே. பள்ளி மாணவா்களுக்கு முன் அனுமதியுடன் இலவசமாக பாா்வையிட அனுமதிக்கப்படுகிறது என்றாா் அவா்.

இதைத் தொடா்ந்து மயிலாப்பூா் புனித பீட்ஸ் பள்ளி அரங்கத்தில் கலங்கரை விளக்க திருவிழா நடைபெற்றது. இதில் மாணவா்கள், கலைஞா்கள் பங்கேற்ற கலை நிகழ்ச்சிகளும், பிரபல பாடகா்களுடன் இசை கச்சேரியும் நடைபெற்றது.

இந்நிகழ்ச்சியில், சென்னை துறைமுக தலைவா் சுனில் பாலிவால், எண்ணூா் காமராஜா் துறைமுக மேலாண்மை இயக்குநா் ஐரின் சிந்தியா, இந்திய கடல் சாா் பல்கலைக்கழக துணைவேந்தா் மாலினி சங்கா், கலங்கரை விளக்கங்களின் இயக்குநா் ஜெனரல் என்.முருகானந்தம் உள்ளிட்டோா் கலந்து கொண்டனா்.

மேற்கு வங்கம் மால்டா மாவட்டத்தில் சேதமான ரயில் தண்டவாளத்தில் வந்த பயணிகள் ரயிலை தன் சிவப்பு சட்டையை அசைத்து எச்சரிக்கை செய்ததன் மூலம் பெரும் விபத்தைத் தடுத்த 12 வயது சிறுவனுக்கு ரயில்வே நிா்வாகம் சாா்பில் பாராட்டுச் சான்றிதழும் ஊக்கத்தொகையும் வழங்கப்பட்டது.

இதுகுறித்து ரயில்வே சாா்பில் வெளியிட்ட அறிக்கை: கடந்த வியாழக்கிழமை பலூக்கா ரயில்வே பணிமனையின் அருகே கனமழையால் தண்டவாளம் சேதமடைந்திருந்தது. அந்த வழித்தடத்தில் பயணிகள் ரயில் வேகமாக வருவதை முா்சலின் ஷேக் என்ற 12 வயது சிறுவன் கண்டான்.

அந்த தண்டவாளத்தில் ரயில் பயணித்தால் விபத்துக்குள்ளாகும் என்பதை உடனே உணா்ந்து, அவன் அணிந்திருந்த சிவப்பு சட்டையை கழற்றி வேகமாக அசைத்து ரயில் ஓட்டுநருக்கு எச்சரிக்கை செய்துள்ளான். இதை கவனித்த ரயிலின் ஓட்டுநா் உடனடியாக ரயிலை நிறுத்தினாா். இதனால் பெரும் விபத்து தவிா்க்கப்பட்டது.

சேதமான ரயில் வழித்தடம் சீரமைக்கப்பட்டு வழக்கமான ரயில் சேவைகள் மீண்டும் தொடங்கப்பட்டது. விபத்தை தடுத்த சிறுவனின் துணிவைப் பாராட்டி வடக்கு மால்டா நாடாளுமன்ற உறுப்பினா் ககேன் முா்மு மற்றும் கதிஹாா் ரயில்வே கோட்ட மேலாளா் ஸ்ரீசுரேந்திர குமாா் ஆகியோா் சிறுவனின் வீட்டிற்கு நேரில் சென்று அவனுக்குப் பாராட்டுச் சான்றிதழையும் பரிசுத் தொகையையும் வழங்கினா். இந்த இளம் வயதிலேயே சமூகத்தின் மீது அக்கறை கொண்ட சிறுவனின் மன தைரியத்தை வடகிழக்கு ரயில்வே பாராட்டி உள்ளது.

பிகாரின் பாட்னா மாவட்டத்தில் பெற்ற கடனை முழுவதுமாக திருப்பிச் செலுத்தியும் கூடுதல் பணம் கேட்டு மிரட்டி தலித் பெண்ணைத் தாக்கிய கடன் வழங்கிய நபா் மற்றும் அவரின் கூட்டாளிகள், அப்பெண் மீது சிறுநீா் கழித்து கொடுமைப்படுத்திய சம்பவம் அந்த மாநிலத்தில் பெரும் அதிா்வலையை ஏற்படுத்தியுள்ளது.

பாட்னா மாவட்டத்தின் குஸ்ருபூா் பகுதியில் கடந்த சனிக்கிழமை நடந்த இக்கொடூர சம்பவத்தில் ஈடுபட்டவா்கள் மீது கடுமையான நடவடிக்கை எடுக்கப்படும் என அந்த மாநில முதல்வா் நிதீஷ்குமாா் உறுதியளித்துள்ளாா்.

இந்த வன்கொடுமையில் பாதிக்கப்பட்டு, மருத்துவமனையில் சிகிச்சை பெற்று வரும் தலித் பெண் போலீஸாா் விசாரணையில் தெரிவித்த தகவல்களின்படி, கடந்த சில மாதங்களுக்குமுன் பெண்ணின் கணவா், பிரமோத் சிங் என்பவரிடம் இருந்து ரூ.1,500 கடன் பெற்றுள்ளாா்.

வட்டியுடன் அந்தப் பணம் திருப்பி செலுத்தப்பட்டாலும், கூடுதல் பணம் கேட்டு பிரமோத் சிங் மிரட்டி வந்துள்ளாா். ஆனால், கூடுதல் பணத்தை அளிக்க மறுத்த தலித் தம்பதி, காவல் நிலையத்தில் புகாரளித்தனா். அதன் அடிப்படையில், கடந்த சனிக்கிழமை கிராமத்துக்கு வந்து குஸ்ருபூா் போலீஸாா் விசாரணை மேற்கொண்டனா்.

இதனால் ஆத்திரமடைந்த பிரமோத் சிங் மற்றும் அவரின் கூட்டாளிகள், பெண்ணின் வீட்டுக்கு அன்றிரவு 10 மணியளவில் சென்று, அவரை வலுக்கட்டாயமாக பிரமோத் இல்லத்துக்கு கடத்தி வந்துள்ளனா். அங்கு அந்தப் பெண்ணின் ஆடைகளை அவிழ்த்து, சராமரியாகத் தாக்கியுள்ளனா். மேலும், பெண்ணின் மீது சிறுநீா் கழித்து வன்கொடுமையிலும் ஈடுபட்டுள்ளனா். இந்நிலையில், அங்கிருந்து தப்பித்து பெண் வீடு திரும்பியுள்ளாா்.

இதுதொடா்பான செய்தி பரவி மாநிலத்தில் பெரும் அதிா்வலை ஏற்பட்ட நிலையில், முக்கிய குற்றவாளி பிரமோத் சிங், அவரது மகன் அன்ஷு சிங் ஆகிய இருவரும் தலைமறைவாகினா். தலைமறைவாகியுள்ள குற்றவாளிகளைப் பிடிக்க காவல்துறை சாா்பில் 5 தனிப்படைகள் அமைக்கப்பட்டுள்ளன. இவ்விவகாரம் குறித்து ஏற்கெனவே வழக்குப் பதிவு செய்யப்பட்டுள்ளது. மேற்கொண்டு விசாரணை நடத்தப்பட்டு வருவதாக காவல் துறை அதிகாரிகள் தெரிவித்தனா்.

கடும் நடவடிக்கைக்கு உறுதி:

இதுதொடா்பாக மாநில முதல்வா் நிதீஷ்குமாா் கூறுகையில், ‘இவ்விவகாரத்துக்கு முன்னுரிமை அளித்து கையாள காவல் துறை மற்றும் நிா்வாகத்தினருக்கு அறிவுறுத்தி இருக்கிறேன். குற்றவாளிகளுக்கு எதிராக கடுமையான நடவடிக்கை எடுக்கப்படும்’ என்றாா்.

நாட்டிலேயே மதுபானங்கள் மிகவும் குறைவான விலைக்கு விற்கப்படுவது கோவாவில்தான். அதேநேரத்தில் அதிக விலைக்கு விற்பதில் கர்நாடகம் முதலிடத்தில் உள்ளது. 

நாட்டின் மிக முக்கியமான சுற்றுலா இடமான கோவா, கடற்கரைகளுக்கு மட்டுமல்ல, மதுபானத்திற்கும் பிரபலம்தான். இங்கு மதுபான விலை குறைவாக இருக்கும் என்பது பெரும்பாலானோருக்குத் தெரியும். ஆனால், மற்ற அனைத்து மாநிலங்களையும்விட நாட்டிலேயே கோவாவில்தான் குறைவு என்பது அதிகாரப்பூர்வ தகவல். ஏனெனில் மதுபானங்களுக்கு இங்கு மிகவும் குறைவான வரிதான் விதிக்கப்படுகிறது. 

அந்தவகையில் மதுபானங்களுக்கு அதிக வரி விதிக்கப்படுவதால் நாட்டில் அதிக விலைக்கு மது விற்கப்படுவது கர்நாடகத்தில்தான். 

இந்தியாவின் சர்வதேச மதுபானம் மற்றும் ஒயின்கள் சங்கம் நடத்திய ஆய்வில் இந்த முடிவுகள் தெரியவந்துள்ளன. 

இதையும் படிக்க | கரோனாவைவிட கொடூரமான வைரஸ்.. எச்சரிக்கும் சீன வைராலஜிஸ்ட்

கோவாவில் 100 ரூபாய்க்கு விற்கப்படும் விஸ்கி, ரம், வோட்கா, ஜின் போன்ற ஒரு மதுபான(ஸ்பிரிட்) பாட்டில் தில்லியில் ரூ. 134-க்கு விற்கப்படுகிறது. இதுவே கர்நாடகத்தில் ரூ. 513.

கோவாவில் மதுபானங்களுக்கு 49% வரி விதிக்கப்படும் நிலையில் அதிகபட்சமாக கர்நாடகத்தில் 83% ஆகவும், அதையடுத்து மகாராஷ்டிரத்தில் 71% ஆகவும் உள்ளது. 

தில்லி, மும்பையில் பிரபல ஸ்காட்ச் பிராண்டு பாட்டில்களின் விலையில் 20% வித்தியாசம் இருக்கலாம். உதாரணமாக, தில்லியில் சுமார் ரூ.3,100 விலையுள்ள ஒரு பிளாக் லேபிள் பாட்டில், மும்பையில் சுமார் ரூ.4,000-க்கு விற்கப்படுகிறது. மாநில எல்லைகளில் மதுபானங்கள் கடத்தப்படுவதும் இந்த விலை வித்தியாசத்திற்குக் காரணம். 

வெளிநாடுகளில் இருந்து மதுபானங்களுக்கான இறக்குமதி வரி, அனைத்து மாநிலங்களுக்கும் பொதுவானதுதான். 

மது, பெட்ரோல் உள்ளிட்ட பொருள்கள் ஜிஎஸ்டி-க்கு கீழ் வராததால் இதற்கு நாடு முழுவதும் வெவ்வேறு வரி விகிதங்கள் உள்ளன. இதனால் மாநிலங்களில் மதுபான விலை வேறுபடுகிறது. 

வரி வருவாய் குறையும்போது மாநிலங்கள் பெரும்பாலாக பெட்ரோல், டீசல், ஆல்கஹால், சொத்து மீதான வரியை உயர்த்துகின்றன. 

பெட்ரோல், டீசல் ஆகியவற்றை ஜிஎஸ்டி வரிக்குள் கொண்டுவருவது குறித்து மத்திய அரசு ஆலோசனை மேற்கொண்டு வரும் நிலையில், மதுபானங்களை அதில் சேர்ப்பது குறித்து இதுவரை எந்த பேச்சுவார்த்தையும் இல்லை. 

இதையும் படிக்க |  ஷவர்மாவில் என்ன ஆபத்து?

பிகாரின், பாட்னாவில் கடன் கொடுக்கத் தவறிய தலித் பெண்ணைத் தாக்கி சிறுநீர் குடிக்க வைத்த அவலம் அரங்கேறியுள்ளது. 

பாட்னாவில் ஒரு கிராமத்தில் ரூ.9000 ஆயிரம் கடனுக்கு ரூ.1,500 வட்டி கட்டத் தவறியதால் தலித் பெண் கடுமையாகத் தாக்கப்பட்டுள்ள சம்பவம் பரபரப்பை ஏற்படுத்தியுள்ளது.

இந்த சம்பவம் குறித்து காவல் கண்காணிப்பாளர் கூறுகையில், 

தலித் பெண் ஒருவர் தலையில் தாக்கப்பட்டு காயங்களுடன் காவல் நிலையத்திற்கு வந்து புகார் அளித்தார். 

அவர் அளித்த புகாரில், தனது கணவர் சில மாதங்களுக்கு முன்பு பிரமோத் சிங் என்பவரிடம் ரூ.9,000 கடன் வாங்கியதாகவும், சில மாதங்களாக அதிக வட்டி கேட்டு எங்களை மிரட்டி வருவதாகவும் தெரிவித்தார். இதை நாங்கள் நிராகரித்து வந்தோம். 

இந்த நிலையில், கடந்த சனிக்கிழமை(செப்.23) அன்று தண்ணீர் எடுக்க வெளியே சென்றபோது ஆறு பேர் கொண்ட கும்பம் என்னைத் தாக்கி நிர்வாணமாக்கி, சிறுநீரை எடுத்து வாயில் ஊற்றி கொடுமைப்படுத்தினார்கள். தலையில் கட்டையால் தாக்கினார்கள். 

நான் ஒருவழியாக அவர்களிடமிருந்து தப்பித்துக் காவல் நிலையத்தை அடைந்தேன் என்று பாதிக்கப்பட்ட பெண் காவல் நிலையத்தில் புகார் அளித்தார். 

படிக்க: துருப்பிடித்த இரும்பைப் போன்றது காங்கிரஸ்: பிரதமர் மோடி தாக்கு!

இந்த சம்பவம் தொடர்பாக வழக்குப் பதிவு செய்யப்பட்டுள்ளது. குற்றம் சாட்டப்பட்ட 6 பேரும் தலைமறைவாகி உள்ளனர். குற்றவாளிகளை கண்டுபிடிக்க 5 குழுக்களை அமைத்துத் தேடி வருவதாக அவர் தெரிவித்தார். 

இந்த சம்பவத்துக்கு மாநில முதல்வர் நிதிஷ் குமார் மற்றும் துணை முதல்வர் தேஜஸ்வி யாதவ் கடும் கண்டனம் தெரிவித்துள்ளனர். குற்றவாளிகளை விரைந்து பிடிக்க காவல்துறைக்கு அவர்கள் உத்தரவிட்டுள்ளனர்.