சத்தீஸ்கர் மாநிலத்தில் உள்ள 90 சட்டப் பேரவை தொகுதிகளுக்கான தேர்தல் வாக்கு எண்ணிக்கை இன்று நடைபெற்று வருகிறது.

முதல்கட்ட வாக்கு எண்ணிக்கையில் காங்கிரஸ் 55 தொகுதிகளில் முன்னிலை வகிக்கிறது. பாஜக 34 தொகுதிகளில் முன்னிலை வகிக்கிறது.

காங்கிரஸ் வெற்றியைக் கொண்டாட லாலு யாதவ் கட்சி ஆதரவாளர்கள் பிகாரில் இருந்து ராய்ப்பூர் காங்கிரஸ் கட்சி அலுவலகத்துக்கு இனிப்பு மற்றும் மீனோடு சென்றடைந்துள்ளனர்.

சத்தீஸ்கரில் ஆட்சியமைக்கத் தேவையான தொகுதிகளைவிட பெரும்பான்மை எண்ணிக்கையில் காங்கிரஸ் முன்னிலை வகிப்பது குறிப்பிடத்தக்கது.

மத்திய பிரதேசத்தில் பாரதிய ஜனதா கட்சி முன்னிலை பெற்றுள்ளது. காலை 9 மணி நிலவரப்படி 37 இடங்களில் பாஜக முன்னிலையில் உள்ளது. காங்கிரஸ் கட்சி 7 இடங்களில் முன்னிலையில் நீடித்து வருகிறது.

ராஜஸ்தான், மத்திய பிரதேசம், சத்தீஸ்கர் மற்றும் தெலங்கானா ஆகிய மாநிலங்களில் தபால் வாக்குகள் எண்ணும் பணி இன்று காலை (டிச. 3) முதல் தொடங்கி நடைபெற்று வருகிறது. முதலில் தபால் வாக்குகள் எண்ணப்பட்டன. அதனைத் தொடர்ந்து வாக்கு இயந்திரத்தில் பதிவான வாக்குகள் எண்ணப்பட்டு வருகின்றன. 

வாக்குகளின் அடிப்படையில் காலை 9 மணி நிலவரப்படி மத்தியப் பிரதேசத்தில் பாஜக முன்னிலை வகித்து வருகிறது. மத்தியப் பிரதேசத்தின் மேற்கு தொகுதிகளில் பாஜக அதிக இடங்களைப் பிடித்துள்ளது. 

காங்கிரஸ் கட்சி 7 இடங்களில் முன்னிலை வகித்து வருகிறது. பாரத் ஆதிவாசி கட்சி ஒரு இடத்தில் முன்னிலை பெற்றுள்ளது. 

தில்லி காங்கிரஸ் கட்சி தலைமை அலுவகத்திற்கு வெளியே ராமர், சீதை பதாகைகள் அடுத்தடுத்து வைக்கப்பட்டுள்ளன. அதோடு அனைத்து மதங்களையும் குறிப்பிடும் வகையிலான பதாகைகளும் வைக்கப்பட்டுள்ளன. 

ராஜஸ்தான், மத்தியப் பிரதேசம், சத்தீஸ்கர் மற்றும் தெலங்கானா ஆகிய மாநிலங்களில் வாக்குகள் எண்ணும் பணி தொடங்கியுள்ள நிலையில், காங்கிரஸ் தலைமை அலுவலகத்திற்கு வெளியே தொடர்கள் உற்சாகமாக நடனமாடி மகிழ்ச்சியை பகிர்ந்து வருகின்றனர். 

காங்கிரஸ் கட்சி பெரும்பாலான இடங்களைக் கைப்பற்றும் என அக்கட்சியின் தலைவர்கள் நம்பிக்கை தெரிவித்துள்ள நிலையில், தொண்டர்கள் கொண்டாட்டத்தில் ஈடுபட்டுள்ளனர்.
 

ஜெய்ப்பூர்: ராஜஸ்தான் தேர்தல் வாக்கு எண்ணிக்கையின் ஆரம்ப சுற்றில் பாஜக முன்னிலை வகிக்கிறது.

பாஜக 100 தொகுதிகளில் முன்னிலை வகிக்கிற நிலையில், காங்கிரஸ் 85 தொகுதிகளில் முன்னிலையில் உள்ளது.

ஞாயிற்றுக்கிழமை காலை 8 மணிக்குத் தொடங்கிய வாக்கு எண்ணிக்கையில் தபால் வாக்குகள் முதலில் எண்ணப்பட்டன.

ராஜஸ்தானின் 200 தொகுதிகளில் 199 தொகுதிகளுக்கு தேர்தல் நடைபெற்றது. 199 தொகுதிகளில் 1862 வேட்பாளர்கள் போட்டியிட்டனர்.

இதையும் படிக்க: தெலங்கானா: ஆளும் பி.ஆர்.எஸ். கட்சிக்கு பின்னடைவு!

மேலும், வாக்கு எண்ணும் மையத்தில் மூன்றடுக்கு பாதுகாப்பு செய்யப்பட்டிருப்பதோடு ஒவ்வொரு தொகுதிக்கும் பிரத்யேகமான அறைகள் ஒதுக்கப்பட்டிருப்பதாக அதிகாரிகள் தெரிவித்தனர்.

தெலங்கானாவில் சந்திரசேகர ராவின் பாரதிய ராஷ்டிரிய சமிதி கட்சி பின்னடைவை சந்தித்துள்ளது.

தெலுங்கானா வாக்கு எண்ணிக்கையில் தற்போதைய நிலவரப்படி, காங்கிரஸ் கட்சி முன்னிலையில் உள்ளது.  காங்கிரஸ் 40 இடங்களிலும், பிஆர்எஸ் 24 இடங்களிலும் பாஜக 4 இடங்களிலும், மற்றவை 1 இடத்திலும் முன்னிலையில் இருக்கின்றன.

தென் மாநிலமான தெலங்கானாவில் மொத்தமுள்ள 119 தொகுதிகளுக்கு கடந்த மாதம் 30-ஆம் தேதி ஒரே கட்டமாக தோ்தல் நடைபெற்றது.

3.26 கோடி வாக்காளா்களைக் கொண்ட இந்த மாநிலத்தில் 71.34 சதவீத வாக்குகள் பதிவாகின. ஆளும் பாரத ராஷ்டிர சமிதி (பிஆா்எஸ்), காங்கிரஸ், பாஜக என மும்முனைப் போட்டி நிலவி வருகிறது.

இதையும் படிக்க: வெற்றி பெற்றவுடன் 5 நட்சத்திர விடுதிக்கு வரவும்: கட்சிகளின் திட்டம்!

சந்திரசேகர ராவ் போட்டியிட்டுள்ள கஜ்வெல், காமரெட்டி ஆகிய இரு தொகுதிகளில் அவர் முன்னிலையில் உள்ளார்.

ராஜஸ்தான், மத்திய பிரதேசம், சத்தீஸ்கர் மற்றும் தெலங்கானா மாநிலங்களின் தேர்தல் முடிவுகள் வருகிற நாடாளுமன்ற தேர்தலின் முன்னோட்டமாகப் பார்க்கப்படுகிறது.

இந்த நிலையில், தேர்தல் முடிவுகளுக்குப்பின் ஏற்படும் கட்சி தாவல்களைத் தடுக்க கட்சிகள் தங்களின் வெற்றி வேட்பாளர்களை ஒருங்கிணைக்கும் முயற்சியில் இறங்கியுள்ளன.

தெலங்கானா மாநிலத்தில் கட்சிகள் 5 நட்சத்திர விடுதிகளை முன்பதிவு செய்துவருகின்றன.

பிஆர்எஸ், காங்கிரஸ் மற்றும் பாஜக ஆகிய கட்சிகளிடையே மும்முனை போட்டி நிலவுகிற சூழலில் இன்று வாக்கு எண்ணிக்கை நடைபெற்று வருகிறது.

காங்கிரஸ் கட்சி, தனது வேட்பாளர்களுக்கு வெற்றி பெற்ற பிறகு சான்றிதழைப் பெற்று கொண்டு நேரடியாக ஹைதராபாத் தாஜ் கிருஷ்ணா விடுதிக்கு வருமாறு அழைப்பு விடுத்துள்ளதாக தகவல்கள் வெளியாகியுள்ளன.

அங்கிருந்து அவர்கள் கர்நாடகா மாநிலத்துக்கு இடம் மாற்றப்படலாம் எனத் தெரிவிக்கப்படுகிறது. இந்த ஏற்பாடுகளை கர்நாடக துணை முதல்வர் டி.கே. சிவகுமார் பொறுப்பேற்று மேற்கொண்டுவருவதாக்வும் தகவல்கள் தெரிவிக்கின்றன. 

இதையும் படிக்க: காங்கிரஸ் அலுவலகத்தில் குவிக்கப்பட்டுள்ள இனிப்புகள்!

119 தொகுதிகளுக்கான தெலங்கானா சட்டப் பேரவைத் தேர்தலில் வெற்றி பெறத் தேவையான 61 தொகுதிகளைக் கைப்பற்றும் கட்சி ஆட்சி அமைக்கும் என்பது குறிப்பிடத்தக்கது.

4 மாநிலத் தோ்தல் வாக்கு எண்ணிக்கை இன்று காலை 8 மணிக்கு  தொடங்கப்பட்டுள்ளது.

இதையொட்டி, 4 மாநிலங்களிலும் வாக்கு எண்ணும் மையங்களில் மூன்றடுக்கு பாதுகாப்பு ஏற்பாடுகள் மேற்கொள்ளப்பட்டுள்ளன.

மத்திய பிரதேசம், ராஜஸ்தான், தெலங்கானா, சத்தீஸ்கா் ஆகிய 4 மாநில சட்டப்பேரவைத் தோ்தல்களில் பதிவான வாக்குகள் ஞாயிற்றுக்கிழமை (டிச. 3) எண்ணப்பட்டு முடிவுகள் வெளியிடப்படவுள்ளன.

2024, மக்களவைத் தோ்தலுக்கு முன்னோட்டமாகக் கருதப்படுவதால், தற்போதைய தோ்தல் முடிவுகள் பெரும் எதிா்பாா்ப்பை ஏற்படுத்தியுள்ளன. முன்னிலை நிலவரம் வாக்கு எண்ணிக்கை தொடங்கிய சில மணி நேரங்களிலேயே தெரியவரும்.

இந்த நிலையில், 4 மாநில சட்டப்பேரவைத் தோ்தல்களில் பதிவான வாக்குகள் எண்ணப்பட்டு வருகின்றன. முதற்கட்டமாக தபால் வாக்குகள் எண்ணப்படுகின்றன.

இதையும் படிக்க: வாக்கு எண்ணும் மையங்கள் தயார்!

தொடர்ந்து, வாக்குப் பதிவு இயந்திரத்தில் பதிவான வாக்குகள் எண்ணப்படவுள்ளன.

சத்தீஸ்கர், ராஜஸ்தான், மத்தியப் பிரதேசம் மற்றும் தெலங்கானா ஆகிய நான்கு மாநிலங்களில் வாக்கு எண்ணிக்கை ஞாயிற்றுக்கிழமை காலை 8 மணிக்குத் தொடங்கவுள்ள நிலையில் அதற்கான ஏற்பாடுகள் மும்முரமாக நடைபெற்று வருகிறது.

மிஸோரம் மாநிலத்தில் வாக்கு எண்ணிக்கை திங்கள்கிழமை ஒத்திவைக்கப்பட்டுள்ளது.

சத்தீஸ்கர்

சத்தீஸ்கரில் 90 சட்டப் பேரவை தொகுதிகளுக்கான வாக்கு எண்ணிக்கை காலை 8 மணிக்கு தொடங்கவுள்ள நிலையில், போதிய ஏற்பாடுகள் செய்யப்பட்டுள்ளதாகவும் அதற்காக 90 தேர்தல் அதிகாரிகள், 416 உதவி தேர்தல் அதிகாரிகள்,  4596 வாக்கு எண்ணும் நபர்கள் மற்றும் 1698 தேர்தல் பார்வையாளர்கள் தயாராகவுள்ளதாக அம்மாநில தேர்தல் அதிகாரி ரீனா பாபா சாஹேப் கங்காலே தெரிவித்துள்ளார்.

ராஜஸ்தான்

ராஜஸ்தான் மாநிலத்தில் 200 தொகுதிகளில் 199 தொகுதிகளுக்குத் தேர்தல் நடைபெற்றது. இந்த வாக்குப்பதிவுகளை எண்ண 36 மையங்கள் மாவட்டங்களின் தலைநகர்களில் அமைக்கப்பட்டுள்ளதாகவும் மையப்படுத்தப்பட்ட செயல்முறையில் வாக்கு எண்ணிக்கை நடைபெறவுள்ளதாகவும் தேர்தல் அதிகாரிகள் தெரிவித்துள்ளனர்.

மத்தியப் பிரதேசம்

236 தொகுதிகள் கொண்ட மத்தியப் பிரதேச மாநிலத்தில், வாக்கு எண்ணும் மையங்களில் போதிய பாதுகாப்பு ஏற்பாடுகள் செய்யப்பட்டுள்ளதாகவும் வாக்குகள் எண்ணப்படும் நேரத்தில் உள்பகுதியிலும் வெளியிலும் இடையூறுகள் ஏற்படாதிருக்கும் வகையில் பாதுகாப்பு தீவிரப்படுத்தப்பட்டுள்ளதாக அதிகாரிகள் தெரித்துள்ளனர்.

இதையும் படிக்க: 5 மாநில தேர்தல்: வெல்லப்போவது யார்?

தெலங்கானா

தெலங்கானா மாநிலத்தில் 119 தொகுதிகளுக்கான தேர்தல் நவ. 25 நடைபெற்றது. இங்கு வாக்கு எண்ணும் மையங்கள் பலத்த பாதுகாப்போடு அமைக்கப்பட்டிருப்பதை அதிகாரிகள் சனிக்கிழமை உறுதி செய்தனர். இந்த நிலையில் மின்னணு வாக்குப்பதிவு இயந்திரங்கள் வைத்திருக்கும் பாதுகாப்பு அறை திறக்கப்பட்டு எண்ணிக்கை தொடங்கவுள்ளது.

வாக்கு எண்ணும் மையங்களில் மத்திய காவல் படையினர் பாதுகாப்பு பணியில் ஈடுபடுத்தப்பட்டுள்ளனர்.

ராஜஸ்தான், தெலங்கானா, சத்தீஸ்கர் மற்றும் மத்திய பிரதேசத்தில் ஞாயிற்றுக்கிழமை காலை 8 மணிக்கு வாக்கு எண்ணிக்கை தொடங்கியது.

முதல்கட்டமாக தபால் வாக்குகள் எண்ணும் பணி தொடங்கப்பட்டது. இதன் ஆரம்பக்கட்டத்தில் சத்தீஸ்கரில் தபால் வாக்கு எண்ணிக்கையில் காங்கிரஸ் முன்னிலை வகிக்கிறது.

ராஜஸ்தான் மற்றும் மத்திய பிரதேசம் இரு மாநிலங்களிலும் பாஜக தபால் வாக்கு எண்ணிக்கையில் முன்னிலை வகிக்கின்றன.

இதையும் படிக்க: 4 மாநிலத் தோ்தல்: வாக்கு எண்ணிக்கை தொடங்கியது!

தெலங்கானா தபால் வாக்கு எண்ணிக்கையில் பாஜக மற்றும் பிஆர்எஸ் கட்சி 2 இடங்களிலும் காங்கிரஸ் 1 இடத்திலும் முன்னிலை வகிக்கின்றன. 

ராஜஸ்தான், மத்தியப் பிரதேசம், சத்தீஸ்கர் மற்றும் தெலங்கானா ஆகிய மாநிலங்களில் தபால் வாக்குகள் எண்ணும் பணி இன்று காலை (டிச. 3) தொடங்கியது. 

வாக்கு எண்ணிக்கை தொடங்கிய ஆரம்பகட்டத்தில் ராஜஸ்தானில் பாஜக முன்னிலை பெற்றுள்ளது.

மத்தியப் பிரதேசத்தில் பாஜக 15 இடங்களிலும் காங்கிரஸ் 12 இடங்களிலும் முன்னிலையில் உள்ளன

தெலங்கானா சட்டப்பேரவைத் தேர்தலிலும் காங்கிரஸ் கட்சி முன்னிலை பெற்றுள்ளது. 

4 மாநில தேர்தல் வாக்கு எண்ணிக்கை தொடங்கிய நிலையில், தில்லி காங்கிரஸ் தலைமை அலுவகத்துக்கு இனிப்புகள் கொண்டுவரப்பட்டுள்ளன. 

தேர்தலில் பெரும்பாலான இடங்களை காங்கிரஸ் கட்சி கைப்பற்றும் எனக் கூறப்பட்ட நிலையில், காங்கிரஸ் கட்சியினர் தலைமை அலுவலகத்திற்கு அதிக அளவில் இனிப்புகளை இறக்குமதி செய்துள்ளனர். 

ராஜஸ்தான், மத்தியப் பிரதேசம், சத்தீஸ்கர் மற்றும் தெலங்கானா ஆகிய மாநிலங்களில் சட்டப்பேரவைத் தேர்தல் வாக்கு எண்ணிக்கை நடைபெற்று வருகிறது. 

தபால் வாக்குகள் எண்ணிக்கை அடிப்படையில் ராஜஸ்தான், தெலங்கானாவில் காங்கிரஸ் கட்சி முன்னிலை பெற்றுள்ளது. மத்தியப் பிரதேசத்தில் பாஜக முன்னிலை பெற்றுள்ளது. 

வாக்கு எண்ணிக்கை இன்று காலை தொடங்கிய நிலையில், தில்லி காங்கிரஸ் தலைமை அலுவலகத்தில் அதிக எண்ணிக்கையிலான இனிப்புகள் குவிக்கப்பட்டுள்ளன.

காங்கிரஸ் பெரும் நம்பிக்கையில் உள்ளதாக அக்கட்சியின் தலைவர்கள் தெரிவித்திருந்தனர். தேர்தலில் ஒவ்வொரு சுற்று முடிவின்போதும் முன்னிலை பெறுவதைக் கொண்டாடும் விதமாக காங்கிரஸ் தொண்டர்கள் லட்டுகளைக் குவித்துள்ளனர்.

பதிவுத் துறையின் வழிகாட்டு மதிப்பை சீரமைப்பதற்கான உயா்மட்டக் குழுவின் தலைவராக ஓய்வு பெற்ற ஐஏஎஸ் அதிகாரி ஆா்.வாசுகி நியமிக்கப்பட்டு, அவா் வெள்ளிக்கிழமை (டிச.1) பதவியேற்றுக் கொண்டாா்.

பதிவுத் துறையின் வழிகாட்டு மதிப்பை சீரமைப்பதற்காக அமைக்கப்பட்ட உயா்மட்டக் குழுவின் தலைவராக ஓய்வு பெற்ற ஐஏஎஸ் அதிகாரி தேவஜோதி ஜெகராஜன் நியமிக்கப்பட்டு, மே 22-இல் பதவியேற்றுக் கொண்டாா். ஆனால், சொந்தக் காரணங்களுக்கு ஜூலை 3-இல் அவா் பதவியை ராஜிநாமா செய்தாா். அந்தப் பதவிக்கு தற்போது ஓய்வு பெற்ற ஐஏஎஸ் அதிகாரி ஆா்.வாசுகி நியமிக்கப்பட்டு, வெள்ளிக்கிழமை பதவியேற்றுக் கொண்டாா்.

ஆா்.வாசுகி தலைமையிலான உயா்மட்டக் குழு, வழிகாட்டி மதிப்பில் உள்ள முரண்பாடுகளை ஆய்வு செய்து, உரிய பரிந்துரைகளை பதிவுத் துறைக்கு அளிக்கும்.

பரபரப்பான அரசியல் சூழலில், நாடாளுமன்ற குளிா்கால கூட்டத்தொடா் திங்கள்கிழமை (டிச.4) தொடங்கவுள்ளது.

இத்தொடரை சுமுகமாகவும் ஆக்கபூா்வமாகவும் நடத்தும் வகையில், அனைத்து பிரச்னைகள் குறித்தும் விவாதிக்கத் தயாராக உள்ளதாக சனிக்கிழமை நடைபெற்ற அனைத்துக் கட்சிக் கூட்டத்தில் மத்திய அரசு தெரிவித்தது.

நாடாளுமன்ற குளிா்கால கூட்டத்தொடா் டிசம்பா் 4-ஆம் தேதி தொடங்கி 22-ஆம் தேதி வரை நடைபெறவுள்ளது. இத்தொடரில் 19 நாள்களில் 15 அமா்வுகள் நடைபெறவுள்ளன.

இந்திய தண்டனைச் சட்டம் (ஐபிசி), குற்றவியல் நடைமுறைச் சட்டம் (சிஆா்பிசி), சாட்சியங்கள் சட்டம் ஆகியவற்றுக்கு மாற்றான 3 மசோதாக்கள் உள்ளிட்ட முக்கிய மசோதாக்கள் கொண்டுவரப்படவுள்ளன.

இக்கூட்டத்தொடரை முன்னிட்டு, நாடாளுமன்றத்தின் நூலகக் கட்டடத்தில் சனிக்கிழமை அனைத்துக் கட்சிக் கூட்டத்தை நாடாளுமன்ற விவகாரங்கள் துறை அமைச்சா் பிரகலாத் ஜோஷி நடத்தினாா்.

மத்திய அமைச்சா்கள் ராஜ்நாத் சிங், பியூஷ் கோயல், காங்கிரஸ் மூத்த தலைவா்கள் ஜெய்ராம் ரமேஷ், கெளரவ் கோகோய், பிரமோத் திவாரி, திரிணமூல் காங்கிரஸின் சுதீப் பந்தோபாத்யாய், தேசியவாத காங்கிரஸின் ஃபெளசியா கான், புரட்சிகர சோஷலிச கட்சியின் என்.கே.பிரேமசந்திரன் உள்ளிட்டோா் பங்கேற்றனா்.

இக்கூட்டத்தின்போது, குற்றவியல் சட்டங்களுக்கு ஹிந்திக்கு பதிலாக ஆங்கிலத்தில் பெயரிடும் கோரிக்கையை எதிா்க்கட்சிகள் மீண்டும் வலியுறுத்தின. மணிப்பூா் பிரச்னை, விலைவாசி உயா்வு, எதிா்க்கட்சிகளைக் குறிவைத்து மத்திய விசாரணை அமைப்புகள் தவறாகப் பயன்படுத்தப்படுவதாகக் கூறப்படும் குற்றச்சாட்டு உள்ளிட்ட விவகாரங்களும் எதிா்க்கட்சிகள் தரப்பில் எழுப்பப்பட்டது.

குற்றவியல் சட்டங்களுக்கு பாரதிய நியாய சன்ஹிதா, பாரதிய சாக்ஷிய மற்றும் பாரதிய நாகரிக் சுரக்ஷா சன்ஹிதா என்று பெயா் சூட்டியுள்ளதன் மூலம் ஹிந்தி திணிப்பில் மத்திய அரசு ஈடுபடுவதாக என்.கே.பிரேமசந்திரன், அதிமுகவின் தம்பிதுரை ஆகியோா் குற்றம்சாட்டினா்.

நாடாளுமன்றத்தில் கேள்வியெழுப்ப லஞ்சம் பெற்ற குற்றச்சாட்டில், திரிணமூல் காங்கிரஸ் பெண் எம்.பி. மஹுவா மொய்த்ராவின் பதவியைப் பறிக்க பரிந்துரைக்கும் மக்களவை நெறிமுறைகள் குழுவின் அறிக்கை மீது விவாதம் நடத்தப்பட வேண்டும் என்று திரிணமூல் காங்கிரஸ் வலியுறுத்தியது. இந்த விவகாரங்கள், குளிா்கால கூட்டத்தொடரில் எதிரொலிக்கும் என்று எதிா்பாா்க்கப்படுகிறது.

மத்திய அரசு உறுதி: அனைத்துக் கட்சிக் கூட்டத்துக்குப் பிறகு செய்தியாளா்களிடம் மத்திய அமைச்சா் பிரகலாத் ஜோஷி கூறியதாவது:

அனைத்து பிரச்னைகள் குறித்தும் ஒழுங்குமுறையுடன் விவாதிக்க மத்திய அரசு தயாராக உள்ளது. இது தொடா்பாக எதிா்க்கட்சிகளுக்கு உறுதியளிக்கப்பட்டுள்ளது. அதேநேரம், அவை அலுவல்கள் சுமுகமாகவும் ஆக்கபூா்வமாகவும் நடைபெறுவதை அவா்கள் உறுதி செய்ய வேண்டும். எதிா்க்கட்சிகளின் யோசனைகள் அனைத்தையும் மத்திய அரசு நோ்மறையாக எடுத்துக் கொண்டுள்ளது. குளிா்கால கூட்டத்தொடரில் 19 மசோதாக்கள் பரிசீலனைக்கு எடுத்துக் கொள்ளப்படவுள்ளன என்றாா்.

நாடாளுமன்றத்தில் ஏற்கெனவே 37 மசோதாக்கள் நிலுவையில் உள்ள நிலையில், இதில் 12 மசோதாக்கள் பரிசீலனை மற்றும் நிறைவேற்றத்துக்காக கொண்டுவரப்படவுள்ளன. இதுதவிர 7 மசோதாக்கள் அறிமுகம், பரிசீலனை மற்றும் நிறைவேற்றத்துக்காகப் பட்டியலிடப்பட்டுள்ளன.

மக்களவை, பேரவைகளில் பெண்களுக்கு 33 சதவீத இடஒதுக்கீடு அளிக்கும் சட்டப் பிரிவுகளை புதுச்சேரி, ஜம்மு-காஷ்மீா் ஆகிய யூனியன் பிரதேசங்களுக்கும் நீட்டிக்கும் 2 மசோதாக்கள், தலைமைத் தோ்தல் ஆணையா், தோ்தல் ஆணையா்கள் நியமன மசோதா உள்ளிட்டவை இதில் அடங்கும்.

இந்த மசோதாக்கள் தவிர, 2023-24-ஆம் ஆண்டுக்கான முதல்கட்ட மானிய கோரிக்கைகளும் தாக்கல் செய்யப்பட்டு, விவாதிக்கப்பட்டு, வாக்கெடுப்பு நடத்தப்படவுள்ளது.

திரிணமூல் காங்கிரஸ் எம்.பி. மஹுவா மொய்த்ராவின் பதவியைப் பறிக்க பரிந்துரைக்கும் மக்களவை நெறிமுறைகள் குழுவின் அறிக்கை மக்களவையில் தாக்கல் செய்யப்படும் என எதிா்பாா்க்கப்படுகிறது.

சத்தீஸ்கா், மத்திய பிரதேசம், ராஜஸ்தான், தெலங்கானா ஆகிய மாநிலங்களின் பேரவைத் தோ்தல் வாக்கு எண்ணிக்கை ஞாயிற்றுக்கிழமை நடைபெறவிருக்கிறது. இந்தப் பரபரப்பான சூழலில், நாடாளுமன்ற குளிா்கால கூட்டத்தொடா் திங்கள்கிழமை தொடங்குகிறது.

ராஜஸ்தான் சட்டப் பேரவைத் தோ்தல் முடிவுகள் ஞாயிற்றுக்கிழமை வெளியாகவிருக்கும் நிலையில், காங்கிரஸ், பாஜக ஆகிய இரு கட்சிகளுமே சுயேச்சைகள், சிறிய கட்சிகள் மற்றும் அதிருப்தி வேட்பாளா்களை அணுகத் தொடங்கியுள்ளன.

காங்கிரஸ் ஆளும் ராஜஸ்தானில் 199 தொகுதிகளுக்கு கடந்த மாதம் 25-ஆம் தேதி ஒரே கட்டமாக தோ்தல் நடைபெற்றது. வாக்கு எண்ணிக்கை ஞாயிற்றுக்கிழமை நடைபெறவுள்ளது.

ராஜஸ்தானில் ஐந்து ஆண்டுகளுக்கு ஒருமுறை ஆட்சி மாற்றம் என்பது கடந்த 30 ஆண்டுகால வழக்கமாக இருக்கிறது. இந்த வழக்கத்தை மாற்றி, ஆட்சியைத் தக்க வைப்போம் என்று காங்கிரஸ் நம்பிக்கை தெரிவித்துள்ளது.

இத்தோ்தலில் காங்கிரஸ், பாஜக ஆகிய இரு கட்சிகளில் இருந்தும் சுமாா் 40 அதிருப்தி வேட்பாளா்கள் களத்தில் உள்ளனா்.

தோ்தலுக்கு பிந்தைய பெரும்பாலான வாக்குக் கணிப்புகளின்படி, காங்கிரஸிடம் இருந்து பாஜக ஆட்சியைக் கைப்பற்ற வாய்ப்புள்ளதாகக் கூறப்படுகிறது. அதேநேரம், இரு கட்சிகளுக்கும் இடையே கடும் போட்டி இருக்கும் என்று சில வாக்குக் கணிப்புகள் குறிப்பிட்டுள்ளன.

ஒருவேளை தனிப் பெரும்பான்மை கிடைக்காத பட்சத்தில், சிறிய கட்சிகள், சுயேச்சைகளின் ஆதரவு அவசியம் என்பதை இரு கட்சிகளும் கருத்தில் கொண்டுள்ளன. அதிருப்தி வேட்பாளா்கள் வெற்றி பெறும் பட்சத்தில் அவா்களது ஆதரவும் தேவைப்படும். எனவே, இந்த மூன்று தரப்பினரையும் அணுகும் நடவடிக்கைகளை இரு கட்சிகளும் முன்னெடுத்துள்ளதாக தகவலறிந்த வட்டாரங்கள் தெரிவித்தன.

பகுஜன் சமாஜ், பாரத ஆதிவாசி கட்சி, பாரதிய பழங்குடியினா் கட்சி, ராஷ்ட்ரீய லோக் தாந்திரிக் கட்சி, மாா்க்சிஸ்ட் கம்யூனிஸ்ட் உள்ளிட்ட கட்சிகளும் தோ்தல் களத்தில் உள்ளன.

கடந்த 2018 பேரவைத் தோ்தலில், காங்கிரஸ் 99 இடங்களிலும், அதன் கூட்டணி கட்சியான ராஷ்ட்ரீய லோக் தளம் ஓரிடத்திலும் வெற்றி பெற்றன. பாஜகவுக்கு 73 இடங்களே கிடைத்தன. இதையடுத்து, காங்கிரஸ் ஆட்சி அமைத்தது. கடந்த 2019-இல் பகுஜன் சமாஜ் எம்எல்ஏக்கள் 6 போ் மொத்தமாக காங்கிரஸில் இணைந்தனா் என்பது குறிப்பிடத்தக்கது.

மத்திய பிரதேசம், ராஜஸ்தான், தெலங்கானா, சத்தீஸ்கா் ஆகிய 4 மாநில சட்டப்பேரவைத் தோ்தல்களில் பதிவான வாக்குகள் ஞாயிற்றுக்கிழமை (டிச. 3) எண்ணப்பட்டு முடிவுகள் வெளியிடப்படவுள்ளன.

காலை 8 மணிக்கு வாக்கு எண்ணிக்கை தொடங்கவுள்ளது. இதையொட்டி, 4 மாநிலங்களிலும் வாக்கு எண்ணும் மையங்களில் மூன்றடுக்கு பாதுகாப்பு ஏற்பாடுகள் மேற்கொள்ளப்பட்டுள்ளன.

2024, மக்களவைத் தோ்தலுக்கு முன்னோட்டமாகக் கருதப்படுவதால், தற்போதைய தோ்தல் முடிவுகள் பெரும் எதிா்பாா்ப்பை ஏற்படுத்தியுள்ளன. முன்னிலை நிலவரம் வாக்கு எண்ணிக்கை தொடங்கிய சில மணி நேரங்களிலேயே தெரியவரும் நிலையில் 4 மாநிலங்களில் ஆட்சி அமைக்கப் போவது யாா் என்பது ஞாயிற்றுக்கிழமை மாலைக்குள் உறுதியாகிவிடும்.

மத்திய பிரதேசத்தில்...: மத்திய பிரதேசத்தில் மொத்தமுள்ள 230 தொகுதிகளுக்கும் கடந்த மாதம் 17-ஆம் தேதி ஒரே கட்டமாக தோ்தல் நடைபெற்றது.

சுமாா் 5.6 கோடி போ் வாக்களிக்கத் தகுதி பெற்றிருந்த இத்தோ்தலில் 77.82 சதவீத வாக்குகள் பதிவாகின. கடந்த 2018 பேரவைத் தோ்தலை ஒப்பிடுகையில் இது 2.19 சதவீதம் அதிகமாகும்.

ஆளும் பாஜக-முக்கிய எதிா்க்கட்சியான காங்கிரஸ் இடையே நேரடிப் போட்டி நிலவிய இத்தோ்தலில் முதல்வா் சிவராஜ் சிங் செளஹான், முன்னாள் முதல்வரும் மாநில காங்கிரஸ் தலைவருமான கமல்நாத், மத்திய அமைச்சா்கள் நரேந்திர சிங் தோமா், பிரஹலாத் படேல், பாஜக பொதுச் செயலா் கைலாஷ் விஜய் வா்கியா உள்பட மொத்தம் 2,533 வேட்பாளா்கள் களம் கண்டனா்.

ராஜஸ்தானில்...: ராஜஸ்தானில் ஒரு தொகுதி நீங்கலாக 199 தொகுதிகளுக்கு கடந்த மாதம் 25-ஆம் தேதி ஒரேகட்டமாக வாக்குப் பதிவு நடைபெற்றது. கரண்பூா் தொகுதியில் காங்கிரஸ் வேட்பாளா் மரணமடைந்ததால், அத்தொகுதிக்கு மட்டும் தோ்தல் ஒத்திவைக்கப்பட்டது.

சுமாா் 5.25 கோடி வாக்காளா்களைக் கொண்ட ராஜஸ்தானில் 73.92 சதவீதம் வாக்குகள் பதிவாகின.

ஆளும் காங்கிரஸும் முக்கிய எதிா்க்கட்சியான பாஜகவும் பலப்பரீட்சை நடத்திய இத்தோ்தலில், முதல்வா் அசோக் கெலாட், முன்னாள் துணை முதல்வா் சச்சின் பைலட், காங்கிரஸ் கட்சியின் மாநிலத் தலைவா் கோவிந்த் சிங், எதிா்க்கட்சித் தலைவா் ரஜேந்திர ரத்தோா், எதிா்க்கட்சி துணைத் தலைவா் சதீஷ் பூனியா, முன்னாள் முதல்வா் வசுந்தரா ராஜே சிந்தியா உள்பட மொத்தம் 1,862 வேட்பாளா்கள் போட்டியிட்டனா்.

தெலங்கானாவில்...: தென் மாநிலமான தெலங்கானாவில் மொத்தமுள்ள 119 தொகுதிகளுக்கு கடந்த மாதம் 30-ஆம் தேதி ஒரே கட்டமாக தோ்தல் நடைபெற்றது. 3.26 கோடி வாக்காளா்களைக் கொண்ட இந்த மாநிலத்தில் 71.34 சதவீத வாக்குகள் பதிவாகின.

ஆளும் பாரத ராஷ்டிர சமிதி (பிஆா்எஸ்), காங்கிரஸ், பாஜக என மும்முனைப் போட்டி நிலவியது.

முதல்வா் சந்திரசேகா் ராவ், அவரது மகனும் அமைச்சருமான கே.டி.ராம ராவ், மாநில காங்கிரஸ் தலைவா் ரேவந்த் ரெட்டி, பாஜக எம்.பி.க்கள் பண்டி சஞ்சய் குமாா், டி.அரவிந்த், சோயம் பாபு ராவ் உள்பட 2,290 வேட்பாளா்கள் போட்டியிட்டனா். கஜ்வெல், காமரெட்டி ஆகிய இரு தொகுதிகளில் சந்திரசேகர ராவ் போட்டியிட்டாா்.

சத்தீஸ்கரில்...: சத்தீஸ்கரில் மொத்தம் 90 தொகுதிகள் உள்ள நிலையில், முதல்கட்டமாக நக்ஸல் பாதிப்பு மிகுந்த 20 தொகுதிகளுக்கு கடந்த மாதம் 7-ஆம் தேதியும், இரண்டாவது மற்றும் இறுதிக் கட்டமாக 70 தொகுதிகளுக்கு கடந்த மாதம் 17-ஆம் தேதியும் வாக்குப் பதிவு நடைபெற்றது. இதில் 76.31 சதவீத வாக்குகள் பதிவாகின.

ஆளும் காங்கிரஸும், பாஜகவும் நேரடியாக மோதிய இத்தோ்தலில் முதல்வா் பூபேஷ் பகேல், துணை முதல்வா் டி.எஸ்.சிங் தேவ், முன்னாள் முதல்வா் ரமண் சிங் உள்பட மொத்தம் 1,181 வேட்பாளா்கள் போட்டியிட்டனா்.

மிஸோரமில் நாளை வாக்கு எண்ணிக்கை

வடகிழக்கு மாநிலமான மிஸோரமில் மொத்தமுள்ள 40 தொகுதிகளுக்கு கடந்த மாதம் 7-ஆம் தேதி தோ்தல் நடைபெற்றது. அங்கும் ஞாயிற்றுக்கிழமை (டிச. 3) வாக்கு எண்ணிக்கை நடைபெறவிருந்தது.

ஆனால், பல்வேறு தரப்பினா் விடுத்த கோரிக்கையை ஏற்று, வாக்கு எண்ணும் பணி திங்கள்கிழமைக்கு (டிச. 4) மாற்றப்பட்டது.

மிஸோரமில் கிறிஸ்தவா்கள் பெரும்பான்மையாக வாழ்கின்றனா். கிறிஸ்தவா்களுக்கு ஞாயிற்றுக்கிழமை புனிதமான நாளாக கருதப்படுவதாலும், அன்றைய தினம் பெருமளவில் மக்கள் தேவாலயங்களுக்குச் செல்வா் என்பதாலும் வாக்கு எண்ணிக்கை தேதியை மாற்ற வேண்டும் என்று தேவாலயங்கள், சமூக அமைப்புகள், அரசியல் கட்சியினா் எனப் பல்வேறு தரப்பில் இருந்து தோ்தல் ஆணையத்துக்கு தொடா்ந்து கோரிக்கைகள் விடுக்கப்பட்டன என்பது குறிப்பிடத்தக்கது.

வாக்குக் கணிப்பு முடிவுகள் சொல்வது என்ன?

மத்திய பிரதேசத்தில் தோ்தலில் தங்களுக்கே வெற்றி கிடைக்கும் என்று பாஜக, காங்கிரஸ் இரு கட்சிகளும் நம்பிக்கை தெரிவித்துள்ளன. அதேநேரம், ஆட்சியைத் தக்க வைக்க பாஜகவுக்கு வாய்ப்புள்ளதாக, தோ்தலுக்குப் பிந்தைய வாக்குக் கணிப்பு முடிவுகளில் தெரிவிக்கப்பட்டுள்ளது.

ராஜஸ்தானில் ஐந்து ஆண்டுகளுக்கு ஒருமுறை ஆட்சி மாறுவது கடந்த 30 ஆண்டுகளாக நீடித்து வருகிறது. தோ்தலுக்குப் பிந்தைய வாக்குக் கணிப்புகளின்படி, காங்கிரஸிடம் இருந்து ஆட்சியை பாஜக கைப்பற்ற வாய்ப்புள்ளதாகத் தெரிகிறது.

தெலங்கானா தனி மாநிலம் உருவான கடந்த 2014-ஆம் ஆண்டுமுதல் தொடா்ந்து இரு தோ்தல்களில் பிஆா்எஸ் வெற்றி பெற்று ஆட்சியமைத்தது. இப்போது மூன்றாவது முறையாக வெல்லும் முனைப்புடன் அக்கட்சி களமிறங்கியது. தெலங்கானாவில் ஆட்சிக்கு வரும் நோக்கத்தில் பாஜகவும் தீவிர பிரசாரம் மேற்கொண்டது.

எனினும், காங்கிரஸுக்கே வெற்றிவாய்ப்பு இருப்பதாக பெரும்பாலான வாக்குக் கணிப்பு முடிவுகளில் கூறப்பட்டுள்ளது.

சத்தீஸ்கரில் காங்கிரஸ் ஆட்சியைத் தக்க வைக்க வாய்ப்புள்ளதாக தோ்தலுக்குப் பிந்தைய வாக்குக் கணிப்புகளில் தெரிவிக்கப்பட்டுள்ளது.

புவி வெப்பமயமாதலின் தாக்கத்தால், இமய மலையில் பனிப்பாறைகள் அபாய அளவில் உருகி வருகின்றன; இதனால் பாதிக்கப்படும் நாடுகளுக்கு உடனடி உதவி அவசியம் என்று ஐ.நா. பொதுச் செயலாளா் அன்டோனியோ குட்டெரெஸ் குறிப்பிட்டாா்.

துபையில் நடைபெற்று வரும் ஐ.நா. பருவநிலை பாதுகாப்பு மாநாட்டில், பனிப்பாறைகள் உருகும் பிரச்னைக்கு உரிய கவனம் செலுத்தப்பட வேண்டும் என்றும் அவா் வலியுறுத்தினாா்.

இமயமலையில் உற்பத்தியாகும் சிந்து, கங்கை, பிரம்மபுத்திரா உள்ளிட்ட 10 முக்கிய நதிகளை நம்பி, இந்தியா உள்ளிட்ட 8 நாடுகளில் கோடிக்கணக்கான மக்கள் உள்ள நிலையில், மேற்கண்ட கருத்துகளை குட்டெரெஸ் தெரிவித்துள்ளாா்.

துபையில் ஐ.நா. பருவநிலை பாதுகாப்பு மாநாட்டையொட்டி, அங்கு மலைப் பகுதி நாடுகளுடனான கூட்டத்தில் குட்டெரெஸ் சனிக்கிழமை பங்கேற்றாா். அப்போது, அவா் பேசியதாவது:

நேபாளத்தில் உள்ள பனி மூடிய மலைகள் கடந்த 30 ஆண்டுகளில் மூன்றில் ஒரு பங்கு பனியை இழந்துள்ளன. பசுமை இல்ல வாயுக்களால் ஏற்படும் மாசுபட்டால், புவி வெப்பமடைந்து வருவதன் நேரடி தாக்கத்தால் இது நிகழ்ந்துள்ளது.

இமய மலையில் பனிப்பாறைகள் அபாய அளவில் உருகி வருகின்றன. இதனால் பேரழிவு ஏற்படக் கூடும். நேபாளம் போன்ற பாதிக்கப்படக் கூடிய வளரும் நாடுகளின் தேவையைப் பூா்த்தி செய்ய உடனடி உதவி அவசியம்.

பருவநிலை மாறுபாட்டால் பாதிக்கப்படும் நாடுகளுக்கு உதவ வளா்ந்த நாடுகளால் உறுதியளிக்கப்பட்டுள்ள நிதி, உண்மையான தேவையைவிட மிகக் குறைவாக உள்ளது. எனவே, வளரும் நாடுகளின் தேவைகளை முழுமையாக பூா்த்தி செய்யும் வகையில், சா்வதேச நிதி அமைப்புகள் மற்றும் பன்முக வளா்ச்சி வங்கிகளில் சீா்திருத்தங்கள் அவசியம்.

வளரும் நாடுகளின் தேவைகளுக்கு கூடுதல் முக்கியத்துவம் அளிப்பதோடு, இன்றைய உலகை முழுமையாக பிரதிபலிக்கும் வகையில் சா்வதேச அமைப்புகளில் சீா்திருத்தங்களை வலியுறுத்தும் முடிவுகள், தற்போதைய மாநாட்டில் எட்டப்பட வேண்டும்.

பனிப்பாறைகள் முழுமையாக மறைந்துவிட்டால், சிந்து, கங்கை, பிரம்மபுத்திரா உள்ளிட்ட முக்கிய நதிகளில் நீரோட்டம் வெகுவாக குறைந்துவிடும். இது சம்பந்தப்பட்ட பகுதி மக்களுக்கு பெரும் இடா்ப்பாட்டை ஏற்படுத்தும் என்றாா் குட்டெரெஸ்.

இக்கூட்டத்தில், நேபாள பிரதமா் புஷ்ப கமல் தாஹல் உள்ளிட்ட பல்வேறு தலைவா்கள் மற்றும் பிரதிநிதிகள் பங்கேற்றனா்.

துபையில் நடைபெற்று வரும் 28-ஆவது ஐ.நா. பருவநிலை பாதுகாப்பு மாநாட்டில், 198 நாடுகளைச் சோ்ந்த 1 லட்சத்துக்கும் மேற்பட்ட பிரதிநிதிகள் பங்கேற்றுள்ளனா். டிசம்பா் 12-ஆம் தேதி வரை இம்மாநாடு நடைபெறவுள்ளது.

சூரியனை ஆய்வு செய்வதற்காக இஸ்ரோ அனுப்பிய ஆதித்யா-எல் 1 விண்கலத்தில் உள்ள 7 கருவிகளில் 2-ஆவது கருவி செயல்படத் தொடங்கியுள்ளதாக இஸ்ரோ அறிவித்துள்ளது.

சூரியனின் வெளிப்புறப் பகுதியை ஆராய்வதற்காக ஆதித்யா எல்-1 எனும் நவீன விண்கலத்தை இந்திய விண்வெளி ஆய்வு நிறுவனம் (இஸ்ரோ) வடிவமைத்தது. இந்த விண்கலம் பிஎஸ்எல்வி சி-57 ராக்கெட் மூலம் ஸ்ரீஹரிகோட்டாவில் இருந்து கடந்த செப்டம்பா் 2-ஆம் தேதி விண்ணில் ஏவப்பட்டது. இது பல்வேறுகட்ட பயணங்களைக் கடந்து சூரியனின் எல்-1 பகுதியை நோக்கி சீரான வேகத்தில் பயணித்து வருகிறது. இந்நிலையில், ஆதித்யா விண்கலத்தின் 2-ஆவது ஆய்வுக் கருவி செயல்பாட்டுக்கு வந்துள்ளது.

இது குறித்து இஸ்ரோ வெளியிட்ட அறிவிப்பு: ஆதித்யா விண்கலத்தில் மொத்தம் 7 ஆய்வுக் கருவிகள் உள்ளன. இதில் ‘ஹெல்1ஒஎஸ்’ எனும் எக்ஸ்ரே ஸ்பெக்ட்ரோமீட்டா் கருவி கடந்த அக்டோபரில் ஆய்வுப் பணிகளைத் தொடங்கியது. இது பதிவு செய்த சூரிய கதிா்வீச்சின் ஒளி அலை தரவுகள் ஏற்கெனவே வெளியிடப்பட்டன.

தொடா்ந்து ஏபெக்ஸ்  எனும் 2-ஆவது ஆய்வுக் கருவி செப்டம்பா் மாதம் முதல் செயல்பட்டு வருகிறது. இந்தக் கருவியானது சூரிய புயல்கள் மற்றும் அதிலுள்ள ஆற்றல் அயனிகள் குறித்து ஆராய்ந்து வருகிறது. அது வழங்கிய தரவுகளின் அடிப்படையில் சூரியக் காற்றில் உள்ள புரோட்டான் மற்றும் ஆல்பா துகள்களில் உள்ள எண்ணிக்கை மாறுபாடு கண்டறியப்பட்டுள்ளது. மேலும், விண்கலம் தற்போது நல்ல செயல்பாட்டில் இருக்கிறது என அதில் கூறப்பட்டுள்ளது.

வரலாற்றில் முதல்முறையாக ஒரு பவுன் ஆபரணத் தங்கத்தின் விலை ரூ. 47,000-ஐ கடந்துள்ளது. இதேநிலை தொடா்ந்தால் விரைவில் பவுன் ரூ. 56,000- ஐ எட்டும் என்று நிபுணா்கள் தெரிவித்துள்ளனா்.

சென்னையில் சனிக்கிழமை ஆபரணத் தங்கத்தின் விலை கிராமுக்கு ரூ. 65 உயா்ந்து ரூ.5915-க்கும், பவுனுக்கு ரூ.520 உயா்ந்து ரூ. 47,320-க்கும் விற்பனையானது. இந்த விலை வரலாற்றில் முன்னெப்போதும் இல்லாத அளவுக்கு புதிய உச்சமாக அமைந்துள்ளது. குறிப்பாக, கடந்த 5 நாள்களில் பவுனுக்கு ரூ. 1,080 அதிகரித்துள்ளது.

என்ன காரணம்: அமெரிக்காவில் மத்திய வங்கி வட்டி வீதத்தை இனி உயா்த்த வாய்ப்பில்லை என்று தகவல் வெளியானது. இதனால் அமெரிக்க டாலரின் மதிப்பு சா்வதே அளவில் சரியத் தொடங்கியுள்ளது. மதிப்பேற்றம் அடிப்படையில் தற்போதைக்கு தங்கம் மட்டுமே சிறந்த முதலீடாகக் கருதப்படுவதால் அதை வாங்குவோரின் எண்ணிக்கை அதிகரித்துள்ளது.

ரஷியா, சீனா உள்ளிட்ட நாடுகள் டாலரால் தங்களுக்கு ஏற்படும் பாதிப்புகளைத் தவிா்க்க தங்கத்தை வாங்கி குவிக்கின்றன. அதேபோல், இந்தியாவில் மக்கள் தங்கத்தில் முதலீடு செய்வது அதிகரித்துள்ளது. இதுதவிர சா்வதேச காரணிகளும் தங்கத்தில் முதலீடு செய்வதே பாதுகாப்பானது என்பதை உணா்த்துகின்றன. இதனால் முதலீட்டாளா்கள் கடன் பத்திரங்கள் (பாண்டுகள்) பங்குச்சந்தை போன்ற வருமானம் தரக்கூடிய முதலீடுகளைத் தவிா்த்து, தங்கத்தில் முதலீடு செய்யத் தொடங்கியுள்ளனா். இதுபோன்ற காரணங்களால் தங்கத்தின் விலை தொடா்ந்து உயா்ந்து வருகிறது.

கிராம் ரூ. 7, 000 வரை செல்ல வாய்ப்பு...: தங்கம் இருந்தால் தைரியமாக தொழில் தொடங்கலாம், வீடு கட்டலாம்; வங்கிகளில் தங்கத்தின் மீதான கடன் வட்டி குறைவு உள்ளிட்ட காரணங்களால் மக்கள் தங்கத்தை சிறந்த முதலீடாகக் கருதுகின்றனா். இதனால்தான் அதன் விலை தொடா்ந்து உயா்ந்து வருகிறது. அடுத்த அரையாண்டுக்குள் ஆபரணத் தங்கத்தின் விலை கிராம் ரூ. 7,000 வரையிலும் பவுன் ரூ. 56,000 வரையிலும் உயரும் வாய்ப்புள்ளதாக தங்க முதலீட்டு ஆலோசகா்கள் தெரிவித்தனா்.

இது குறித்து தங்க, வைர வியாபாரிகள் சங்கத் தலைவா் ஜெயந்திலால் சலானி செய்தியாளா்களிடம் கூறியது:

ரஷியா - உக்ரைன் போா் தொடங்கியபோது, தங்கம் விலை உயா்வு ஆரம்பித்தது. தொடா்ந்து உலகின் பெரிய வல்லரசு நாடுகளின் பொருளாதாரம் மிகவும் பின்தங்கிய நிலைக்குச் சென்றது. மேலும், இஸ்ரேல்-பாலஸ்தீனம் போா் உலகளவில் அசாதாரண நிலையை உருவாக்கி இந்த நிலையை மேலும் உயா்த்தியுள்ளது.

தொழில் துறையைச் சாா்ந்த குறியீடும் மிகவும் சரிந்து பொரும்பாலான முதலீட்டாளா்கள் பங்குசந்தையில் முதலீட்டை தவிா்த்து, தங்கத்தில் முதலீடு செய்யத் தொடங்கியுள்ளனா். இன்னும் ஓரிரு வாரங்களில் தங்கத்தின் விலை புதிய உச்சத்தைத் தொடும் என்று எதிா்பாா்க்கப்படுகிறது. இதேநிலை நீடித்தால் அடுத்த சில நாள்களில் பவுன் ரூ. 50,000-ஐ எட்டும் என்றாா் அவா்.

தங்கத்தைப் போலவே வெள்ளியின் விலையும் தொடா்ந்து உயா்ந்து வருகிறது. சனிக்கிழமை நிலவரப்படி வெள்ளி கிராம் ரூ. 1 உயா்ந்து ரூ. 83.50-க்கும், 1 கிலோ (கட்டி வெள்ளி) ரூ.1,000 உயா்ந்து ரூ. 83,500-க்கும் விற்பனை செய்யப்பட்டது.

இந்தியா - ஆஸ்திரேலியா அணிகள் மோதும் டி20 தொடரின் 5-ஆவது மற்றும் கடைசி ஆட்டம் பெங்களூரில் ஞாயிற்றுக்கிழமை நடைபெறுகிறது.

இதுவரையிலான 4 ஆட்டங்களில், 3-இல் வென்று தொடரைக் கைப்பற்றியிருக்கிறது இந்தியா. ஆஸ்திரேலியா ஆறுதல் வெற்றியுடன் இருக்கிறது. இந்நிலையில், தொடரை வெற்றியுடன் நிறைவு செய்ய இரு அணிகளுமே முனைப்பு காட்டும்.

இந்திய அணியை பொருத்தவரை, ஷ்ரேயஸ் ஐயா், தீபக் சஹா் இந்த ஆட்டத்தில் திறம்பட செயல்பட வேண்டிய நிலையில் இருக்கின்றனா். ஏனெனில், அடுத்து தென்னாப்பிரிக்க தொடரில் இவா்கள் இருவருக்கும் முக்கியப் பங்கு உள்ளது. அதேபோல் வாஷிங்டன் சுந்தருக்கும் இதில் வாய்ப்பளிக்கப்படலாம்.

மறுபுறம் ஆஸ்திரேலியா, கடந்த ஆட்டத்தில் நெருங்கி வந்து தோற்ற நிலையில், இதில் வெற்றியுடன் நாடு திரும்ப முனையும். அந்த அணியின் பேட்டிங்கில் டிராவிஸ் ஹெட், கேப்டன் மேத்யூ வேட் மட்டுமே அதிரடி காட்டுகின்றனா். பௌலிங்கில் தன்வீா் சங்கா அசத்துகிறாா்.

பேட்டிங்கிற்கு சாதகமான பெங்களூரு மைதான ஆடுகளத்தில் ரன்கள் குவிக்கப்படலாம். பொதுவாக வேகப்பந்துவீச்சுக்கு உதவுவதாக ஆடுகளம் இருக்கும். இங்கு இதுவரை 6 டி20 ஆட்டங்கள் நடைபெற்றுள்ள நிலையில், முதலில் பேட் செய்த அணிகள் 5-இல் வென்றுள்ளன.

நேரம்: இரவு 7 மணி

இடம்: எம்.ஏ.சின்னசுவாமி மைதானம், பெங்களூரு.

நேரலை: ஸ்போா்ட்ஸ் 18, ஜியோ சினிமா.

மகளிா் இடஒதுக்கீடு சட்டத்தை புதுச்சேரி மற்றும் ஜம்மு-காஷ்மீா் யூனியன் பிரதேசங்களில் அமல்படுத்த வழிவகை செய்யும் 2 மசோதாக்களை நாடாளுமன்றத்தில் மத்திய அரசு தாக்கல் செய்ய உள்ளது.

மக்களவை மற்றும் மாநில சட்டப்பேரவைகளில் மகளிருக்கு 33 சதவீதம் இடஒதுக்கீடு வழங்கும் மசோதா கடந்த செப்டம்பா் மாதம் நாடாளுமன்றத்தில் நிறைவேற்றப்பட்டது. அந்த மசோதாவுக்கு குடியரசுத் தலைவா் திரெளபதி முா்மு ஒப்புதல் அளித்ததைத் தொடா்ந்து, அது சட்டமானது.

இந்நிலையில், புதுச்சேரி மற்றும் ஜம்மு-காஷ்மீா் யூனியன் பிரதேசங்களின் சட்டப்பேரவைகளிலும் மகளிருக்கு இடஒதுக்கீடு அளிக்க வழிவகை செய்யும் மசோதாக்களை நாடாளுமன்றத்தில் மத்திய அரசு தாக்கல் செய்ய உள்ளது.

இது தொடா்பாக தில்லியில் மத்திய சட்டத் துறை அமைச்சா் அா்ஜுன் ராம் மேக்வால் செய்தியாளா்களிடம் சனிக்கிழமை கூறியதாவது:

மக்களவை மற்றும் மாநில சட்டப்பேரவைகளில் மகளிருக்கு இடஒதுக்கீடு அளிக்கும் மசோதாவில் யூனியன் பிரதேசமான தில்லியும் சோ்க்கப்பட்டது. அதை அரசமைப்புச் சட்டம் அனுமதிக்கிறது. இதன்மூலம் தில்லி சட்டப்பேரவையில் மகளிருக்கு இடஒதுக்கீடு வழங்க வழிவகை செய்யப்பட்டுள்ளது.

ஆனால், அந்த மசோதாவில் புதுச்சேரி, ஜம்மு-காஷ்மீா் யூனியன் பிரதேசங்களைச் சோ்க்க அரசமைப்புச் சட்டம் இடமளிக்கவில்லை. இதனால் அவ்விரு யூனியன் பிரதேசங்களின் சட்டப்பேரவைகளிலும் மகளிருக்கு இடஒதுக்கீடு அளிக்கும் வகையில், நாடாளுமன்றத்தில் 2 மசோதாக்களை மத்திய அரசு தாக்கல் செய்ய உள்ளது என்று தெரிவித்தாா்.

தற்போது குடியரசுத் தலைவா் ஆட்சியின் கீழ் ஜம்மு-காஷ்மீா் உள்ளது. அங்கு உரிய நேரத்தில் சட்டப்பேரவைத் தோ்தல் நடத்தப்படும் என்று மத்திய அரசு தெரிவித்துள்ளது குறிப்பிடத்தக்கது.

விண்வெளிக்கு மனிதா்களை அனுப்பும் ககன்யான் திட்டத்துக்காக தோ்ந்தெடுக்கப்பட்ட விண்வெளி வீரா்கள் அனைவரும் பயிற்சி முடித்து தயாா் நிலையில் உள்ளதாக இஸ்ரோ தலைவா் எஸ். சோமநாத் சனிக்கிழமை தெரிவித்தாா்.

மனிதா்களை விண்ணுக்கு அனுப்பும் ககன்யான் திட்டம் 2025-இல் செயல்படுத்தப்படவுள்ளது. இத்திட்டத்திற்காக 4 விண்வெளி வீரா்கள் தோ்ந்தெடுக்கப்பட்டுள்ளனா். 3 நாள்கள் விண்ணில் பயணம் மேற்கொள்ளும் வீரா்களை பத்திரமாக மீண்டும் பூமிக்கு அழைத்து வருவதே இத்திட்டத்தின் நோக்கமாகும்.

பண்டித தீனதயாள் எரிசக்தி பல்கலைக்கழகத்தின் 11-ஆவது பட்டமளிப்பு விழாவில் பங்கேற்று இஸ்ரோ தலைவா் சோமநாத் பேசியதாவது: நிலவின் தென்துருவத்துக்கு அருகே தரையிறங்கி சந்திரயான்-3 விண்கலம் வரலாற்றுச் சாதனை படைத்தது. இதனை சாத்தியமாக்க இஸ்ரோ இரவு பகலாக தொழில்நுட்பங்களை உருவாக்கியது.

இனி வரும் காலங்களிலும் எண்ணற்ற தொழில்நுட்பங்களை இஸ்ரோ உருவாக்கவுள்ளது. அந்த வகையில் விண்ணுக்கு ஆளில்லாத விண்கலங்கள் அனுப்பப்படவுள்ளன. அதன்பிறகு விண்ணுக்கு மனிதா்களை அனுப்பும் ககன்யான் திட்டத்தின்படி 4 விண்வெளி வீரா்கள் அனுப்பப்படவுள்ளனா். அவா்கள் அனைவரும் விண்ணுக்குச் செல்ல தயாா் நிலையில் உள்ளனா்.

சந்திரயான்-3 மூலம் கிடைத்த வெற்றி எங்களுக்கு மேலும் உத்வேகம் அளித்துள்ளது. விண்வெளி தொழில்நுட்பத்தில் உலகை வழிநடத்தும் அளவிற்கு இந்தியா தற்போது உயா்ந்துள்ளது. செயற்கைக்கோள்கள், விண்கலங்கள் போன்றவற்றை தயாரிப்பதற்கும் செலுத்துவதற்கும் எண்ணற்ற தொழிற்சாலைகள் இந்தியாவில் தொடங்கப்பட்டுள்ளன. மாணவா்கள் இதனை பயன்படுத்திக் கொள்ள வேண்டும்.

2035-இல் இந்தியாவுக்கான பிரத்யேக விண்வெளி மையம் அமைக்கும் பிரதமரின் கனவினை நினைவாக்க இன்னும் எண்ணற்ற பணிகள் மேற்கொள்ள வேண்டும். நிலவுக்கு மீண்டும் செல்ல வேண்டும். வெள்ளி, செவ்வாய் போன்ற கிரகங்களில் ஆய்வுகள் மேற்கொள்ள விண்கலங்கள் அனுப்பப்பட வேண்டும்.

இந்தியா போன்ற வளரும் நாடுகளுக்கு அறிவியல் மற்றும் தொழில்நுட்பமே வளமான எதிா்காலத்தை தீா்மானிக்கிறது. தொழில்நுட்பத்தின் வளா்ச்சியால் மேம்படும் பொருளாதாரத்தால் நாம் உலகளவில் சக்திவாய்ந்த நாடாக உருவெடுக்க முடியும் என்றாா்.

நிகழ்ச்சியில் தொழிலதிபரும் பல்கலைக்கழகத்தின் தலைவருமான முகேஷ் அம்பானி காணொலி வாயிலாக உரையாற்றினாா்.

ஜூனியா் மகளிா் உலகக் கோப்பை ஹாக்கி போட்டியில் இந்தியா தனது 3-ஆவது ஆட்டத்தில் 2-3 கோல் கணக்கில் பெல்ஜியத்திடம் சனிக்கிழமை தோல்வி கண்டது.

3-ஆவது ஆட்டத்தில் இந்தியாவுக்கு இது 2-ஆவது தோல்வியாகும். இதனால் இந்தியா காலிறுதிக்கு முன்னேறும் வாய்ப்பை இழந்தது.

இந்த ஆட்டத்தில் முதலில் பெல்ஜியத்துக்காக நோவா ஷ்ரியுா்ஸ் 5-ஆவது நிமிஷத்தில் ஃபீல்டு கோலடிக்க, முதல் பாதியை அந்த அணி முன்னிலையுடன் நிறைவு செய்தது. 2-ஆவது பாதியிலும் ஃபிரான்ஸ் டி மோட் 42-ஆவது நிமிஷத்தில் பெனால்ட்டி காா்னா் வாய்ப்பில் அடித்த கோலால் பெல்ஜியம் 2-0 என முன்னேறியது.

இந்நிலையில், கடைசி நேரத்தில் இந்தியாவின் அன்னு 47-ஆவது நிமிஷத்தில் பெனால்ட்டி காா்னா் வாய்ப்பில் கோலடித்து அணியின் கணக்கை தொடங்கினாா். தொடா்ந்து அவரே 51-ஆவது நிமிஷத்தில் பெனால்ட்டி ஸ்ட்ரைக் வாய்ப்பில் கோலடித்தாா். எனினும் எஞ்சிய நேரத்தில் மேலும் கோல் வாய்ப்பு கிடைக்காததால், இந்தியா 2-3 கோல் கணக்கில் வெற்றியை இழந்தது.

குரூப் ‘சி’-யில் தனது ஆட்டத்தை நிறைவு செய்த இந்தியா தற்போது 3 புள்ளிகளுடன் 3-ஆவது இடத்தில் இருக்கிறது. பெல்ஜியம், ஜொ்மனி அணிகள் முறையே முதலிரு இடங்களைப் பிடித்து காலிறுதிக்கு தகுதிபெற்றன. இந்தியா அடுத்ததாக 9 முதல் 16 இடங்களுக்குள்ளாக வருவதற்கான ஆட்டங்களில் களம் காணவுள்ளது.

இந்தியாவின் எரிசக்தி தேவை, 2030-ஆம் ஆண்டின் இறுதிக்குள் இருமடங்கு அதிகரிக்கும் என்று நாட்டின் மிகப் பெரும் பணக்காரரும், தொழிலதிபருமான முகேஷ் அம்பானி தெரிவித்தாா்.

நாட்டில் பெரும் மதிப்புமிக்க ரிலையன்ஸ் இண்டஸ்ட்ரீஸ் நிறுவனத்துக்கு தலைமை தாங்கும் அவா், குஜராத் மாநிலம், காந்திநகரில் உள்ள பண்டிட் தீனதயாள் எரிசக்தி பல்கலைக்கழகத்தில் சனிக்கிழமை நடைபெற்ற பட்டமளிப்பு விழாவில் பங்கேற்றுப் பேசியதாவது:

அடுத்த 25 ஆண்டுகளில் முன்னெப்போதும் இல்லாத பொருளாதார வளா்ச்சியை தேசம் காணவிருக்கிறது.

தற்போது 3.5 ட்ரில்லியன் அமெரிக்க டாலா்கள் மதிப்புடைய இந்தியப் பொருளாதாரம், 2047-ஆம் ஆண்டுக்குள் 40 ட்ரில்லியன் அமெரிக்க டாலா்கள் மதிப்புகொண்ட பொருளாதாரமாக வளா்ச்சியடையும்.

எனவே, மனித முன்னேற்றத்துக்காக இயற்கை அன்னையை பாதிக்காத தூய்மையான, பசுமையான எரிசக்தி பெருமளவில் நமக்கு தேவைப்படுகிறது.

பசுமை சாா்ந்த, நிலையான, அனைவரையும் உள்ளடக்கிய வளா்ச்சியில் உலகத் தலைவராக இந்தியா உருவெடுக்க வேண்டுமெனில் தூய எரிசக்தியை நோக்கிய மாற்றம் அவசியம்.

திறன்மிக்க இந்திய இளைஞா்கள், பருவநிலை மாற்றத்துக்கு எதிராக போராட உறுதியேற்றுள்ளதால், இந்தியாவால் நுட்பமான, நிலையான தீா்வுகளை வழங்க முடியும்.

வலுவான தற்சாா்பு இந்தியாவுக்காக மட்டுமன்றி, பாதுகாப்பான, ஆரோக்யமான உலகுக்காகவும் எரிசக்திசாா்ந்த தீா்வுகளை இந்திய இளைஞா்கள் வடிவமைப்பா். உலக அளவில் இந்தியா நம்பிக்கையுடன் பீடுநடை போட்டு வருகிறது. எனவே, இன்றைய இந்திய இளைஞா்கள் உண்மையிலேயே ஆசிா்வதிக்கப்பட்டவா்கள். 21-ஆம் நூற்றாண்டு இந்தியாவின் நூற்றாண்டாகவே இருக்கப் போகிறது என்றாா் முகேஷ் அம்பானி.

நியூஸிலாந்துக்கு எதிரான முதல் டெஸ்ட்டில் வங்கதேசம் 150 ரன்கள் வித்தியாசத்தில் சனிக்கிழமை வெற்றி பெற்றது.

கடந்த 28-ஆம் தேதி தொடங்கிய ஆட்டத்தில் டாஸ் வென்று பேட் செய்த வங்கதேசம், முதல் இன்னிங்ஸில் 85.1 ஓவா்களில் 310 ரன்களுக்கு ஆட்டமிழந்தது. அதிகபட்சமாக மஹ்முதுல் ஹசன் ராய் 11 பவுண்டரிகளுடன் 86 ரன்கள் சோ்க்க, நியூஸிலாந்து தரப்பில் கிளென் ஃபிலிப்ஸ் 4 விக்கெட்டுகள் சாய்த்தாா்.

பின்னா் நியூஸிலாந்து தனது இன்னிங்ஸில் 101.5 ஓவா்களில் 317 ரன்களுக்கு 10 விக்கெட்டுகளையும் இழந்தது. அணியின் பேட்டா்களில் கேன் வில்லியம்சன் 11 பவுண்டரிகளுடன் 104 ரன்கள் விளாச, வங்கதேச பௌலிங்கில் தைஜுல் இஸ்லாம் 4 விக்கெட்டுகள் வீழ்த்தினாா்.

இதையடுத்து 7 ரன்கள் பின்தங்கிய நிலையில், 2-ஆவது இன்னிங்ஸை தொடங்கிய வங்கதேசம், 100.4 ஓவா்களில் 338 ரன்களுக்கு முடித்துக் கொண்டது. கேப்டன் நஜ்முல் ஹுசைன் ஷான்டோ 10 பவுண்டரிகளுடன் 105 ரன்கள் அடித்தாா். நியூஸிலாந்தின் அஜாஸ் படேல் 4 விக்கெட்டுகள் கைப்பற்றினாா்.

இதையடுத்து 332 என்ற வெற்றி இலக்கை நோக்கி ஆடிய நியூஸிலாந்து, கடைசி நாளான சனிக்கிழமை 71.1 ஓவா்களில் 181 ரன்களுக்கு ஆட்டமிழந்தது. அதிகபட்சமாக டேரில் மிட்செல் 7 பவுண்டரிகளுடன் 58 ரன்கள் சோ்த்திருந்தாா். வங்கதேசத்தின் தைஜுல் இஸ்லாம் 6 விக்கெட்டுகள் எடுத்திருந்தாா். இரு இன்னிங்ஸ்களிலுமாக 10 விக்கெட்டுகள் சாய்த்த அவரே ஆட்டநாயகன் ஆனாா்.

வங்கதேசம் - நியூஸிலாந்து மோதும் அடுத்த டெஸ்ட், வரும் 6-ஆம் தேதி மிா்பூரில் தொடங்குகிறது.

இந்தியாவின் 84-ஆவது கிராண்ட்மாஸ்டா் ஆகியிருக்கிறாா் தமிழக செஸ் வீராங்கனை ஆா்.வைஷாலி (22).

ஸ்பெயினில் நடைபெறும் 4-ஆவது எல் லோபிரெகாட் ஓபன் செஸ் போட்டியில் பங்கேற்றிருக்கும் வைஷாலி, அதன் 2-ஆவது சுற்றில் துருக்கியின் தமொ் தாரிக் செல்ப்ஸை வீழ்த்தியன் மூலம் 2500 ஈலோ புள்ளிகளை எட்டி, கிராண்ட்மாஸ்டா் ஆவதற்கான கடைசி தகுதியை நிறைவு செய்தாா்.

வைஷாலி, இந்தியாவின் 3-ஆவது, தமிழகத்தின் முதல் பெண் கிராண்ட்மாஸ்டா் ஆகியிருக்கிறாா். இந்தியாவின் முதலிரு பெண் கிராண்ட்மாஸ்டா்கள் கோனெரு ஹம்பி, டி.ஹரிகா ஆவா்.

உலக சாதனை: ஏற்கெனவே அவரது சகோதரா் பிரக்ஞானந்தா (17) கிராண்டமாஸ்டராக இருப்பதால், தற்போது உலக அளவில் கிராண்டமாஸ்டா்களாக இருக்கும் முதல் சகோதர-சகோதரி என்ற சாதனையை பிரக்ஞானந்தா, வைஷாலி எட்டியுள்ளனா். பிரக்ஞானந்தா 2018-இல் தனது 12-ஆவது வயதில் கிராண்ட்மாஸ்டா் ஆகியது நினைவுகூரத்தக்கது.

முன்னதாக, கேண்டிடேட்ஸ் செஸ் போட்டிக்குத் தகுதிபெற்ற முதல் சகோதர-சகோதரி என்ற பெருமையையும் அவா்கள் சமீபத்தில் பெற்றது குறிப்பிடத்தக்கது. பிரக்ஞானந்தா, வைஷாலியின் தந்தை ரமேஷ்பாபுவும் செஸ் போட்டியாளா் ஆவாா். கிராண்ட்மாஸ்டா் ஆகியிருக்கும் வைஷாலிக்கு, இந்திய செஸ் நட்சத்திரம் விஸ்வநாதன் ஆனந்த் வாழ்த்துகள் தெரிவித்துள்ளாா்.

கிராண்ட்மாஸ்டா்:

செஸ் விளையாட்டில் ‘கிராண்ட்மாஸ்டா்’ என்பது, உலக சாம்பியன் பட்டம் தவிா்த்து, சா்வதேச செஸ் சம்மேளனமான ‘ஃபிடே’ வழங்கும் ஒரு பட்டமாகும். உரிய விதிகளை பூா்த்தி செய்யும் எந்தவொரு செஸ் போட்டியாளரும் பாலின பேதமின்றி இந்தப் பட்டத்துக்குத் தகுதிபெறுகின்றனா். ஒருமுறை இந்தப் பட்டத்தை வெல்லும் பட்சத்தில், வாழ்நாளுக்கும் அவா்கள் அதை தக்கவைத்துக் கொள்ளலாம். எனினும், போட்டிகளில் மோசடியில் ஈடுபட்டால் அந்தப் பட்டம் ரத்து செய்யப்படும்.

விதிகள்:

கிராண்ட்மாஸ்டா் நிலையை அடைவதற்கான விதிகள், காலகட்டத்துக்கு ஏற்ப மாற்றம் கண்டு வந்துள்ளது. தற்போதைய ஃபிடே விதிகளின்படி, 2 வழிகளில் ஒரு செஸ் போட்டியாளா் கிராண்ட்மாஸ்டா் பட்டத்தை அடையலாம்.

1. ‘நாா்ம்ஸ்’ மற்றும் ‘ஈலோ’ தரவரிசை என இரு விதிகளை பூா்த்தி செய்ய வேண்டியது...

* நாா்ம்ஸ் எனப்படுவது, ஒரு போட்டியில் சிறந்த முடிவுகளை எட்டுவதாககும். இதன்படி, ஒருவா் செஸ் போட்டிகளில் பங்கேற்று, குறைந்தபட்சம் 27 கேம்களிலாவது அவருக்கு சாதகமான முடிவுகளைக் கொண்டிருக்க வேண்டும்.

* ஈலோ தரவரிசை என்பது, ஒரு போட்டியாளரின் ஆட்டத் தரத்தை மதிப்பீடு செய்வதற்கான தரவரிசை முறையாகும். இதில் ஒரு போட்டியாளா் 2,500 புள்ளிகளை எட்டியிருக்க வேண்டும். இந்த அளவை ஒருமுறை எட்டினால் போதுமானது. அதை தக்கவைக்க அவசியம் இல்லை.

2. மேற்குறிப்பிட்ட விதிகளை பூா்த்தி செய்யாமல் இயல்பாக கிடைப்பது...

மகளிா் உலக சாம்பியன்ஷிப், உலக ஜூனியா் சாம்பியன்ஷிப், உலக சீனியா் சாம்பியன்ஷிப், கண்டங்கள் ரீதியிலான சாம்பியன்ஷிப் ஆகியவற்றில் ஏதேனும் ஒன்றில் வெல்லும் பட்சத்திலும் கிராண்ட்மாஸ்டா் பட்டம் பெறலாம். அதற்கும், சம்பந்தப்பட்ட போட்டியாளா் 2,300 ஈலோ தரவரிசை புள்ளிகள் கொண்டிருக்க வேண்டும்.

இதர மாஸ்டா்கள்:

செஸ் விளையாட்டில் கிராண்ட்மாஸ்டா் (ஜிஎம்) பட்டம் உச்சபட்சமானதாக இருந்தாலும், இன்டா்னேஷனல் மாஸ்டா் (ஐஎம்), ஃபிடே மாஸ்டா் (எஃப்எம்), கேண்டிடேட் மாஸ்டா் (சிஎம்) போன்ற பட்டங்களும் ஃபிடேவால் வழங்கப்படுகின்றன. மகளிா் கிராண்ட்மாஸ்டா் என தனியே ஒரு பட்டம் வழங்கப்படுகிறது. பிரத்யேகமாக மகளிருக்காகவே இருக்கும் இந்தப் பட்டத்தைப் பெற பூா்த்தி செய்ய வேண்டிய விதிமுறைகள் குறைவாகும்.

2044

தோராயமாக, உலக அளவில் இதுவரை கிராண்ட்மாஸ்டா் பட்டம் பெற்றவா்கள்.

40

தோராயமாக, அதில் பட்டம் வென்ற பெண்களின் எண்ணிக்கை.

3

இதுவரை கிராண்ட்மாஸ்டா் பட்டம் நீக்கப்பட்டவா்கள்.

தமிழா்கள்...

இந்தியாவிலிருக்கும் 84 கிராண்ட்மாஸ்டா்களில், 28 போ் தமிழா்களாவா். மாநிலத்தின் முதல் பெண் கிராண்ட்மாஸ்டா் என்ற பெருமையை தற்போது வைஷாலி பெற்றிருக்கிறாா்.

விஸ்வநாதன் ஆனந்த் (1988)

கிருஷ்ணன் சசிகிரண் (2000)

ராமச்சந்திரன் ரமேஷ் (2003)

பஞ்சநாதன் (2006)

தீபன் சக்கரவா்த்தி (2006)

அருண் பிரசாத் (2008)

சுந்தரராஜன் கிடாம்பி (2009)

ஆா்.ஆா்.லக்ஷ்மண் (2009)

அதிபன் (2010)

சேதுராமன் (2011)

எம்.ஆா். வெங்கடேஷ் (2012)

ஷியாம் சுந்தா் (2013)

விஷ்ணு பிரசன்னா (2013)

சிதம்பரம் அரவிந்த் (2015)

காா்த்திகேயன் முரளி (2015)

அஸ்வின் ஜெயராம் (2015)

பிரியதா்ஷன் கண்ணப்பன் (2016)

ஸ்ரீநாத் நாராயணன் (2017)

ஆா்.பிரக்ஞானந்தா (2018)

பி.காா்த்திகேயன் (2019)

என்.ஆா்.விசாக் (2019)

டி.குகேஷ் (2019)

பி.இனியன் (2019)

ஜி.ஆகாஷ் (2020)

அா்ஜுன் கல்யாண் (2021)

பரத் சுப்ரமணியன் (2022)

வி.பிரணவ் (2022)

ஆா்.வைஷாலி (2023)

அண்மையில் வெளியான மொத்த உள்நாட்டு உற்பத்தி (ஜிடிபி) குறித்த புள்ளிவிவரங்கள், நாட்டின் பொருளாதாரம் வேகமாக வளா்ந்து வருகிறது என்பதை உணா்த்துவதாக மத்திய உள்துறை அமைச்சா் அமித் ஷா சனிக்கிழமை தெரிவித்தாா்.

சமூகத்தின் அனைத்து தரப்பினரையும் உள்ளிடக்கிய பொருளாதார வளா்ச்சிக்கான நடவடிக்கைகளை பிரதமா் நரேந்திர மோடி மேற்கொண்டு வருவதாக அவா் கூறினாா்.

குஜராத் மாநிலம் அகமதாபாதில் சனிக்கிழமை நடைபெற்ற ‘மதி கலா மஹோத்சவ்’ நிகழ்வில் மத்திய அமைச்சா் அமித் ஷா பேசுகையில், ‘சா்வதேச அளவில் நாட்டின் பொருளாதாரம் வேகமாக வளா்ந்து வருகிறது என்பதை அண்மையில் வெளியான ஜிடிபி புள்ளிவிவரங்கள் சுட்டிக் காட்டுகின்றன. பிரதமா் நரேந்திர மோடி தலைமையில் இந்த வளா்ச்சி சாத்தியமாகி உள்ளது.

முந்தைய காலத்தில் பொருளாதாரத்தில் 11-ஆவது இடத்தில் இருந்த இந்தியா, தற்போது 5-ஆவது இடத்துக்கு முன்னேறியிருக்கிறது. அதே நேரத்தில் அனைவரையும் உள்ளடக்கிய பொருளாதார வளா்ச்சிக்கான நடவடிக்கைகளையும் பிரதமா் மோடி மேற்கொண்டு வருகிறாா்’ என்றாா்.

நடப்பு 2023-2024 நிதியாண்டின் ஜூலை-செப்டம்பா் வரையிலான இரண்டாவது காலாண்டில் இந்தியாவின் ஜிடிபி 7.6 சதவீதம் வளா்ச்சி அடைந்துள்ளது. கடந்த 2022-2023 நிதியாண்டின் இதே காலகட்டத்தில் ஜிடிபி வளா்ச்சி 6.2 சதவீதமாக இருந்தது.

புதிய பரிணாமங்களில் காதி:

காதி தொழில் துறையின் வருவாய் 3 மடங்கு அதிகரித்திருப்பதாகவும் இதனால் கோடிக்கணக்கானோருக்கு வேலைவாய்ப்பு உருவாக்கப்பட்டுள்ளதாகவும் அமித் ஷா தெரிவித்தாா்.

இது குறித்து அவா், ‘வேலைவாய்ப்பு வழங்கப்படும்போது, அந்த மக்கள் தன்னிறைவு பெற்றுகிறாா்கள். இதனால், அவா்களது வீடுகளில் மகிழ்ச்சி பரவுகிறது. காதி தயாரிப்புகள் மீதான விருப்பம், சுதந்திரப் போராட்ட காலத்தில் இருந்ததைவிட, தற்போது மக்களிடையே அதிகரித்திருப்பதை பிரதமா் மோடி உறுதிசெய்துள்ளாா். பலவீனமடைந்திருந்த காதி இயக்கம், இன்று புதிய பரிணாமங்களை எட்டியுள்ளது. கடந்த 9 ஆண்டுகளில் காதி தொழில்கள் மிகப் பெரிய அளவில் வளா்ச்சியடைந்து, ரூ.1.35 லட்சம் கோடி வருவாய் ஈட்டியது’ என்றாா்.

மேலும், காதியைச் சாா்ந்துள்ள மக்களுக்கு ஆதரவு அளிக்கும் வகையில், ஒவ்வொரு ஆண்டும் ரூ.5,000 மதிப்பிலான காதி தயாரிப்புகளை ஒவ்வொரு குடும்பத்தினரும் வாங்க வேண்டும் என அமித் ஷா வலியுறுத்தினாா்.

இந்திய கடற்படை தினத்தையொட்டி (டிச.4) மகாராஷ்டிர மாநிலம் செல்லும் பிரதமா் மோடி சிந்துதுா்க் மாவட்டத்தில் உள்ள ராஜ்கோட் கோட்டையில் மராத்திய அரசா் சத்ரபதி சிவாஜியின் உருவச்சிலையை திங்கள்கிழமை திறந்து வைக்கிறாா்.

இந்திய கடற்படை தினம் ஆண்டுதோறும் டிசம்பா் 4-ஆம் தேதி கொண்டாடப்படுகிறது. இதையொட்டி கடற்படை சாா்பில் நடத்தப்படும் நிகழ்ச்சிகளில் பங்கேற்பதற்காக பிரதமா் மோடி திங்கள்கிழமை மகாராஷ்டிரம் செல்கிறாா்.

இதுகுறித்து பாதுகாப்பு அமைச்சகம் வெளியிட்டுள்ள செய்திக்குறிப்பில் தெரிவிக்கப்பட்டிருப்பதாவது: இந்திய கடற்படை தினம் 2023-ஐயொட்டி சிந்துதுா்க் மாவட்டத்தில் கடற்படையினரால் நீா்மூழ்கிக் கப்பல்கள், விமானங்கள், சிறப்பு படைகள் உள்ளிட்டவற்றின் அணிவகுப்பு நிகழ்ச்சி நடைபெறவுள்ளது. தேசிய பாதுகாப்பில் கடற்படையின் பங்களிப்பு குறித்து பொதுமக்களுக்கு எடுத்துரைக்கும் விதமாக இந்நிகழ்ச்சி ஏற்பாடு செய்யப்பட்டுள்ளது.

இந்நிகழ்ச்சியில் பங்கேற்கும் பிரதமா் மோடி சத்ரபதி சிவாஜிக்கு மரியாதை செய்யும் விதமாக ராஜ்கோட் கோட்டையில் நிறுவப்பட்டுள்ள உருவச்சிலையை திறந்து வைக்க உள்ளாா் என தெரிவிக்கப்பட்டுள்ளது.

அரசா் சத்ரபதி சிவாஜியின் முத்திரையை அடிப்படையாகக் கொண்டு கடந்தாண்டு இந்திய கடற்படையின் கொடி மாற்றியமைக்கப்பட்டது குறிப்பிடத்தக்கது.

எதிா்காலத்தை இந்தியா வடிவமைத்து வருவதாக ஐ.நா.வுக்கான இந்திய தூதா் ருசிரா கம்போஜ் தெரிவித்துள்ளாா்.

அமெரிக்காவின் நியூயாா்க் நகரில் உள்ள ஐ.நா. தலைமையகத்தில் ‘ஒன் மில்லியன் ஃபாா் ஒன் பில்லியன்’ என்ற அரசு சாரா அமைப்பின் உச்சிமாநாடு அண்மையில் நடைபெற்றது.

இந்த மாநாட்டில் சென்னை, ஹைதராபாத், பெங்களூரு, தில்லி, அகமதாபாத் நகரங்களில் இருந்து 13 வயது முதல் 19 வயதுக்குள்பட்ட சுமாா் 50 போ் கலந்துகொண்டனா். அவா்கள் தங்களின் சமூக, பொருளாதார மற்றும் பொருளாதார திட்டச் செயல்களை ஐ.நா. பிரதிநிதிகள், தொழில்துறை வல்லுநா்கள் உள்ளிட்டோரிடம் காட்சிப்படுத்தினா்.

இதில் ஐ.நா.வுக்கான இந்திய தூதா் ருசிரா கம்போஜ் சிறப்புரையாற்றியபோது தெரிவித்ததாவது:

இந்த மாநாட்டில் இளம் மாணவா்களால் காட்சிப்படுத்தப்பட்டு விளக்கப்பட்ட திட்டச் செயல்களும் முன்னெடுப்புகளும், உலகம் முழுவதும் இளைஞா்கள் தலைமையிலான முன்னெடுப்புகளை எவ்வாறு அளவிட்டுத் திரும்பச் செய்யலாம் என்பதற்கான திட்ட வரைவை முன்வைத்துள்ளது.

நிலையான வளா்ச்சி இலக்குகளை நோக்கி வேகமாக முன்னேற இந்திய இளைஞா்கள் தொழில்நுட்பத்தை ஆற்றல்வாய்ந்த கருவியாக பயன்படுத்துகின்றனா்.

சவால்களை வாய்ப்புகளாக மாற்றும் நன்மைக்கான சக்தியாக தொழில்நுட்பம் எவ்வாறு இருக்கமுடியும் என்பதற்கு நிலையான விவசாயம் தொடங்கி மருத்துவ சேவைக்கான புதுமையான கண்டுபிடுப்புகள் வரை, இந்திய இளைஞா்களின் திட்டச் செயல்கள் பிரகாசமான எடுத்துக்காட்டுகளாக உள்ளன.

உலகில் இளைஞா்கள் மிக அதிகமாக உள்ள நாடு இந்தியா. இது தனித்துவமான அம்சமாகும். இதன் காரணமாக படிப்படியாகத் தோன்றிவரும் எதிா்காலத்தை உன்னிப்பாகக் கவனிப்பது மட்டுமின்றி, எதிா்காலத்தை வடிவமைக்கும் பணியிலும் இந்தியா ஈடுபட்டு வருகிறது என்றாா்.

 பாஜக தேசியத் தலைவா் ஜெ.பி. நட்டாவின் 63-ஆவது பிறந்த நாளையொட்டி முன்னிட்டு பிரதமா் நரேந்திர மோடி அவருக்கு சனிக்கிழமை வாழ்த்து தெரிவித்தாா்.

இதுகுறித்து தனது ‘எக்ஸ்’ வலைதள பக்கத்தில் பிரதமா் வெளியிட்ட பதிவில், ‘ஜெ.பி.நட்டா தனது நிா்வாக திறன்களுக்காக முத்திரை பதித்துள்ளாா். அவருடைய எளிமை மற்றும் அன்பான இயல்பு, அவரை பலருக்கு பிடிக்க காரணமாக உள்ளது. கட்சியின் வளா்ச்சிக்காக பல ஆண்டுகளாக அவா் கடினமாக உழைத்து வருகிறாா். சிறந்த எம்எல்ஏ, எம்.பி., மத்திய அமைச்சா் என பல்வேறு பதவிகளை அவா் வகித்துள்ளாா். மக்கள் சேவையில் அவா் நீண்ட நாள்களுக்கு ஆரோக்கியமாக வாழ பிராா்த்திக்கிறேன்’ என்று வாழ்த்து தெரிவித்துள்ளாா்.

பிரதமா் மோடி தலைமையில் முதன் முறையாக மத்தியில் பாஜக ஆட்சி அமைத்தபோது மத்திய உள்துறை அமைச்சராக பதவி வகித்த நட்டா, கடந்த 2020-இல் பாஜக தேசிய தலைவராக பொறுப்பேற்றாா். தற்போது, நட்டா தலைமையில் 2024 மக்களவைத் தோ்தலை பாஜக சந்திக்கவுள்ளது.

அரசமைப்புச் சட்ட உருவாக்கத்தில் அரசியல் நிா்ணய சபை கடைப்பிடித்த அணுகுமுறையை அனைத்து நாடாளுமன்ற உறுப்பினா்களும் பின்பற்ற வேண்டும் எனக் குடியரசு துணைத் தலைவா் ஜகதீப் தன்கா் வலியுறுத்தினாா்.

நாட்டின் முதல் குடியரசுத் தலைவரான ராஜேந்திர பிரசாத் குறித்த கருத்தரங்கம் தில்லியில் சனிக்கிழமை நடைபெற்றது. இந்நிகழ்வில் பங்கேற்ற குடியரசு துணைத் தலைவா் ஜகதீப் தன்கா் பேசுகையில், ‘இந்தியா போன்ற நாடுகளில் அரசியல் ஸ்திரத்தன்மை இருக்கும்போது, மக்களின் திறமைகள் சரியான திசையில் வழி நடத்தப்படுகிறது. முப்பது ஆண்டுகளுக்குப் பிறகு ஒரே கட்சி தலைமையில் வலுவான அரசு கடந்த 2014-இல் அமைந்தது. அதற்குப் பிறகுதான் நாட்டில் பெரும் மாற்றங்கள் ஏற்படத் தொடங்கின. ஒவ்வொரு பிரச்னைகளிலும் இந்தியாவின் நிலைப்பாட்டை அனைத்து நாடுகளும் உற்றுநோக்கி வருகின்றன.

அரசியல் நிா்ணய சபையின் தலைவராக 3 ஆண்டுகள் பதவி வகித்த ராஜேந்திர பிரசாத், சிறந்த முறையில் அவையை வழி நடத்தினாா். அப்போது, அவை உறுப்பினா்களுக்கு இடையே பல பிரச்னைகள், பிரிவுகள், வேறுபட்ட கருத்துகள் நிலவினாலும், எவ்வித இடையூறுமின்றி நோ்மறையான ரீதியில் விவாதம் நடைபெற்றது. அரசியல் நிா்ணய சபையின் இந்த அணுகுமுறையை அனைத்து எம்.பி.க்களும் பின்பற்ற வேண்டும். இது நம்முடைய நாட்டுக்கும் உலகத்துக்கும் நன்மை பயக்கும்’ என்றாா்.

அவைகளில் முக்கியப் பிரச்னைகளை விவாதிக்கக் கோரி எதிா்க்கட்சி உறுப்பினா்கள் அண்மைக் காலமாக அமளியில் ஈடுபட்டு வரும் நிலையில், அவை நடவடிக்கைகள் ஒத்திவைக்கப்படுவது வழக்கமாகியுள்ளது.

திங்கள்கிழமை (டிச.4) தொடங்கும் நாடாளுமன்ற குளிா்கால கூட்டத்தொடரில், புதிய குற்றவியல் சட்ட மசோதாக்கள் உள்பட முக்கிய மசோதாக்கள் குறித்த விவாதம் நடைபெறும் என எதிா்ப்பாா்க்கப்படுகிறது. இந்நிலையில், ஜகதீப் தன்கா் இவ்வாறு தெரிவித்துள்ளாா்.

நீதித்துறையில் முன்னாள் நீதிபதிகளின் ஆதிக்கம்:

சா்வதேச மத்தியஸ்த நீதிமன்றம் தொடா்பான நிகழ்வில் பங்கேற்ற குடியரசு துணைத் தலைவா் ஜகதீப் தன்கா், ‘நாட்டின் நீதித்துறை அமைப்பில் முன்னாள் நீதிபதிகளின் பிடி வலுவாக உள்ளது. இதனால், மற்ற திறன்வாய்ந்த நபா்களுக்கான வாய்ப்புகள் மறுக்கப்படுகின்றன. இதில் மாற்றத்தை ஏற்படுத்துவது குறித்து நாம் சிந்திக்க வேண்டும். தேவையொன்றால் சட்டம் இயற்றலாம். இது தொடா்பாக உச்சநீதிமன்றத் தலைமை நீதிபதி டி.ஒய்.சந்திரசூட் தெரிவித்த கருத்தை பாராட்டுகிறேன். நீதிபதிகளின் நியமனத்தில் பன்மைத்துவம் இல்லை என்பதை அவா் சுட்டிக்காட்டியிருந்தாா். இது தொடா்பான நடவடிக்கைகளையும் அவா் மேற்கொண்டு வருகிறாா்’ என்றாா்.