Ayyakannu | PR Pandian | அய்யாக்கண்ணு உள்ளிட்ட போராட்ட குழுவினருக்கு ரயிலில் தண்ணீர் கொடுக்காமல் பழி வாங்குவதா? என மன்னார்குடியில் செய்தியாளர்களிடம் பிஆர். பாண்டியன் தெரிவித்து உள்ளார்.
இது குறித்து அவர், “தென்னிந்திய நதிகள் இணைப்பு தலைவரும் எஸ்.கே.எம் (NP)தமிழ்நாடு பிரிவு தலைவரும் அய்யாக்கண்ணு குறைந்தபட்ச ஆதார விலை நிர்ணய சட்டம், கடன் தள்ளுபடி உள்ளிட்ட பல்வேறு கோரிக்கைகளை வலியுறுத்தி கடந்த  23, 24 ஆகிய இரண்டு தினங்களாக டெல்லியில் உயர்நீதிமன்ற அனுமதியோடு போராட்டம் நடத்தி வந்தனர்.

இந்நிலையில் நேற்று முன்தினம் (24ம் தேதி) முன்தினம் டெல்லி காவல்துறையினர் மற்றும் துணை ராணுவப் படையினர் போராடிய விவசாயிகள் மீது தாக்குதல் நடத்தியதோடு, கட்டாயப்படுத்தி தமிழ்நாடு எக்ஸ்பிரஸ் ரயில் மூலம் அன்று இரவு முன்பதிவு இல்லா பெட்டியில் ஏற்றி அனுப்பி உள்ளனர் .இச்செயல் வன்மையாக கண்டிக்கத்தக்கது. 

உணவை உற்பத்தி செய்யும் விவசாயிகளுக்கு உரிய விலை கொடுக்க மறுப்பதோடு,நீதி கேட்டு அமைதி வழியில் போராடும் விவசாயிகளை ராணுவத்தைக் கொண்டு ஒடுக்க நினைப்பது வன்மையாக கண்டிக்கத்தக்கது. அது மட்டுமன்றி தற்போது ரயில் சுமார் 10 மணி நேரம் காலதாமதமாக வந்து கொண்டுள்ளதாகவும், நேற்று (25ம் தேதி) மதியம் 3 மணி முதல் இதுவரையிலும் அவர்கள் பயணம் செய்யும் பெட்டிக்கு தண்ணீர் கொடுக்காமல் மறுத்து உள்ளனர்.

இதனையடுத்து பெல்லார்ஷா ரயில் நிலையம் அருகே அபாய சங்கலியை இழுத்து ரயிலை நிறுத்தியுள்ளனர்.
ரயில்வே அதிகாரிகள் பேச்சுவார்த்தை நடத்தி  உடனடியாக தண்ணீர் தருவதாக கூறியும் தற்போது ஓங்கோல் ரயில் நிலையம் வரையிலும் தண்ணீர் வழங்காமல் கொடுமைப்படுத்தி வருகிறார்கள்.

இதனால் விவசாயிகள் குடிப்பதற்கு கூட தண்ணீர் இன்றியும், காலை கடன்களை முடிக்க முடியாமலும் அவதிப்பட்டு வருகின்றனர்.இது குறித்து மத்திய அரசு உரிய விசாரணை நடத்தி விவசாயிகளை கொடுமைப்படுத்துவதை தடுத்து நிறுத்த வேண்டும்.

பிரதமர் மோடி  போராடும் விவசாயிகளை துப்பாக்கி கொண்டு சுட முயற்சிப்பதும், பழிவாங்க துடிப்பதும் ஏற்கத்தக்கது அல்ல. இது குறித்துவிசாரணை செய்து உரிய நடவடிக்கை மேற்கொண்டு விவசாயிகளை பாதுகாக்க மத்திய அரசு முன்வர வேண்டும் என நான் வலியுறுத்துகிறேன்” எனத் தெரிவித்துள்ளார்.

செய்தியாளர் க.சண்முகவடிவேல்

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

சின்னத்திரை ரசிகர்கள் மத்தியில் சீரியல்கள் ஒரு முக்கியமான பொழுதுபோக்கு அம்சமாக மாறிவிட்டது. இதனை கருத்தில் கொண்டு டிவி சேனல்களும் வாரத்தின் 7 நாட்களிலும் சீரியல்களை ஒளிபரப்பி வருகிறது. ஆனால் இந்த சீரியல்கள் அனைத்தும் டி.ஆர்,பி ரேட்டிங் வைத்தே வெற்றி தீர்மானிக்கப்படுகிறது. ஒரு சீரியலை மக்கள் பார்க்கும் அளவை பொருத்து டி.ஆர்,பி ரேட்டிங் கணக்கிடப்படுகிறது.  

அதன் அடிப்படையில் இந்த வருடத்தின் 16வது வாரத்திற்கான சீரியல்களின் டி.ஆர்.பி ரேட்டிங் குறித்து இப்போது பார்க்கலாம்

முதலிடத்தில் சிங்க பெண்ணே 

சன் டிவியில் ஒளிபரப்பாகி வரும் சிங்க பெண்ணே சீரியல் கடந்த வாரத்தில் முதல் இடத்தில் இருந்தது. அதேபோல் இந்த வரமும் 9.26 புள்ளிகளுடன் தொடர்ந்து முதலிடத்தை தக்க தக்க வைத்துள்ளது.

2-வது இடத்தில் கயல்

சன் டிவியில் ஒளிபரப்பாகி வரும் கயல் சீரியல் 9.5  புள்ளிகளைப் பெற்று இரண்டாவது இடத்தை பிடித்துள்ளது.

3-வது இடத்தில் சிறகடிக்க ஆசை

விஜய் டிவியின் முக்கிய சீரியல்களில் ஒன்றாக சிறகடிக்க ஆசை கடந்த வாரம் 4-வது இடத்தில் இருந்த நிலையில், இந்த வாரம் 8.18 புள்ளிகளுடன் 3-வது இடத்திற்கு முன்னேறியுள்ளது.

4-வது இடத்தில் எதிர்நீச்சல் 

கடந்த வாரம் 3-வது இடத்தில் இருந்த சன் டிவியின் எதிர்நீச்சல் சீரியல் இந்த வாரம் 8 புள்ளிகளுடன் 4-வது இடத்திற்கு தள்ளப்பட்டுள்ளது.

5 வது இடத்தில் வானத்தைப்போல 

கடந்த வாரம் 5-வது இடத்தில் இருந்த சன் டிவியின் வானத்தைப்போல சீரியல் இந்த வாரம் 7.41 புள்ளிகளைப் பெற்று 5-வது இடத்தை தக்க வைத்துள்ளது.

6 வது இடத்தில் சுந்தரி 2

கடந்த வாரம் 7-வது இடத்தில் இருந்த சன் டிவியின் சுந்தரி 2 இந்த வாரம் 6.98 புள்ளிகளுடன் 6-வது இடத்திற்கு முன்னேறியுள்ளது.

7 வது இடத்தில் இனியா

கடந்த வாரம் 6-வது இடத்தில் இருந்த இனியா சீரியல் இந்த வாரம் 6.76 புள்ளிகள் பெற்று 7வது இடத்திற்கு தள்ளப்பட்டுள்ளது.

8 வது இடத்தை பிடித்த பாக்கியலட்சுமி 

கடந்த வாரம் 8-வது இடத்தில் இருந்த விஜய் டிவியின் பாக்கியலட்சுமி சீரியல் இந்த வாரம் 6.64 புள்ளிகள் பெற்று 8வது இடத்தை தக்க வைத்துள்ளது.

9 வது இடத்தில் பாண்டியன் ஸ்டோர்ஸ் 2

விஜய் டிவியின் பாண்டியன் ஸ்டோர் 2 சீரியல் கடந்த வாரம் 9-வது இடத்தில் இருந்த நிலையில், இந்த வாரமும், இந்த முறை 6.41  புள்ளிகளை பெற்று 9வது இடத்தை பிடித்துள்ளது.

10 வது இடத்தில் கார்த்திகை தீபம்

விறுவிறுப்பாக சென்றுகொண்டிருக்கும் ஜீ தமிழின் கார்த்திகை தீபம் சீரியல் கடந்த சில மாதங்களுக்கு பிறகு தற்போது டி.ஆர்.பி ரேட்டிங்கில்  மீண்டும் இடம் பிடித்துள்ளது. 5.54 புள்ளிகளுடன்  10-வது இடத்தை பிடித்துள்ளது.

ஹிந்தி மொழிக்கு எதிர்ப்பு தெரிவிக்கும் தமிழகத்தில் அரசு பேருந்தில் சீன மொழியில் பெயர் பலகை இடம் பெற்றதால் பயணிகள் மற்றும் பொதுமக்கள் அதிர்ச்சி அடைந்தனர்.

தென் தமிழகத்தின் பிரதான பேருந்து நிலையமாக திண்டுக்கல் காமராஜர் பேருந்து நிலையம் செயல்பட்டு கொண்டு வருகிறது. இந்த காமராஜர் பேருந்து நிலையத்திலிருந்து சென்னை, கோவை,திருப்பூர்,காரைக்குடி மதுரை, திருச்சி, தேனி, கம்பம், கோவை, கன்னியாகுமரி, ராமேஸ்வரம், பொள்ளாச்சி உள்ளிட்ட பல்வேறு தென் தமிழகத்திற்கும்,வட தமிழகத்திற்கும் இரவு பகலாக சுமார் ஆயிரத்துக்கும் மேற்பட்ட பேருந்துகள் தினமும் இயக்கப்படுகின்றன.

தமிழகத்தில் உள்ள அரசு பேருந்துகளில் உலக பொதுமறை வாக்கியமான   திருக்குறளையும் அதனுடைய அதிகாரங்களையும் பேருந்தில் இடம் பெற செய்து தமிழின் பெருமைகளை உணர்த்தும் விதமாக தமிழக அரசு நடவடிக்கைகள் எடுத்து உள்ளது. ஆனால், திண்டுக்கல் மாவட்டம் மதுரை கோட்டத்திற்கு உட்பட்டTN 57 N 2410 என்ற அரசு பேருந்தில்  திண்டுக்கலில் இருந்து பொள்ளாச்சி செல்லும் அரசு பேருந்து என்று  இடம் பெற்றிருக்கும்  மின்னணு பெயர் பலகையில்  சீன மொழி இடம் பெற்று இருந்தது.

அந்த அரசு பேருந்து சீன மொழியிலேயே திண்டுக்கல் பேருந்து  நிலையத்திலிருந்து பொள்ளாச்சிக்கு சென்றதால் பேருந்தில் ஏற இருந்த பயணிகளும், காத்திருந்த பயணிகளும் தமிழ்  சொற்களுக்கு பதிலாக சீன மொழி இடம்பெற்று இருந்ததை கண்டு அதிர்ச்சி அடைந்தனர். தமிழ் நாட்டில் ஹிந்தி மொழிக்கே எதிர்ப்பு தெரிவிக்கும் தமிழகத்தில் சீன மொழியுடன் அரசு பேருந்து இயங்கியது பெறும்  ஆச்சரியத்தையும் அதிர்ச்சியையும் ஏற்படுத்தியது.

இது குறித்து போக்குவரத்து துறை ஊழியர்களுடன் கேட்டபோது அந்த டிஸ்பிலேயில் வரக்கூடிய எழுத்துக்களில் ஃபால்ட் ஏற்பட்டிருந்ததால் இப்படி தெரிகின்றது விரைவில் சரி செய்வோம் என்று கூறியுள்ளனர்.

க. சண்முகவடிவேல்

கேரளாவில் நடைபெற்ற நாடாளுமன்ற தேர்தலில் வாக்களித்த நடிகை கீர்த்தி சுரேஷின் அம்மா மேனகா சுரேஷ் எனக்கு தாமரை மலர வேண்டும் என்று கூறியிருப்பது அவர் காங்கிரஸ் கட்சியை விரும்பாதவர் என்பது தெரியவந்துள்ளது.

இந்தியாவில் நாடாளுமன்ற தேர்தல் கடந்த ஏப்ரல் 19-ந் தேதி தொடங்கியது. இதில் முதற்கட்மான தமிழ்நாடு புதுச்சேரி அருணாச்சல பிரதேசம் உள்ளிட்ட 21 மாநிலங்களில் 100-க்கு மேற்பட்ட தொகுதிகளில் ஏப்ரல் 19-ந் தேதி வாக்குப்பதிவு நடைபெற்ற நிலையில், 2-ம் கட்ட வாக்குப்பதிவாக இன்று கேரளா உள்ளிட்ட சில மாநிலங்களில் வாக்குப்பதிவு நடைபெற்றதுள்ளது.

இதில் 20 தொகுதிகளை கொண்ட கேரளா மாநிலத்தில் ஒரே கட்டமாக தேர்தல் நடைபெற்றது. காலை 7 மணிக்கு தொடங்கிய வாக்குப்பதிவு மாலை 6 மணிக்கு நிறைவு பெற்றது. கேரளாவின் அரசியல் தலைவர்கள் சினிமா நட்சத்திரங்கள் என பலரும் தங்களது ஜனநாயக கடமையை ஆற்றினர். அந்த வகையில் முன்னாள் நடிகையும் தற்போதைய நடிகை கீர்த்தி சுரேஷின் தாயாருமான மேனகா சுரேஷ் தேர்தலில் தனது வாக்கை செலுத்தினார்.

வாக்கு செலுத்தியபின் செய்தியாளர்களை சந்தித்த மேனகா, தேர்தலில் ஒரே மாதிரியான முடிவுகள் வந்தால் நன்றாக இருக்காது. மாற்றம் வர வேண்டும். கடந்த 15 ஆண்டுகளாக திருவனந்தபுரத்தில் எந்த மாதிரியான நிர்வாகம் நடந்து வந்தது என்று எல்லோருக்கும் தெரியும். இதனால் புதியவர்கள் ஆட்சிக்கு வர வேண்டும். அப்போது தான் மாற்றம் வரும் என்ற நம்பிக்கை என் மனதில் உள்ளது. என்னை பொறுத்தவரை தாமரை மலர வேண்டும் என்பது தான் என் ஆசை என்று கூறியுள்ளார்.

மேலும், கேரளாவில் இதுவரை பாஜக வரவில்லை. இடதுசாரி கூட்டணி, காங்கிரஸ் கூட்டணி தான் மாறி மாறி ஆட்சியில் இருக்கிறது. ஒரு மாற்றம் வந்தால் நன்றாக இருக்கும். தாமரை வெற்றி பெற நிறைய வாய்ப்பு உள்ளது. மக்களிடம் பேசும்போது தெரிகிறது. முடிவு என்பது மக்கள் கையில் தான் உள்ளது என்று தெரிவித்துள்ளார். மேனகா சுரேஷின் இந்த பேச்சு தற்போது பரபரப்பை ஏற்படுத்தியுள்ளது.

Optical illusion game: இந்த ஆப்டிகல் இல்யூஷன் புதிர் மிகவும் சுவாரசியமானது நீங்கள் கண்டுபிடிக்க வேண்டிய விலங்கு வெளிப்படையாக நன்றாக தெரிகிறது என்று எளிதாக இருக்கும் என்று நினைத்தாள் மிகவும் சவாலாக இருக்கும் அதன் சுவாரசியத்தை நீங்களே பரிசோதித்துப் பாருங்கள்.

இந்த படத்தில் காய்ந்த நாணல் புதரில் மறைந்திருக்கும் பாம்பை 5 வினாடிகளில் கண்டுபிடிக்க முடியுமா என்று உங்கள் கூர்மையான பார்வைக்கும் கவனிக்கும் திறனுக்கும் சவால் விடப்படுகிறது அப்படி கண்டுபிடிச்சா நீங்க பலே கில்லாடி. ஒருமுறை முயற்சி செய்து பாருங்கள், அதன் சுவாரசியத்தில் நீங்களே மயங்கி போவீர்கள்.

பொதுவாக மனிதர்கள் ஒரு காட்சியை பார்க்கும் போது அந்த இடத்தில் இருக்கிற எல்லா விவரங்களையும் அறிவதில்லை அவர்களுக்கு தேவையான அல்லது கவனம் செலுத்துகிற உருவங்களை மட்டுமே அறிகிறார்கள் நுட்பமாக அல்லது அவர்களுக்கு முக்கியமில்லாத உருவங்கள் அவர்களின் புலனில் பதிவாவதில்லை. ஆனால், ஒரு மனிதன் மிகவும் நுட்பமாகவும் கூர்மையாகவும் இருக்க வேண்டும் என்றால் ஒரு காட்சியை பார்க்கும் போது அதில் இடம்பெறு இடம்பெறுகிற எல்லா விவரங்களையும் உருவங்களையும் பொருட்களையும் அறிந்திருக்க வேண்டும். ஒரு காட்சியை முழுமையாக புரிந்து அறிந்து கொள்வதற்கு இந்த ஆப்டிகல் இல்யூஷன் படங்கள் உதவுகின்றன. இந்தப் படமும் நீங்கள் ஒரு காட்சியை முழு விவரத்துடன் அறிந்து கொள்வதற்கு உதவும்.

இந்த படம் Massachusetts Division of Fisheries & Wildlife என்ற முகநூல் பக்கத்தில் வெளியாகி உள்ளது. இந்த படத்தை லாப நோக்கம் இல்லாமல் பொழுதுபோக்கிற்காக பயன்படுத்துகிறோம். இந்த ஆப்டிகல் இல்யூஷன் படத்தில் காய்ந்த நாணல் புதரில் மறைந்திருக்கும் பாம்பை 5 வினாடிகளில் கண்டுபிடிக்க முடியுமா என்று உங்கள் கூர்மையான பார்வைக்கும் கவனிக்கும் திறனுக்கும் சவால் விடப்படுகிறது அப்படி கண்டுபிடிச்சா நீங்க தான் கில்லி. ஒருமுறை முயற்சி செய்து பாருங்கள், அதன் சுவாரசியத்தில் நீங்களே மயங்கி போவீர்கள்.

நீங்கள் இந்நேரம், இந்த படத்தில் பாம்பு எங்கே இருக்கிறது என கண்டுபிடித்து விட்டிருப்பீர்கள் என்று நம்புகிறோம். இந்த ஆப்டிகல் இல்யூஷன் சவாலைத் தீர்ப்பதில் நீங்கள் பலே கில்லாடிதான். உங்களுக்கு பாராட்டுகள்.

ஒருவேளை, உங்களால் இந்த படத்தில் பாம்பு எங்கே இருக்கிறது என கண்டுபிடிக்க முடியவில்லை என்றால், கவலைப்பட வேண்டாம். உங்களுக்கு உதவி செய்ய ஒரு குறிப்பு தருகிறோம். இந்த படத்தை ஜூம் செய்து கவனமாகப் பாருங்கள். 

இப்போது நீங்கள் மிகவும் எளிதாக இந்த படத்தில் பாம்பு எங்கே இருக்கிறது எனக் கண்டுபிடித்துவிட்டிருப்பீர்கள் என்று நம்புகிறோம். இன்னும் அடையாளம் காண முடியவில்லை என்றால், கவலைப்பட வேண்டாம், உங்களுக்காக பாம்பு எங்கே இருக்கிறது என்று வட்டமிட்டு காட்டுகிறோம்.

ஆப்டிகல் இல்யூஷன் படங்கள் வெறுமனே இணையப் பொழுதுபோக்கு புதிர் விளையாட்டுகளாக மட்டுமில்லாமல், கண்ணுக்கும் மூளைக்கும் பயிற்சி அளிக்கும் விளையாட்டுகளாக இருப்பதால் தமிழ் இந்தியன் எக்ஸ்பிரஸ் தளத்தில் நிறைய ஆப்டிகல் இல்யூஷன் படங்களைப் பார்த்து பயிற்சி செய்யுங்கள். 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

தமிழ் சினிமாவின் தனது இனிமையான குரலின் மூலம் பல ஹிட் பாடல்களை கொடுத்துள்ள பாடகி எஸ்.ஜானகி, மெல்லிசை மன்னர் எம்.எஸ்.விஸ்வநாதன் இறந்த போது அவர் அருகில் அமர்ந்துகொண்டு உருக்கமாக பேசி அழுதுள்ளார்.

இந்திய சினிமாவின் முன்னணி பின்னணி பாடகிகளில் முக்கியமானவர் எஸ்.ஜானகி. 1957-ம் ஆண்டு எஸ்.எஸ்.ராஜன் இயக்கத்தில் மகதல நாட்டு மேரி என்ற படத்தின் மூலம் பின்னணி பாடகியாக அறிமுகமான இவர், தொடர்ந்து, கே.வி.மகாதேவன், எம்.எஸ்.வி, இளையராஜா, சங்கர் கணேஷ், தேவா, ஏ.ஆர்.ரஹ்மான் உள்ளிட்ட முன்னணி இசையமைப்பாளர்கள் பலரின் இசையில் பல ஹிட் பாடல்களை கொடுத்துள்ளார்.

கடைசியான ஜீவா நடிப்பில் கடந்த 2016-ம் ஆண்டு வெளியான திருநாள் படத்தில் தந்தையும் யாரோ என்ற பாடலை பாடியிருந்தார். தமிழ் மட்டுமல்லாமல் இந்திய தெலுங்கு கன்னடம் மலையாளம், இந்தி உள்ளிட்ட பல மொழிகளில் பல ஹிட் பாடல்களை பாடியுள்ள எஸ்.ஜானகி, பல முன்னணி இசையமைப்பாளருகளின் இசையில் ஹிட் பாடல்கள கொடுத்துள்ளார். இதில் குறிப்பிடத்தக்க இசையமைப்பாளர் எம்.எஸ்.விஸ்வநாதன்.

எந்த பாடல் யார் பாடினால் நன்றாக இருக்கும் என்பதை கணிப்பதில் வல்லராக இருந்த எம்.எஸ்.விஸ்வநாதன், தனது இசையில் டி.எம்.எஸ்., பி.சுசீலா, எஸ்.ஜானகி, யேசுதாஸ் உள்ளிட்ட பல முன்னணி பாடகர்களுக்கு பல பாடல்களை பாடும் வாய்பினை கொடுத்துள்ளார். இதில் குறிப்பாக டி.எம்.எஸ். – பி.சுசீலா கூட்டணியில் பல ஹிட் பாடல்களை கொடுத்துள்ள எம்.எஸ்.வி, டி.எம்.எஸ் – எஸ்.ஜானகி கூட்டணியில் குறைவான பாடல்களே கொடுத்திருந்தாலும், அத்தனை பாடல்கயும் வெற்றிப்பாடலாக மாற்றியுள்ளார்.

1974-ம் ஆண்டு எம்.ஜி.ஆர் நடிப்பில் வெளியான உரிமைக்குரல் திரைப்படம் பெரிய வெற்றியை பெற்று பிளாக்பஸ்டர் ஹிட் அடித்த நிலையில், அதே ஆண்டில் எம்.ஜி.ஆருக்கு மற்றொரு வெற்றிப்படமாக அமைந்தது ‘’சிரித்து வாழ வேண்டும் படம்’’. இந்த இரு படங்களிலும் எம்.ஜி.ஆர் – லதரு நம்பியார் ஆகியோர் கூட்டணி நடித்திருந்தனர் எம்.எஸ்.விஸ்வநாதன் இசையமைத்திருந்தார். சிரித்து வாழ வேண்டும் படத்தில் வரும் ஒரு கனவு பாடல் தான் ‘’கொஞ்ச நேரம் என்னை மறந்தேன்’’ என்ற பாடல். எம்.ஜி.ஆர் படத்தில் இப்படி ஒரு மெலடி பாடலா என்று பலரையும் ஆச்சரியத்தில் ஆழ்த்தியது இந்த படம்.

கடைசியாக 1995-ம் ஆண்டு எம்.எஸ்.விஸ்வாதன் டி.கே.ராமமூர்த்தி ஆகிய இருவரும் பல ஆண்டுகள் இடைவெளிக்கு பின் இணைந்து இசையமைத்த எங்கிருந்தோ வந்தான் படத்தில் ஒரு பாடலை பாடியிருந்தார் எஸ்.ஜானகி. கடந்த 2015-ம் ஆண்டு எம்.எஸ்.வி மரணமடைந்த நிலையில், அவரது தலைமாட்டில் அமந்து கதறி அழுத எஸ்.ஜானகி, எனக்கு முத்து முத்தான பாடல்களை கொடுத்தவர் அவர் என்று கூறியுள்ள அழுதுள்ளார்.

Optical illusion game: ஆப்டிகல் இல்யூஷன் படங்கள் இணையத்திலும் சமூக ஊடகங்களிலும் நிரம்பி வழிகிறது. இந்த ஆப்டிகல் இல்யூஷன் படங்கள் நீங்கள் ஒரு காட்சியைப் பார்க்கும்போது, அதில் உள்ள விவரங்களை நீங்கள் எவ்வளவு கூர்மையாக கவனிக்கிறீர்கள் எவ்வளவு புத்திசாலியாக இருக்கிறீர்கள் என்பதை சோதிக்க எளிமையான வழியாகும்.

இந்த ஆப்டிகல் இல்யூஷன் படத்தில் பாறைகள் இடையே மறைந்திருக்கும் சிறுத்தைகளை 5  வினாடிகளில் கண்டுபிடிக்க முடியுமா? கூர்மையான பார்வையும் நுட்பமாக கவனிக்கும் திறனும் உள்ளவர்களால் மட்டுமே சாத்தியம். அப்படி கண்டுபிடித்தா நீங்கள் செம ஷார்ப் பாஸ். இந்த படத்தில் சிறுத்தை எங்கே இருக்கிறது என கண்டுபிடிக்க நீங்கள் ஒருமுறை முயற்சி செய்து பாருங்கள்.

ஆப்டிகல் இல்யூஷன் படம் இணையத்திலும் சமூக ஊடகங்களிலும் ஒரு பெரிய ராட்சத காந்தம்போல நெட்டிசன்களை ஈர்த்து வைரலாகி வருகிறது. ஆப்டிகல் இல்யூஷன் படங்களில் அப்படி என்ன சுவாரசியம் இருக்கிறது என்று கேட்கிறீர்களா? பொதுவாக மனிதர்களுக்கு தேடலில் ஒரு சுவாரசியம் இருக்கிறது. அது எந்த அளவுக்கு சுவாரசியமானது என்றால், ஆப்டிகல் இல்யூஷன் படத்தில் நீங்கள் கண்டுபிடிக்க வேண்டிய விலங்கை தேடும்போது, நீங்கள் பார்த்துக் கொண்டிருக்கும் போதே உங்கள் கண்களை ஏமாற்றும் கண்கட்டி வித்தையாக இருக்கும். உங்களை மூளையைக் குழப்பி முழியைப் பிதுக்கும். ஆனால், நீங்கள் விடையைக் கண்டுபிடித்துவிட்டீர்கள் என்றால் உங்களை உற்சாகத்தில் ஆழ்த்தும்.

இந்த படம் MEDIA DRUM IMAGES என்ற தளத்தில் வெளியாகி உள்ளது. இந்த படத்தை லாப நோக்கம் இல்லாமல் பொழுதுபோக்கிற்காக பயன்படுத்துகிறோம். இந்த ஆப்டிகல் இல்யூஷன் படத்தில் பாறைகள் இடையே மறைந்திருக்கும் சிறுத்தைகளை 5  வினாடிகளில் கண்டுபிடிக்க முடியுமா? கூர்மையான பார்வையும் நுட்பமாக கவனிக்கும் திறனும் உள்ளவர்களால் மட்டுமே சாத்தியம். அப்படி கண்டுபிடித்தா நீங்கள் செம ஷார்ப் பாஸ். இந்த படத்தில் சிறுத்தை எங்கே இருக்கிறது என கண்டுபிடிக்க நீங்கள் ஒருமுறை முயற்சி செய்து பாருங்கள்.

நீங்கள் இந்நேரம் பாறைகள் இடையே மறைந்திருக்கும் சிறுத்தைகளைக் கண்டுபிடித்து விட்டிருப்பீர்கள் என்று நம்புகிறோம். ஆப்டிகல் இல்யூஷன் சவால்களைத் தீர்ப்பதில் நீங்கள் செம ஷார்ப்தான். உங்களுக்கு பாராட்டுகள். 

ஆனால், பலரும் இந்த படத்தில் பாறைகள் இடையே சிறுத்தை இல்லை என்று கூறுகிறார்கள். சிறுத்தைகளை அடையாளம் காண முடியவில்லை என்றால் உங்களுக்கு உதவி செய்ய ஒரு குறிப்பு தருகிறோம். இந்த படத்தை நன்றாக ஜூம் செய்து கவனமாகப் பாருங்கள் சிறுத்தைகளைக் கண்டுபிடித்துவிடலாம். 

இப்போது நீங்கள் மிகவும் எளிதாக சிறுத்தைகளைக் கண்டுபிடித்துவிட்டிருப்பீர்கள். உங்களுக்கும் பாராட்டுகள். ஆனாலும், சிலர் இன்னும் கண்டுபிடிக்க முடியவில்லை என்று கூறுகிறார்கள். அவர்களுக்காக இந்த படத்தில் சிறுத்தைகள் எங்கே இருக்கிறது என்று வட்டமிட்டுக் காட்டுகிறோம். இதோ பாருங்கள், 2 சிறுத்தைகள் இருக்கிறது.

ஆப்டிகல் இல்யூஷன் படங்கள் வெறுமனே இணையப் பொழுதுபோக்கு புதிர் விளையாட்டுகளாக மட்டுமில்லாமல், கண்ணுக்கும் மூளைக்கும் பயிற்சி அளிக்கும் விளையாட்டுகளாக இருப்பதால் தமிழ் இந்தியன் எக்ஸ்பிரஸ் தளத்தில் நிறைய ஆப்டிகல் இல்யூஷன் படங்களைப் பார்த்து பயிற்சி செய்யுங்கள்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

சென்னை எழும்பூர் ரயில் நிலையத்தில் இருந்து நெல்லை செல்லும் ரயிலில் ஏப். 6 ஆம் தேதி இரவு, உரிய ஆவணங்களின்றி கொண்டு செல்ல முயன்ற ரூ. 4 கோடி மதிப்பிலான ரொக்கப் பணத்தை தாம்பரம் ரயில் நிலையத்தில் போலீசார் பறிமுதல் செய்தனர்.

இது தொடர்பாக புரசைவாக்கம் தனியார் விடுதி மேலாளரும் பாஜக உறுப்பினருமான சதீஷ், அவரின் சகோதரர் நவீன் மற்றும் லாரி ஓட்டுநர் பெருமாள் ஆகிய 3 பேரும் கைது செய்யப்பட்டனர்.

திருநெல்வேலி மக்களவைத் தொகுதி பாஜக வேட்பாளர் நயினார் நாகேந்திரனுக்கு, இந்த பணத்தைக் கொண்டு செல்ல முயன்றதாக மூவரும் வாக்குமூலம் கொடுத்ததாகத் தகவல் வெளியாகி இருந்தது.

இந்த வழக்கில் நயினார் நாகேந்திரனுக்கு சம்மன் அனுப்பப்பட்டு உள்ளது.
இதற்கிடையில், போலீசாரின் முதல் தகவல் அறிக்கையில், “பறிமுதல் செய்யப்பட்ட ரூ. 4 கோடி, நயினார் நாகேந்திரனுக்கு சொந்தமான பணம். வாக்காளர்களுக்கு கொடுக்கத்தான் பணத்தை எடுத்து சென்றதாக கைது செய்யப்பட்ட நபர்கள் வாக்குமூலம் அளித்துள்ளனர்” எனக் கூறப்பட்டுள்ளது.

இந்த நிலையில் வழக்கை சி.பி.சி.ஐ.டி போலீசாருக்கு மாற்றி தமிழ்நாடு அரசு உத்தரவு பிறப்பித்துள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

இயக்குனர் ஹரி இயக்கத்தில் விஷால் நடித்துள்ள ரத்னம் படம் உலகம் முழுவதும் வெளியாகியுள்ள நிலையில், தமிழகத்தில் திருச்சி மற்றும் தஞ்சாவூர் பகுதியில் வெளியாகவில்லை.

தமிழ் சினிமாவில் ஸ்பீடு இயக்குனர் என்று அழைக்கப்படும் ஹரி இயக்கத்தில் விஷால் நடித்துள்ள படம் ரத்னம். இவர்கள் இருவரும் ஏற்கனவே இணைந்த தாமிரபரணி மற்றும் பூஜை ஆகிய திரைப்படங்கள் ரசிகர்கள் மத்தியில் நல்ல வரவேற்பை பெற்றிருந்த்தால் ரத்னம் படத்திற்கு பெரிய எதிர்பார்ப்பு எழுந்துள்ளது. இந்த படத்தில் பிரியா பவானி சங்கர் நாயகியாக நடித்துள்ளார்.

இந்த படம் உலகம் முழுவதும் இன்று வெளியான நிலையில், தமிழகத்தின் திருச்சி மற்றும் தஞ்சாவூர் பகுதியில் ரத்னம் படம் வெளியாகவில்லை. முன்னாக நேற்று ஆடியோ ஒன்றை வெளியிட்டிருந்த நடிகர் விஷால் ரத்னம் படம் வெளியீட்டுக்கு எதிராக கட்டப்பஞ்சாயத்து நடப்பதாக கடுமையாக குற்றம் சாட்டியிருந்தார். இதனால் படம் திட்டமிட்டபடி வெளியாகுமா என்ற கேள்வி எழுந்த நிலையில், விஷால் குறிப்பிட்ட ஏரியாவை தவிர மற்ற இடங்களில் படம் வெளியாகியுள்ளது.

விஷால் நடித்துள்ள ரத்னம் திரைப்படம் திருச்சி-தஞ்சாவூர் பகுதியில் வெளியாகவில்லை. திருச்சி-தஞ்சாவூர் நாடக சங்கத்தைச் சேர்ந்த ஒருவர் அளித்த புகாரின் பேரில், படத்தின் மீது சங்கம் நடவடிக்கை எடுத்து, படத்தை தங்கள் பகுதியில் வெளியிட தடை விதித்துள்ளனர். இது படத்திற்கு கடைசி நிமிட பிரச்சனையாக இருந்ததால் விஷால் அதிர்ச்சியடைத்த நிலையில், இது குறித்து அறிக்கை ஒன்றை வெளியிட்டுள்ளார்.

And finally #kattapanchayath is up and going without any fear or remorse which means that Tamil cinema and Tamil cinema producers in particular are in for a rollercoaster ride this year. Dearest executive members of #TTAREA theatre association u hav created a very big impact by…

— Vishal (@VishalKOfficial) April 26, 2024

"இறுதியாக எந்த பயமும் வருத்தமும் இல்லாமல் கட்டப்பஞ்சாயத்து முன்னேறி வருகிறது, தமிழ் சினிமாவும் குறிப்பாக தமிழ் சினிமா தயாரிப்பாளர்களும் இந்த ஆண்டு ரோலர்கோஸ்டர் பயணத்தில் உள்ளனர். அன்பான நிர்வாக உறுப்பினர்கள் திருச்சி தஞ்சாவூர் தியேட்டர் அசோசியேஷன், நீங்கள் கங்காரு நீதிமன்றங்கள் இருப்பதை உறுதி செய்துள்ளீர்கள். ஆனால் என்னை போன்ற போராளிகளை வீ்ழ்த்த முடியாது. சற்று தாமதமானாலும் நிச்சயம் உங்களை நீதியின் மூலம் வீழ்த்துவேன்

எல்லா தயாரிப்பாளர்களுக்கும் குடும்பங்கள் உள்ளன. மேலும் திரைப்படங்களை ஒரு பொழுதுபோக்குக்காக எடுப்பது அல்ல. தயாரிப்பாளர்கள் தங்களின் வாழ்வாதாரத்திற்காக இங்கு வந்திருக்கிறார்கள். தயாரிப்பாளர் சங்கத்திற்கு நன்றி. நீங்கள் தயாரிப்பாளருகளுக்காக பல சங்கங்கள் வைத்திருப்பது உங்கள் அனைவருக்கும் அவமானம் என்று தனது எக்ஸ் பக்கத்தில் பதிவிட்டுள்ளர்.

 Supreme Court Of India | Election Commission: தேர்தல்களில் விவிபாட் (VVPAT) எனப்படும் ஒப்புகை சீட்டு எந்திரங்களில் ஏதேனும் சில எந்திரங்களில் பதிவான ஒப்புகை சீட்டுகள் மட்டுமே எண்ணப்படுகின்றன. அனைத்து ஒப்புகை சீட்டுகளையும் எண்ணி, மின்னணு ஓட்டுப்பதிவு எந்திரங்களில் (EVM) பதிவான ஓட்டுகளுடன் சரிபார்க்க உத்தரவிடக்கோரி உச்சநீதிமன்றத்தில் 3 அமைப்புகள் மனுக்கள் தாக்கல் செய்தன.

ஆங்கிலத்தில் படிக்கவும்: Supreme Court VVPAT judgment: What has changed — and not changed?

இந்த மனுக்களை நீதிபதிகள் சஞ்சீவ் கன்னா, திபங்கர் தத்தா ஆகியோர் அடங்கிய அமர்வு விசாரித்தது. இந்த வழக்கில் கடந்த சில நாட்களாக பரபரப்பு வாதங்கள் நடைபெற்றது. இரு தரப்பு வாதங்களையும் கேட்ட உச்சநீதிமன்றம் தீர்ப்பை இன்றைக்கு ஒத்திவைத்தது. அதன்படி, இந்த வழக்கில் இன்று தீர்ப்பளித்த உச்சநீதிமன்றம், அனைத்து மனுக்களையும் தள்ளுபடி செய்து உத்தரவிட்டுள்ளது. ஆணையத்தை கண்மூடித்தனமாக நம்பாமல் இருப்பதும் சந்தேகத்திற்கு வழிவகுக்கும் என்று உச்சநீதிமன்றம் தெரிவித்துள்ளது.

"மூன்று கோரிக்கைகள் எடுக்கப்பட்டுள்ளன. நாங்கள் ஒப்புகை சீட்டு முறைக்குத் திரும்ப வேண்டும், விவிபாட் இயந்திரத்தில் அச்சிடப்பட்ட சீட்டுகளை வாக்காளர்களுக்குச் சரிபார்த்து வாக்குப் பெட்டியில் வைக்க வேண்டும், மேலும் விவிபாட் 100% எண்ணப்பட வேண்டும். மின்னணு எண்ணுடன் கூடுதலாக சீட்டுகள்… நடைமுறையில் உள்ள நெறிமுறைகள், தொழில்நுட்ப அம்சங்கள் மற்றும் பதிவில் உள்ள தரவு ஆகியவற்றைக் குறிப்பிட்டு அவை அனைத்தையும் நாங்கள் நிராகரிக்கிறோம், ”என்று நீதிபதிகள் சஞ்சீவ் கன்னா மற்றும் தீபாங்கர் தத்தா ஆகியோர் அடங்கிய அமர்வு கூறியது.

மேலும், அதில் குறிப்பிட்ட சில மாற்றங்களைச் செய்ய உச்ச நீதிமன்றம் உத்தரவிட்டது. அப்படி என்ன மாறிவிட்டது? எவை மாறவில்லை என்பதை இங்கு பார்க்கலாம். 

எது மாறவில்லை?

வாக்காளர்களுக்கு, உச்ச நீதிமன்ற தீர்ப்பு எந்த மாற்றத்தையும் கொண்டு வரவில்லை. 100% இயந்திரங்கள்  விவிபாட் யூனிட் உடன் இணைக்கப்பட்டு மின்னணு ஓட்டுப்பதிவு எந்திரங்களைப் பயன்படுத்தி வாக்குப்பதிவு தொடர்ந்து நடைபெறும். மேலும், தற்போதுள்ள விதிகளின்படி, தோராயமாக தேர்ந்தெடுக்கப்பட்ட ஐந்து சட்டமன்ற தொகுதிகள் அல்லது தொகுதிகளின் விவிபாட் சீட்டுகள் மின்னணு ஓட்டுப்பதிவு எந்திரங்களின் எண்ணிக்கையுடன் சரிபார்க்க கணக்கிடப்படும்.

இந்த வழக்கின் மனுதாரரான ஜனநாயக சீர்திருத்தங்களுக்கான சங்கம், விவிபாட் சீட்டுகளை 100% எண்ண வேண்டும் என்று உச்சநீதிமன்றத்தில் கோரியது.

என்ன மாறிவிட்டது?

தேர்தல் ஆணையம் (EC) வாக்குப்பதிவை எவ்வாறு ஒழுங்கமைக்கிறது என்பதில் பெரிய மாற்றம் இல்லை என்றாலும், தேர்தலுக்குப் பிந்தைய சில புதிய நடைமுறைகளைக் கடைப்பிடிக்குமாறு உச்ச நீதிமன்றம் தேர்தல் ஆணையத்திற்கு உத்தரவிட்டது.

முதன்முதலில், முடிவுகள் அறிவிக்கப்பட்ட பிறகு 45 நாட்களுக்கு குறியீட்டு ஏற்றுதல் அலகுகளை (எஸ்.எல்.யூ - SLUs) சீல் வைக்கவும், சேமிக்கவும் நீதிமன்றம் தேர்தல் ஆணையத்துக்கு வழிகாட்டுதல்களை வழங்கியது. எஸ்.எல்.யூ-கள் நினைவக அலகுகள் ஆகும். அவை முதலில் ஒரு கணினியில் தேர்தல் சின்னங்களை ஏற்றுவதற்கு இணைக்கப்பட்டு, பின்னர் விவிபாட்  இயந்திரங்களில் வேட்பாளர்களின் சின்னங்களை உள்ளிட பயன்படுகிறது. இந்த எஸ்.எல்.யூ-கள் மின்னணு ஓட்டுப்பதிவு எந்திரங்களைப் போலவே திறக்கப்பட்டு, ஆய்வு செய்யப்பட்டு, கையாளப்பட வேண்டும்.

ஒரு சட்டமன்றத் தொகுதிக்கு விவிபாட்களில் சின்னங்களை ஏற்றுவதற்கு ஒன்று முதல் இரண்டு எஸ்.எல்.யூ-கள் பயன்படுத்தப்படுகின்றன. இவை தொடர்பாக ஏதேனும் தேர்தல் மனுக்கள் இருந்தால், 45 நாட்களுக்கு இவை சேமிக்கப்படும் என்று தேர்தல் ஆணைய வட்டாரங்கள் தெரிவித்தன.

மேலும், தேர்தல் ஆணையம் விண்ணப்பதாரர்கள் மின்னணு ஓட்டுப்பதிவு எந்திரங்களின் சரிபார்ப்பைப் பெற மீண்டும் முதல் முறையாக அனுமதித்துள்ளது. இரண்டாவது அல்லது மூன்றாவதாக வரும் வேட்பாளர்கள், ஒவ்வொரு நாடாளுமன்றத் தொகுதியின் சட்டமன்றப் பகுதியிலும் 5% மின்னணு ஓட்டுப்பதிவு எந்திரங்களில் எரிந்த நினைவக செமிகண்ட்ரோலர்களை சரிபார்க்கும்படி கேட்கலாம். வேட்பாளரின் எழுத்துப்பூர்வ கோரிக்கைக்கு பிறகு இந்த சரிபார்ப்பு செய்யப்படும் மற்றும் மின்னணு ஓட்டுப்பதிவு எந்திர உற்பத்தியாளர்களின் பொறியாளர்கள் குழுவால் மேற்கொள்ளப்படும்.

உச்சநீதிமன்ற தீர்ப்பின்படி, வேட்பாளர்கள் அல்லது பிரதிநிதிகள் வாக்குச்சாவடி அல்லது வரிசை எண் மூலம் மின்னணு ஓட்டுப்பதிவு எந்திரங்களை அடையாளம் காண முடியும். முடிவுகள் அறிவிக்கப்பட்ட 7 நாட்களுக்குள் சரிபார்ப்புக்கான கோரிக்கையை சமர்ப்பிக்க வேண்டும். மேலும், வேட்பாளர்கள் செலவுகளை ஏற்க வேண்டும், மின்னணு ஓட்டுப்பதிவு எந்திரத்தில் முறைகேடு கண்டறியப்பட்டால் அது திரும்பப் பெறப்படும் என்று உச்சநீதிமன்றம் கூறியது.

உச்சநீதிமன்றம் வழங்கிய பிற பரிந்துரைகள் என்ன?

இந்த இரண்டைத் தவிர, விவிபாட் சீட்டுகளை மனிதர்களைக் காட்டிலும் எண்ணும் இயந்திரத்தைப் பயன்படுத்தி எண்ணலாம் என்ற ஆலோசனையை தேர்தல் ஆணையம் "ஆய்வு" செய்யலாம் என்று உச்சநீதிமன்றம் கூறியது. விவிபிஏடி சீட்டுகளில் பார்கோடு அச்சிடப்பட்டிருக்கலாம், இது இயந்திரத்தை எண்ணுவதை எளிதாக்கும் என்று விசாரணையின் போது பரிந்துரைக்கப்பட்டது. இது தொழில்நுட்ப அம்சம் என்பதால் மதிப்பீடு தேவைப்படுவதால், எந்த வகையிலும் கருத்து தெரிவிப்பதைத் தவிர்த்துவிட்டதாகவும் உச்சநீதிமன்றம் கூறியது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

மொறு மொறு உளுந்து வடை, இப்படி செய்து பாருங்க. செம்ம சுவையா இருக்கும்.

தேவையான பொருட்கள்

1 ½ கப் உளுந்து

1 ½ டேபிள் ஸ்பூன் பச்சரிசி

அரை ஸ்பூன் இஞ்சி நறுக்கியது

அரை ஸ்பூன் சீரகம்

1 ஸ்பூன் மிளகு இடித்தது

2 ஸ்பூன் தேங்காய் நறுக்கியது

1 கொத்து கருவேப்பில்லை

2 ஸ்பூன் பச்சை மிளகாய் நறுக்கியது

உப்பு

செய்முறை: உளுந்தில், பச்சரிசி சேர்த்து தேய்த்து கழுவ வேண்டும். இப்படி இரண்டு முறை தேய்த்து அலச வேண்டும். தொடர்ந்து இதில் தண்ணீர் சேர்த்து 3 மணி நேரம் ஊற வைக்கவும். தொடர்ந்து இதை குளிரான தண்ணீர் சேர்த்து அரைத்துகொள்ளவும். அரிசி நன்றாக அரைபடாமல் அரைத்துகொள்ளவும். அரைத்த மாவை வழித்து எடுத்து ஒரு பாத்திரத்தில் மாற்றவும். இதை நன்றாக பீட்டர் வைத்து அடித்துகொள்ளவும். தொடர்ந்து இதில் தேங்காய் நறுக்கியது, மிளகு, பச்சை மிளகாய், இஞ்சி, சீரகம், உப்பு சேர்த்து கிளரவும். எண்ணெய்யில் முதலில் பாதி வேகும் வரை பொறிக்கவும். தொடர்ந்து இரண்டாவது முறையாக பொறித்து எடுக்கவும்.

IPL 2024 | Kolkata Knight Riders | Punjab Kings: 17-வது ஐ.பி.எல். (இந்தியன் பிரீமியர் லீக் - 2024) டி-20 கிரிக்கெட் திருவிழா இந்திய மண்ணில் கடந்த மார்ச் 22 தொடங்கி விறுவிறுப்பாக நடைபெற்று வருகிறது. இந்த தொடரில் இன்று (வெள்ளிக்கிழமை) இரவு 7:30 மணிக்கு கொல்கத்தா ஈடன் கார்டன் மைதானத்தில் நடைபெறும் 42-வது லீக் ஆட்டத்தில் கொல்கத்தா நைட் ரைடர்ஸ் - பஞ்சாப் கிங்ஸ் அணிகள் மோத உள்ளன. 

ஆங்கிலத்தில் படிக்கவும்: KKR vs PBKS Live Score, IPL 2024

நடப்பு சீசனில் கொல்கத்தா அணி இதுவரை 7 ஆட்டங்களில் ஆடி 5 வெற்றி, 2 தோல்வியுடன் 10 புள்ளிகளுடன் புள்ளிகள் பட்டியலில் 2வது இடத்தில் வலுவான நிலையில் உள்ளது. மறுபுறம், பஞ்சாப் அணி  8 ஆட்டங்களில் ஆடி 2 வெற்றி, 6 தோல்வியை சந்தித்து 4 புள்ளிகளுடன் 9வது இடத்தில் உளள்து. 

பஞ்சாப் அணியைப் பொறுத்தவரையில், அந்த அணி மீதமுள்ள 6 ஆட்டங்களிலும் வெற்றி பெற்றால் மட்டும் பிளே-ஆப் வாய்ப்பில் நீடிக்க முடியும். ஆதலால், தொடரில் உயிப்புடன் வெற்றி பெற கடுமையாக போராடும். அதற்கு முட்டுக்கட்டை போடவே உள்ளூர் சூழல் ஆதரவுடன் களமாடும் கொல்கத்தா நினைக்கும். எனவே, இவ்விரு அணிகள் மோதும் இன்றைய ஆட்டத்தில் விறுவிறுப்புக்கு குறைவிருக்காது. 

நேருக்கு நேர் 

கொல்கத்தா - பஞ்சாப் அணிகள் இதுவரை 32 முறை நேருக்கு நேர் மோதி இருக்கின்றன. இதில் கொல்கத்தா 21 ஆட்டத்திலும், பஞ்சாப் 11 ஆட்டத்திலும் வெற்றி பெற்றுள்ளன. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

மணல் குவாரி முறைகேடு வழக்கில் உச்ச நீதிமன்ற உத்தரவுப்படி, திருச்சி, தஞ்சாவூர், கரூர், அரியலூர், வேலூர் ஆகிய 5 மாவட்ட ஆட்சியர்களும் சென்னையில் அமலாக்கத் துறை அலுவலகத்தில் ஆஜராகினர். அவர்களிடம் 10 மணி நேரத்துக்கு மேலாக தீவிர விசாரணை நடத்தப்பட்டது. அவர்கள் அளித்த பதில்கள் வீடியோவாக பதிவு செய்யப்பட்டுள்ளது.

தமிழகத்தில் உள்ள பல்வேறு மணல் குவாரிகளில் அரசு நிர்ணயம் செய்ததைவிட அதிக அளவில் மணல் அள்ளப்பட்டு, சட்ட விரோதமாக விற்பனை செய்யப்படுவதாகவும், மணல் குவாரிகளில் கிடைத்த வருமானம் மூலம் சட்டவிரோத பணப் பரிமாற்றங்கள் நடந்ததாகவும் குற்றச்சாட்டு எழுந்தது.

இதையடுத்து, தமிழகத்தின் பல்வேறு பகுதிகளிலும் உள்ள 8 மணல் குவாரிகள் உட்பட 34 இடங்களில் அமலாக்கத் துறை அதிகாரிகள் கடந்த 2023 செப்டம்பர் 12-ம் தேதி சோதனை நடத்தினர்.

குறிப்பாக, இதில் தரகர்களாக செயல்பட்டு வந்த தொழிலதிபர்கள், நீர்வளத் துறை அதிகாரிகள், ஒப்பந்ததாரர்களின் வீடுகளில் சோதனை நடத்தப்பட்டது. இதில் கணக்கில் வராத பணம், அசையும் சொத்துகள், அசையா சொத்துகளை முடக்கி, பல்வேறு முக்கிய ஆவணங்களையும் அதிகாரிகள் கைப்பற்றினர்.

சுமார் ரூ.4,000 கோடிக்கு சட்டவிரோதமாக மணல் அள்ளப்பட்டு வருவாய் ஈட்டப்பட்டுள்ளதாக அமலாக்கத் துறை தரப்பில் தெரிவிக்கப்பட்டது.

இதைத் தொடர்ந்து, திருச்சி, தஞ்சாவூர், கரூர், அரியலூர், வேலூர் ஆகிய 5 மாவட்ட ஆட்சியர்கள் மற்றும் சில அதிகாரிகள் நேரில் ஆஜராகுமாறு அமலாக்கத் துறை சம்மன் அனுப்பியது. இதன்படி, தமிழக நீர்வளத் துறை முதன்மை பொறியாளர் முத்தையா பல்வேறு ஆவணங்களுடன் ஏற்கெனவே ஆஜராகி விளக்கம் அளித்தார்.

இந்த நிலையில், அமலாக்கத் துறை சம்மனை எதிர்த்து 5 மாவட்ட ஆட்சியர்களும் சென்னை உயர் நீதிமன்றத்தில் வழக்கு தொடர்ந்தனர். இந்த வழக்கை விசாரித்த உயர் நீதிமன்றம், அமலாக்கத் துறையின் சம்மனுக்கு இடைக்கால தடை விதித்து உத்தரவிட்டது.

இந்த உத்தரவுக்கு எதிராக உச்ச நீதிமன்றத்தில் அமலாக்கத் துறை மேல்முறையீடு செய்தது. மனுவை உச்ச நீதிமன்றம் விசாரித்து, உயர் நீதிமன்ற உத்தரவுக்கு இடைக்கால தடை விதித்ததோடு, அமலாக்கத் துறை விசாரணைக்கு 5 மாவட்ட ஆட்சியர்களும் ஏப்ரல் 25-ம் தேதி(நேற்று) ஆஜராக உத்தரவிட்டது.

இந்நிலையில், உச்ச நீதிமன்ற உத்தரவின்படி, எம்.பிரதீப்குமார் (திருச்சி), தீபக் ஜேக்கப் (தஞ்சாவூர்), எம்.தங்கவேலு (கரூர்), ஜெ.ஆனிமேரி ஸ்வர்ணா (அரியலூர்), வி.ஆர்.சுப்புலட்சுமி (வேலூர்)ஆகிய 5 மாவட்ட ஆட்சியர்களும் மணல் குவாரி தொடர்பான ஆவணங்களுடன் சென்னை நுங்கம்பாக்கத்தில் உள்ள அமலாக்கத் துறை அலுவலகத்தில் நேற்று காலை 10.30 மணிக்கு ஆஜராகினர்.

இந்த வழக்கை விசாரிக்கும் அதிகாரி அருகில் உள்ள கிளை அலுவலகத்தில் இருந்ததால், 5 பேரும் அங்கு சென்றனர். அவர்களிடம் தனித்தனியாக விசாரணை நடத்தப்பட்டது.

சட்டவிரோதமாக மணல் அள்ளப்பட்ட விவகாரத்தில் ஆட்சியர் என்ற முறையில் என்ன நடவடிக்கை எடுத்தீர்கள், டெண்டர் அடிப்படையில்தான் மணல் அள்ளப்பட்டதா, அவை முறையாக கண்காணிக்கப்பட்டதா என்பது உட்பட பல்வேறு கேள்விகள் கேட்கப்பட்டன. அதற்கு ஆட்சியர்கள் அளித்த பதில், வீடியோவாக பதிவு செய்யப்பட்டது. 10 மணி நேரத்துக்கு மேல் நடந்த விசாரணை இரவு வரை நீடித்தது.

குவாரிகளில் சோதனையின்போது கைப்பற்றிய ஆவணங்கள், ஆட்சியர்கள் கொண்டு வந்த ஆவணங்கள் ஆகியவை சரிபார்க்கப்பட்டு, அதன் அடிப்படையில் தொடர்ந்து விசாரணை நடத்தப்படும் என்று அமலாக்கத் துறை அதிகாரிகள் தரப்பில் தெரிவிக்கப்பட்டுள்ளது.

இருந்த போதும் நாட்டில் முதன்முறையாக அமலாக்கத்துறை ஆணையத்தில் மாவட்ட ஆட்சியர்கள் விசாரணைக்கு அழைத்துச் செல்லப்பட்டு அழைக்கவைக்கப்பட்ட சம்பவம் பல்வேறு கேள்விகளை எழுப்பியுள்ளது. மணல் மாபியாக்களின் கைப்பாவையாக அமைச்சர்கள் செயல்பட்டனதா என்று பல்வேறு தரப்பு எனவும் கேள்விகளை எழுப்பியுள்ளனர் என்பது குறிப்பிடத்தக்கது.

செய்தி: க.சண்முகவடிவேல்

Weather Forecast Report | John Pradeep | தமிழ்நாட்டில் கோடை வெப்பம் தின்ந்தோறும் அதிகரித்து வருகிறது. பல இடங்களில் 100 டிகரி பாரன்ஹீட் குறையாமல் வெப்பம் பதிவாகி வருகிறது.
இதனால் மக்கள் கடுமையாக பாதிக்கப்பட்டுள்ளனர். பகல் நேரங்களில் வீடுகளுக்கு உள்ளே முடங்கி உள்ளனர். குறிப்பாக ஈரோடு, மதுரை, சேலம், நாமக்கல் உள்ளிட்ட மாவட்டங்களில் வெயில் கடுமையாக உள்ளது.

இதனால் பகல் நேரங்களில் மக்கள் காரணம் இன்றி வெளியில் செல்ல வேண்டாம் என்றும் வெளியில் செல்வதை தவிர்க்க வேண்டும் என்றும் வானிலை மையம் அறிவுறுத்தி உள்ளது.
இநத நிலையில், தமிழ்நாடு உள்பட 5 மாநிலங்களில் வெப்ப அலை வீசக்கூடும் என இந்திய வானிலை ஆய்வு மையம் மஞ்சள் எச்சரிக்கை விடுத்துள்ளது.
அந்த மஞ்சள் எச்சரிக்கை பட்டியலில், தமிழ்நாடு, கர்நாடகா, உத்தரப் பிரதேசம், ஒடிசா, பீகார் ஆகிய மாநிலங்கள் உள்ளன.

இந்த நிலையில் தமிழ்நாட்டில் மே1ஆம் தேதி முதல் வெப்ப அலை அதிகரிக்கக் கூடும் என தனியார் வானிலை ஆய்வாளர் பிரதீப் ஜான் கூறியுள்ளார்.
இது குறித்து அவர், தமிழ்நாட்டில் மே1ஆம் தேதி முதல் 4ஆம் தேதிவரை வெப்ப அலை அதிகரித்து காணப்படும். காஞ்சிபுரம், திருவள்ளூர், சேலம், ஈரோடு, நாமக்கல், திருச்சி, கரூர் உள்ளிட்ட மாவட்டங்களில் வெப்ப அலை அதிகமாக வீசும்” எனத் தெரிவித்துள்ளார்.

கடந்த வாரம் கோடை வெப்பத்தை தணிக்கும் வகையில் ஆங்காங்கே சில மாவட்டங்களில் கனமழை பெய்தது. குறிப்பாக தென் மாவட்டங்களில் மழை பெய்தது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

Share Market News Today | Sensex | Nifty | Share Prices | இந்தியப் பங்குச் சந்தை பெஞ்ச்மார்க் ஈக்விட்டி குறியீடுகள் ஏப்ரல் 26 வெள்ளிக்கிழமை வர்த்தக அமர்வை உயர்வில் நிறைவு செய்தன.
தேசிய பங்குச் சந்தை (NSE) நிஃப்டி-50 150 புள்ளிகள் அல்லது 0.67% இழந்து 22,420 இல் நாள் வர்த்தகத்தை முடித்தது.
அதே நேரத்தில், மும்பை பங்குச் சந்தை (BSE) சென்செக்ஸ் 609 புள்ளிகள் அல்லது 0.82% பின்வாங்கி 73,730.16 இல் முடிந்தது.

பஜாஜ் ஃபின்சர்வ்

நிஃப்டி மிட்கேப் 395.60 புள்ளிகள் அல்லது 0.79% உயர்ந்து 50,624.10 இல் நிலைபெற்றன. அதேநேரத்தில், பஜாஜ் ஃபின்சர்வின் நிகர லாபம் ரூ. 2,118.53 ஆக உயர்ந்துள்ளது. இது FY24 இன் நான்காவது காலாண்டில் கிட்டத்தட்ட 20% அதிகமாகும்.

இது FY24 இன் Q4 இல் தெரிவித்த ரூ.1,768.95 கோடியுடன் ஒப்பிடுகையில். நிறுவனத்தின் நிகர வட்டி வருமானம் Q4 FY24 இல் 32.8% உயர்ந்து ரூ.14,649.29 கோடியாக உள்ளது.
அதேகாலாண்டில் கடந்த ஆண்டு வெளியிடப்பட்ட ரூ.11,025.45 கோடியாக இருந்தது.

பங்குகள் நிலவரம்

டெக் மஹிந்திரா, ஹிண்டால்கோ இண்டஸ்ட்ரீஸ், எஸ்பிஐ லைஃப் இன்சூரன்ஸ், ஐடிசி மற்றும் டாடா ஸ்டீல் ஆகியவை என்எஸ்இ நிஃப்டி 50 குறியீட்டில் அதிக லாபம் ஈட்டின.

அதேசமயம், பஜாஜ் ஃபைனான்ஸ், பஜாஜ் ஃபின்ஸ்ஆர்வி, அப்பல்லோ மருத்துவமனைகள், ஐசிஐசிஐ வங்கி மற்றும் கோடக் மஹிந்திரா வங்கி ஆகியவை பின்தங்கியுள்ளன.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

விஷால் – ஹரி கூட்டணியில் தயாராகியுள்ள 3-வது படமாக ரத்னம் இன்று வெளியாகியுள்ள நிலையில், இந்த படம் ரசிகர்கள் எதிர்பார்ப்பை பூர்த்தி செய்ததா? படம் எப்படி உள்ளது என்பதை இந்த பதிவில் பார்ப்போம்.

தமிரபரணி என்ற பெரிய வெற்றிப்படத்தை கொடுத்த நடிகர் விஷால் – இயக்குனர் ஹரி கூட்டணியில் 2-வது வெளியான பூஜை திரைப்படம் நல்ல வரவேற்பை பெற்றிருந்தது. அதனைத் தொடர்ந்து, தற்போது 3-வது முறையாக இணைந்துள்ள படம் ரத்னம். பிரியா பவானி சங்கர், சமுத்திரக்கனி, யோகி பாபு ஆகியோர் முக்கிய கேரக்டரில் நடித்துள்ள இந்த படத்திற்கு தேவி ஸ்ரீ பிரசாத் இசையமைத்துள்ளார்.

பெரிய எதிர்பார்ப்புக்கு மத்தியில் ரத்னம் படம் இன்று வெளியாகியுள்ள நிலையில், படத்தின் விமர்சனம் குறித்து ரசிகர்கள் இணையத்தில் தங்களது கருத்துக்களை பதிவிட்டு வருகின்றனர். இதில் ஹரி எப்போதுமே தனது படங்களில் தனது பெயர் வரும் இடத்தில் கோவில் கோபுரத்தை காட்டுவதை வழக்கமாக வைத்துள்ளார். அந்த வழக்கம் இந்த படத்திலும் தொடர்கிறது.

புஷ்பா 2 படத்திற்கு இசையமைத்து வரும் தேவி ஸ்ரீ பிரசாத் இந்த படத்திற்கு இசையமைத்துள்ளார். அவரது பின்னணி இசை படத்திற்கு பெரிய பலமாக அமைந்துள்ளது. நடிகர்கள் சிறப்பாக நடித்துள்ளனர். ஹரியின் ஸ்பீடு இயக்கம் இந்த படத்திலும் தொடர்கிறது. சண்டை காட்சிகள், செண்டிமெண்ட், ஆக்ஷன், காமெடி என அனைத்திலும் படம் சிறப்பாக வந்துள்ளது. விஷாலுக்கு இன்னொரு வெற்றி என்றும் கருத்துக்களை கூறி வருகின்றனர்.

அதே சமயம், படம் ஆவ்ரேஜ் தான். ஹரியின் வழக்கமான படம் தான். அவரது முந்தைய படங்கள் எப்படி இருக்குமோ அப்படித்தான் இருக்கிறது. காட்சி அமைப்பில் புதுமை இல்லை. வழக்கத்திற்கு மாறான தனது திரைக்கதையில் சில மாற்றங்களை செய்துள்ள ஹரி, அனைத்து தரப்பு ரசிகர்களையும் திருப்திபடுத்த முயற்சித்து அதில் ஓரளவு வெற்றி பெற்றுள்ளார் என்று கலவையான விமர்சனங்களையும் கூறி வருகின்றனர். மேலும் இந்த படத்தின் மூலம் பழைய விஷால் மீண்டும் வந்துவிட்டார் என்று கூறி வருகின்றனர்.

ஒரு முறை ரவை ஆப்பம் மற்றும் அதற்கு தொட்டுக்கொள்ள தேங்காய் சட்னி இப்படி செய்யுங்க.

தேவையான பொருட்கள்

அவல் – ¾ கப்

அரை கப் தயிர்

சர்க்க்ரை 2 ஸ்பூன்

அரை ஸ்பூன் உப்பு

2 கப் தண்ணீர்

அரை ஸ்பூன் ஈனோ

செய்முறை : அவலை நன்றாக அரைத்துகொள்ள வேண்டும். இதை ஒரு பாத்திரத்தில் சேர்த்து தயிர், சர்க்கரை, உப்பு, தண்ணீர், ஈனோ சேர்த்து கிளர வேண்டும். அரை மணி நேரம் கழித்து நாம் ரவா ஆபத்தை ஊற்றி சுட்டு எடுக்கலாம்.

தேங்காய் சட்னி

தேவையான பொருட்கள்

1 கப் தேங்காய்

2 ஸ்பூன் பொட்டுக்கடலை

2 பச்சை மிளகாய்

கொஞ்சம் புளி

கடுகு கால் ஸ்பூன்

எண்ணெய்

கருவேப்பிலை

வத்தல் 2

செய்முறை: தேங்காய், பொட்டுக்கடலை, புளி, பச்சை மிளகாய், தண்ணீர் சேர்த்து அரைத்துகொள்ள வேண்டும். ஒரு பாத்திரத்தில் எண்ணெய் சேர்த்து கடுகு, வத்தல், கருவேப்பிலை சேர்த்து தாளித்துகொட்டவும்.

மலையாள சினிமாவில் முன்னணி நடிகராக தேசிய விருது பெற்ற நடிகர் பிஜூ மேனன், மலையாளத்தில் அடுத்தடுத்து வெற்றிப்படங்களை கொடுத்து வந்த நிலையில், தற்போது 14 வருட இடைவெளிக்கு பிறகு மீண்டும் தமிழ் சினிமாவில் என்டரி ஆக உள்ளார்.

மலையாளத்தில் துணை நடிகராக அறிமுகமாகி முன்னணி நடிகராக உயர்ந்த பிஜூ மேனன், 2005-ம் ஆண்டு விக்ரம் நடிப்பில் வெளியான மஜா திரைப்படத்தின் மூலம் தமிழ் சினிமாவில் அறிமுகமானார். அதனைத் தொடர்ந்து, ஜூன் ஆர், தம்பி, அகரம் பழனி உள்ளிட்ட சில படங்களில் நடித்திருந்தார். இதில் கடந்த 2008-ம் ஆண்டு விஜயகாந்த் நடிப்பில் வெளியான அரசாங்கம் படத்தில் இரட்டை வேடத்தில் நடித்து அசத்தினார்.

அதன்பிறகு கிருஷ்ணா நடிப்பில் வெளியான அலிபாபா படத்தில் நடித்திருந்த பிஜூ மேனன், தமிழில் கடைசியாக போர்க்களம் படத்தில் நடித்திருந்தார். அதன்பிறகு தமிழில் நடிக்கவில்லை என்றாலும், மலையாளத்தில் முன்னணி நடிகராக பல வெற்றிப்படங்களை கொடுத்து வரும் பிஜூ மேனன் 14 வருட இடைவெளிக்கு பின் மீண்டும் தமிழ் சினிமாவில் நடிக்க உள்ளார். சிவகார்த்திகேயன் – ஏ.ஆர்.முருகதாஸ் இணையும் எஸ்.கே 23 படத்தில் பிஜூ மேனன் நடிக்க உள்ளதாக கடந்த சில தினங்களாக தகவல்கள் வெளியாகி வந்தது.

தற்போது இந்த தகவல் உறுதி செய்யப்பட்டுள்ள நிலையில், எஸ்.கே.23 படத்தில் பிஜூ மேனன் முக்கிய கேரக்டரில் நடிக்க உள்ளதாக அதிகாரப்பூர்வ அறிவிப்பு வெளியாகியுள்ளது. இந்த படத்தின் கதை அவருக்கு மிகவும் பிடித்திருந்ததால் ஒரு வருத்திற்கான கால்ஷீட் கொடுத்துள்ளதாகவும், இந்த படத்தில் அவரது கேரக்டருக்கு பெரிய முக்கியத்துவம் இருப்பதாகவும் தகவல் வெளியாகியுள்ளது. பிரபல கன்னட நடிகை ருக்மணி வசந்த் இந்த படத்தில் நாயகியாக நடிக்கிறார்.

ஸ்ரீ லக்ஷ்மி மூவீஸின் என்வி பிரசாத் தயாரிக்கும் இந்த படத்தில் வித்யுத் ஜம்வால் வில்லனாக நடிக்கிறார் என்று தகவல்கள் வெளியாகி வரும் நிலையில், படத்திற்கு அனிருத் ரவிச்சந்தர் இசையமைப்பது உறுதி செய்யப்பட்டுள்ளது.

Kerala Lottery Nirmal NR-377 Draw | மக்களவைத் தேர்தல் வாக்குப்பதிவு காரணமாக, கேரள மாநில லாட்டரித் துறை மாநிலத்தில் நடந்து வரும்  நிர்மல் என்ஆர்-377 அதிர்ஷ்டக் குலுக்கல் முடிவுகளின் அறிவிப்பை ஏப்ரல் 26 வெள்ளிக்கிழமை முதல் ஏப்ரல் 27 சனிக்கிழமை வரை மாற்றியமைத்துள்ளது.

மக்களவை தேர்தல் வாக்குப்பதிவு

இன்று, கேரளாவில் உள்ள 20 நாடாளுமன்ற தொகுதிகளிலும் இரண்டாம் கட்ட தேர்தலில் ஓட்டுப்பதிவு நடைபெறுகிறது. இந்த சிறப்பு லாட்டரி குலுக்கல் திருவனந்தபுரத்தில் பேக்கரி சந்திப்பு அருகே உள்ள கோர்க்கி பவனில் மாலை 3 மணிக்கு நடைபெற்றுவந்தது.

இந்தக் குலுக்கலில் முதல் இடத்தைப் பெறுபவருக்கு ரூ. 70 லட்சமும், இரண்டாவது மற்றும் மூன்றாவது இடத்தைப் பெறுபவர்கள் முறையே ரூ. 10 லட்சம் மற்றும் ரூ. 1 லட்சமும் பெறுகிறார்கள்.

பரிசு விவரம்

• முதல் பரிசு: ரூ 70 லட்சம்
• 2வது பரிசு: ரூ.10 லட்சம்
• 3வது பரிசு: ரூ. 1 லட்சம்
• 4வது பரிசு: ரூ.5,000
• 5வது பரிசு: ரூ 1,000
• 6வது பரிசு: ரூ 500
• 7வது பரிசு: ரூ 100
• ஆறுதல் பரிசு: ரூ.8,000

keralalottery.info என்ற கேரள லாட்டரி துறையின் அதிகாரப்பூர்வ இணையதளத்தைப் பார்வையிடுவதன் மூலம் நிர்மல் NR-377 லாட்டரியின் முடிவுகளைக் காணலாம். மாற்றாக, நீங்கள் கேரள அரசாங்க அரசிதழில் டிக்கெட் எண்களை உடல் ரீதியாக சரிபார்க்கலாம்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

100"சதவிகித மதிப்பெண்கள் பெற்று அகில இந்திய தர வரிசையில்  632"வது இடம் பிடித்த மாணவன் உட்பட 8 மாணவர்கள் 99"சதவிகிதம் பெற்று சாதனை படைத்துள்ளனர்.

 கோவை ஆர்எஸ் புரம் பகுதியில் ஆகாஷ் எஜுகேஷனல் சர்விஸ் பயிற்சி மையம் செயல்பட்டு வருகின்றது. இம்மையத்தில் மாணவர்களுக்கு நீட் தேர்வு, மெடிக்கல், ஐடிஐ, ஜே.இ.இ தேர்வு போன்ற தேர்வுகளை எவ்வாறு எதிர் கொள்வது என சிறப்பு பயிற்சி வழங்கபட்டு வருகின்றது.

 இதற்காக சிறப்பு வாய்ந்த ஆசிரியர்களும் பணியாற்றி வருகின்றனர். இந்த நிலையில் கடந்த சில நாட்களுக்கு முன்னர் ஜே.இ.இ மெயின்ஸ் 2024 எனும்  தேர்வு நடைபெற்றது. இத்தேர்வில் இம்மையத்தில் பயிற்சி பெற்ற 9 மாணவர்கள் 99 சதவீகிதத்திற்க்கும் மேல் மதிப்பெண்கள் பெற்று சாதனை படைத்துள்ளனர்.  அவ்வாறு சாதனை படைத்த மாணவர்களுக்கு பயிற்சி மையத்தில் மேளதாளம் முழங்க சிறப்பு வரவேற்பு அளிக்க பட்டது. மேலும் மாணவர்களுக்கு மலர் தூவியும், மாலை அணிவித்தும் மரியாதை செலுத்தி சிறப்பு பரிசுகள் வழங்கபட்டது.

இதனை தொடர்ந்து 100"சதவிகித மதிப்பெண்கள் பெற்று அகில இந்திய தர வரிசையில்  632"வது இடம் பிடித்த மாணவன் ஸ்ரீ ராம் செய்தியாளர்களிடம் கூறியதாவது: கடந்த இரண்டு ஆண்டுகளாக ஆகாஷ் பயிற்சி மையத்தில் தான் ஜே.இ.இ தேர்வுக்கு தயாராகி வருகின்றதாகவும் இங்கு அளிக்க படும் பயிற்சியும், பள்ளி பாட திட்ட புத்தகங்களும் 98 சதவிகிதம் சேர்ந்தே உள்ளதால் இம்மையத்தில் அளிக்க படும் பயிற்சிகளை மட்டும் முழுமையாக கற்று கொண்டேன். அவ்வாறு கற்றவைகள் தற்போது தன்னை 100 சதவீகிதம் தேர்ச்சியடைய வைத்துள்ளதாக தெரிவித்தார்.

இவருடன் பயிலும் 8 மாணவர்கள் 99"சதவிகிதம் பெற்று சாதனை படைத்துள்ளனர்.அனைத்து மாணவர்களுக்கும் பயிற்சி மைய ஆசிரியர்கள் சக மாணவர்கள் பாராட்டுகளை தெரிவித்து கொண்டனர். இந்த நிகழ்வில் பயிச்சி  மைய முதன்மை கல்வி தலைவர் தீரஜ் மிஸ்ரா, ஆர்.எஸ்.புரம் கிளை மேலாளர் செந்தில் குமார், ஆகாஷ் எஜுகேஷனல் பயிற்சி மைய துணை இயக்குநர் சஞ்சய் காந்தி, பீளமேடு கிளை மேலாளர் நவீன் குமார், உள்ளிட்ட பலர் கலந்து கொண்டு மாணவர்களுக்கு வாழ்த்துக்கள் தெரிவித்தனர் என்பது குறிப்பிடத்தக்கது.

 செய்தி: பி.ரஹ்மான், கோவை

Fixed Deposits | இன்றைய காலகட்டங்களில் ஃபிக்ஸட் டெபாசிட் வட்டி விகிதங்கள் நல்ல முன்னேற்றம் கண்டுவருகின்றன. 7 நாள்கள் முதல் 10 ஆண்டுகள் வரையிலான ஃபிக்ஸட் டெபாசிட் திட்டத்துக்கு வங்கிகள் 3.5 சதவீதம் முதல் 9 சதவீதத்துக்கும் மேல் வட்டி விகிதங்களை வழங்கிவருகின்றன.

அந்த வகையில், ஃபிக்ஸட் டெபாசிட் திட்டத்துக்கு நல்ல வட்டி வழங்கும் 20 வங்கிகளின் பட்டியலை பார்க்கலாம்.

ஃபிக்ஸட் டெபாசிட் திட்டத்தில் குறுகிய கால வைப்பு காலம் 7 நாட்கள் முதல் 12 மாதங்கள் வரை இருக்கலாம். நீண்ட கால வைப்புத்தொகை 1 ஆண்டு முதல் 10 ஆண்டுகள் வரை இருக்கும். வழங்கப்படும் FD வட்டி விகிதங்கள் காலத்தைப் பொறுத்து வங்கிக்கு வங்கி மாறுபடும்.
மேற்கூறியவை தவிர, ஹெச்.டி.எஃப்.சி (HDFC) வங்கியானது பொதுக் குடிமக்களுக்கு 7 நாள்கள் முதல் ஒரு வருடத்திற்கும் குறைவான காலத்திற்கு 3% முதல் 6.00% வரை வட்டி விகிதங்களை வழங்குகிறது.

இதேபோல் ஐ.சி.ஐ.சி.ஐ வங்கியும் பொதுக் குடிமக்களுக்கு 7 நாட்கள் முதல் ஒரு வருடத்திற்கும் குறைவான காலத்திற்கு 3% முதல் 6.00% வரையிலான வட்டி விகிதங்களை வங்கி வழங்குகிறது.
பொதுத்துறை வங்கியான ஸ்டேட் பேங்க் ஆஃப் இந்தியா (SBI) பொது குடிமக்களுக்கு 7 நாள்கள் முதல் ஒரு வருடம் வரை 3% முதல் 5.75% வரை வட்டி விகிதங்களை வழங்குகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

தமிழகம் முழுவதும் கடந்த சில நாட்களாக வெயிலின் தாக்கம் நாளுக்கு நாள் அதிகரித்து வருகிறது. கோடை வெயில் விற்பனையை குறி வைத்து தர்பூசணி பழங்கள் அதிகளவு வியாபாரிகள் கொள்முதல் செய்து விற்பனை செய்து வருகின்றனர்.

தர்பூசணி பழம், உங்கள் உடலுக்கு மட்டுமல்ல, உங்கள் சரும பிரச்சனைகளுக்கு நல்ல தீர்வை தரும்.

நீங்கள் வீட்டில் தயார் செய்யக்கூடிய சில எளிய ஃபேஸ் மாஸ்க் இங்கே உள்ளன;

தர்பூசணி சாறு மற்றும் எலுமிச்சை

வறண்ட சருமம் உள்ளவர்களுக்கு இது மிகவும் பயனுள்ளதாக இருக்கும். இதற்கு, உங்களுக்கு ஒரு தேக்கரண்டி எலுமிச்சை சாறு மற்றும் அரை தேக்கரண்டி தேன் தேவைப்படும். அவற்றை சிறிது தர்பூசணி சாறுடன் கலந்து, முகம் மற்றும் கழுத்தில் தடவவும். குறைந்தபட்சம் 15 நிமிடங்களுக்கு ஃபேஸ் பேக்கை விட்டுவிட்டு, பின்னர் தண்ணீரில் கழுவவும்.

தர்பூசணி சாறு மற்றும் தயிர்

தர்பூசணி மற்றும் தயிர் இரண்டும் சருமத்திற்கு சிறந்தது. சருமத்தின் தன்மையை மேம்படுத்த, குறிப்பாக நீங்கள் ஆன்டி ஏஜிங் ஃபேஸ் மாஸ்க் தேடுகிறீர்களானால், தயிருடன் சிறிது தர்பூசணி சாற்றைக் கலந்து பயன்படுத்தலாம். இதற்கு, உங்களுக்கு ஒரு தேக்கரண்டி தயிர் மற்றும் சிறிது தர்பூசணி சாறு தேவைப்படும். இரண்டையும் ஒரு கிண்ணத்தில் கலந்து பேஸ்ட் செய்த பிறகு, முகம், கை மற்றும் கழுத்தில் தடவவும். 20 நிமிடங்கள் அல்லது அதற்கு மேல் அதை அப்படியே விட்டு, பின்னர் குளிர்ந்த நீரில் கழுவவும்.

தர்பூசணி சாறு மற்றும் தேன்

தர்பூசணி சுவையானது. ஆனால் அதைக் குடிப்பதற்குப் பதிலாக, உங்கள் டேனிங் நீக்குவதற்கு தேனுடன் பயன்படுத்தவும்.

இதற்கு, உங்களுக்கு இரண்டு தேக்கரண்டி குளிர்ந்த தர்பூசணி சாறு மற்றும் இரண்டு ஸ்பூன் தேன் தேவைப்படும். அதை பேஸ்ட் பதத்துக்கு நன்றாக கலக்கவும். இப்போது முகத்தை கழுவிய பிறகு, பேஸ்ட்டை அப்ளை செய்யவும். கூடுதலாக அதை உங்கள் கை மற்றும் கால்களில் தடவலாம். சிறிது நேரம் அப்படியே விட்டு, பிறகு தண்ணீரில் கழுவவும். டேனிங் நீங்கவும், உங்கள் சருமம் பளபளப்பாகவும் இருக்க இதைத் தொடர்ந்து செய்யுங்கள்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

கார்த்திக்கு எதிராக கூட்டு சேர்ந்த உறவுகள்.. நடக்க போவது என்ன?

கார்த்திகை தீபம் சீரியலின் நேற்றைய எபிசோடில் அடிபட்ட தொழிலாளருக்கு உதவிய கார்த்தியை வேலையில் இருந்து தூக்க ஆனந்த் திட்டம் போட்ட நிலையில் இன்று, ஆனந்த் கார்த்தியை வேலையில் இருந்து தூக்க போவதாக சொன்னதும் தொழிலாளர்கள் அவரை வேலையிலிருந்து எடுத்தால் எங்களையும் வேலையிலிருந்து எடுத்து விடுங்க என்று வாக்குவாதம் செய்ய அப்படியே சரி உங்க எல்லாரையும் வேலையிலிருந்து தூக்கிடுறேன் ஆனந்த் சொல்கிறான்.

உடனே அருண் ஆனந்தை தனியாக கூட்டிச் சென்று உனக்கு என்ன பைத்தியம் பிடிச்சிடுச்சா? எல்லாரையும் வேலையை விட்டு தூக்கிட்டா கம்பெனிக்கு பெரிய லாஸ் ஆகிடும். எடுத்திருக்க ஆடரையும் முடிக்க முடியாம போயிடும் என்று திட்ட ஆனந்த் வேறு வழி என்று கார்த்திக்கை வேலையிலிருந்து தூக்கம் முடிவை கை விடுகிறான்.

பிறகு கார்த்திக் சோர்வாக வீட்டுக்கு வர தீபா அவனுக்கு கை கால் பிடித்து விடவா என்று கேட்க கார்த்திக் வேண்டாம் என்று மறுத்ததும் தீபா சோகமாகி வெளியே வர கார்த்திக் அவளது கையைப் பிடித்து இழுத்து ரொமான்ஸ் செய்கிறான். அதன் பிறகு அருண் ஆனந்த் ரியா மற்றும் ஐஸ்வர்யா என நான்கு பேரும் கூட்டு சேர்கின்றனர்.

கார்த்திகை எதுவுமே பண்ண முடியல என்று அருண் சொல்ல ரியா இது அவனுக்கு பழக்கப்பட்ட கம்பெனி, அவன் முதலாளி என்பதால் தொழிலாளர்கள் அவனை விட்டுக் கொடுக்காமல் தான் இருப்பார்கள். அவனை வேற கம்பெனிக்கு அனுப்பனும் என்று சொல்ல ரியா சொல்வதும் சரிதான் என யோசிக்கின்றனர். பிறகு அருண் அப்படி எந்த கம்பெனிக்கு அனுப்புறது என்று யோசிக்க ஆனந்துக்கு ஒரு ஐடியா தோன்றுகிறது. இப்படியான நிலையில் இன்று நடக்கப் போவது என்ன என்பது குறித்து எதிர்பார்ப்பு எழுந்துள்ளது.

அஞ்சலியை பார்க்க ஓடிவந்த சுடர்.. அலேக்காக கடத்திய வேலை

நினைத்தேன் வந்தாய் சீரியலின் நேற்றைய எபிசோடில் தமிழ் வந்தா தான் சாப்பிடுவேன் என்று அஞ்சலி அடம் பிடிக்க இன்று, எழில் அஞ்சலியை சாப்பிடு என்று மிரட்டி சாப்பிட வைக்கிறான். மனோகரி இப்படியே விட்டால் வேலைக்கு ஆகாது என்று வேலுவுக்கு போன் போட்டு இன்னும் என்ன பண்ணிட்டு இருக்க? அதான் சுடரை வீட்டை விட்டு வெளியே துரத்திட்டேன்ல அவ கழுத்துல சீக்கிரம் தாலியை கட்டு என்று சொல்கிறாள். வேலு சுடரை தேடி போனதையும் அவள் காணாமல் போன விஷயத்தை என் சொல்ல மனோகரி சீக்கிரம் தேடி கண்டுபிடித்து கல்யாணத்தை முடி என்று சொல்கிறாள்.

அதன் பிறகு சுடர் பாட்டி கடையில் சாப்பிட்டுக் கொண்டிருக்க இடி மின்னலுடன் மழை பெய்ய தொடங்குகிறது. இங்கே அஞ்சலி இடிக்கு பயந்து எல்லோரையும் எழுப்ப யாரும் எழுந்து கொள்ளாத நிலையில் தமிழ் தமிழ் என சொல்லிக்கொண்டு அம்மாவின் புடவையை எடுத்து வர அது ஒரு இடத்தில் மாட்டிக் கொண்டு வராமல் இருக்க தமிழ் ரூமுக்குள் சென்று ஓரமாக உட்கார்ந்து அழுகிறாள்.

இடி இடிப்பதை பார்த்ததில் தமிழுக்கு அஞ்சலி ஞாபகம் வர எழில் வீட்டுக்கு ஓடி வந்து வெளியே நின்று அஞ்சலி அஞ்சலி என்று கூப்பிட தமிழின் குரலை கேட்ட அஞ்சலி ஜன்னல் கதவை திறந்து பார்த்து எமோஷனலாக ஃபீல் பண்ணுகிறாள். இருவரும் ஒருவரை ஒருவர் பார்த்துக் கொள்ள எழில் குழந்தைகள் பயப்படுவார்கள் என்று ரூமுக்கு வர அஞ்சலி காணாமல் போனதை பார்த்து தேடுகிறான்.

தமிழின் ரூமில் இருக்கும் அஞ்சலி பார்த்த அவன் தமிழ் வெளிய நிற்பதையும் பார்த்து ஜன்னலை சாத்தி அவ கூட எல்லாம் பேசக்கூடாது என்று தமிழை கூட்டிச் சென்று விடுகிறான். இந்த இடைப்பட்ட கேப்பில் வேலு தமிழை அடித்து கடத்தி விடுகிறான். எழில் மீண்டும் ஜன்னல் வழியாக பார்க்க தமிழ் அங்கு இல்லை.

அடுத்து வேலு தமிழை ஒரு ரூமுக்குள் அடைத்து வைத்து நாளைக்கு உனக்கும் எனக்கும் கல்யாணம் என அதிர்ச்சி கொடுக்கிறான். இப்படியான நிலையில் அடுத்ததாக நடக்க போவது என்ன என்பது குறித்து எதிர்பார்ப்பு எழுந்துள்ளது.

சதி செய்து ஸ்கூலை கைப்பற்றும் சௌந்தரபாண்டி.. காதலை சொன்ன பரணி

அண்ணா சீரியலின் நேற்றைய எபிசோடில் சண்முகம் தனக்காக வீட்டை அடமானம் வைத்த விஷயம் பரணிக்கு தெரிய வந்த நிலையில் இன்று, பரணி சிவபாலனிடம் சண்முகம் எனக்காக என்னெல்லாம் செய்திருக்கான் என்று எமோஷனாக பேசி வருகிறாள், எதிரே சண்முகம் வர அவனை பளாரென்று அறைய சண்முகம் எதுக்கு இப்போ அடிச்ச என்று கேட்க எனக்காக வீட்டை அடமானம் வச்சியா? என்னை உனக்கு இவ்வளவு பிடிக்குமா என்று பேசுகிறாள்.

அடுத்து சௌந்தரபாண்டி ஸ்கூல் ஓனருக்கு போன் போட்டு நானும் சண்முகமும் ஒன்னு தான். நானும் அந்த ஸ்கூலை எடுத்து நடத்தணும்னு நினைக்கிறேன். உங்களுக்கு 5 கோடி கொடுத்துடுறேன் எனக்கே கொடுத்துடுங்க என்று சொல்ல ஓனர் ஸ்கூலை யார் எடுத்து நடத்தினாலும் எனக்கு சந்தோசம் தான், உங்களுக்கே கொடுத்து விடுகிறேன் என்று வாக்கு கொடுக்கிறார்.

போனை வைத்த சௌந்தரபாண்டி ஸ்கூலை வாங்கியதும் அதை இடித்து தள்ளிட்டு பிளாட் போட்டு விற்றால் பெரிய லாபம் வரும் என்று கணக்கு போடுகிறார், இங்கே சண்முகம் பணத்துக்கு என்ன செய்வது என்று யோசித்து கொண்டிருக்க கனி தன்னுடைய உண்டியல் பணத்தையும் கொண்டு வந்து கொடுக்கிறாள். தங்கச்சியின் பாசத்தை பார்த்த சண்முகம் சிலிர்த்து போகிறான்.

நைட்டெல்லாம் பரணி தூங்காமல் அழுது கொண்டே இருக்க தூக்கத்தில் இருந்து எழுந்து கொள்ளும் சண்முகம் நீ இன்னும் தூங்கலையா என்று கேட்க பரணி அவன் தனக்காக செய்த விஷயங்களை நினைத்து கண்ணீருடன் பேசி தனது மனதுக்குள் இருக்கும் காதலை சொல்கிறாள். இப்படியான நிலையில் அடுத்து நடக்க போவது என்ன என்பது குறித்து எதிர்பார்ப்பு எழுந்துள்ளது.

திருச்சி ஸ்ரீரங்கம் சாலையில் திடீரென பள்ளம் ஏற்பட்டதால் அந்த பகுதியில் போக்குவரத்து பாதிக்கப்பட்டுள்ளது.

திருவானைக்காவில் இருந்து ஸ்ரீரங்கம் செல்லும் காந்தி சாலை ரயில்வே மேம்பாலத்திற்கு முன்பாக உள்ள சாலையில் திடீரென பள்ளம் ஏற்பட்டது.

இதே பகுதியில் கடந்த 10 ஆம் தேதி பாதாள சாக்கடையில் ஓட்டை விழுந்து தற்காலிகமாக சரி செய்யப்பட்டது. இந்நிலையில் மீண்டும் அதே பகுதியில் சாலையில் பள்ளம் ஏற்பட்டுள்ளது.

இந்த பள்ளம் ஏற்படுவதற்கு, பாதாள சாக்கடையில் குழாய் வெடித்தது தான் காரணம் என தகவல் வெளியாகியுள்ளது. இதனால் அந்த பகுதியில் போக்குவரத்து நிறுத்தப்பட்டு மாற்றுப் பாதையில் வாகனங்கள் இயக்கப்படுகிறது.

மேலும், பள்ளத்தை சரி செய்யும் பணியில் மாநகராட்சி ஊழியர்கள் ஈடுபட்டுள்ளனர். சாலையில் திடீரென பள்ளம் ஏற்பட்டதால் அந்த பகுதியில் பரபரப்பு நிலவி வருகிறது.

செய்தி: க.சண்முகவடிவேல்

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“