திண்டுக்கல் மாவட்ட ஆட்சித்தலைவர் மொ.நா.பூங்கொடி விடுத்துள்ள செய்திக் குறிப்பில் கூறப்பட்டுள்ளதாவது:-

திண்டுக்கல் மாவட்டம், கொடைக்கானலுக்கு வருகை தரும் அனைத்து வாகனங்களும் வெள்ளிநீர்வீழ்ச்சி அருகில் உள்ளசுங்கச்சாவடியில் இ-பாஸ் சோதனை மேற்கொண்ட பின்னரே கொடைக்கானலுக்குள் செல்ல 07.05.2024 முதல் 30.06.2024 வரை அனுமதிக்கப்படுவர்.

சுங்கச்சாவடியில் பணிபுரியும் பணியாளர்கள் மொபைல் செயலி மூலம் இந்த கியூ ஆர் கோட்-ஐ ஸ்கேன் செய்து அந்த சுற்றுலா பயணிகளின் பயண விவரங்களை தெரிந்துகொள்வதோடு, இந்த நடைமுறையினை கண்காணிக்கவும் அவர்களுக்கு அறிவுறுத்தப்பட்டுள்ளது.

இ பாஸ் தொடர்பான துரித நடவடிக்கைக்கு வெள்ளிநீர்வீழ்ச்சி சுங்கச்சாவடி அருகில் நகராட்சி அலுவலர்கள், காவல் துறை மற்றும் வட்டார போக்குவரத்துத் துறைஅலுவலர்கள் நியமிக்கப்பட்டுள்ளனர்.

திண்டுக்கல் மாவட்டம், கொடைக்கானலுக்கு 07.05.2024 முதல் 30.06.2024 வரை வருகை புரியும் அனைத்து வாகனங்களுக்கும் "epass.tnega.org" என்ற இணைய முகவரி மூலம் 06.05.2024 காலை முதல் இ-பாஸ் பெற்றுக்கொள்ளலாம்.

இவ்வாறு அதில் கூறப்பட்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

தமிழ்நாட்டில் அக்னி நட்சத்திரம் எனப்படும் கத்தரி வெயில் காலம் தொடங்கியுள்ளது. இதனால் வழக்கத்தை விட வெப்பம் கடுமையாக அதிகரித்துள்ளது.
இந்த நிலையில், “அடுத்த 2 தினங்களுக்கு தமிழக உள் மாவட்டங்களில் அதிகபட்ச வெப்பநிலையில் பெரிய மாற்றத்திற்கான வாய்ப்பு குறைவு என சென்னை வானிலை ஆய்வு மையம் தெரிவித்துள்ளது.

அதாவது, 7 முதல் 9 ஆம் தேதி வரை அடுத்த 3 தினங்களுக்கு அதிகபட்ச வெப்பநிலை 2° செல்சியஸ் வரை படிப்படியாக குறையக்கூடும் எனத் தெரிவித்துள்ளது.
மேலும், 5 முதல் 9ஆம் தேதி வரை அடுத்த 5 தினங்களுக்கு, தமிழக உள் மாவட்டங்களில் ஒருசில இடங்களில் அதிகபட்ச வெப்பநிலை 2-4" செல்சியஸ் இயல்பை விட அதிகமாக இருக்கக்கூடும் எனவும், 5 & 6 ஆகிய தேதிகளில் வட தமிழக உள் மாவட்டங்களில் ஒருசில இடங்களில் அதிகபட்ப்பநிலை 3*-5° செல்சியஸ் இயல்பை விட மிக அதிகமாக இருக்கக்கூடும் எனவும் தெரிவிக்கப்பட்டுள்ளது.

இதற்கிடையில், அடுத்த 5 தினங்களுக்கு அதிகபட்ச வெப்பநிலை வட தமிழக உள் மாவட்டங்களின் சமவெளி பகுதிகளில் ஒருசில இடங்களில் 41*-43° செல்சியஸ், இதர தமிழக மாவட்டங்களின் சமவெளி பகுதிகளில் 39-40° செல்சியஸ் ஆகவும், கடலோர தமிழக மாவட்டங்கள், புதுவை மற்றும் காரைக்கால் பகுதிகளில் 36*-38* செல்சியஸ் இருக்கக்கூடும் எனவும் தெரிவிக்கப்பட்டுள்ளது.

மேலும், “அதிக வெப்பநிலை மற்றும் அதிக ஈரப்பதம் இருக்கும் பொழுது, தமிழக மாவட்டங்கள், புதுவை மற்றும் காரைக்கால் பகுதிகளில், ஓரிரு இடங்களில் அசௌகரியம் ஏற்படலாம்” எனவும் வானிலை ஆய்வு மையம் எச்சரித்துள்ளது.

இதற்கிடையில், ஹீட் ஸ்ட்ரோக்கால் பாதிக்கப்பட்டு சென்னை ராஜிவ் காந்தி மருத்துவமனையில் சிகிச்சை பெற்றுவந்த தொழிலாளி ஒருவர் உயிரிழந்தார்.
இதையடுத்து செய்தியாளர்களை சந்தித்த மருத்துவமனை டீன், “வெயிலால் பாதிக்கப்பட்டவர்களுக்கு சிகிச்சை அளிக்க தனி வார்டு அமைக்கப்பட்டுள்ளது.

5 படுக்கைகள் கொண்ட தனி வார்டில் சிறப்பு வசதிகள் செய்யப்பட்டுள்ளன” எனத் தெரிவித்தார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

சென்னை விருகம்பாக்கத்தில் விடுதலை சிறுத்தைகள் கட்சியினருக்கும் புரட்சி பாரதம் கட்சியினருக்கும் இடையே மோதல் வெடித்ததால் பரபரப்பு ஏற்பட்டுள்ளது. 

சென்னை விருகம்பாக்கத்தில், வி.சி.க நிர்வாகி ஆதவன் பைக்கில் சென்றுக் கொண்டிருந்தப்போது புரட்சிப் பாரதம் கட்சி பேனர் மீது மோதியுள்ளார். இதனால் ஆத்திரமடைந்த புரட்சி பாரதம் கட்சியினர், ஆதவனிடம் வாக்குவாதத்தில் ஈடுபட்டுள்ளனர். இருதரப்புக்கும் வாக்குவாதம் முற்றிய நிலையில், இரு தரப்பினரும் ஆட்களை அழைத்து வந்து மோதலில் ஈடுபட்டுள்ளனர்.

இந்த மோதலில் வி.சி.க தரப்பில் 3 பெண்களுக்கும், புரட்சி பாரதம் தரப்பில் 4 பேருக்கும் காயம் ஏற்பட்டுள்ளது. காயம் அடைந்தவர்கள் மருத்துவமனையில் அனுமதிக்கப்பட்டு சிகிச்சை அளிக்கப்பட்டு வருகிறது.

இருதரப்பும் அளித்த புகாரின் பேரில் விருகம்பாக்கம் போலீசார் விசாரணை நடத்தி வருகின்றனர். வி.சி.க – புரட்சி பாரதம் கட்சியினர் மோதலால் தலைநகரில் பரபரப்பு ஏற்பட்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

 காங்கிரஸ் நிர்வாகி, ஜெயக்குமார் எழுதிய 2 கடிதங்கள் வெளியாகி உள்ளது.இந்நிலையில் முக்கிய அரசியல் தலைவர்கள் அவரது உடலுக்கு அஞ்சலி செலுத்தினர்.

நெல்லை மாவட்டம் திசையன்விளை அருகே உள்ள கரைச்சுத்துபுதூர் கிராமத்தை சேர்ந்தவர் கே.பி.கே ஜெயக்குமார் . இவர் காங்கிரஸ் கட்சியின் கிழக்கு  மாவட்ட தலைவராக இருந்தார். இவரை கடந்த 2 நாட்களுக்கு முன்பாக காணவில்லை, கண்டுபிடித்து தர வேண்டுமென அவரது மகன் உவரி காவல்நிலையத்தில் புகார் செய்தார். இதைத்தொடர்ந்து அவரது வீட்டில் அருகில் உள்ள தோட்டத்திலேயே ஜெயகுமார் உடல் எரிக்கப்பட்ட நிலையில் பிணமாக கிடந்தார்.

இந்நிலையில் தற்போது தனது மருமகனுக்கு 27ம் தேதியில் ஜெயக்குமார் எழுதிய கடிதம் ஒன்றும், 30ம் தேதி தனது குடும்பத்தினருக்கு எழுதிய கடிதம் என மேலும் 2 கடிதம் வெளியாகி உள்ளது. அதில் மருமகன் ஜெபாவுக்கு என் மீது கொண்ட பாசத்தாலும் நான் உன் மீது கொண்ட நம்பிக்கையாலும் இந்த கடிதத்தை உனக்கு எழுதுகிறேன் வர வேண்டிய கொடுக்க  வேண்டிய பணங்களை குறிப்பிடுகிறேன் என 16 பேரின் பெயரை குறிப்பிட்டு எழுதி உள்ளார். குறிப்பாக ரூபி மனோகரன் எம்.எல்.ஏ 78 லட்சம், கே.வி தங்பாலு 11 லட்சம் ஆக மொத்தம் 89 லட்சம் வழக்கு தொடர்ந்து வாங்க வேண்டும் எனவும் முன்னாள் மத்திய அமைச்சர் தனுஷ்கோடி ஆதித்தன் மற்றும் நெல்லை மாநகர் மாவட்ட காங்கிரஸ் தலைவர் சங்கரபாண்டியன் என வாங்க வேண்டியவர்கள், கொடுக்க வேண்டியவர்கள் என காங்கிரஸ் கட்சியை  சேர்ந்தவர்களின் பெயர்கள் அதிகம் அந்த கடிதத்தில் இடம் பெற்றுள்ளது.

அதுபோல தனது மொத்த குடும்பத்தினருக்கு என எழுதிய கடிதத்தில், தனது மகளின் கல்யாணத்தை  அனைவரும் சிறப்பாக நடத்தி கொடுத்தீர்கள். எனது அன்பு உங்கள் அனைவர் மீதும் எப்போதும் உண்டு என்று குறிப்பிட்டுள்ளார். அதோடு குடும்பத்தினர் யாரும் அதில் சம்பந்தப்பட்ட  நபர்களை  பழிவாங்க நினைக்க வேண்டாம். சட்டம் தன் கடமையை செய்யும் என்று முடித்துள்ளார்.

இந்நிலையில் இவரது உடல் கரைசுத்துப்புதூரில் உள்ள இல்லத்திற்கு கொண்டுவரப்பட்டது. ஜெயக்குமார் உடலுக்கு, சபாநாயகர் அப்பாவு, காங்கிரஸ் மாநில தலைவர் செல்வப்பெருந்தகை, காங்கிரஸ் எம்.எல்.ஏ.க்கள், ராஜேஷ் குமார், பிரின்ஸ், ஊர்வசி அமிர்தராஜ் ஆகியோர் அஞ்சலி செலுத்தினர். ஜெயக்குமார் உடலுக்கு கிறிஸ்தவ முறைப்படி, இறுதி சடங்குகள் நடைபெற்றது.

நேற்றைய தினத்தில் அயோத்தி ராமர் கோவிலுக்கு தமிழக ஆளுநர் ஆர்.என்.ரவி மனைவியுடன் சென்று சாமி தரிசனம் செய்தார்.

உத்தரபிரதேச மாநிலத்தில் அயோதியில் ராமர் கோயிலை கடந்த ஜனவரியில் பிரதமர் மோடி பிரதிஷ்டை செய்து வழிபாடு நடத்தி திறந்து வைத்தார். இந்நிலையில் பல அரசியல் தலைவர்கள், நடிகர்கள் ராமர் கோயிலுக்கு சென்று வழிபட்டு வருகின்றனர்.

Governor Thiru. R. N. Ravi and Lady Governor Tmt. Laxmi Ravi performed Aarti at the ghat of the holy river Saryu. pic.twitter.com/nPmnw7v5Kq

— RAJ BHAVAN, TAMIL NADU (@rajbhavan_tn) May 4, 2024

இந்நிலையில் நேற்று தமிழக ஆளுநர் ரவி தனது மனைவி லட்சுமியுடன் அயோத்தி  சென்றார். ராமர் கோயிலில் சாமி தரிசனம் செய்தார். இந்நிலையில் அப்போது அவர் செய்தியாளர்களிடம் பேசியதாவது: “ 500 ஆண்டுகள் காத்திருப்பு, தற்போது முடிவடைந்தது. நாங்கள் எங்களது பக்தியை வெளிப்படுத்த வந்துள்ளோம். ராமர் கோயில் என்பது எங்கள் நம்பிக்கையின் சின்னம். அதிக மக்கள் இங்கே இருப்பது எனக்கு மகிழ்ச்சி அளிக்கிறது. இந்தியாவில் உள்ள எல்லா இடங்களில் இருந்தும் மக்கள் இங்கே வருகின்றனர். நமது நாட்டை வளர்க்க, வலிமையும், ஒன்றாக செயல்பட உதவ வேண்டும் என்று ராமரிடம் பிரார்த்தனை செய்திருக்கிறேன்” என்று அவர் கூறினார்.  

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

காவல் துறை அதிகாரிகள், பெண் காவலர்கள் குறித்து அவதூறாகப் பேசியதாக பிரபல யூடியூபர் மற்றும் ஊடகவியலாளர் சவுக்கு சங்கரை கோவை போலீசார் தேனியில் வைத்து நேற்று கைது செய்தனர். இவர் சவுக்கு மீடியா என்ற பெயரில் யூடியூப் சேனல் நடத்தி வருகிறார். 

இவர் சமீபத்தில் யுடியூப் சேனல் ஒன்றிக்கு அளித்த பேட்டியில், காவல்துறை அதிகாரிகள் குறித்தும், பெண் காவலர்கள் குறித்தும் அவதூறான கருத்தை தெரிவித்ததாக கூறப்படுகிறது. இதையடுத்து கோவை சைபர் கிரைம் உதவி ஆய்வாளர் கொடுத்த புகாரின் பேரில் அவர் மீது வழக்குப் பதிவு செய்யப்பட்டது. 

தேனி மாவட்டம் பூதிப்புரத்தில் உள்ள தனியார் விடுதியில் தங்கியிருந்த சவுக்கு சங்கரை கோவை போலீசார் கைது செய்து கோவை அழைத்து வந்து நீதிமன்றத்தின் முன் ஆஜர்படுத்தி  சிறையில் அடைந்தனர். முன்னதாக, தேனியில் சவுக்கு சங்கருடன் இருந்த அவரது கார்  ஓட்டுநர் ராம்பிரபு, நண்பர் ராஜரத்தினம் ஆகியோரை பழனிசெட்டிபட்டி காவல் நிலையத்துக்கு அழைத்துச் சென்ற போலீசார், அவர்களிடம் விசாரணை நடத்தினர். 

தொடர்ந்து தேனியில் சவுக்கு சங்கரின் காரில் இருந்து அரை கிலோ கஞ்சாவை போலீசார் பறிமுதல் செய்தனர். இதையடுத்து சவுக்கு சங்கர், ராம்பிரபு, ராஜரத்தினம் ஆகிய  3 பேர் மீதும்  பழனிசெட்டிபட்டி போலீசார் வழக்கு பதிவு செய்து, கைது செய்தனர். 

நெல்லை காங்கிரஸ் தலைவர் மரணம் தொடர்பான வழக்கில் அவரது தரப்பில் எந்து எந்த புகாரும் கொடுக்கப்படவில்லை என்றும், மரண வாக்குமூலம் அவரது அலுவலகத்தில் தான் இருந்தது என்றும் நெல்லை எஸ்.பி சிலம்பரசன் விளக்கம் அளித்துள்ளார்.

தமிழகத்தின் நெல்லை கிழக்கு மாவட்ட காங்கிரஸ் கட்சியின் தலைவராக இருந்தவர் கே.பி.கே ஜெயக்குமார். திசையன்விளை அருகே உள்ள கரைசுத்து புதூரைச் சேர்ந்த இவர் நடந்து முடிந்த நாடாளுமன்ற தேர்தலில் காங்கிரஸ் வேட்பாளர் ராபர்ட் ப்ரூசுக்கு ஆதரவாக தீவிரமாக பிரச்சாரம் செய்து வந்தார்.  இதனிடையே கடந்த இரு தினங்களாக ஜெயக்குமாரை காணவில்லை என்று அவரது மகன் புகார் அளித்திருந்தார்.

இது குறித்து வழக்கு பதிவு செய்த காவல்துறையினர், கடந்த இரு தினங்களாக ஜெயக்குமாரை தேடி வந்த நிலையில், இன்று ஜெயக்குமார் அவரின் வீட்டுக்கு அருகே எரிந்த நிலையில் சடலமாக கண்டெடுக்கப்பட்டார். ஒரு தேசிய கட்சியில் மாவட்ட செயலாளர் சடலமாக மீட்கப்பட்ட சம்பவம் தமிழகத்தில் பெரும் அதிர்வலைகளை ஏற்படுத்தியுள்ள நிலையில், அரசியல் தலைவர்கள் இது குறித்து கருத்து தெரிவித்து வருகின்றனர்.

இதனிடையே கடந்த சில தினங்களுக்கு முன்பு ஜெயக்குமார் தனது மரண வாக்குமூலத்தை காவல்நிலையத்தில் தாக்கல் செய்திருந்ததாகவும், இதில் சில முக்கிய நபர்களின் பெயர்களை இணைந்திருந்ததாகவும் தகவல் வெளியானது. இது குறித்து அந்த மரண வாக்குமூலத்தில் இடம்பெற்றுள்ளவர்கள் தங்களுக்கும் இதற்கும் எந்த தொடர்பும் இல்லை என்று விளக்கம் அளித்து வரும் நிலையில், நெல்லை எஸ்.பி.சிலம்பரவன் இது குறித்து காவல்துறை விளக்கத்தை அளித்துள்ளார்.

அதன்படி ஜெயக்குமார் தரப்பில் இருந்து தங்களுக்கு எந்த மனுவும் வரவில்லை என்றும்,. மரண வாக்குமூலம் என குறிப்பிட்டு அவர் எழுதிய கடிதத்தை அவர் தங்களுக்கு அனுப்பவில்லை என்று கூறியுள்ள அவர், அக்கடிதத்தை அவரே வைத்திருந்திருந்தார் .  அந்த கடிதத்தை அவரது உதவியாளர் தான் நேற்று மாலை எடுத்து வந்து புகார் அளித்தார் என்றும் கூறியுள்ள நெல்லை எஸ்.பி.சிலம்பரசன் இந்த மரண சம்பவம் குறித்து 7 தனிப்படைகள் அமைத்து விசாரணை மேற்கொள்ளப்பட்டு வருவதாக கூறியுள்ளார்.

அரசியல் விமர்சகரும், யூடியூபருமான சவுக்கு சங்கர் கோவை நீதிமன்றத்திற்கு அழைத்து வரப்பட்ட போலீஸ் வாகனம் முன்பு  பெண்கள் செருப்புடன் போராட்டம் நடத்தியது பரபரப்பை ஏற்படுத்திய நிலையில், போராட்டக்காரர்களை அப்புறப்படுத்தி சவுக்கு சங்கரை போலீசார் நீதிமன்றத்தில் ஆஜர்படுத்தினர்.

பிரபல அரசியல் விமர்சகரும் யூடியூபருமான சவுக்கு சங்கர் சமீபத்தில் யூடியூப் சேனல் ஒன்றிக்கு அளித்த பேட்டியில்,காவல்துறை அதிகாரிகள் குறித்தும், பெண் காவலர்கள் குறித்தும் அவதூறான கருத்தை தெரிவித்திருந்தார். இந்த வீடியோ காட்சிகள் இணையத்தில் வைரலாக பரவிய நிலையில், இதனை பாத்த சைபர் கிரைம் உதவி ஆய்வாளர் சுகன்யா, இது குறித்து கோவை மாநகர சைபர் கிரைமில் புகார் அளித்தார்.

இந்த புகாரின் பேரில் யூடியூபர் சவுக்கு சங்கர் மீது சைபர் கிரைம் போலீசார் ஆபாசமாக பேசுதல், அரசு ஊழியர்களை பணி செய்ய விடாமல் தடுத்தல், பெண்களை இழிவு படுத்துதல், தகவல் தொழில்நுட்ப சட்டம் மற்றும் பெண்களுக்கு எதிரான வன்கொடுமை ஆகிய 5 பிரிவுகளில் வழக்கு பதிவு செய்த நிலையில்,தேனி மாவட்டத்தில் தங்கி இருந்த சவுக்கு சங்கரை இன்று அதிகாலை கோவை மாநகர சைபர் கிரைம் காவல்துறையினர் கைது செய்தனர்.

கைது செய்யப்பட்ட அவரை அங்கிருந்து கோவைக்கு மூலம் வேன் மூலம் அழைத்து வந்தனர். இந்த வேன் தாராபுரம் அருகே வந்த போது எதிர்பாராத விதமாக விபத்துக்கு உள்ளானது. இதில் சவுக்கு சங்கர் மற்றும் 2  காவல்துறையினர் லேசான காயமடைந்தனர். இதனையடுத்து அனைவரும் தாராபுரம் மருத்துவமனைக்கு சென்று முதலுதவி சிகிச்சை பெற்ற  பின்னர் வேறு வாகனம் மூலம் அங்கு இருந்து கோவை வந்தனர்.

கோவை காவலர் பயிற்சி பள்ளி வளாகத்தில் வைத்து காலை 11 மணி முதல் சவுக்கு சங்கரிடம் சைபர் கிரைம் போலீசார் விசாரணை மேற்கொண்டனர். இந்த விசாரணை மாலை 4 மணி வரை நீடித்தது. இதனைத் தொடர்ந்து அவர் கோவை அரசு மருத்துவமனைக்கு அழைத்து வரப்பட்டார்.  அங்கு ஒரு மணி நேரத்திற்கும் மேலாக அவருக்கு  உடல் பரிசோதனை நடத்தப்பட்டது. உடல் பரிசோதனைக்கு பின்னர் சவுக்கு சங்கரை கோவை நீதிமன்றத்திற்கு போலீசார் அழைத்து வந்தனர்.

அப்போது நீதிமன்றம் வளாகத்தில் கூடியிருந்த தி.மு.க மகளிர் அணியினர், போலீஸ் வாகனத்தை மறித்து செருப்புகள் உடன் போராட்டத்தில் ஈடுபட்டனர். பெண்களை அவதூறாக பேசும் சவுக்கு சங்கரை சிறைக்குள்ளே வைக்க வேண்டும்,பெண் காவலர்கள் மற்றும் அரசு பணியில் இருப்பவர்களை மிகவும் இழிவாக சவுக்கு சங்கரை வெளியே விடக்கூடாது என கோஷங்களை எழுப்பினர்.

தொடர்ந்து போராட்டத்தில் ஈடுபட்டவர்களை அப்புறப்படுத்தி கோவை முதலாவது குற்றவியல் நடுவர் நீதிமன்ற நீதிபதி கோபாலகிருஷ்ணன் முன்னிலையில் சவுக்கு சங்கரை போலீசார் ஆஜர்படுத்தினர். தொடர்ந்து நீதிபதி தனி அறையில் வைத்து சவுக்கு சங்கரை விசாரணை மேற்கொண்டு வருகிறார்.

அக்னி நட்சத்திரத்தை சமாளிக்க திருப்பதி கோவிலில், பக்தர்களுக்கு பல்வேறு சிறப்பு வசதிகள் செய்யப்பட்டுள்ளதாக திருப்பதி தேவஸ்தானம் தெரிவித்துள்ளது.

திருப்பதியில் உள்ள திருப்பதி தேவஸ்தான நிர்வாகக் கட்டிடத்தில் டயல் யுவர் ஐ.ஓ நிகழ்ச்சி நடைபெற்றது. இதில் பக்தர்கள் கேட்ட கேள்விகளுக்கு கோவில் நிர்வாக அதிகாரி ஏ.வி. தர்மா ரெட்டி பதில் அளித்தார். அப்போது திருமலை தேவஸ்தானம் வழங்கும் தரிசனம், தங்குமிடம், உணவு மற்றும் இதர வசதிகள் சிறப்பாக இருப்பதாக பாராட்டினர்.

இதற்கிடையில், இன்று அக்னி நட்சத்திரம் தொடங்குவதால், கோடைகாலத்தை முன்னிட்டு பக்தர்களுக்கு செய்யப்பட்டுள்ள ஏற்பாடுகள் குறித்தும் கோவில் நிர்வாக அதிகாரி ஏ.வி. தர்மா ரெட்டி விளக்கம் அளித்தார்.

கோடை விடுமுறை காரணமாக சுவாமி தரிசனத்தில் சாமானிய பக்தர்களுக்கு முன்னுரிமை அளிக்கப்படுகிறது. ஆதலால், கோடைகாலம் முழுவதும் வி.ஐ.பி தரிசனத்திற்காக சிபாரிசு கடிதங்கள் ஏற்கப்படாது.

கோடை விடுமுறையில் திருமலை தரிசனத்துக்கு வரும் பக்தர்களுக்கு இடையூறு ஏற்படாமல் இருக்க சிறப்பான ஏற்பாடுகள் செய்யப்பட்டுள்ளன. உணவு, மோர், குடிநீர், காலை உணவு பக்தர்களுக்கு வழங்கப்படும். தேவையான மருத்துவ வசதிகள் செய்து தரப்படும். கோவில் வீதிகளில், பக்தர்கள் நடமாட்டம் அதிகம் உள்ள பகுதிகள் அனைத்திலும் வெயிலின் உஷ்ணத்தில் இருந்து நிவாரணம் அளிக்கும் வகையில் பந்தல்கள், கூல் பெயிண்டு கார்பெட்டுகள் அமைத்துள்ளோம். நாங்கள் அவ்வப்போது தண்ணீரை தரையில் தெளிக்கிறோம். நாராயணகிரி தோட்டங்கள் மற்றும் கோவில் சுற்றுப்புறங்களில் பக்தர்கள் ஓய்வெடுக்க தற்காலிக கொட்டகைகள் அமைத்துள்ளோம். 

திருமலையில் ஆகாசகங்கா ஸ்ரீ பாலஞ்சநேய சுவாமி கோவிலில் அனுமன் ஜெயந்தி விழா வரும் 1 ஆம் தேதி முதல் 5 ஆம் தேதி வரை ஐந்து நாட்கள் சிறப்பாக நடைபெறும். அனுமன் ஜெயந்தியை முன்னிட்டு, ஆகாசகங்கையில் உள்ள ஸ்ரீ பாலஞ்சநேய சுவாமிக்கு சிறப்பு அபிஷேகம் மற்றும் பூஜை நிகழ்ச்சிகள் நடைபெறும். 

மே 17 முதல் 19 ஆம் தேதி வரை பத்மாவதி திருக்கல்யாணம் திருமலையில் வெகு சிறப்பாக நடத்தப்பட உள்ளது. மே 22 ஆம் தேதி தரிகொண்டா வெங்கமாம்பாள் ஜெயந்தி விழா கொண்டாடப்பட உள்ளது. இவ்வாறு தர்மா ரெட்டி தெரிவித்தார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

நெல்லை கிழக்கு மாவட்ட காங்கிரஸ் தலைவர் ஜெயக்குமாரின் மரண வாக்குமூலம் பரபரப்பை ஏற்படுத்தியுள்ள நிலையில், காங்கிரஸ் எம்.எல்.ஏ ரூபி மனோகரன் விளக்கம் அளித்துள்ளார்.

நெல்லை கிழக்கு மாவட்ட காங்கிரஸ் கட்சியின் தலைவராக இருந்தவர் திசையன்விளை அருகே உள்ள கரைசுத்து புதூரைச் சேர்ந்த கே.பி.கே ஜெயக்குமார். இவர் நடைபெற்று முடிந்த நாடாளுமன்ற தேர்தலில் காங்கிரஸ் வேட்பாளர் ராபர்ட் ப்ரூசுக்கு ஆதரவாக தீவிரமாக பிரச்சாரம் செய்து வந்தார். 

இந்த நிலையில், நெல்லை காங்கிரஸ் தலைவர் ஜெயக்குமாரை கடந்த 2 நாட்களாக காணவில்லை என அவருடைய மகன் கருத்தையா ஜாஃப்ரின் உவரி காவல் நிலையத்தில் புகார் அளித்தார். இந்தநிலையில் ஜெயக்குமார் வீட்டின் அருகே உள்ள தோட்டத்தில் எரிந்த நிலையில் சடலமாக மீட்கப்பட்டார். ஜெயக்குமார் உடல் எரிந்த நிலையில் சடலமாக மீட்கப்பட்டதையடுத்து இந்த வழக்கு விசாரணைக்காக 5 தனிப்படை அமைக்கப்பட்டுள்ளது.

முன்னதாக, கடந்த 30 ஆம் தேதி நெல்லை மாவட்ட காவல் கண்காணிப்பு அலுவலருக்கு (எஸ்.பி) மரணம் வாக்குமூலம் என தலைப்பிட்டு கே.பி.கே ஜெயக்குமார் கடிதம் எழுதி அனுப்பி வைத்துள்ளார். அதில் ஜெயக்குமார், தன்னுடைய வீட்டிற்கு முன்பு சிலர் நோட்டமிட்டு கொண்டு இருப்பதாகவும், அவர்கள் திருட்டு சம்பவத்தில் ஈடுபடுவார்கள் என நினைத்ததாகவும், ஆனால், தனக்கு கொலை மிரட்டல் விடுப்பதற்காக அவர்கள் வீட்டை சுற்றி வருவதாக குறிப்பிட்டு சிலரின் பெயர்களை கூறியுள்ளார். 

ஜெயக்குமார் குறிப்பிட்ட பெயர்களில் நாங்குநேரி எம்.எல்.ஏ ரூபி மனோகரன், நெல்லை நாடாளுமன்ற தொகுதி மேற்பார்வையாளர் கே.வி தங்கபாலு ஆகியோரது பெயர்கள் இடம் பெற்றுள்ளன. ரூபி மனோகரன் நிறைய காரியம் செய்து தருவதாக ரூ. 70 லட்சம் வரை வாங்கியதாகவும், திரும்ப கேட்டால், செல்லப்பாண்டியன் என்பவர் மூலம் கொலை மிரட்டல் விடுத்ததாகவும் கடிதத்தில் தெரிவித்துள்ளார். 

கே.வி தங்கபாலு தன்னை தேர்தல் நேரத்தில் செலவு செய்யச் சொன்னதாகவும், அதற்காக ரூ. 11 லட்சம் ரூபி மனோகரனிடம் கேட்கவே அவர் கொலை மிரட்டல் விடுத்ததாகவும் அந்தக் கடித்ததில் குறிப்பிட்டுள்ளார். 

இந்தநிலையில், ஜெயக்குமார் எழுதியதாக கூறப்படும் கடிதத்தில் அவரது பெயர் இடம்பெற்ற நிலையில், சென்னையில் செய்தியாளர்களிடம் காங்கிரஸ் எம்.எல்.ஏ ரூபி மனோகரன் விளக்கம் அளித்துள்ளார். 

”ஜெயக்குமாரின் மரணம் எனக்கு தனிப்பட்ட இழப்பு. நானும் ஜெயக்குமாரும் அண்ணன் தம்பி போல் பழகியவர்கள். எனக்காக தேர்தல்களில் பல வேலைகள் செய்தவர். எனக்கும் ஜெயக்குமாருக்கும் இடையே எந்த வரவு செலவும் நடக்கவில்லை. என் மீதான புகாரில் உண்மையில்லை. அபாண்டமாகப் பழி சுமத்தப்பட்டுள்ளது. இந்தக் கடிதத்தின் உண்மைதன்மை குறித்து காவல்துறை கண்டறிய வேண்டும். வழக்கில் என்னை சிக்க வைக்க யாரோ சதி செய்வது தெரிகிறது. உண்மைக்கு புறம்பான தகவல்களை பின்புலத்திலிருந்து பரப்புகிறார்கள்,” என ரூபி மனோகரன் விளக்கம் அளித்துள்ளார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

நெல்லையில் காங்கிரஸ் தலைவர் ஜெயக்குமார் மரணம் தமிழகத்தில் பெரும் அதிர்ச்சியை ஏற்படுத்தியுள்ள நிலையில், இனி இதுபோன்ற குற்றங்கள் நிகழா வண்ணம் சட்டம் ஒழுங்கை காக்க வேண்டும் என்று எதிர்கட்சி தலைவர் எடப்பாடி பழனிச்சாமி தெரிவித்துள்ளார்.

தமிழகத்தின் நெல்லை கிழக்கு மாவட்ட காங்கிரஸ் கட்சியின் தலைவராக இருந்தவர் கே.பி.கே ஜெயக்குமார். திசையன்விளை அருகே உள்ள கரைசுத்து புதூரைச் சேர்ந்த இவர் நடந்து முடிந்த நாடாளுமன்ற தேர்தலில் காங்கிரஸ் வேட்பாளர் ராபர்ட் ப்ரூசுக்கு ஆதரவாக தீவிரமாக பிரச்சாரம் செய்து வந்தார்.  இதனிடையே கடந்த இரு தினங்களாக ஜெயக்குமாரை காணவில்லை என்று அவரது மகன் புகார் அளித்திருந்தார்.

இது குறித்து வழக்கு பதிவு செய்த காவல்துறையினர், கடந்த இரு தினங்களாக ஜெயக்குமாரை தேடி வந்த நிலையில், இன்று ஜெயக்குமார் அவரின் வீட்டுக்கு அருகே எரிந்த நிலையில் சடலமாக கண்டெடுக்கப்பட்டார். ஒரு தேசிய கட்சியில் மாவட்ட செயலாளர் சடலமாக மீட்கப்பட்ட சம்பவம் தமிழகத்தில் பெரும் அதிர்வலைகளை ஏற்படுத்தியுள்ள நிலையில், அரசியல் தலைவர்கள் இது குறித்து கருத்து தெரிவித்து வருகின்றனர்.

அந்த வகையில் எதிர்கட்சி தலைவர் எடப்பாடி பழனிச்சாமி தனது எக்ஸ் பக்கத்தில் வெளியிட்டுள்ள பதிவில்,

‘’நெல்லை மாவட்ட காங்கிரஸ் தலைவர் திரு. ஜெயக்குமார் தன்சிங் அவர்கள் 2 நாட்களாக காணவில்லை என்று அவரது மகன் புகார் அளித்திருந்த நிலையில், அவர் எரிந்த நிலையில் சடலமாக மீட்கப்பட்டார் என்ற செய்தி கேட்டு அதிர்ச்சியுற்றேன். அன்னாரது குடும்பத்தாருக்கு எனது ஆழ்ந்த இரங்கல். இந்த விடியா தி.மு.க ஆட்சியில் சட்டம் ஒழுங்கு சீர்குலைந்து வருவதை நான் தினந்தோறும் சுட்டிக்காட்டி வருகிறேன்.

நெல்லை மாவட்ட காங்கிரஸ் தலைவர் திரு. ஜெயக்குமார் தன்சிங் அவர்கள் 2 நாட்களாக காணவில்லை என்று அவரது மகன் புகார் அளித்திருந்த நிலையில், அவர் எரிந்த நிலையில் சடலமாக மீட்கப்பட்டார் என்ற செய்தி கேட்டு அதிர்ச்சியுற்றேன். அன்னாரது குடும்பத்தாருக்கு எனது ஆழ்ந்த இரங்கல்.

இந்த விடியா…

— Edappadi K Palaniswami - Say No To Drugs & DMK (@EPSTamilNadu) May 4, 2024

தற்போது, ஒரு தேசிய கட்சியின் மாவட்டத் தலைவர் பொறுப்பில் உள்ளவரே எரிந்த நிலையில் சடலமாக மீட்கப்படுவது சட்டஒழுங்கு சீர்கேட்டின் உச்சம். தமிழ்நாட்டில் எந்தவொரு குற்றச்செயலையும் சட்டத்தின் மீதோ காவல்துறையின் மீதோ எந்தவித அச்சமுமின்றி சமூக விரோதிகள் செய்யத் துணிந்துவிட்டனர். இந்த ஆட்சியும் அதற்கேற்றாற்போலவே சட்டம் ஒழுங்கின் மீது எந்த அக்கரையுமின்றி கும்பகர்ண தூக்கத்தில் இருக்கிறது.

திரு. ஜெயக்குமார் தன்சிங் மரணத்தில் தொடர்பு உள்ளவர்களை உடனடியாக கைது செய்து உரிய சட்ட நடவடிக்கை எடுப்பதுடன், இனி இதுபோன்ற குற்றங்கள் நிகழாவண்ணம் சட்டம் ஒழுங்கை காக்க ஆக்கப்பூர்வத்துடன் செயல்படுமாறு விடியா அரசின் பொம்மை முதல்வரை வலியுறுத்துகிறேன்’’ என பதிவிட்டுள்ளார்.

KPK Jeyakumar Dhanasingh | Thirunelveli | Congress: திருநெல்வேலி கிழக்கு மாவட்ட காங்கிரஸ் கட்சியின் தலைவராக இருந்தவர் திசையன்விளை அருகே உள்ள கரைசுத்து புதூரைச் சேர்ந்த கே.பி.கே ஜெயக்குமார் தனசிங். தொழிலதிபரான இவரை நேற்று முன்தினம் புதன்கிழமை (02.05.2024) முதல் காணவில்லை என அவருடைய மகன் கருத்தையா ஜாஃப்ரின் உவரி காவல் நிலையத்தில் புகார் அளித்துள்ளார். 

அந்தப் புகாரில், தனது தந்தை கடந்த 2 ஆம் தேதி இரவு 7.45 மணிக்கு வீட்டில் இருந்து சென்றதாகவும் அதன்பிறகு அவர் வீடு திரும்பவில்லை என்றும், காணாமல் போன தனது தந்தையை கண்டுபிடிக்க வேண்டும் என்றும் தெரிவித்துள்ளார். இந்த புகாரின் பேரில் உவரி  போலீசார் விசாரணை மேற்கொண்டு வந்தனர். 

இந்த நிலையில், கடந்த 2 நாட்களாக காணவில்லை தேடப்பட்டுவந்த நெல்லை கிழக்கு மாவட்ட காங்கிரஸ் தலைவர் ஜெயக்குமார் தன்சிங் ஏரிந்த நிலையில் அவரது தோட்டத்தில் சடலமாக மீட்கப்பட்டார். அவரது சடலத்தை மீட்ட போலீசார் இது கொலையா? தற்கொலையா? என்ற கோணத்தில் விசாரணை நடத்தி வருகிறார்கள். 

ஜெயக்குமார் கைப்பட எழுதிய கடிதம் 

இதற்கிடையில், கடந்த 30 ஆம் தேதி நெல்லை மாவட்ட காவல் கண்காணிப்பு அலுவலருக்கு (எஸ்.பி) மரணம் வாக்குமூலம் என தலைப்பிட்டு கே.பி.கே ஜெயக்குமார் கடிதம் எழுதி அனுப்பி வைத்துள்ளார். அந்த கடிதத்தில் தெரிவித்திருப்பது பின்வருமாறு:- 

"நான் கே.பி.கே ஜெயக்குமார் தனசிங் சுயநினைவோடு தங்கள் சமூகத்திற்கு தெரியப்படுத்தும் விபரங்கள் கீழ்கண்டவாறு, எனக்கு சமீப காலமாக கொலை மிரட்டல்கள் வந்து கொண்டே இருக்கிறது. நான் அரசியலில் இதெல்லாம் சகஜம் என்று கண்டு கொள்ளவில்லை. 3 தடவை எனது வீட்டு வளாகத்தில் இரவு நேரத்தில் ஆள் நடமாட்டம் சந்தேகத்திற்கு இடமாக இருந்தது. நான் இரவு நேரில் சென்று சத்தமிட்டால் ஓடி சென்றது நடந்த்துள்ளது. திருடுவதற்காக வந்த நபர்களாக இருக்கும் என்று நான் பெரிதுபடுத்தவில்லை. 

ஆனால், எனக்கு எதாவது நேர்ந்தால் கீழ்கண்டவர்களின் சதியாக இருக்கும் என சந்தேகிக்கப்படுவர்களின் பெயர்கள் மற்றும் காரணங்களை பட்டியல் இடுகிறேன். 

1. ஆனந்த ராஜா, கள்ளி குளம் முன்னாள் கோயில் தர்ம கர்த்தா மற்றும் ஊராட்சி மன்ற தலைவர் - விபரம்:-

சுமார் 18 ஆண்டுகளுக்கு என்னிடம் பெற்ற சுமார் 46.00 லட்சம் ரூபாய்க்கு, வள்ளியூர் ஆர்.டி.ஓ ஆபீஸ் அருகில் 7.80 ஏக்கர் நிலத்தை எனது பெயருக்கு எழுதிக் கொடுத்தார். தற்போது நில பாதிப்பு உயர்ந்த காரணத்தால், ஏதேதோ காரணங்கள் சொல்லி, அதை அரை விலைக்கு தர சொல்லி துன்புறுத்தினார், மிரட்டினார், நான் பாம்பே ரவுடிகளை ஏவி கொலை செய்துவிடுவேன். உனது மகன் பெயருக்கு மாற்றி எழுதி உள்ளாய் என்னிடம் தகவல் தெரிவிக்கவில்லை. என்னால் உனது குடும்பத்திற்கே ஆபத்து வருப்போகிறது என நேரில் மிரட்டி வந்தார். தற்போது வேண்டுமென்றே சில நபர்களை தூண்டி விட்டு மேற்படி சொத்தின் மீது வாதிடவதை தொடர்கிறார். எனவே, மேற்படி ஆனந்த ராஜா-வால் எனது உயிருக்கு ஆபத்து உள்ளது. 

2. குத்தாலியகம் 

சுமார் 14 வருடத்திற்கு முன்பு பணம் நான் வட்டியோடு செலுத்தி விட்ட எனக்கு, முன் கொடுத்த காசோலையை பயன்படுத்தி, வழக்கு தொடர்வேன், கொலை செய்வேன் என பலமுறை மிரட்டி உள்ளார். அவராலும் எனது உயிருக்கு ஆபத்து உள்ளது. 

3. ஜெய்கர் இடையங்குடி 

இடையங்குடி சி.சி.எம் பள்ளியில் கட்டிடம் கட்டின பாக்கி தொகை சுமார் 30 லட்சம் ரூபாயை தராமல், தரவிடாமல் தடுத்து வருகிறார். நாங்குநேரியில் கேட்டதற்கு, அது அப்பாவு எம்.எல்.ஏ தான் முடிவு செய்ய வேண்டும், அவரிடம் பேசுங்கள், மீறி செயல்பட்டால் தவறான விளைவுகளை சந்திக்க நேரிடும் என மிரட்டினார். தபால் அனுமதி பணம் கேட்டு கோரிக்கை வைத்தேன். உனது நடவடிக்கை கொலையில் தான் முடியும் என்று மிரட்டினார். அவர் மீது நடவடிக்கை எடுக்க வேண்டும். 

4. ரூபி மனோகர் நாங்குநேரி எம்.எல்.ஏ    

3 வருடங்களாக என்னிடம் நிறைய காரியம் செய்து தருகிறேன் என்று ரூ. 70 லட்சங்களுக்கு மேல் பணம் வாங்கி இருக்கிறார். எந்த காரியமும் செய்து தராமல், அவர் சொன்னபடி எந்த காண்ட்ராக்ட் வேலையும் வாங்கித் தரவில்லை. தற்போது எம்.பி தேர்தல் வேளையில் என்னை செலவு செய்ய சொன்னார். சுமார் 8 லட்சம் ரூபாயை தராமல் ஏமாற்றி விட்டார். பணத்தை திருப்பி கேட்டதற்கு, என்னை கொலை செய்வேன் என்று செல்லப்பாண்டியன் மறுகால் குறிச்சி என்பவர் மூலமாகவ கொலை மிரட்டல் விடுத்தார். அவரால் எனது உயிருக்கு ஆபத்து உள்ளது. 

மேலும், கே.வி தங்கபாலு என்பவர் தேர்தல் வேலைக்கு என்னிடம் பணம் பெற்றார். செலவு செய்ய வைத்தார். சுமார் 11 லட்சம் ரூபாயை எம்.எல்.ஏ ரூபி மனோகரிடம் வாங்கிக் கொள் என்று சொல்லி முடித்து விட்டார். ஆனால், எம்.எல்.ஏ ரூபி மனோகரிடம் கேட்டால் கொலை மிரட்டல் விடுக்கிறார். கமலா போன்ற பெண் மூலம் அவரது செய்தி வெளியிடுகிறார். கமலா ஏற்கனவே கணவனை கொன்றவர் என்பது அனைவருக்கும் அறிந்த உண்மை. 

5. ஜேசு ராஜா புதியம் புத்தூர், இம்மானுவேல் கிரவுர் 

காலம் சென்ற இவரது தந்தையிடம் 30 வருடம் ஒப்பந்தம் போட்டு தார் பிளான்ட் மாட்டி செயல்படுத்தி வந்தேன். கடந்த 4 வருடங்களாக வேலை இல்லை. எனக்கு தெரியாமல் மேற்படி சுமார் 24 லட்சம் மதிப்புள்ள தார் பிளான்ட்டை இரவோடு இரவாக வேறு நபருக்கு கழற்றி விற்று விட்டார். நான் தொடர்பு கொண்டு கேட்டதற்கு, அது என் இடத்தில் இருந்தது, எனக்கு தான் சொந்தம் அப்படி தான் செய்வேன் முடிந்ததை செய்துகொள் என்று விட்டார். விற்பனை செய்த பணத்தையாவது கொடுத்து விடு தம்பி என்று பலமுறை கேட்டேன். இறுதியாக, என்னிடம் உள்ள ஆட்கள் உன்னை செய்து விடுவார்கள் என்று மிரட்டினார். எனது அன்னான் வி.பி துரை இருக்கிறார். எல்லாம் பார்த்துக்கொள்வார். எல்லாம் பார்த்துக் கொள்வார் என்றார். 

மேலும், இந்த பாராளுமன்ற தேர்தல் சமயத்தில் (சுமார் 40 நாட்களாக) பல்வேறு அன்லாக் நம்பர்களில் இருந்து எனக்கு மிரட்டல்கள் வந்துள்ளது. எனக்கு எதாவது ஆபத்து நேரிட்டால் மேற்படி நபர்கள் தான் அதற்கு பொறுப்பு. மேற்படி நபர்கள் தான் காரணம் என உறுதிப்படக் கூறுகிறேன். மேற்படி நபர்கள் என்னை வஞ்சித்து ஏமாற்றி எடுத்துக்கொண்டவற்றை எனது குடும்பத்திற்கு பெற்றுத் தந்திட வழிவகை செய்யும்படியும், மேற்படி நபர்கள் மீது வழக்கு பதிவு செய்து சட்டப்படி நடவடிக்கை எடுக்கவும் பணிவுடன் கேட்டுக்கொள்கிறேன்.

இவ்வாறு அந்த கடிதத்தில் தெரிவிக்கப்பட்டுள்ளது.  

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

திருச்சி பாரதிதாசன் மேலாண்மைக் கல்வி நிறுவனத்தின் (பிம்) 32-வது பட்டமளிப்பு விழா சென்னை ஆழ்வார்பேட்டையில் உள்ள மியூசிக் அகாடமி கலையரங்கில் நேற்று நடைபெற்றது. இதில் மேலாண்மை படிப்புகளில் ரேங்க் பெற்ற மாணவ, மாணவிகளுக்கு பதக்கங்களையும், பட்டங்களையும் தமிழக ஆளுநர் ஆர்.என்.ரவி வழங்கினார். தொடர்ந்து பிம் புதிய கல்வி வளாகத்துக்கு அடிக்கல் நாட்டி பேசுகையில், பட்டம் பெற்றுள்ள மாணவர்களாகிய நீங்கள் இப்போது முக்கியமான காலகட்டத்துக்குள் நுழைகிறீர்கள். இன்றைய தினம் ஏராளமான புதிய வாய்ப்புகள் உருவாகியுள்ளன. தற்போது நீங்கள் பார்ப்பது புதிய இந்தியா, 10 ஆண்டுகளுக்கு முன்பு கண்ட இந்தியா அல்ல. முன்பு வறுமையும் கல்வியறிவின்மையும் இருந்தது. ஆனால், இன்று டிஜிட்டல் மயமான, தன்னம்பிக்கைமிக்க, சுயசார்புள்ள புதிய இந்தியா உருவாகியுள்ளது. உலக அளவில் 5-வது பெரிய பொருளாதார நாடாக இந்தியா உருவெடுத்துள்ளது. 

அனைத்து மக்களையும் உள்ளடக்கிய நிதி வளர்ச்சியை அடைந்துள்ளோம். 50 கோடிக்கும் மேற்பட்ட வங்கிக்கணக்குகள் தொடங்கப்பட்டுள்ளன. அறிவியல் மற்றும் தொழில்நுட்பத் துறையில் வளர்ந்த உலக நாடுகளில் இந்தியாவும் இடம்பெற்றுள்ளது. மற்றவர்களிடமிருந்து அறிவை கடன் வாங்காமல் நாமே அறிவை உருவாக்கிக் கொண்டிருக்கிறோம். 2022 உலக அறிவுசார் சொத்துரிமை அமைப்பின் அறிக்கையின்படி இந்தியா முன்பு இல்லாத அளவுக்கு 21 சதவீத வளர்ச்சி அடைந்திருக்கிறது. நமது இளைஞர்கள் புதிய கண்டுபிடிப்புகளை நிகழ்த்தி அவற்றுக்கு காப்புரிமை பெற்று வருகிறார்கள். 

தற்போது உலக நாடுகள் தங்கள் பிரச்சினைகளுக்கான தீர்வுகளுக்கு இந்தியாவை எதிர்நோக்கியுள்ளன. இரு நாடுகளுக்கு இடையே சண்டை ஏற்படும் போது சமரசம் செய்வதற்கு அவை இந்தியாவை எதிர்பார்க்கின்றன. கரோனா காலகட்டத்தில் பல நாடுகளுக்கு இந்தியா தடுப்பூசிகளை வழங்கியது. இந்தியாவில் தொழில் தொடங்கவும், முதலீடுகள் செய்யவும் உலக நாடுகள் விரும்புகின்றன. நீண்ட காலமாக நாம் ஆராய்ச்சி மற்றும் மேம்பாட்டுக்கு தேவையான நிதியை ஒதுக்கவில்லை. அதனால்தான் வளர்ச்சியில் முன்பு பின்தங்கியிருந்தோம். ஆனால், தற்போது நிலைமை மாறிவிட்டது. செயற்கை நுண்ணறிவு, குவாண்டம்கம்ப்யூட்டிங், அட்வான்ஸ்டு ரோபோட்டிக்ஸ், நானோ டெக்னாலஜி உள்ளிட்ட துறைகளில் மிகப்பெரிய அளவில் முன்னேறியுள்ளோம். நாம் இன்னும் முன்னேற வேண்டியுள்ளது. அதற்கான பயணத்தை தொடங்கிவிட்டோம் என ஆளுநர் பேசினார்.

விழாவில் சிறப்பு விருந்தினராக பங்கேற்ற டி.வி.எஸ் குழுமங்களின் தலைவர் வேணு சீனிவாசன் வாழ்த்துரை வழங்கினார். முன்னதாக, பிம் ஆட்சிக்குழு தலைவர் ரவி அப்பாசாமி வரவேற்று அறிமுகவுரை ஆற்றினார். நிறைவாக, ஆட்சிக்குழு உறுப்பினர் சதிஷ் பராசரன் நன்றி கூறினார்.

செய்தி: க.சண்முகவடிவேல்

ரகசிய பயணம் எதுவும் நான் மேற்கொள்ளவில்லை. ஆயுர்வேத சிகிச்சைக்காக கேரளா சென்றிருந்தேன் என அ.தி.மு.க பொதுச்செயலாளர் எடப்பாடி பழனிசாமி தெரிவித்துள்ளார்.

சேலம் மாவட்டம் ஏற்காட்டில் கடந்த 30 ஆம் தேதி தனியார் பேருந்து கொண்டை ஊசி வளைவுப் பகுதியில் கவிழ்ந்து விபத்துக்குள்ளானது. இந்த விபத்தில் 6 பேர் மரணம் அடைந்தனர். மேலும் சுமார் 60க்கும் மேற்பட்டோர் படுகாயம் அடைந்தனர்.

இந்நிலையில் ஏற்காட்டில் ஏற்பட்ட பேருந்து விபத்தில் சிக்கி சேலம் அரசு மருத்துவமனையில் சிகிச்சை பெற்று வருபவர்களை அ.தி.மு.க பொதுச்செயலாளர் எடப்பாடி பழனிசாமி சந்தித்து நலம் விசாரித்தார்.

அதன்பின்னர் செய்தியாளர்களை சந்தித்து எடப்பாடி பழனிச்சாமி, “பேருந்து விபத்தில் உயிரிழந்த குடும்பங்களுக்கு தலா ரூ.10 லட்சமும், படுகாயமடைந்தவர்களுக்கு ரூ.2 லட்சமும் தமிழ்நாடு அரசு வழங்க வேண்டும். சுற்றுலா தலங்களுக்கு வரும் வாகனங்களை அதிகாரிகள் முறையாகக் கண்காணிக்க வேண்டும்.

தி.மு.க. அரசு 2021-2022 ஆம் ஆண்டு நிதிநிலை அறிக்கையில் 5,000 புதிய பேருந்துகள் வாங்குவதாக அறிவித்தனர். 2022-23 ஆண்டில் 1000 பேருந்துகள் வாங்குவதாக அறிவித்தனர். எனக்கு தெரிந்து 400 முதல் 500 பேருந்துகள் மட்டுமே வாங்கப்பட்டுள்ளன. கடந்த 10 ஆண்டுகால அ.தி.மு.க. ஆட்சியில் 14,500 புதிய பேருந்துகள் வாங்கப்பட்டன. அரசு பேருந்துகள் பழுதடைந்து விட்டது. அரசு பேருந்துகளில் பயணிகள் அச்சத்துடன் பயணிக்கின்றனர். சில நேரங்களில் மழைக்காலங்களில் பேருந்தில் ஒழுகுகிறது. 

வறட்சியின் காரணமாக பொது மக்கள் குடிநீர் தட்டுப்பாடு ஏற்பட்டு அவதிப்படுகின்றனர். ஆனால் இந்த அரசு மதுபான வருமானத்தில் மட்டுமே கவனம் செலுத்துகிறது. அ.தி.மு.க. ஆட்சியில் கொண்டு வந்த குடிமராமத்து திட்டத்தை தொடர்ந்து இருந்தாலே தற்போது கோடை காலத்தில் அந்த நீரை பயன்படுத்தி இருக்கலாம். வறட்சியான நேரத்தில் முதலமைச்சர் ஓய்வு எடுப்பதற்கு செல்வதா?

ரகசிய பயணம் எதுவும் நான் மேற்கொள்ளவில்லை. ஆயுர்வேத சிகிச்சைக்காக கேரளா சென்றிருந்தேன். அதிக நேரம் நிற்பதால் குதிகாலில் வலி ஏற்பட்டது." இவ்வாறு எடப்பாடி பழனிசாமி கூறினார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Tamil Nadu: இந்தியப் பெருங்கடலின் தெற்குப் பகுதியில் சில நேரங்களில் திடீரென எந்தக் குறிப்பும் அல்லது எச்சரிக்கையும் இன்றி ஏற்படும் பலத்த காற்றின் விளைவுதான் "கல்லக்கடல்" என அழைக்கப்படுகிறது. இந்நிகழ்வு இன்றும், நாளையும் ஏற்பட வாய்புள்ளதால் தமிழ்நாட்டில் கடல் கொந்தளிப்புடன் இருக்கும் என இந்திய கடல்சார் தகவல் மையம் எச்சரிக்கை விடுத்துள்ளது.

காற்றின்போக்கு காரணமாக தென் தமிழக கடற்கரை, கேரளா, கர்நாடகா, மும்பை கடலோரங்களில் அதீத அலைக்கான எச்சரிக்கை விடுக்கப்படுவதாக இந்திய வானிலை ஆய்வு மையம் தெரிவித்துள்ளது. இதன்படி கர்நாடகா, மராட்டியம் பகுதிகளில் அதீத அலைக்கான எச்சரிக்கையை இந்திய வானிலை ஆய்வு மையம் விடுத்தது. அதன் எதிரொலியாக தமிழ்நாட்டிலும் எச்சரிக்கை விடுக்கப்பட்டுள்ளது. காற்றின் போக்கு காரணமாக கடலோர மாவட்டங்களில் கடல் கொந்தளிப்புடன் காணப்படும் என்றும், இதனால் அப்பகுதி மக்கள் மிகுந்த கவனமுடன் இருக்குமாறும் அறிவுறுத்தப்பட்டுள்ளது.

மேலும் கன்னியாகுமரி, நெல்லை, ராமநாதபுரம், தூத்துக்குடி மாவட்டங்களின் கடலோர பகுதிகள் ரெட் அலர்ட்டும், சென்னை, திருவள்ளூர், காஞ்சிபுரம், செங்கல்பட்டு ஆகிய மாவட்டங்களின் கடலோர கிராமங்களுக்கு ஆரஞ்சு எச்சரிக்கையும், கடலூர் மற்றும் நாகப்பட்டினம் கடற்பகுதிகளுக்கு மஞ்சள் நிற எச்சரிக்கையும் விடுக்கப்பட்டுள்ளது.

நாளை இரவு வரை தென் தமிழக மாவட்டங்களில் 0.5 முதல் 1.8 மீட்டர் வரை கடல் அலை எழுப்புவதற்க்கு வாய்ப்புள்ளதாக தெரிவிக்கப்பட்டுள்ளது. எனவே மக்கள் கடற்கரைக்கு செல்ல வேண்டாம் என கடல் சார் தகவல் மையமும் எச்சரிக்கை விடுத்துள்ளது.

நாளை இரவு வரை கல்லக்கடல் (Swell Surge) எனப்படும் காற்றின் மாறுபாடு காரணமாக முன்னெச்சரிக்கை இல்லாத கடல் கொந்தளிப்பு இருக்கும் என்பதால் மீனவர்கள் தங்கள் படகுகளை கரைகளில் இருந்து தூரமாக நிறுத்தி வைக்குமாறும் கேட்டுக் கொள்ளப்பட்டுள்ளது. இது தமிழில் கல்லக்கடல் விளைவு என்றழைக்கப்படுகிறது. 

மேலும், மும்பையில் கடல் சீற்றமாக இருக்கும் என்பதால் அதிக உயரத்தில் கடல் அலைகள் எழும்பலாம் என்று வானிலை மையம் எச்சரிக்கை விடுத்துள்ளது. கடல் அலைகள் 1.5 மீட்டர் உயரத்திற்கு எழும் என்பதால் மக்கள் அங்கு செல்ல வேண்டாம் என்று அறிவுறுத்தப்பட்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

நெல்லை கிழக்கு மாவட்ட காங். தலைவர் ஜெயக்குமார் தன சிங் எரிந்த நிலையில் சடலமாக கண்டெடுக்கப்பட்ட  விவகாரம் தொடர்பாக 3 தனிப்படைகள் அமைத்து விசாரணை மேற்கொள்ளப்படுவதாக நெல்லை எஸ்.பி சிலம்பரசன் தெரிவித்துள்ளார். 

திருநெல்வேலி கிழக்கு மாவட்ட காங்கிரஸ் கட்சியின் தலைவராக இருந்தவர் திசையன்விளை அருகே உள்ள கரைசுத்து புதூரைச் சேர்ந்த கே.பி.கே ஜெயக்குமார். இவர் நடைபெற்று முடிந்த நாடாளுமன்ற தேர்தலில் காங்கிரஸ் வேட்பாளர் ராபர்ட் ப்ரூசுக்கு ஆதரவாக தீவிரமாக பிரச்சாரம் செய்து வந்தார். இந்த நிலையில், ஜெயக்குமாரை 2 நாட்களாக காணவில்லை என அவரது மகன் கருத்தையா ஜாஃப்ரின் உவரி காவல் நிலையத்தில் புகார் அளித்திருந்தார். 

தனது தந்தை கடந்த 2-ம் தேதி இரவு 7.45 மணிக்கு வீட்டில் இருந்து சென்றதாகவும் அதன் பிறகு அவர் வீடு திரும்பவில்லை என்றும் கூறியிருந்தார். முன்னதாக, கடந்த 30-ம் தேதி ஜெயக்குமார் மாவட்ட எஸ்.பி அலுவலகத்திற்கு தனக்கு கொலை மிரட்டல் வருவதாக கூறி கடிதம் அனுப்பி உள்ளார்.

கருத்தையாவின் புகாரின் பேரில் போலீசார் விசாரணை மேற்கொண்டு வந்த நிலையில், இன்று (மே 4) கரைசுத்து புதூர் அருகே உள்ள தோட்டத்தில் உடல் எரிந்த நிலையில் ஜெயக்குமார் சடலமாக மீட்கப்பட்டார். காங்கிரஸ் கட்சியின் மாவட்ட தலைவர் மர்மமான முறையில் உயிரிழந்த சம்பவம் தமிழ்நாடு முழுவதும் பெரும் பரபரப்பையும் அதிர்ச்சியையும் ஏற்படுத்தி உள்ளது. 

இந்நிலையில், இந்த விவகாரம் தொடர்பாக விசாரணை மேற்கொள்ள 3 தனிப்படைகள் அமைக்கப்படும் என நெல்லை எஸ்.பி சிலம்பரசன் தெரிவித்துள்ளார். 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

Tamil Nadu School Education Department: தமிழகத்தில் நிலவி வரும் கடும் வெயில் மக்களை வாட்டி வதைத்து வருகிறது. கடுமையான வெப்பம் நிலவும் இந்தக் காலத்தில் கட்டாயமாக சிறப்பு வகுப்புகள் நடத்தக் கூடாது என்றும், கோடை விடுமுறை நாட்களில் சிறப்பு வகுப்புகள் நடத்தும் பள்ளிகள் மீது கடும் நடவடிக்கை எடுக்கப்படும் என்றும் தமிழக பள்ளிக்கல்வித் துறை சார்பில் எச்சரிக்கை விடுக்கப்பட்டுள்ளது. 

இது தொடர்பாக தமிழக பள்ளிக்கல்வித்துறை வெளியிட்டுள்ள அறிக்கையில், "தமிழக அரசு, அனைத்துப் பள்ளிகளுக்கும் கோடை விடுமுறை அறிவித்தப் பின்னரும் பல்வேறு பள்ளிகளில் சிறப்பு வகுப்புகள் நடத்துவதாக தொடர்ந்து புகார்கள் வந்த வண்ணம் இருக்கின்றன. கடுமையான வெப்பம் நிலவும் இக்காலத்தில் கட்டாயமாக சிறப்பு வகுப்புகள் நடத்தக் கூடாது.

மீறி சிறப்பு வகுப்புகள் எடுக்கும் பள்ளிகளின் மீது நடவடிக்கை எடுக்கப்படும் என்பதைத் தெரிவித்துக் கொள்கிறோம். இதில் அனைத்துக் கல்வி அலுவலர்களும் சிறப்புக் கவனம் செலுத்துமாறு கேட்டுக் கொள்கிறோம்." என்று தெரிவிக்கப்பட்டுள்ளது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

பெண் காவலர்கள் மற்றும் காவல்துறை அதிகாரிகள் குறித்து சமூக வலைதளங்களில் தவறாக பேசியதாக யூடியூபர் சவுக்கு சங்கர் கைது செய்யப்பட்டுள்ளார்.

தேனியில் தனியார் விடுதியில் தங்கியிருந்த சங்கரை, கோவை மாநகர சைபர் கிரைம் காவல்துறையினர் கைது செய்து, கோவை அழைத்து வருகின்றனர்.

அரசியல் விமர்சகர் மற்றும் ஊடகவியலாளர் சவுக்கு சங்கர், தமிழக அரசை கடுமையாக விமர்சனம் செய்து வருகிறார். குறிப்பாக தனது சவுக்கு ஊடகத்தின் மூலம் திமுக அரசின் செயல்பாடுகளையும், மு.க.ஸ்டாலின், உதயநிதியை விமர்சித்து வீடியோக்களை வெளியிட்டு வருகிறார்.

இந்த நிலையில், சவுக்கு சங்கருக்கு ஆதரவாக  எடப்பாடி பழனிசாமி, ட்வீட்டர் பக்கத்தில் வெளியிட்ட பதிவில், ”விடியா திமுக அரசின் ஊழல்களை தொடர்ந்து மக்களிடத்தில் அம்பலப்படுத்தும் @SavukkuMedia ஊடகத்தை முடக்கும் முனைப்பில் அந்நிறுவன ஊழியர்கள் மற்றும் வாசகர்களை குறிவைத்து காவல்துறையை ஏவி பொய் வழக்குகளில் கைது செய்யும் விடியா அரசின் அராஜகப் போக்கிற்கு எனது  கண்டனம்.

ஊடகங்கள் மற்றும் பத்திரிகைகளை தன் கைகளுள் வைத்துக்கொண்டு, தான் ஏதோ நல்லாட்சி வழங்குவது போல ஒரு பொய் பிம்பத்தை உருவாக்கி, அந்த மாய உலகத்தில் மு.க.ஸ்டாலின் அவர்கள் திளைத்துக் கொண்டிருப்பதை நான் அடிக்கடி சுட்டிக்காட்டி வந்துள்ளேன்.

அதனையும் மீறி சில ஊடகங்கள் இந்த விடியா ஆட்சியின் அவலங்களை மக்களிடத்தில் அம்பலபடுத்தினால், தன் கட்டுப்பாட்டில் இருக்கும் காவல்துறையை ஏவி பொய் வழக்குகளால் முடக்க முயற்சிப்பது திமுகவிற்கே உரித்தான அராஜக பாசிச குணம்.

சவுக்கு மீடியாவின் ஊழியர்கள் மற்றும் வாசகர்கள் மீதான அரசியல் காழ்ப்புணர்ச்சி ஏவல்களை உடனடியாக கைவிட்டு, மக்களாட்சியின் நான்காம் தூணான ஊடகங்கள் மற்றும் பத்திரிக்கைகளின் சுதந்திரமான செயல்பாட்டை உறுதிசெய்யுமாறு விடியா அரசின் முதல்வரை வலியுறுத்துவதாக” தெரிவித்துள்ளார்.

விடியா திமுக அரசின் ஊழல்களை தொடர்ந்து மக்களிடத்தில் அம்பலப்படுத்தும் @SavukkuMedia ஊடகத்தை முடக்கும் முனைப்பில் அந்நிறுவன ஊழியர்கள் மற்றும் வாசகர்களை குறிவைத்து காவல்துறையை ஏவி பொய் வழக்குகளில் கைது செய்யும் விடியா அரசின் அராஜகப் போக்கிற்கு எனது கண்டனம்.

ஊடகங்கள் மற்றும்…

— Edappadi K Palaniswami - Say No To Drugs & DMK (@EPSTamilNadu) May 3, 2024

சவுக்கு சங்கர் என அறியப்படும் ஆச்சிமுத்து சங்கர், தமிழ்நாடு லஞ்ச ஒழிப்புத் துறையில் இளநிலை உதவியாளராகப் பணியாற்றியவர்.

2008ம் ஆண்டு இரண்டு அதிகாரிகளுக்கு இடையிலான தொலைபேசி உரையாடலின் குரல் பதிவை ஊடகங்களுக்கு கசியவிட்ட விவகாரத்தில் பணியில் இருந்து இடை நீக்கம் செய்யப்பட்டார். 2010ஆம் ஆண்டு சவுக்கு என்கிற தமிழ் செய்தி இணையதளத்ததை நிறுவி, தீவிரமான சர்ச்சைக்கு இடமான கட்டுரைகளை வெளியிட்டு வந்தார்.

சில ஆண்டுகளுக்கு முன்பு அவர் நடத்திய வந்த சவுக்கு நெட் என்ற இணையதளத்தில் பிறரை புண்படுத்தும் உள்ளடக்கங்கள் இடம் பெற்றுள்ளதாக தெரிவித்து, சென்னை உயர் நீதிமன்ற நீதிபதி சி.டி. செல்வம் அதற்கு தடை விதித்தார். பிரபல யூடியூப் பக்கங்களிலும் அவர் தொடர்ந்து அளித்து வந்த பேட்டிகள் சர்ச்சையையும் விவாதத்தையும் தூண்டின.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

கோத்தகிரி சாலையில் 200 அடி பள்ளத்தில் மினி பஸ் கவிழ்ந்து விபத்து - சென்னையைச் சேர்ந்த சுற்றுலா பயணிகள் 32 பேர் படுகாயம். 7 வயது சிறுவன் பலி.

கோவையில் மேட்டுப்பாளையம் -  கோத்தகிரி சாலையில் இரண்டாவது கொண்டை ஊசி வளைவு அருகே ஊட்டி சென்று விட்டு மேட்டுப்பாளையம் நோக்கி வந்து கொண்டிருந்த மினி பஸ் 200 அடி பள்ளத்தில் கவிழ்ந்து விபத்துக்குள்ளானதில், 32 பேர் படுகாயமடைந்த சம்பவம் பெரும் சோகத்தை ஏற்படுத்தி உள்ளது.

சென்னை பெரம்பூர், கொளத்தூர் பகுதிகளைச்சேர்ந்த நண்பர்கள், அவர்களது குடும்பத்தினர் என 31 பேர் கடந்த 30 ஆம் தேதி கோடை விடுமுறையை கழிப்பதற்காக நீலகிரி எக்ஸ்பிரஸ் ரயிலில் மேட்டுப்பாளையம் வந்துள்ளனர். பின்னர் மறுநாள் மேட்டுப்பாளையத்தில் இருந்து மினி பஸ் வாடகைக்கு எடுத்து ஊட்டிக்கு சென்றுள்ளனர். ஊட்டியில் உள்ள சுற்றுலாத்தலங்களை சுற்றிப்பார்த்த பின் இன்று மாலை மீண்டும் நீலகிரி எக்ஸ்பிரஸ் ரயிலில் செல்வதற்காக மேட்டுப்பாளையம் நோக்கி வந்து கொண்டிருந்துள்ளனர்.

அப்போது குஞ்சப்பனை அருகே பவானிசாகர் காட்சி முனை பகுதியில் வந்து கொண்டிருந்த போது மினி பேருந்தில் பிரேக் பிடிக்கவில்லை என கூறப்படுகிறது. பேருந்தின் டிரைவர் எவ்வளவோ முயன்றும் பிரேக் பிடிக்காத நிலையில், டிரைவரின் கட்டுப்பாட்டை இழந்த பேருந்து 200"அடி பள்ளத்தில் கவிழ்ந்து விபத்துக்குள்ளானது. பேருந்தில் பயணித்த 31 பேரும் மரண பயத்தில் கத்தி கூச்சலிட்டுள்ளனர்.

இதனை கண்டு அதிர்ச்சியடைந்த அவ்வழியே சென்ற வாகன ஓட்டிகள் இதுகுறித்து மேட்டுப்பாளையம் தீயணைப்பு மற்றும் காவல் துறையினருக்கு தகவல் தெரிவித்துள்ளனர்.  இச்சம்பவம் குறித்து அறிந்த காவல் ஆய்வாளர் மணிகண்டன் தலைமையிலான போலீசார் மற்றும் தீயணைப்பு நிலைய அலுவலர் பாலசுந்தரம் தலைமையிலான தீயணைப்புத்துறையினர் விரைந்து சென்று மீட்பு பணிகளில் இடுபட்டுள்ளனர்.

சுமார் ஒரு மணி நேரத்திற்கும் மேலாக போராடி பேருந்தில் பயணித்து படுகாயமடைந்த டிரைவர் உட்பட 32 பேரை பத்திரமாக மீட்டு ஆம்புலன்ஸ் மூலமாக மேட்டுப்பாளையம் அரசு மருத்துவமனைக்கு அனுப்பி வைத்தனர்.  அங்கு அவர்களுக்கு தீவிர சிகிச்சை அளிக்கப்பட்டு வருகிறது.

இந்த விபத்தில் வித்யா(35),மான்வி(7), பிரணவி(3),சரண்யா(33), சாஹல்(6), சுதர்சனா(34),  ஹாசிம்(7), ஸ்ரீதர்(39), ஹனீஸ்(10), அபினேஷ் ஆதித்யா(7), கீர்த்தனா(10), அதிதி(7), உசைனா(34), சுஜாதா(32),கிருத்திகா(7), பிரசாத்(36),சாகுல் ஹமீது(37), மோனிகா(34), ஆசிப்(7), பிரியதர்ஷினி(14), தினேஷ்(38), ஹர்ஷினி(6), லோகேஷ்(40), மதன்குமார்(36), வேதவர்ஷினி(6), ஷாமிலி(28),கிருத்திகா(6) உள்ளிட்ட 32 பேர் படுகாயமடைந்து மேட்டுப்பாளையம் அரசு மருத்துவமனையில் சிகிச்சை பெற்று வருகின்றனர்.

இதில் ஆறு பேர் மேல்சிகிச்சைக்காக கோவை அரசு மருத்துவமனைக்கு அனுப்பி வைக்கப்பட்டுள்ளனர். மேலும் விபத்துக்குள்ளான பேருந்தில் 7 வயது சிறுவன் உயிரிழந்த நிலையில் சிக்கி இருப்பதாக தகவல்கள் வந்துள்ளன.  அவரை மீட்கும் பணியில் தீயணைப்புத்துறையினர் தீவிரமாக ஈடுபட்டு வருகின்றனர். இச்சம்பவம் குறித்து மேட்டுப்பாளையம் போலீசார் வழக்குப்பதிவு செய்து விசாரணை மேற்கொண்டு வருகின்றனர்.

இச்சம்பவம் குறித்து அறிந்த திமுக தலைமைச்செயற்குழு உறுப்பினர் அஷ்ரப் அலி,மேட்டுப்பாளையம் எம்எல்ஏ ஏ.கே.செல்வராஜ் உள்ளிட்டோர் மேட்டுப்பாளையம் அரசு மருத்துவமனைக்கு விரைந்து வந்து அளிக்கப்படும் சிகிச்சைகள் குறித்து மருத்துவரிடம் கேட்டறிந்ததோடு, காயமடைந்தவர்களை நேரில் சந்தித்து ஆறுதல் தெரிவித்தனர்.

மினி பஸ் பிரேக் பிடிக்காமல் 200 அடி பள்ளத்தில் கவிழ்ந்து விபத்துக்குள்ளானதில் சென்னையைச்சேர்ந்த சுற்றுலா பயணிகள் 32 பேர் படுகாயமடைந்து,சிறுவன் பலியான  சம்பவம் சோகத்தை ஏற்படுத்தியுள்ளது.

கோவை, சிங்காநல்லூர் பகுதியைச் சேர்ந்த சுதாகர். இவர் பெங்களூரில் பணியாற்றி வருகிறார். அவரது மனைவி மற்றும் குழந்தைகள் சிங்காநல்லூர் பகுதியில் இருந்து வருகின்றனர். இந்நிலையில் அவரது குழந்தைக்கு சிங்காநல்லூர் பகுதியில் உள்ள பிரபல கே.எஃப்.சி சிக்கனில் நான்கு வகையான சிக்கன்களை ஆன்லைனில் ஆர்டர் செய்தார்.

அந்த சிக்கனை உண்ணும் போது சிக்கன்குள் இரும்பு ஸ்கிராப்பை குழந்தை கண்டு தனது அம்மாவிடம் கூறினார். அதைக் கண்டு அதிர்ச்சி அடைந்த அவர், இது குறித்து பெங்களூரில் இருக்கின்ற அவரது கணவர் சுதாகரிடம் தெரிவித்தார். உடனடியாக அந்த கே.எஃப்.சி சிக்கன் உணவகத்திற்கு சுதாகர் தொடர்பு கொள்ள பல முறை முயற்சித்தார். ஆனால் அவர்கள் எந்த ஒரு பதிலும் அளிக்கவில்லை.

இது குறித்து உணவு டெலிவரி செய்யும் ஜூமோட்டோ நிறுவனத்திற்கு புகார் அளித்து உள்ளார். அந்த நிறுவனத்தினர் அவர்களுக்கு உண்டான ஆர்டரின் பணத்தை திருப்பி அனுப்புவதாக கூறி உள்ளனர். அதை ஏற்க மறுத்த சுதாகர் தனது மனைவியிடம் அந்த உணவில் இருந்த கம்பியை புகைப்படம் எடுத்து அவருக்கு அனுப்ப கூறியுள்ளார்.

அந்தப் புகைப்படங்களை சுதாகர் சமூக வலைதளங்களில் பதிவு செய்து இதுபோன்று கே.எஃப்.சி-யில் ஆர்டர் செய்யும் உணவை குழந்தைகளுக்கு கொடுக்கும் போது பெற்றோர் கவனமாக இருங்கள் எனவும் எச்சரிக்கை பதிவை பதிவு செய்து உள்ளார். தற்போது அந்த பதிவு சமூக வலைதளங்களில் வைரல் ஆகி வருகிறது. மேலும் அந்த இரண்டு குழந்தைகளுக்கும் தற்போது வாந்தி மற்றும் வயிற்றுப்போக்கு ஏற்பட்டுள்ளது.

இதனிடையே மீதமிருந்த சிக்கனை பிரித்து பார்க்கும்போது அதில் புழுக்கள் இருந்ததாகவும் வீடியோ பதிவு செய்து உள்ளார். இது குறித்து உணவு பாதுகாப்பு துறை அதிகாரிகள் உரிய விசாரணை நடத்தி நடவடிக்கை எடுக்க வேண்டும் என்பதே அனைவரின் எதிர்பார்ப்பாக உள்ளது.

Villupuram | விழுப்புரம் தொகுதி வாக்கு எண்ணும் மையத்தில் சி.சி.டி.வி. கேமராக்கள் சுமார் 30 நிமிடங்கள் வேலை செய்யவில்லை என்ற புகார் எழுந்துள்ளது.

அதாவது, இன்று (மே3,2024) காலை 9.28 மணி அளவில் வாக்குப்பதிவு இயந்திரங்கள் வைத்திருக்கும் ஸ்ட்ராங் ரூமுக்கான சி.சி.டி.வி. கேமராக்கள் திடீரென செயல் இழந்தன.

இது குறித்து, வேட்பாளர்களின் முகவர்கள் அதிகாரிகளுக்கு தகவல் தெரிவித்த நிலையில் மீண்டும் 9.56 மணிக்கு  சிசிடிவி கேமராக்கள் செயல்படத் தொடங்கின.
இது குறித்து விழுப்புரம் மாவட்ட ஆட்சியர் பழனி விளக்கம் விளக்கம் அளித்துள்ளார். அந்த விளக்கத்தில், “யு.பி.எஸ்.-ல் மின்தடை ஏற்பட்டு, பின் அது சரி செய்யப்பட்டது எனத் தெரிவித்துள்ளார்.

விழுப்புரம் அறிஞர் அண்ணா அரசு கலைக் கல்லூரியில் 3 அடுக்கு போலீஸ் பாதுகாப்புடன் வாக்குப்பதிவு இயந்திரங்கள் வைக்கப்பட்டுள்ளன. இந்த நிலையில், விழுப்புரம் ஸ்ட்ராங் ரூமில் சி.சி.டி.வி. பாதிப்பு ஏற்பட்டுள்ளது.
இதேபோல் கடந்த சில தினங்களுக்கு முன்பு நீலகிரி மக்களவை தொகுதியில் வைக்கப்பட்டிருந்த வாக்குப்பதிவு இயந்திரங்கள் செயல் இழந்தன.

அதிக வெப்பம் காரணமாக அவை செயலிழந்தன என அம்மாவட்ட ஆட்சியர் விளக்கம் அளித்தார் என்பது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

நீலகிரி, கிருஷ்ணகிரி, தருமபுரி, ஈரோடு, திருப்பத்தூர், வேலூரில் மே 7-ம் தேதி ஓரிரு இடங்களில் கனமழைக்கு வாய்ப்பு உள்ளது எனக் கூறிய தென்மண்டல வானிலை ஆய்வு மையத் தலைவர் பாலச்சந்திரன், சென்னையில் கோடை மழைக்கு வாய்ப்பில்லை என்று வெள்ளிக்கிழமை கூறினார்.

தமிழகத்தில் வெயிலின் வெப்பம் சுட்டெரித்து வரும் நிலையில், நாளை (மே 4)  கத்திரி வெயில் தமிழ்நாட்டில் நாளை தொடங்க உள்ள நிலையில், சென்னையில் கோடை மழை பெய்ய வாய்ப்பு இல்லை என்று தென் மண்டல வானிலை ஆய்வு மையத் தலைவர் பாலச்சந்திரன் தெரிவித்துள்ளார். 

தமிழகத்தில் நாளை (மே 4) கத்திரி வெயில் தொடங்குகிறது. மே 3 மற்றும் மே 4-ம் தேதி தமிழ்நாடு, புதுச்சேரி மற்றும் காரைக்கால் பகுதிகளில் வெப்ப அலை வீசும் என்றும் இந்திய வானிலை ஆய்வு மையம் தெரிவித்துள்ளது. 17 மாவட்டங்களுக்கு ஆரஞ்சு அலர்ட் விடப்பட்டுள்ளது என்று சென்னை வானிலை ஆய்வு மைய தென்மண்டல தலைவர் பாலச்சந்திரன் செய்தியாளர்களை சந்தித்து பேசினார். 

தென் மண்டல வானிலை ஆய்வு மையத் தலைவர் பாலச்சந்திரன் செய்தியாளர்களிடம் பேசியதாவது: “இன்று (மே 3 முதல் 6-ம் தேதி வரை வட தமிழ்நாட்டின் உள் மாவட்டங்களில் ஓரிரு இடங்களில் வெப்ப அலை வீசக்கூடும்.

இதுவரை இல்லாத அளவில் இந்தாண்டு வெப்ப அலை அதிகரித்து காணப்படுகிறது. கிருஷ்ணகிரி, தருமபுரி, வேலூர் உள்ளிட்ட மாவட்டங்களில் கோடை மழை பெய்துள்ளது. நீலகிரி, கிருஷ்ணகிரி, தருமபுரி, ஈரோடு, திருப்பத்தூர், வேலூரில் மே 7-ல் ஓரிரு இடங்களில் கனமழைக்கு வாய்ப்பு உள்ளது. கோடை மழை பெய்யும்போது வெப்பநிலை குறைய வாய்ப்பு உள்ளது. தருமபுரி, திருத்தணி, திருப்பத்தூர் உட்பட 10 இடங்களில் 42 டிகிரி செல்சியஸுக்கும் அதிகமாக வெப்பம் பதிவாகியுள்ளது. தமிழ்நாட்டில் உள் மாவட்டங்களில் 2 முதல் 4 டிகிரி செல்சியஸ் அதிகரிக்கும்.

கரூரில் இயல்பை விட 7% அதிகமாக 43 டிகிரி செல்சியஸ் 11வெப்பம் பதிவாகி உள்ளது. ஏப்ரல் தொடங்கி 27 நாட்கள் ஈரோட்டில் தொடர்ந்து 40 டிகிரி செல்சியஸுக்கு மேல் வெப்பம் பதிவாகி உள்ளது. சென்னையில் அடுத்த 2 தினங்களுக்கு 39-40 டிகிரி செல்சியஸ் வெப்பம் பதிவாகலாம்அடுத்த 5 தினங்களில் தமிழகத்தின் உள் மாவட்டங்களில் கோடை மழை பெய்யக்கூடும். சென்னையில் கோடை மழைக்கு வாய்ப்பே இல்லை என்று கூறினார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

கோவையில் தனி காவலர் பாதுகாப்புக்காக தன்னை ஒருவர் செல்போனில் படம் பிடித்து அச்சுறுத்துவதாக கூறி நாடகமாடிய இந்து முன்னணி பிரமுகர் சூரிய பிரசாத் என்பவரை காவல்துறையினர் கைது செய்துள்ளனர்.

கோவை செல்வபுரம் பகுதியை சேர்ந்தவர் சூர்ய பிரசாத். இந்து முன்னனி அமைப்பின் செல்வபுரம் நகரத் தலைவராக பணியாற்றி வருகிறார். இந்த நிலையில்  கடந்த 30-ம் தேதி அன்று செல்வபுரம் வடக்கு அடுக்குமாடி குடியிருப்பை சேர்ந்த அசாருதீன் என்பவர் தன்னை செல்போனில் படம் எடுத்ததாக கூறி அவரை மிரட்டி செல்போனை பறித்து செல்வபுரம் காவல்நிலையத்தில்  ஒப்படைத்தார். 

இதையடுத்து போலீஸார் அசாருதீனிடம் விசாரணை நடத்தி செல்போனை ஆய்வு செய்த போது  செல்போனில் அவ்வாறு படம் ஏதும் இல்லாதது தெரியவந்தது. மேலும் விசாரணையில் தனி பாதுகாவலர் வேண்டும் என்பதற்காக அசாருதீனை மிரட்டி செல்போனை பறித்து நாடகமாடி பொய் புகார் அளித்ததும் தெரியவந்தது. தொடர்ந்து தன் மீது பொய்யான புகார் அளித்து இரு தரப்பினரிடையே பிரச்சினையை தூண்டும் விதமாக செயல்பட்டதாக அசாருதீன் அளித்த புகாரின் அடிப்படையில் இந்து முன்னனி பிரமுகர் சூர்ய பிரசாத் மீது வழக்குப் பதிவு செய்த செல்வபுரம் காவல்நிலைய போலீஸார் சூர்ய பிரசாத்தை கைது செய்தனர். 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Coimbatore: தமிழகத்தில் கோடை கால வெயில் மக்களை வாட்டி வதைத்து வருகிறது. இயல்பைவிட 9 டிகிரி வெப்பம் அதிகரிக்கும் என்று வானிலை ஆய்வு மையம் எச்சரித்துள்ளது. இந்த வெயில் காலத்தில் மக்கள் பாதுகாப்பாக இருந்திட அரசு முன்னேற்பாடுகளை செய்து வருகிறது. 

இந்நிலையில், அதிகரித்து கோடை வெயிலில் இருந்து வாகன ஓட்டிகளை பாதுகாக்க புதுச்சேரி பொதுப்பணித்துறை நிர்வாகம் எஸ்.வி. பட்டேல் சாலையில் உள்ள அதிதி சிக்னலில் தற்காலிக பச்சை நிற மேற்கூரையை அமைத்துள்ளது. சிக்னலுக்காக காத்திருக்கும் வாகன ஓட்டிகள் வெயிலில் அவதிப்படாமல் இருக்க இந்த ஏற்பாடு செய்யப்பட்டுள்ளது. இதனால் வாகன ஓட்டிகள் மகிழ்ச்சி அடைந்துள்ளனர். 

இதேபோல், தமிழகத்தில் திருச்சியில் சிக்னலில் தற்காலிக பச்சை நிற மேற்கூரை அமைக்கப்பட்டுள்ளது. திருச்சியில் 100 மீட்டருக்கு 1 சிக்னல் இருப்பதால் வாகன ஓட்டிகள் சிக்னலில் நிற்க முடியாமல் தவித்து வந்தனர். சிக்னலில் தவிக்கும் வாகன ஓட்டிகளின் சிரமத்தை தவிர்க்க காவல் துறை சார்பில் தற்காலிக பச்சை நிற மேற்கூரை அமைக்கப்பட்டுள்ளது. இந்த ஏற்பட்டால் சிக்னலில் காத்திருக்கும் வாகன ஓட்டிகள் மகிழ்ச்சி அடைந்துள்ளனர்.

இந்த நிலையில், தற்போது கோவை நகரின் முக்கிய இடங்களில் மாநகராட்சி சார்பில் தற்காலிக பச்சை நிற மேற்கூரை அமைக்கப்பட்டுள்ளது. இந்தத் திட்டம் கோவை மாநகராட்சியில் டிராபிக் சிக்னல்கள், பொது இடங்கள் மற்றும் பஸ் நிறுத்தங்களில் செயல்படுத்தப்பட்டுள்ளது. இந்த மேற்கூரைகள் வெயிலின் தாக்கத்தை குறைத்து, மக்களின் பயணத்தை இன்னும் இளைப்பாற செய்வதற்காக வடிவமைக்கப்பட்டுள்ளன.

இதனிடையே, கடும் வெயிலில் வாகன ஓட்டிகள் செல்லும் போது  கோவை மாநகர பகுதியான கவுண்டம்பாளையம் டிராபிக் சிக்னலில் நிற்கும்போது, லேசாக இளைப்பாற வசதியாக தற்காலிக பச்சை நிற வலைகள் கொண்டு மேற்கூரைகள் அமைக்கப்பட்டுள்ளது. இந்த முயற்சி மக்களிடம் நல்ல வரவேற்பை பெற்று வருகின்றது.

இதே மாதிரியான பச்சை நிற மேற்கூரைகளை டிராபிக் சிக்னல்கள் உள்பட கோவை மாநகரின் வெவ்வேறு பகுதிகளில் அமைக்க மாநகராட்சி திட்டமிட்டு உள்ளது. இந்த திட்டத்தை கோவை மாநகர காவல் துறையுடன் இணைந்து மாநகராட்சி முன்னெடுக்க உள்ளது.  இதை எப்படி திட்டமிட்ட இடங்களில் சரியாக செய்வது என காவல் துறையுடன் விரைவில் ஆலோசித்து, ஒப்புதல் பெற்று மாநகராட்சி தரப்பில் நடைமுறைப்படுத்தப்படும் என தெரியவருகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

தஞ்சாவூர் மாவட்டம் வல்லம் புதூர் ஊராட்சி தலைவரின் கணவரை சாதிப் பெயரைச் சொல்லித் திட்டி கொலை வெறி தாக்குதல் நடத்திய குற்றவாளிகளை கைது செய்ய வலியுறுத்தி வல்லம் பேருந்து நிலையம் அருகே விடுதலை சிறுத்தைகள் கட்சி சார்பில் இன்று ஆர்ப்பாட்டம் நடந்தது.

தஞ்சை மாவட்டம் வல்லம் புதூர் ஊராட்சி தலைவராக உள்ளவர் சாரதா. இவரது கணவர் பழனிச்சாமி. கடந்த சில நாட்களுக்கு முன்பு பழனிச்சாமியை அதே ஊரை சேர்ந்த சிலர் சாதி பெயரை சொல்லி திட்டியுள்ளனர். மேலும் அவர் மீது கொலை வெறி தாக்குதல் நடத்தியுள்ளனர். இதில் படுகாயம் அடைந்த அவர் தஞ்சாவூர் மருத்துவக் கல்லூரி மருத்துவமனையில் சிகிச்சை பெற்று வருகிறார். இந்த சம்பவத்தை கண்டித்து தஞ்சை மேற்கு மாவட்ட விடுதலை சிறுத்தைகள் கட்சி சார்பில் வல்லம் பேருந்து நிலையம் அருகே ஆர்ப்பாட்டம் நடந்தது.

இந்த ஆர்ப்பாட்டத்திற்கு மாவட்ட செயலாளர் தமிழன் தலைமை வகித்தார். இதில் கட்சியினர் கோரிக்கைகளை வலியுறுத்தி கோஷங்கள் எழுப்பினர். இதனைத்தொடர்ந்து வல்லம் போலீசார் ஆர்ப்பாட்டத்தில் ஈடுபட்டவர்களை சமாதானப்படுத்தி தஞ்சை ஆட்சியர் அலுவலகத்திற்கு சென்று மனு அளிக்குமாறு அறிவுறுத்தினர்.

பின்னர், தஞ்சாவூர் ஆட்சியர் அலுவலகத்திற்கு வந்த வல்லம் புதூர் ஊராட்சி தலைவர் சாரதா மற்றும் விடுதலை சிறுத்தைகள் கட்சியினர் அங்கு ஆட்சியர் தீபக் ஜேக்கப் இல்லாததால், மாவட்ட வருவாய் அலுவலர் தியாகராஜனிடம் கோரிக்கைகள் அடங்கிய மனுவை அளித்தனர்.

பின்னர் மேலிட பொறுப்பாளர் இடிமுரசு செய்தியாளர்களிடம் தெரிவித்ததாவது; தொடர்ச்சியாக தஞ்சை மாவட்டத்தில் தலித் ஊராட்சி மன்ற தலைவர்கள் தாக்குதலுக்கு உள்ளாகி வருகின்றனர். இது குறித்து உரிய நடவடிக்கை எடுக்க வேண்டும் என வலியுறுத்தியும் எவ்வித நடவடிக்கையும் எடுக்கப்படாமல் உள்ளது. மாவட்ட வருவாய் அலுவலர் தியாகராஜனிடம் இதுகுறித்து மனு அளிக்கப்பட்டது. அதற்கு அவர் உரிய நடவடிக்கை எடுக்கப்படும் எனத் தெரிவித்தார். தாக்குதல் சம்பவத்தில் ஈடுபட்ட குற்றவாளிகளை கைது செய்யாவிடில் விடுதலை சிறுத்தைகள் கட்சித் தலைவர் திருமாவளவன் தலைமையில் வல்லம் பகுதியில் மாபெரும் கண்டன ஆர்ப்பாட்டம் நடத்தப்படும் என்றார்.

இந்த சந்திப்பின்போது, மாவட்ட பொருளாளர் விடுதலை வேந்தன், மாநில துணைச் செயலாளர் சிவா தமிழ் நீதி, மாவட்ட அமைப்பாளர் தமிழ் வளவன், மாநில டாஸ்மாக் ஒருங்கிணைப்பாளர் செல்லதுரை, சமத்துவ வக்கீல் அணி நெப்போலியன், தொகுதி துணைச் செயலாளர் சுடர் வளவன் மற்றும் மாவட்ட, ஒன்றிய, நகர முகாம் பொறுப்பாளர்கள் 300க்கும் அதிகமானோர் கலந்து கொண்டனர்.

செய்தி: க.சண்முகவடிவேல்

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

Rain In Tamilnadu: தமிழகத்தில் நிலவி வரும் கடும் வெயில் மக்களை வாட்டி வதைத்து வருகிறது. இந்த நிலையில், அடுத்த இரண்டு நாட்களில் தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் லேசானது முதல் மிதமான மழை பெய்யக்கூடும் என்று சென்னை வானிலை ஆய்வு மையம் தெரிவித்துள்ளது. 

சென்னை வானிலை ஆய்வு மையம் வெளியிட்டுள்ள அறிக்கையில் கூறியிருப்பதாவது:-

மேற்கு திசை காற்றின் வேக மாறுபாடு காரணமாக, இன்று (03.05.2024 முதல் 06.05.2024 வரை) தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் லேசானது முதல் மிதமான மழை பெய்யக்கூடும்.

(07.05.2024) தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் லேசானது முதல் மிதமான மழை பெய்யக்கூடும். நீலகிரி, கிருஷ்ணகிரி, தர்மபுரி, ஈரோடு, திருப்பத்தூர் மற்றும் வேலூர் மாவட்டங்களில் ஓரிரு இடங்களில் கனமழை பெய்ய வாய்ப்பு உள்ளது.

08.05.2024 மற்றும் 09.05.2024: தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.

வெப்பநிலைக்கான எச்சரிக்கை:

03.05.2024 முதல் 07.05.2024 வரை: அடுத்த 5 தினங்களுக்கு, தமிழக உள் மாவட்டங்களில் ஒருசில இடங்களில் அதிகபட்ச வெப்பநிலை 2-4 டிகிரி செல்சியஸ் இயல்பை விட அதிகமாக இருக்கக்கூடும். இன்று மற்றும் நாளை வட தமிழக உள் மாவட்டங்களில் அநேக இடங்களில் அதிகபட்ச வெப்பநிலை 3-5 டிகிரி செல்சியஸ் இயல்பை விட மிக அதிகமாக இருக்கக்கூடும்.

வெப்ப அலைக்கான எச்சரிக்கை:

03.05.2024 முதல் 06.05.2024 வரை வட தமிழக உள் மாவட்டங்களில் ஓரிரு இடங்களில் வெப்ப அலை வீசக்கூடும். அதிக வெப்பநிலை மற்றும் அதிக ஈரப்பதம் இருக்கும் பொழுது, தமிழக மாவட்டங்கள், புதுவை மற்றும் காரைக்கால் பகுதிகளில் ஓரிரு இடங்களில் அசவுகரியம் ஏற்படலாம்.

சென்னை மற்றும் புறநகர் பகுதிகளில் அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 39-40 டிகிரி செல்சியஸை ஒட்டியும், குறைந்தபட்ச வெப்பநிலை 29-30 டிகிரி செல்சியஸை ஒட்டியும் இருக்கக்கூடும். இவ்வாறு அதில் கூறப்பட்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

திருச்சியில் இருந்து பல்வேறு வெளிநாடுகளுக்கு நாள்தோறும் விமானங்கள் இயக்கப்பட்டு வருகின்றன. இந்நிலையில் இந்த விமானத்தில் பயணம் செய்யும் பயணிகள் தங்கத்தை மறைத்து கடத்தி வருவதும், அதனை சுங்கத்துறை அதிகாரிகள் பறிமுதல் செய்வதும் தொடர்கதையாக இருந்து வருகிறது.

அந்தவகையில் கோலாலம்பூரில் இருந்து ஏர் இந்தியா விமான மூலம் திருச்சி விமான நிலையம் வந்த பயணிகளை சுங்கத்துறை அதிகாரிகள் சோதனை செய்தனர். அப்பொழுது சந்தேகத்திற்கிடமாக இருந்த மூன்று ஆண் பயணிகளை பிடித்து சோதனை செய்தனர்.

அப்போது 16 லட்சத்து 16ஆயிரம் ரூபாய் மதிப்புள்ள 225 கிராம் தங்கத்தை டிராலி சக்கரத்தில் மறைத்து கடத்தி வந்ததை சுங்கத்துறை அதிகாரிகள் கண்டறிந்தனர். இதனையடுத்து கடத்தப்பட்ட தங்கத்தை பறிமுதல் செய்து, அவர்களிடம் தீவிர விசாரணை மேற்கொண்டு வருகின்றனர்.

க.சண்முகவடிவேல்

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

Pudukottai: புதுக்கோட்டை மாவட்டம் கறம்பக்குடியைச் சேர்ந்தவர் ராஜா. கூலி தொழிலாளியான இவரது மனைவி தமிழரசி. இவர்களுக்கு 5 மகள்களும், 2 மகன்களும் உள்ளனர். இவர்கள் அனைவருக்கும் திருமணமாகி விட்டது. இவர்களது 4-வது மகள் டாக்டர் அஞ்சுதா (வயது 26). அரசு பள்ளியில் பள்ளி படிப்பை முடித்த இவர் மருத்துவ படிப்பையும் அரசு கல்லூரியிலேயே முடித்து மகப்பேறு மருத்துவ நிபுணரானார். இவர் புதுக்கோட்டை அரசு ராணியார் மருத்துவமனையில் பணிபுரிந்து வந்தார்.

இந்நிலையில், டாக்டர் அஞ்சுதாவுக்கும் பெங்களூருவை சேர்ந்த பல் டாக்டரான கார்த்திக் என்பவருக்கும் கடந்த ஆண்டு திருமணம் நடந்தது. கர்ப்பமடைந்த அஞ்சுதா கடந்த 6 மாத காலமாக மகப்பேறு மருத்துவ விடுப்பில் தாய் வீட்டில் இருந்து வந்தார். கார்த்திக் மலேசியாவில் டாக்டராக பணியாற்றி வந்த நிலையில் தற்போது கறம்பக்குடிக்கு வந்துள்ளார்.

இந்த நிலையில், டாக்டர் அஞ்சுதாவுக்கு நேற்று முன்தினம் மாலை பிரசவ வலி ஏற்பட்டது. மூச்சுத்திணறலும் அதிகமானது. இதையடுத்து சிகிச்சைக்காக, அவர் பணிபுரிந்து வந்த புதுக்கோட்டை அரசு ராணியார் மருத்துவமனைக்கு கொண்டு செல்லப்பட்டார். அங்கு டாக்டர்கள் அஞ்சுதாவுக்கு தீவிர சிகிச்சை அளித்தனர். அஞ்சுதாவுக்கு அறுவை சிகிச்சையில் இரட்டை ஆண் குழந்தைகள் பிறந்த நிலையில், அவருக்கு கருப்பை குழாயில் ரத்தப்போக்கு அதிகரித்து மூச்சுத்திணறல் ஏற்பட்டு பரிதாபமாக இறந்தார். 2 குழந்தைகளும் திருச்சி தனியார் மருத்துமனையில் சிகிச்சைக்காக அனுமதிக்கப்பட்டன.

பிரசவத்தில் டாக்டர் அஞ்சுதா இறந்ததை கேட்டு அவரது தாய், தந்தை, கணவர் மற்றும் உறவினர்கள் கதறி துடித்தது காண்போரை கண் கலங்க செய்தது. பல தாய்மார்களுக்கு பிரசவம் பார்த்த மகப்பேறு மருத்துவ நிபுணர், தான் பணிபுரிந்த மருத்துவமனையிலேயே பிரசவத்தில் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

திருவண்ணாமலையில் உலகப் புகழ்பெற்ற அண்ணாமலையார் கோயில் உள்ளது. இங்கு நாள்தோறும் ஏராளமான பக்தர்கள் வருகை தந்து சாமி தரிசனம் செய்து வருகின்றனர். தமிழ்நாடு மட்டுமல்லாமல் வெளி மாநிலங்களில் இருந்தும் பக்கதர்கள் வருகை தருகின்றனர். இந்நிலையில் திருவண்ணாமலை நகருக்கான ரயில் போக்குவரத்து சேவையை மேம்படுத்த வேண்டும் என்று பொதுமக்கள் தொடர்ந்து கோரிக்கை வைத்து வந்தனர். 

இதையடுத்து திருவண்ணாமலையில் இருந்து சென்னை கடற்கரை வரை தினசரி சிறப்பு ரயில் சேவை இயக்கப்படும் என தெற்கு ரயில்வே திருச்சி கோட்டம் கடந்த வாரம் உத்தரவிட்டது. சென்னை கடற்கரையில் இருந்து வேலூர் கண்ட்டோண்மென்ட் வரை இயக்கப்படும் தினசரி பயணிகள் ரயில் சேவை திருவண்ணாமலை வரை நீட்டித்து இயக்கப்படும் என அறிவிக்கப்பட்டது. 

அதன்படி, ரயில் சேவை இன்று (மே 3) முதல் தொடங்கப்பட உள்ளது. திருவண்ணாமலையில் இருந்து அதிகாலை 4 மணிக்கு ரயில் புறப்பட்டு காலை 9.50-க்கு சென்னை கடற்கரை வந்தடையும் எனவும் மறுமார்க்கமாக சென்னையில் இருந்து மாலை 6 மணிக்கு புறப்பட்டு இரவு 12 மணிக்கு திருவண்ணாமலை சென்றடையும் எனவும் அறிவிக்கப்பட்டுள்ளது. திருவண்ணாமலை- சென்னை கடற்கரை வரை இயக்கப்படும் இந்த ரயில் சேவைக்கான கட்டணம் ரூ.50 என நிர்ணயிக்கப்பட்டுள்ளது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

சென்னை உயர் நீதிமன்றத்தின் மதுரைக் கிளையில் மாணவி ஒருவர் மனுத்தாக்கல் செய்திருந்தார். அந்த மனுவில், “தீ விபத்தில் சிக்கி சிறுநீரக பிரச்னையால் பாதிக்கப்பட்டுள்ளேன்; ஆகவே டயாப்பர் அணிந்து நீட் தேர்வு எழுதவும், தேவைப்பட்டால் அதனை மாற்றிக் கொள்ளவும் அனுமதி அளித்து உத்தரவிட வேண்டும்” எனக் கோரியிருந்தார்.

இந்த மனுவை விசாரித்த மதுரை உயர் நீதிமன்ற கிளை, “மாணவி டயாப்பர் அணிந்து நீட் தேர்வு எழுத அனுமதி அளித்தது. மேலும், நீட் தேர்வில் உள்ள அதீத ஆடைக் கட்டுப்பாடுகள் மற்றும் இதர பிரச்னைகள் குறித்தும் கேள்வியெழுப்பி உள்ளது.

முன்னதாக, இளங்கலை மருத்துவ மாணவர் சேர்க்கைகான தேசிய தகுதி மற்றும் நுழைவுத் தேர்வுக்கான (NEET UG 2024) ஹால் டிக்கெட்டை மே 1ஆம் தேதி தேசிய தேர்வு முகமை (NTA) வெளியிட்டது.

இதையும் படிங்க : 557 நகரங்களில் 5-ம் தேதி நீட் தேர்வு: ஹால் டிக்கெட் ரிலீஸ்; டவுன்லோட் சிரமம் இருந்தால் என்ன செய்வது?

அரசு மற்றும் தனியார் மருத்துவக் கல்லூரிகளின் எம்.பி.பி.எஸ், பி.டி.எஸ் படிப்புகளில் 2024-25ஆம் கல்வியாண்டு மாணவர் சேர்க்கைக்கான நீட் தேர்வு, மே 5ஆம் தேதி நேரடி முறையில் நடைபெறவுள்ளது.

நாடு முழுவதும் 24 லட்சத்துக்கும் மேற்பட்டோர் இத்தேர்வுக்கு விண்ணப்பித்துள்ளனர். இந்தியாவில் 557 நகரங்கள் மற்றும் 14 வெளிநாடுகளில் நீட் தேர்வு மே 5-ம் தேதி, ஞாயிற்றுக் கிழமை பிற்பகல் 2 மணி முதல் மாலை 5.20 மணி வரை நடைபெறவுள்ளது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“