Villupuram | விழுப்புரம் தொகுதி வாக்கு எண்ணும் மையத்தில் சி.சி.டி.வி. கேமராக்கள் சுமார் 30 நிமிடங்கள் வேலை செய்யவில்லை என்ற புகார் எழுந்துள்ளது.

அதாவது, இன்று (மே3,2024) காலை 9.28 மணி அளவில் வாக்குப்பதிவு இயந்திரங்கள் வைத்திருக்கும் ஸ்ட்ராங் ரூமுக்கான சி.சி.டி.வி. கேமராக்கள் திடீரென செயல் இழந்தன.

இது குறித்து, வேட்பாளர்களின் முகவர்கள் அதிகாரிகளுக்கு தகவல் தெரிவித்த நிலையில் மீண்டும் 9.56 மணிக்கு  சிசிடிவி கேமராக்கள் செயல்படத் தொடங்கின.
இது குறித்து விழுப்புரம் மாவட்ட ஆட்சியர் பழனி விளக்கம் விளக்கம் அளித்துள்ளார். அந்த விளக்கத்தில், “யு.பி.எஸ்.-ல் மின்தடை ஏற்பட்டு, பின் அது சரி செய்யப்பட்டது எனத் தெரிவித்துள்ளார்.

விழுப்புரம் அறிஞர் அண்ணா அரசு கலைக் கல்லூரியில் 3 அடுக்கு போலீஸ் பாதுகாப்புடன் வாக்குப்பதிவு இயந்திரங்கள் வைக்கப்பட்டுள்ளன. இந்த நிலையில், விழுப்புரம் ஸ்ட்ராங் ரூமில் சி.சி.டி.வி. பாதிப்பு ஏற்பட்டுள்ளது.
இதேபோல் கடந்த சில தினங்களுக்கு முன்பு நீலகிரி மக்களவை தொகுதியில் வைக்கப்பட்டிருந்த வாக்குப்பதிவு இயந்திரங்கள் செயல் இழந்தன.

அதிக வெப்பம் காரணமாக அவை செயலிழந்தன என அம்மாவட்ட ஆட்சியர் விளக்கம் அளித்தார் என்பது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

நீலகிரி, கிருஷ்ணகிரி, தருமபுரி, ஈரோடு, திருப்பத்தூர், வேலூரில் மே 7-ம் தேதி ஓரிரு இடங்களில் கனமழைக்கு வாய்ப்பு உள்ளது எனக் கூறிய தென்மண்டல வானிலை ஆய்வு மையத் தலைவர் பாலச்சந்திரன், சென்னையில் கோடை மழைக்கு வாய்ப்பில்லை என்று வெள்ளிக்கிழமை கூறினார்.

தமிழகத்தில் வெயிலின் வெப்பம் சுட்டெரித்து வரும் நிலையில், நாளை (மே 4)  கத்திரி வெயில் தமிழ்நாட்டில் நாளை தொடங்க உள்ள நிலையில், சென்னையில் கோடை மழை பெய்ய வாய்ப்பு இல்லை என்று தென் மண்டல வானிலை ஆய்வு மையத் தலைவர் பாலச்சந்திரன் தெரிவித்துள்ளார். 

தமிழகத்தில் நாளை (மே 4) கத்திரி வெயில் தொடங்குகிறது. மே 3 மற்றும் மே 4-ம் தேதி தமிழ்நாடு, புதுச்சேரி மற்றும் காரைக்கால் பகுதிகளில் வெப்ப அலை வீசும் என்றும் இந்திய வானிலை ஆய்வு மையம் தெரிவித்துள்ளது. 17 மாவட்டங்களுக்கு ஆரஞ்சு அலர்ட் விடப்பட்டுள்ளது என்று சென்னை வானிலை ஆய்வு மைய தென்மண்டல தலைவர் பாலச்சந்திரன் செய்தியாளர்களை சந்தித்து பேசினார். 

தென் மண்டல வானிலை ஆய்வு மையத் தலைவர் பாலச்சந்திரன் செய்தியாளர்களிடம் பேசியதாவது: “இன்று (மே 3 முதல் 6-ம் தேதி வரை வட தமிழ்நாட்டின் உள் மாவட்டங்களில் ஓரிரு இடங்களில் வெப்ப அலை வீசக்கூடும்.

இதுவரை இல்லாத அளவில் இந்தாண்டு வெப்ப அலை அதிகரித்து காணப்படுகிறது. கிருஷ்ணகிரி, தருமபுரி, வேலூர் உள்ளிட்ட மாவட்டங்களில் கோடை மழை பெய்துள்ளது. நீலகிரி, கிருஷ்ணகிரி, தருமபுரி, ஈரோடு, திருப்பத்தூர், வேலூரில் மே 7-ல் ஓரிரு இடங்களில் கனமழைக்கு வாய்ப்பு உள்ளது. கோடை மழை பெய்யும்போது வெப்பநிலை குறைய வாய்ப்பு உள்ளது. தருமபுரி, திருத்தணி, திருப்பத்தூர் உட்பட 10 இடங்களில் 42 டிகிரி செல்சியஸுக்கும் அதிகமாக வெப்பம் பதிவாகியுள்ளது. தமிழ்நாட்டில் உள் மாவட்டங்களில் 2 முதல் 4 டிகிரி செல்சியஸ் அதிகரிக்கும்.

கரூரில் இயல்பை விட 7% அதிகமாக 43 டிகிரி செல்சியஸ் 11வெப்பம் பதிவாகி உள்ளது. ஏப்ரல் தொடங்கி 27 நாட்கள் ஈரோட்டில் தொடர்ந்து 40 டிகிரி செல்சியஸுக்கு மேல் வெப்பம் பதிவாகி உள்ளது. சென்னையில் அடுத்த 2 தினங்களுக்கு 39-40 டிகிரி செல்சியஸ் வெப்பம் பதிவாகலாம்அடுத்த 5 தினங்களில் தமிழகத்தின் உள் மாவட்டங்களில் கோடை மழை பெய்யக்கூடும். சென்னையில் கோடை மழைக்கு வாய்ப்பே இல்லை என்று கூறினார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

கோவையில் தனி காவலர் பாதுகாப்புக்காக தன்னை ஒருவர் செல்போனில் படம் பிடித்து அச்சுறுத்துவதாக கூறி நாடகமாடிய இந்து முன்னணி பிரமுகர் சூரிய பிரசாத் என்பவரை காவல்துறையினர் கைது செய்துள்ளனர்.

கோவை செல்வபுரம் பகுதியை சேர்ந்தவர் சூர்ய பிரசாத். இந்து முன்னனி அமைப்பின் செல்வபுரம் நகரத் தலைவராக பணியாற்றி வருகிறார். இந்த நிலையில்  கடந்த 30-ம் தேதி அன்று செல்வபுரம் வடக்கு அடுக்குமாடி குடியிருப்பை சேர்ந்த அசாருதீன் என்பவர் தன்னை செல்போனில் படம் எடுத்ததாக கூறி அவரை மிரட்டி செல்போனை பறித்து செல்வபுரம் காவல்நிலையத்தில்  ஒப்படைத்தார். 

இதையடுத்து போலீஸார் அசாருதீனிடம் விசாரணை நடத்தி செல்போனை ஆய்வு செய்த போது  செல்போனில் அவ்வாறு படம் ஏதும் இல்லாதது தெரியவந்தது. மேலும் விசாரணையில் தனி பாதுகாவலர் வேண்டும் என்பதற்காக அசாருதீனை மிரட்டி செல்போனை பறித்து நாடகமாடி பொய் புகார் அளித்ததும் தெரியவந்தது. தொடர்ந்து தன் மீது பொய்யான புகார் அளித்து இரு தரப்பினரிடையே பிரச்சினையை தூண்டும் விதமாக செயல்பட்டதாக அசாருதீன் அளித்த புகாரின் அடிப்படையில் இந்து முன்னனி பிரமுகர் சூர்ய பிரசாத் மீது வழக்குப் பதிவு செய்த செல்வபுரம் காவல்நிலைய போலீஸார் சூர்ய பிரசாத்தை கைது செய்தனர். 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Coimbatore: தமிழகத்தில் கோடை கால வெயில் மக்களை வாட்டி வதைத்து வருகிறது. இயல்பைவிட 9 டிகிரி வெப்பம் அதிகரிக்கும் என்று வானிலை ஆய்வு மையம் எச்சரித்துள்ளது. இந்த வெயில் காலத்தில் மக்கள் பாதுகாப்பாக இருந்திட அரசு முன்னேற்பாடுகளை செய்து வருகிறது. 

இந்நிலையில், அதிகரித்து கோடை வெயிலில் இருந்து வாகன ஓட்டிகளை பாதுகாக்க புதுச்சேரி பொதுப்பணித்துறை நிர்வாகம் எஸ்.வி. பட்டேல் சாலையில் உள்ள அதிதி சிக்னலில் தற்காலிக பச்சை நிற மேற்கூரையை அமைத்துள்ளது. சிக்னலுக்காக காத்திருக்கும் வாகன ஓட்டிகள் வெயிலில் அவதிப்படாமல் இருக்க இந்த ஏற்பாடு செய்யப்பட்டுள்ளது. இதனால் வாகன ஓட்டிகள் மகிழ்ச்சி அடைந்துள்ளனர். 

இதேபோல், தமிழகத்தில் திருச்சியில் சிக்னலில் தற்காலிக பச்சை நிற மேற்கூரை அமைக்கப்பட்டுள்ளது. திருச்சியில் 100 மீட்டருக்கு 1 சிக்னல் இருப்பதால் வாகன ஓட்டிகள் சிக்னலில் நிற்க முடியாமல் தவித்து வந்தனர். சிக்னலில் தவிக்கும் வாகன ஓட்டிகளின் சிரமத்தை தவிர்க்க காவல் துறை சார்பில் தற்காலிக பச்சை நிற மேற்கூரை அமைக்கப்பட்டுள்ளது. இந்த ஏற்பட்டால் சிக்னலில் காத்திருக்கும் வாகன ஓட்டிகள் மகிழ்ச்சி அடைந்துள்ளனர்.

இந்த நிலையில், தற்போது கோவை நகரின் முக்கிய இடங்களில் மாநகராட்சி சார்பில் தற்காலிக பச்சை நிற மேற்கூரை அமைக்கப்பட்டுள்ளது. இந்தத் திட்டம் கோவை மாநகராட்சியில் டிராபிக் சிக்னல்கள், பொது இடங்கள் மற்றும் பஸ் நிறுத்தங்களில் செயல்படுத்தப்பட்டுள்ளது. இந்த மேற்கூரைகள் வெயிலின் தாக்கத்தை குறைத்து, மக்களின் பயணத்தை இன்னும் இளைப்பாற செய்வதற்காக வடிவமைக்கப்பட்டுள்ளன.

இதனிடையே, கடும் வெயிலில் வாகன ஓட்டிகள் செல்லும் போது  கோவை மாநகர பகுதியான கவுண்டம்பாளையம் டிராபிக் சிக்னலில் நிற்கும்போது, லேசாக இளைப்பாற வசதியாக தற்காலிக பச்சை நிற வலைகள் கொண்டு மேற்கூரைகள் அமைக்கப்பட்டுள்ளது. இந்த முயற்சி மக்களிடம் நல்ல வரவேற்பை பெற்று வருகின்றது.

இதே மாதிரியான பச்சை நிற மேற்கூரைகளை டிராபிக் சிக்னல்கள் உள்பட கோவை மாநகரின் வெவ்வேறு பகுதிகளில் அமைக்க மாநகராட்சி திட்டமிட்டு உள்ளது. இந்த திட்டத்தை கோவை மாநகர காவல் துறையுடன் இணைந்து மாநகராட்சி முன்னெடுக்க உள்ளது.  இதை எப்படி திட்டமிட்ட இடங்களில் சரியாக செய்வது என காவல் துறையுடன் விரைவில் ஆலோசித்து, ஒப்புதல் பெற்று மாநகராட்சி தரப்பில் நடைமுறைப்படுத்தப்படும் என தெரியவருகிறது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

தஞ்சாவூர் மாவட்டம் வல்லம் புதூர் ஊராட்சி தலைவரின் கணவரை சாதிப் பெயரைச் சொல்லித் திட்டி கொலை வெறி தாக்குதல் நடத்திய குற்றவாளிகளை கைது செய்ய வலியுறுத்தி வல்லம் பேருந்து நிலையம் அருகே விடுதலை சிறுத்தைகள் கட்சி சார்பில் இன்று ஆர்ப்பாட்டம் நடந்தது.

தஞ்சை மாவட்டம் வல்லம் புதூர் ஊராட்சி தலைவராக உள்ளவர் சாரதா. இவரது கணவர் பழனிச்சாமி. கடந்த சில நாட்களுக்கு முன்பு பழனிச்சாமியை அதே ஊரை சேர்ந்த சிலர் சாதி பெயரை சொல்லி திட்டியுள்ளனர். மேலும் அவர் மீது கொலை வெறி தாக்குதல் நடத்தியுள்ளனர். இதில் படுகாயம் அடைந்த அவர் தஞ்சாவூர் மருத்துவக் கல்லூரி மருத்துவமனையில் சிகிச்சை பெற்று வருகிறார். இந்த சம்பவத்தை கண்டித்து தஞ்சை மேற்கு மாவட்ட விடுதலை சிறுத்தைகள் கட்சி சார்பில் வல்லம் பேருந்து நிலையம் அருகே ஆர்ப்பாட்டம் நடந்தது.

இந்த ஆர்ப்பாட்டத்திற்கு மாவட்ட செயலாளர் தமிழன் தலைமை வகித்தார். இதில் கட்சியினர் கோரிக்கைகளை வலியுறுத்தி கோஷங்கள் எழுப்பினர். இதனைத்தொடர்ந்து வல்லம் போலீசார் ஆர்ப்பாட்டத்தில் ஈடுபட்டவர்களை சமாதானப்படுத்தி தஞ்சை ஆட்சியர் அலுவலகத்திற்கு சென்று மனு அளிக்குமாறு அறிவுறுத்தினர்.

பின்னர், தஞ்சாவூர் ஆட்சியர் அலுவலகத்திற்கு வந்த வல்லம் புதூர் ஊராட்சி தலைவர் சாரதா மற்றும் விடுதலை சிறுத்தைகள் கட்சியினர் அங்கு ஆட்சியர் தீபக் ஜேக்கப் இல்லாததால், மாவட்ட வருவாய் அலுவலர் தியாகராஜனிடம் கோரிக்கைகள் அடங்கிய மனுவை அளித்தனர்.

பின்னர் மேலிட பொறுப்பாளர் இடிமுரசு செய்தியாளர்களிடம் தெரிவித்ததாவது; தொடர்ச்சியாக தஞ்சை மாவட்டத்தில் தலித் ஊராட்சி மன்ற தலைவர்கள் தாக்குதலுக்கு உள்ளாகி வருகின்றனர். இது குறித்து உரிய நடவடிக்கை எடுக்க வேண்டும் என வலியுறுத்தியும் எவ்வித நடவடிக்கையும் எடுக்கப்படாமல் உள்ளது. மாவட்ட வருவாய் அலுவலர் தியாகராஜனிடம் இதுகுறித்து மனு அளிக்கப்பட்டது. அதற்கு அவர் உரிய நடவடிக்கை எடுக்கப்படும் எனத் தெரிவித்தார். தாக்குதல் சம்பவத்தில் ஈடுபட்ட குற்றவாளிகளை கைது செய்யாவிடில் விடுதலை சிறுத்தைகள் கட்சித் தலைவர் திருமாவளவன் தலைமையில் வல்லம் பகுதியில் மாபெரும் கண்டன ஆர்ப்பாட்டம் நடத்தப்படும் என்றார்.

இந்த சந்திப்பின்போது, மாவட்ட பொருளாளர் விடுதலை வேந்தன், மாநில துணைச் செயலாளர் சிவா தமிழ் நீதி, மாவட்ட அமைப்பாளர் தமிழ் வளவன், மாநில டாஸ்மாக் ஒருங்கிணைப்பாளர் செல்லதுரை, சமத்துவ வக்கீல் அணி நெப்போலியன், தொகுதி துணைச் செயலாளர் சுடர் வளவன் மற்றும் மாவட்ட, ஒன்றிய, நகர முகாம் பொறுப்பாளர்கள் 300க்கும் அதிகமானோர் கலந்து கொண்டனர்.

செய்தி: க.சண்முகவடிவேல்

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

Rain In Tamilnadu: தமிழகத்தில் நிலவி வரும் கடும் வெயில் மக்களை வாட்டி வதைத்து வருகிறது. இந்த நிலையில், அடுத்த இரண்டு நாட்களில் தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் லேசானது முதல் மிதமான மழை பெய்யக்கூடும் என்று சென்னை வானிலை ஆய்வு மையம் தெரிவித்துள்ளது. 

சென்னை வானிலை ஆய்வு மையம் வெளியிட்டுள்ள அறிக்கையில் கூறியிருப்பதாவது:-

மேற்கு திசை காற்றின் வேக மாறுபாடு காரணமாக, இன்று (03.05.2024 முதல் 06.05.2024 வரை) தமிழகத்தில் ஓரிரு இடங்களிலும், புதுவை மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் லேசானது முதல் மிதமான மழை பெய்யக்கூடும்.

(07.05.2024) தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் இடி மின்னல் மற்றும் பலத்த காற்றுடன் லேசானது முதல் மிதமான மழை பெய்யக்கூடும். நீலகிரி, கிருஷ்ணகிரி, தர்மபுரி, ஈரோடு, திருப்பத்தூர் மற்றும் வேலூர் மாவட்டங்களில் ஓரிரு இடங்களில் கனமழை பெய்ய வாய்ப்பு உள்ளது.

08.05.2024 மற்றும் 09.05.2024: தமிழகத்தில் ஒருசில இடங்களிலும், புதுவை மற்றும் காரைக்கால் பகுதிகளிலும் லேசானது முதல் மிதமான மழை பெய்யக்கூடும்.

வெப்பநிலைக்கான எச்சரிக்கை:

03.05.2024 முதல் 07.05.2024 வரை: அடுத்த 5 தினங்களுக்கு, தமிழக உள் மாவட்டங்களில் ஒருசில இடங்களில் அதிகபட்ச வெப்பநிலை 2-4 டிகிரி செல்சியஸ் இயல்பை விட அதிகமாக இருக்கக்கூடும். இன்று மற்றும் நாளை வட தமிழக உள் மாவட்டங்களில் அநேக இடங்களில் அதிகபட்ச வெப்பநிலை 3-5 டிகிரி செல்சியஸ் இயல்பை விட மிக அதிகமாக இருக்கக்கூடும்.

வெப்ப அலைக்கான எச்சரிக்கை:

03.05.2024 முதல் 06.05.2024 வரை வட தமிழக உள் மாவட்டங்களில் ஓரிரு இடங்களில் வெப்ப அலை வீசக்கூடும். அதிக வெப்பநிலை மற்றும் அதிக ஈரப்பதம் இருக்கும் பொழுது, தமிழக மாவட்டங்கள், புதுவை மற்றும் காரைக்கால் பகுதிகளில் ஓரிரு இடங்களில் அசவுகரியம் ஏற்படலாம்.

சென்னை மற்றும் புறநகர் பகுதிகளில் அடுத்த 48 மணி நேரத்திற்கு வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 39-40 டிகிரி செல்சியஸை ஒட்டியும், குறைந்தபட்ச வெப்பநிலை 29-30 டிகிரி செல்சியஸை ஒட்டியும் இருக்கக்கூடும். இவ்வாறு அதில் கூறப்பட்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

திருச்சியில் இருந்து பல்வேறு வெளிநாடுகளுக்கு நாள்தோறும் விமானங்கள் இயக்கப்பட்டு வருகின்றன. இந்நிலையில் இந்த விமானத்தில் பயணம் செய்யும் பயணிகள் தங்கத்தை மறைத்து கடத்தி வருவதும், அதனை சுங்கத்துறை அதிகாரிகள் பறிமுதல் செய்வதும் தொடர்கதையாக இருந்து வருகிறது.

அந்தவகையில் கோலாலம்பூரில் இருந்து ஏர் இந்தியா விமான மூலம் திருச்சி விமான நிலையம் வந்த பயணிகளை சுங்கத்துறை அதிகாரிகள் சோதனை செய்தனர். அப்பொழுது சந்தேகத்திற்கிடமாக இருந்த மூன்று ஆண் பயணிகளை பிடித்து சோதனை செய்தனர்.

அப்போது 16 லட்சத்து 16ஆயிரம் ரூபாய் மதிப்புள்ள 225 கிராம் தங்கத்தை டிராலி சக்கரத்தில் மறைத்து கடத்தி வந்ததை சுங்கத்துறை அதிகாரிகள் கண்டறிந்தனர். இதனையடுத்து கடத்தப்பட்ட தங்கத்தை பறிமுதல் செய்து, அவர்களிடம் தீவிர விசாரணை மேற்கொண்டு வருகின்றனர்.

க.சண்முகவடிவேல்

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

Pudukottai: புதுக்கோட்டை மாவட்டம் கறம்பக்குடியைச் சேர்ந்தவர் ராஜா. கூலி தொழிலாளியான இவரது மனைவி தமிழரசி. இவர்களுக்கு 5 மகள்களும், 2 மகன்களும் உள்ளனர். இவர்கள் அனைவருக்கும் திருமணமாகி விட்டது. இவர்களது 4-வது மகள் டாக்டர் அஞ்சுதா (வயது 26). அரசு பள்ளியில் பள்ளி படிப்பை முடித்த இவர் மருத்துவ படிப்பையும் அரசு கல்லூரியிலேயே முடித்து மகப்பேறு மருத்துவ நிபுணரானார். இவர் புதுக்கோட்டை அரசு ராணியார் மருத்துவமனையில் பணிபுரிந்து வந்தார்.

இந்நிலையில், டாக்டர் அஞ்சுதாவுக்கும் பெங்களூருவை சேர்ந்த பல் டாக்டரான கார்த்திக் என்பவருக்கும் கடந்த ஆண்டு திருமணம் நடந்தது. கர்ப்பமடைந்த அஞ்சுதா கடந்த 6 மாத காலமாக மகப்பேறு மருத்துவ விடுப்பில் தாய் வீட்டில் இருந்து வந்தார். கார்த்திக் மலேசியாவில் டாக்டராக பணியாற்றி வந்த நிலையில் தற்போது கறம்பக்குடிக்கு வந்துள்ளார்.

இந்த நிலையில், டாக்டர் அஞ்சுதாவுக்கு நேற்று முன்தினம் மாலை பிரசவ வலி ஏற்பட்டது. மூச்சுத்திணறலும் அதிகமானது. இதையடுத்து சிகிச்சைக்காக, அவர் பணிபுரிந்து வந்த புதுக்கோட்டை அரசு ராணியார் மருத்துவமனைக்கு கொண்டு செல்லப்பட்டார். அங்கு டாக்டர்கள் அஞ்சுதாவுக்கு தீவிர சிகிச்சை அளித்தனர். அஞ்சுதாவுக்கு அறுவை சிகிச்சையில் இரட்டை ஆண் குழந்தைகள் பிறந்த நிலையில், அவருக்கு கருப்பை குழாயில் ரத்தப்போக்கு அதிகரித்து மூச்சுத்திணறல் ஏற்பட்டு பரிதாபமாக இறந்தார். 2 குழந்தைகளும் திருச்சி தனியார் மருத்துமனையில் சிகிச்சைக்காக அனுமதிக்கப்பட்டன.

பிரசவத்தில் டாக்டர் அஞ்சுதா இறந்ததை கேட்டு அவரது தாய், தந்தை, கணவர் மற்றும் உறவினர்கள் கதறி துடித்தது காண்போரை கண் கலங்க செய்தது. பல தாய்மார்களுக்கு பிரசவம் பார்த்த மகப்பேறு மருத்துவ நிபுணர், தான் பணிபுரிந்த மருத்துவமனையிலேயே பிரசவத்தில் உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

திருவண்ணாமலையில் உலகப் புகழ்பெற்ற அண்ணாமலையார் கோயில் உள்ளது. இங்கு நாள்தோறும் ஏராளமான பக்தர்கள் வருகை தந்து சாமி தரிசனம் செய்து வருகின்றனர். தமிழ்நாடு மட்டுமல்லாமல் வெளி மாநிலங்களில் இருந்தும் பக்கதர்கள் வருகை தருகின்றனர். இந்நிலையில் திருவண்ணாமலை நகருக்கான ரயில் போக்குவரத்து சேவையை மேம்படுத்த வேண்டும் என்று பொதுமக்கள் தொடர்ந்து கோரிக்கை வைத்து வந்தனர். 

இதையடுத்து திருவண்ணாமலையில் இருந்து சென்னை கடற்கரை வரை தினசரி சிறப்பு ரயில் சேவை இயக்கப்படும் என தெற்கு ரயில்வே திருச்சி கோட்டம் கடந்த வாரம் உத்தரவிட்டது. சென்னை கடற்கரையில் இருந்து வேலூர் கண்ட்டோண்மென்ட் வரை இயக்கப்படும் தினசரி பயணிகள் ரயில் சேவை திருவண்ணாமலை வரை நீட்டித்து இயக்கப்படும் என அறிவிக்கப்பட்டது. 

அதன்படி, ரயில் சேவை இன்று (மே 3) முதல் தொடங்கப்பட உள்ளது. திருவண்ணாமலையில் இருந்து அதிகாலை 4 மணிக்கு ரயில் புறப்பட்டு காலை 9.50-க்கு சென்னை கடற்கரை வந்தடையும் எனவும் மறுமார்க்கமாக சென்னையில் இருந்து மாலை 6 மணிக்கு புறப்பட்டு இரவு 12 மணிக்கு திருவண்ணாமலை சென்றடையும் எனவும் அறிவிக்கப்பட்டுள்ளது. திருவண்ணாமலை- சென்னை கடற்கரை வரை இயக்கப்படும் இந்த ரயில் சேவைக்கான கட்டணம் ரூ.50 என நிர்ணயிக்கப்பட்டுள்ளது. 

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

சென்னை உயர் நீதிமன்றத்தின் மதுரைக் கிளையில் மாணவி ஒருவர் மனுத்தாக்கல் செய்திருந்தார். அந்த மனுவில், “தீ விபத்தில் சிக்கி சிறுநீரக பிரச்னையால் பாதிக்கப்பட்டுள்ளேன்; ஆகவே டயாப்பர் அணிந்து நீட் தேர்வு எழுதவும், தேவைப்பட்டால் அதனை மாற்றிக் கொள்ளவும் அனுமதி அளித்து உத்தரவிட வேண்டும்” எனக் கோரியிருந்தார்.

இந்த மனுவை விசாரித்த மதுரை உயர் நீதிமன்ற கிளை, “மாணவி டயாப்பர் அணிந்து நீட் தேர்வு எழுத அனுமதி அளித்தது. மேலும், நீட் தேர்வில் உள்ள அதீத ஆடைக் கட்டுப்பாடுகள் மற்றும் இதர பிரச்னைகள் குறித்தும் கேள்வியெழுப்பி உள்ளது.

முன்னதாக, இளங்கலை மருத்துவ மாணவர் சேர்க்கைகான தேசிய தகுதி மற்றும் நுழைவுத் தேர்வுக்கான (NEET UG 2024) ஹால் டிக்கெட்டை மே 1ஆம் தேதி தேசிய தேர்வு முகமை (NTA) வெளியிட்டது.

இதையும் படிங்க : 557 நகரங்களில் 5-ம் தேதி நீட் தேர்வு: ஹால் டிக்கெட் ரிலீஸ்; டவுன்லோட் சிரமம் இருந்தால் என்ன செய்வது?

அரசு மற்றும் தனியார் மருத்துவக் கல்லூரிகளின் எம்.பி.பி.எஸ், பி.டி.எஸ் படிப்புகளில் 2024-25ஆம் கல்வியாண்டு மாணவர் சேர்க்கைக்கான நீட் தேர்வு, மே 5ஆம் தேதி நேரடி முறையில் நடைபெறவுள்ளது.

நாடு முழுவதும் 24 லட்சத்துக்கும் மேற்பட்டோர் இத்தேர்வுக்கு விண்ணப்பித்துள்ளனர். இந்தியாவில் 557 நகரங்கள் மற்றும் 14 வெளிநாடுகளில் நீட் தேர்வு மே 5-ம் தேதி, ஞாயிற்றுக் கிழமை பிற்பகல் 2 மணி முதல் மாலை 5.20 மணி வரை நடைபெறவுள்ளது குறிப்பிடத்தக்கது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

திருச்சி மேல்கல்கண்டார் கோட்டை மாநகராட்சி இளநிலை பொறியாளர் அலுவலகம் எதிர்ப்புறம் பேரறிஞர் அண்ணாவின் மார்பளவு சிலை நிறுவப்பட்டுள்ளது. தி.மு.க சார்பில் நிறுவப்பட்ட இந்த சிலையை மறைந்த பேராசிரியர் அன்பழகன் 1984 திறந்து வைத்தார். இந்த சிலைக்கு தி.மு.க.வினர் அவ்வப்போது மாலை அணிவித்து மரியாதை செலுத்தி வந்தனர்.

இந்நிலையில் நேற்று நள்ளிரவு அண்ணா சிலைக்கு சில மர்மநபர்கள் காவி சாயம் பூசி நெற்றியில் குங்குமம் வைத்துள்ளனர். இந்த சம்பவம் பெரும் பரபரப்பு ஏற்படுத்தியது. இது பற்றி தகவல் அறிந்த அப்பகுதி தி.மு.க கவுன்சிலர் முருகானந்தம் வட்டச் செயலாளர் தமிழ் மற்றும் நிர்வாகிகள் சிலை முன்பு திரண்டனர். பின்னர் குற்றவாளிகளை உடனடியாக கைது செய்ய வலியுறுத்தி சாலை மறியல் போராட்டத்தில் ஈடுபட்டனர்.

இது பற்றி தகவல் அறிந்த பொன்மலை போலீஸ் இன்ஸ்பெக்டர் செந்தில்குமார் மற்றும் அதிகாரிகள் சம்பவ இடம் விரைந்து வந்து பேச்சுவார்த்தை நடத்தினர். இதற்கிடையே மாநகராட்சி அலுவலர்கள் மூலமாக காவி சாயம் பூசப்பட்ட அண்ணா சிலை மீது தண்ணீர் ஊற்றி கழுவி சுத்தப்படுத்திய பின்பு சிலைக்கு பூட்டு போடப்பட்டது.

க.சண்முகவடிவேல்

காவிரி மேகதாது அணை எதிர்ப்பு போராட்ட குழு சார்பில் தஞ்சாவூர் கீழ்க்காவிரி வடிநில வட்ட கண்காணிப்பு பொறியாளர் அலுவலகத்தை முற்றுகையிட்டு விவசாயிகள் ஆயிரக்கணக்கில் போராட்டத்தில் ஈடுபட்டனர்.  போராட்டத்திற்கு தலைமையேற்ற தலைமை ஒருங்கிணைப்பாளர் பி ஆர் பாண்டியன் செய்தியாளர்களை சந்தித்தார்.

அப்போது அவர் கூறுகையில்,

காவிரியின் குறுக்கே மேகதாது அணையை கட்டி தமிழ்நாட்டை அழிப்பதற்கு கர்நாடக அரசு நயவஞ்சக நடவடிக்கையின் சட்டவிரோதமாக ஈடுபட்டு வருகிறது. கடந்த பிப்ரவரி 1ஆம் தேதி நடைபெற்ற 18 வது ஆணைய கூட்டத்தில் மேகதாது அணை கட்டுவதற்கான திட்ட அறிக்கை விவாதிக்க கர்நாடகம் கோரிக்கை வைத்தது. தமிழ்நாட்டு அரசின் பிரதிநிதி அதனை மறுத்து உச்சநீதிமன்றத்தில் வழக்கு நிலுவையில் உள்ளன என்பதை சுட்டிக்காட்டி தடுத்து நிறுத்தினர்.

அதே நேரத்தில் மத்திய அரசின் பிரதிநிதிகள் வரைவுத்திட்டறிக்கை ஆணையம் விவாதிக்க கூடாது என்று மறுப்பு தெரிவித்தால், அதனை மீண்டும் மத்திய அரசுக் அனுப்பி வைத்து கருத்து கேட்க வேண்டும் என வலியுறுத்தினர். இதனை ஏற்று ஆணையத் தலைவர் அனைத்து மாநிலங்களும் ஒத்த கருத்தோடு அணை கட்டுவது குறித்து மத்திய அரசுக்கு அனுமதி கோரி தீர்மானம் நிறைவேற்றி உள்ளது.

இந்நிலையில் தமிழ்நாடு அரசு மத்திய அரசின் கருத்துக்கு எதிர்ப்பு தெரிவித்து வெளியேறாமல் ஆதரவு தெரிவித்து தீர்மான நிறைவேற்ற துணை போயிருக்கிறது. இதன் மூலம் மோடி அரசும் ஸ்டாலின் அரசும் தமிழ்நாட்டிற்கு எதிராக காவிரி பிரச்சனையை மேகதாட்டு அணை கட்டுவதற்கு கர்நாடகாவிற்கு ஆதரவாக துணை போயிருக்கிறார்கள். ஏற்கனவே கர்நாடக எதிராக தொடங்கப்பட்ட வழக்கையும் திமுக அரசு தான் திரும்ப பெற்றது.

விவசாயிகள் வழக்கு போட்டு பெற்ற உரிமையை மீண்டும் பறிகொடுக்க திமுக தலைமை நாட ஸ்டாலின் அரசு முன்வந்திருப்பதை கண்டித்துதான் இன்றைக்கு முற்றுகையிட உள்ளோம். காவிரி ஆணையத்தின் உத்தரவுகளை கர்நாடக மதித்து தண்ணீரை திறக்கவில்லை. அது குறித்து விரைந்து நடவடிக்கை எடுக்க தமிழ்நாடு முதலமைச்சர் முன் வருவதில்லை. காவிரியில் உபரி நீர் கடலில் கலப்பதை கர்நாடக அரசு குறிப்பிட்டு மேகதாது அணைக்கட்டுமாணத்தை நியாயப்படுத்த முயற்சிக்கிறது.

பெருந்தலைவர் காமராஜர் தனது ஆட்சி காலத்தில் 1963ல் தமிழ்நாடு எல்லையான கிருஷ்ணகிரி மாவட்ட வன எல்லையில் ராசிமணலில் புதிய அணைக்கட்டி 64 டிஎம்சி தண்ணீர் தேக்குவதற்கு திட்டம் தயாரித்து அதனை அடிக்கல் நாட்டி வைத்திருக்கிறார். அதற்கான அடிக்கல் ஒகேனக்கல் மின்சார வாரிய அலுவலக வளாகத்திற்குள் அமைக்கப்பட்டுள்ளது இதற்கு பின் ஆட்சிக்கு வந்த திமுக அரசு அதனை கைவிட்டு விட்டது.

இந்நிலையில் தற்போது மேகதாட்டு அணை கட்டி உபநீரை தடுக்கிறேன் என்று கர்நாடகா நியாயப்படுத்த முயற்சிப்பதை தடுத்து நிறுத்தி ராசிமணலில் அணைக்கட்டுவதற்கான கட்டுமான பணிகளை துவங்க வேண்டும். இதற்கு மோடி அரசு அனுமதி கொடுக்க வேண்டும் என்று தெரிவித்துள்ளார்.

முதலமைச்சர் ஸ்டாலின் கொடைக்கானலில் ஓய்வெடுப்பது குறித்து செய்தியாளர்கள் கேள்விக்கு பதிலளித்த பிஆர்.பாண்டியன், தனிநபர் குறித்து விமர்சனம் செய்ய விரும்பாதவன் நான், நீங்கள் கேள்வியை கேட்டு விட்டதால் நான் பதில் அளிக்க வேண்டிய நெருக்கடிக்கு தள்ளப்பட்டு இருக்கிறேன். அவரது பெற்றோர்கள் முதல்வரை எப்படி பெற்றெடுத்து வளத்தார்களோ, அதேபோல விவசாயிகளுடைய பெற்றோர்களும் பெற்று வளரத்துள்ளனர்.

விவசாயிகள் வாக்கை பெற்றுள்ள முதலமைச்சர் ஒட்டுமொத்தமாக தமிழகம் மின்சார பற்றாக்குறையால் சாகுபடி கருகுவதை பார்த்து விவசாயிகள் மனமடைந்து வீதியில் புலம்புகிறார்கள். காவிரமேகதாட்டு பிரச்சனைப் பற்றி கவலைப்படவில்லை கண்டு கொள்ளவில்லை.

பயிர் கருகுவதை பார்த்து கதறும் போது  முதலமைச்சர் விவசாயிகளுக்கு ஆறுதல் சொல்ல முன் வராமல் கொடைக்கானல் கோடை வாசஸ்தலத்தில் ஓய்வெடுப்பது ஏற்கத்தக்கது அல்ல என தெரிவித்துள்ளார்.

பேரணியை துவக்கி வைத்து பேசிய தென்னிந்திய நதிகள் இணைப்பு சங்க தலைவரும் போராட்ட குழு ஒருங்கிணைப்பாளருமன  பி அய்யாக்கண்ணு பேசும்போது, காவிரி கர்நாடகம் தண்ணீர் விட மறுக்கிறது மேகதாது அணைக்கட்டி தமிழ்நாட்டை அழிக்க பார்க்கிறது. தமிழ்நாடு அரசு மோடி அரசும் இதனை தட்டிக் கேட்க தயங்குகிறார்கள். தமிழ்நாட்டுக்கு தண்ணீர் தர மறுத்து வறட்சி ஏற்பட்டால் பாதிப்புக்கு பல கோடி ரூபாய் இழப்பீடாக கர்நாடகா தமிழ்நாட்டிற்கு தர வேண்டும் என்று நடுவர் மன்றமும், உச்சநீதிமன்றமும் உத்தரவிட்டிருக்கிறது.

ஆனால் தமிழ்நாடு அரசு அதைக் கேட்டு பெறுவதற்கான எந்த நடவடிக்கையையும் மேற்கொள்ளவில்லை. மோடி அரசாங்கம் 24 லட்சம் கோடியை கார்ப்பரேட் நிறுவனங்களுக்கு தள்ளுபடி செய்கிறது. ஆனால் வறட்சியால் வெள்ளத்தால் பாதிக்கப்பட்ட விவசாயிகளுக்கு சுமார் ஒரு லட்சம் கோடி அளவில் விவசாய கடன் தள்ளுபடி செய்ய மறுக்கிறது. விவசாயிகளுக்கு விரோதமான ஆட்சியாக மோடியும், ஸ்டாலினும் செயல்படுகிறார்கள்.

மேகதாட்டு அணைக்கு எதிராக சட்ட நடவடிக்கைகளை மேற்கொள்ள ஸ்டாலின் அரசு தவறுவதால் எதிர்த்து விவசாயிகள் ம போராட்டத்தில் ஈடுபட்டுள்ளோம்.  மோடி கொடுத்த வாக்குறுதியை நிறைவேற்றாததால் அவர் போட்டியிடும் வாரணாசி தொகுதியில் தென்னிந்திய நதிகள் இணைப்பு சங்கத்தின் சார்பில் நூற்றுக்கு மேற்பட்ட விவசாயிகள் வேட்பு மனு தாக்கல் செய்ய உள்ளோம்.அதற்காக தேர்தல் ஆணையத்தில் அனுமதி பெற்றுள்ளோம் என கூறினார்.

திருச்சி தீட்சகர் பாலசுப்பிரமணியம் பேசும்போது, எங்கள் அமைப்பினுடைய தலைவர் காவிரி ரங்கநாதன் காவிரி உரிமைக்கான வழக்கு போட்டு நடுவர் மன்ற அமைத்து அதன் இறுதி தீர்ப்பின் அடிப்படையில் அமைக்கப்பட்ட காவிரி மேலாண்மை ஆணையத்தை உரிய முறையில் செயல்பட வைத்து தமிழ்நாட்டுக்கு தேவையான தண்ணீர் பெறுவதற்கு தமிழ்நாடு அரசு முயற்சிக்கவில்லை. அதே நேரத்தில் விவசாயிகள் எங்கள் அனுமதியில்லாமல் அணைய கட்ட விடமாட்டோம்.அது தடுத்து நிறுத்துவதற்கு தொடர்ந்து விவசாயிகளோடு இணைந்து போராட்டம் நடத்த தயாராக உள்ளோம் என கூறினார்.

முன்னதாக பழைய மாவட்ட ஆட்சியர் அலுவலகத்தில் இருந்த  விவசாயிகள் பேரணியாக புறப்பட்டனர். அப்பேரணியில் பங்கேற்ற ஊரணிபுரம் ரவிச்சந்திரன் ரயில் நிலையம் அருகே மயங்கி சாலையில் விழுந்தார்.அவரை கள் குண்டுகட்டாக தூக்கி சென்றனர்.

பிறகு கண்காணிப்பு பொறியாளர் அலுவலகத்தை முற்றுகையிட அலுவலகத்திற்குள் நுழைய முயன்றனர்அலுவலகத்திற்குள் நுழைய முயன்றனர். அப்போது காவல்துறையினர் ஏராளமானவர்கள் குவிக்கப்பட்டு இரும்பு தடுப்புகளும், அதன் மீது முள்வேலி அமைக்கப்பட்டு தடுத்து நிறுத்தப்பட்டனர். இதனை கண்டித்து காவல்துறைக்கு எதிராக நீண்ட நேரம் முழக்கமிட்டனர். பின்னர் அனைவரும் கலைந்து சென்றனர்..

போராட்டத்தில் போராட்டக் குழு ஒருங்கிணைப்பாளர்கள் சேலம் தங்கராஜ்,, கடலூர் ராமச்சந்திரன், நாமக்கல் பாலசுப்ரமணியன், மதுரை எல் ஆதிமூலம்,நாகை ஸ்ரீதர்,மயிலாடுதுறை சீனிவாசன், திருவோணம் சின்னத்துரை உள்ளிட்டோர் முன்னிலை வகித்தனர். தமிழக தன்னுரிமைக் கட்சித் தலைவர் வியனரசு.தாமாக விவசாய பிரிவு தலைவர் கார்த்திகேயன் | வயலூர் ராஜேந்திரன், மதுரை எம்பி. ராமன்,தஞ்சை எல் பழனியப்பன்,  என்.செந்தில்குமார். வி எஸ்.வீரப்பன்,

எம் மணி.பாட்ஷா ரவி மகேஸ்வரன்,பி அறிவு பு.காமராஜ்,குடவாசல் சரவணன், மயிலாடுதுறை விஸ்வநாதன், கொள்ளிடம் பன்னீர்செல்வம், செம்பனார்கோவில் பண்டரிநாதன், சேலம் தங்கவேல், சிவகங்கை, தவம் , மாவூர் சுப்பையன், வேதாரண்யம் கருணைநாதன்,தென்னிந்திய நதிகள் இணைப்பு சங்க நிர்வாகிகள் பாலு, தங்கமுத்து உள்ளிட்ட பல்வேறு அமைப்புகளின் மாநில மாவட்ட நிர்வாகிகள் உட்பட 1000க்கும் மேற்பட்ட விவசாயிகள் போராட்டத்தில் பங்கேற்றனர்.

க.சண்முகவடிவேல்

திருச்சி அரியமங்கலம் திடீர் நகரை சேர்ந்தவர் கேபிள் சேகர். முன்னாள் அ.தி.மு.க. பகுதி செயலாளராகவும், இவரது மனைவி கயல்விழி சேகர், திருச்சி மாநகராட்சி கவுன்சிலராகவும் பதவி வகித்து வந்தனர். இவர்கள் கேபிள் டி.வி. தொழில், பைனான்ஸ் மற்றும் பன்றி வளர்ப்பு தொழிலில் ஈடுபட்டு வருகின்றனர்.

சேகர்-கயல்விழி தம்பதியினரின் மகன் முத்துக்குமார் (32 ). இவர் பிபிஏ படித்துவிட்டு தொழிலை கவனித்து வந்தார். இதற்கிடையே பன்றி வளர்ப்பு தொழில் தொடர்பாக கேபிள் சேகர் குடும்பத்தினருக்கும் அவரது அண்ணன் பெரியசாமி குடும்பத்திற்கும் இடையே நீண்ட நாட்களாக பகை இருந்து வந்தது.

இதில் கடந்த 2011-ம் ஆண்டு கேபிள் சேகரை பெரியசாமியின் மகன் சிலம்பரசன் அவரது வீட்டருகே வெட்டி படுகொலை செய்தார். அதன் பின்னர் கடந்த 2021ல் பழிக்கு பழியாக சிலம்பரசனை, கேபிள் சேகரின் மகன் முத்துக்குமார் தரப்பினர் வெட்டி படுகொலை செய்தனர். இந்த வழக்கில் கரூர் நீதிமன்றத்தில் கொலையாளிகள் சரண்டர் ஆனதால், அந்த வழக்கில் ஜாமின் பெற்று வெளியே வந்த முத்துக்குமாருக்கு வரும் 23-ம் தேதி திருமணம் நடத்த திட்டமிடப்பட்டிருந்தது.

 இந்தநிலையில், தனது குடும்பத்தில் தனது சகோதரனை இழந்து நிம்மதி இல்லாமல் இருந்த சிலம்பரசனின் தம்பி லோகநாதன், முத்துக்குமாரை தீர்த்துக்கட்ட சதித்திட்டம் தீட்டி வந்தார். இந்த சூழலில் முத்துக்குமார் அவருடைய நண்பருடன் எஸ்.ஐ.டி.கல்லூரி அருகே டீ குடித்துக்கொண்டிருப்பதாக லோகநாதன் தரப்புக்கு தகவல் கிடைக்க, லோகநாதன் தனது நண்பர்கள் 6 பேர் கொண்ட கும்பலுடன் சென்று முத்துக்குமாரை வழிமறித்து ஓட ஓட விரட்டி அரிவாளால் சரமாரியாக வெட்டினர். இதில் முகம் சிதைந்து ரத்த வெள்ளத்தில் அவர் சம்பவ இடத்திலேயே பரிதாபமாக இறந்தார்.

 பின்னர், கொலையாளிகள் இருசக்கர வாகனத்தில் மின்னல் வேகத்தில் அங்கிருந்து தப்பிச் சென்றனர். இந்த சம்பவம் அந்தப் பகுதியில் பெரும் பரபரப்பை ஏற்படுத்தியது. இது குறித்து அரியமங்கலம் போலீசார் வழக்கு பதிவு செய்து அப்பகுதியில் உள்ள சிசிடிவி கேமரா பதிவுகளை ஆய்வு செய்தனர். இதில் லோகநாதன் தனது கூட்டாளிகள் 5 பேருடன் சேர்ந்து முத்துக்குமாரை கொலை செய்தது தெரிய வந்தது.

 பின்னர், தப்பி ஓடிய முக்கிய குற்றவாளியான லோகநாதனை நள்ளிரவு போலீஸார் கைது செய்தனர். அதன் பின்னர் அவரது கூட்டாளிகளான அரியமங்கலம் அம்பிகாபுரத்தைச் சேர்ந்த குமரேசன் (24), இளஞ்செழியன் ( 24), தினேஷ் என்கிற கூல் தினேஷ் ( 24), பொன்மலைப்பட்டி பகுதியைச் சேர்ந்த தங்கமணி என்கிற டேஞ்சர் மணி (37) ஆகிய 4 பேர் கைது செய்யப்பட்டனர். மேலும் தப்பிச்சென்ற ஒருவரை தேடி வருகின்றனர். கைதான லோகநாதன் போலீசில் பரபரப்பு வாக்குமூலம் அளித்துள்ளார். அதில் அவர் கூறியிருப்பதாவது; எனது தந்தை பெரியசாமி அதிக அளவு பன்றி வளர்த்து அதன் மூலம் அதிக வருமானம் ஈட்டி வந்தார். பின்னர் உடல் நலக்குறைவு காரணமாக அவர் திடீரென இறந்து விட்டார். அதன் பின்னர் தொழில் முழுவதும் எனது சித்தப்பா கேபிள் சேகர் கைக்கு சென்றது. அவர் அந்த வருமானத்தை தனது மனைவி குழந்தைகளுக்கு செலவழித்து வசதியாக வாழ வைத்தார். நான் மட்டும் இல்லாமல் எனது சகோதரர்கள் தங்கமணி, சிலம்பரசன், ஆகியோர் உள்ளூர் மாநகராட்சி பள்ளிகளில் படித்தனர். ஆனால் சித்தப்பாவின் மகன் மகள்கள் கொடைக்கானல் காண்வெண்ட் தனியார் பள்ளி விடுதியில் தங்கிப் படித்தனர்.

 இந்த ஏற்றத்தாழ்வு மிகுந்த மன வருத்தத்தை அளித்தது. பின்னர் எங்கள் அண்ணன் சிலம்பரசன் வளர்ந்து ஆளாகிய பின்னர் சொத்தை பிரித்து தருமாறு கேட்டோம். அதற்கு கேபிள் சேகர் ஒத்துக் கொள்ளவில்லை. இதனால் அவரை கொலை செய்தோம். இந்த முன் விரோதத்தில் எனது அண்ணன் சிலம்பரசனை முத்துக்குமார் கொலை செய்தார்.

 பின்னர் முத்துக்குமாரை தீர்த்து கட்ட தக்க தருணம் பார்த்து வந்தோம். அவருக்கு திருமணம் நிச்சயித்து திருமணமும் வரும் 23-ம் தேதி நடைபெறவிருந்தது. எப்படியும் போட்டுத்தள்ளுவது என முடிவெடுத்திருக்கும் நிலையில், திருமணத்திற்கு முன்னதாகவே தீர்த்துக்கட்டிவிடவேண்டும் என திட்டமிட்டோம். அதன்படி, நாங்கள் வைத்த பொறியில் சிக்கிய முத்துக்குமாரை போட்டுத்தள்ள சென்றபோது துப்பாக்கியை காட்டி மிரட்டினான். இதனால் ஆத்திரமடைந்த நாங்கள் கண்மூடித்தனமாக என் நண்பர்கள் 5 பேருடன் சேர்ந்து முத்துக்குமாரை தீர்த்துக் கட்டினோம் என போலீஸாரிடம் லோகநாதன் தெரிவித்துள்ளார்.

 திருச்சி அரியமங்கலத்தில் முன்னாள் கவுன்சிலர் மகன் முத்துக்குமார் வெட்டி படுகொலை செய்யப்பட்ட சம்பவத்தின் காணொலி சமூக ஊடகங்களிலும் வைரலானது. அதேபோல் இச்சம்பவத்தில் முதல் குற்றவாளியான லோகு என்கின்ற லோகநாதன் போலீசாரிடமிருந்து தப்பிக்க முயற்சித்தபோது அருகில் உள்ள வாய்க்கால் பாலத்தில் விழுந்ததால் கணுக்காலில் முறிவு ஏற்பட்டு சிகிச்சையில் இருப்பதால், மீதமுள்ள நான்கு குற்றவாளிகளை போலீசார் கைது செய்து நீதிபதி முன்பு ஆஜர்படுத்து சிறையில் அடைத்தனர்.

க.சண்முகவடிவேல்

க.சண்முகவடிவேல்

Trichy: திருச்சி மாவட்டம் லால்குடி அருகே பூவாளூர் கிராமத்தில் உள்ள நிர்மலா என்பவரின் வீட்டின் முன்பாக சாலையில் கொட்டிக்கிடந்தது. ஆதார் கார்டுகளில் உள்ள அனைத்து முகவரியும் பூவாளுரை சேர்ந்ததாக உள்ளது. இதனை கண்டு அதிர்ச்சி அடைந்த அப்பகுதி பொதுமக்கள் இது குறித்து வருவாய்த்துறை மற்றும் காவல் துறையினருக்கு தகவல் தெரிவித்தனர்.

ஆதார் கார்டு விண்ணப்பித்தவர்களுக்கு தபால் மூலம் வந்த ஆதார் கார்டுகளை சரியாக வீடுகளுக்கு சென்று கொடுக்காமல் தபால் ஊழியர் யாரேனும் வீசி சென்றனரா? அல்லது வாகனங்களில் இருந்து தவறி விழுந்ததா? என்பது குறித்து விசாரணை நடைபெற்று வருகிறது. 

ஆதார் கார்டு ஒவ்வொரு இந்திய குடிமக்களின் மிக முக்கிய ஆவணமாகும். வங்கி கணக்கு, பேன் கார்டு, ரேஷன் கார்டு உள்ளிட்ட பொதுமக்களின் அத்யாவசிய தேவைக்களுக்கான அட்டைகளில் ஆதாரை இணைப்பது அவசியமாக்கப்பட்டு உள்ளது. இவ்வாறு இணைக்கவில்லை என்றால் மேற்கண்ட சேவைகள் கிடைக்காது என்ற நிலை உள்ளது. 

இந்த நிலையில், திருச்சி பூவாளூர் கிராமத்தில் சாலை ஓரத்தில் குவியலாக கிடந்த ஆதார் அட்டையால் பெரும் பரபரப்பு ஏற்பட்டுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

கர்நாடக அரசை கண்டிக்காத தமிழக அரசை கண்டித்து நாளை காலை தஞ்சை ஆற்று பாலத்தில் இருந்து ஊர்வலமாக புறப்பட்டு காவிரி கண்காணிப்பு பொறியாளர் அலுவலகத்தை பல்லாயிரக்கணக்கான விவசாயிகள் முற்றுகையிட்டு போராட்டம் நடத்தப்போவதாக தமிழ்நாடு காவிரி விவசாயிகள் சங்கத்தின் பொதுச்செயலாளர் பி.ஆர்.பாண்டியன் இன்று தஞ்சையில் தெரிவித்துள்ளார். 

காவிரியின குறுக்கே கர்நாடக அரசு மேகதாது அணை கட்டி தமிழகத்தை அழிக்க உள்நோக்கோடு சட்ட விரோதமாக செயல்படுகிறது. தட்டி கேட்க வேண்டிய தமிழ்நாடு அரசு தவறிவிட்டது. காவிரி மேலாண்மை ஆணையத்தின் 18 வது கூட்டத்தில் மேகதாது அணை கட்டுவதற்கு கர்நாடகாவிற்கு ஆதரவாக மத்திய அரசு பிரதிநிதிகள் முன்வைத்த கோரிக்கையை ஏற்று ஆணையம் தீர்மானம் நிறைவேற்றி மத்திய அரசிடம் அனுமதி கோரி உள்ளது. இதனை நிராகரிக்க வலியுறுத்தி தமிழ்நாடு அரசிடம் பலமுறை மண்டியிட்டும் இதுவரையும் ஏற்கப்படவில்லை. 

தற்போதைய நிலையில் கர்நாடகாவில் மேகதாது அணை கட்டுவதற்கான அனைத்து நடவடிக்கைகளையும் வேகப்படுத்தி வருவதாகவும், இந்தியா கூட்டணி வெற்றி பெற்றால் மேகதாது அணையை கட்டி முடித்து விடுவோம் என கர்நாடக முதலமைச்சர் சித்தராமையாவும், துணை முதலமைச்சர் டி.கே சிவகுமாரும் மாறி மாறி பேசி வருகின்றனர். இதற்கு மறுப்பு தெரிவிக்க வேண்டிய தமிழ்நாடு முதலமைச்சர் மு.க ஸ்டாலின் இதுவரையில் வாய் திறக்க மறுக்கிறார். 

இதன் மூலம் காவிரி டெல்டா விளை நிலங்களை கார்ப்பரேட்களுக்கு தாரை வார்ப்பதற்கு மறைமுக முயற்சியில் ஈடுபட்டுள்ளாரோ? என்று அஞ்சுகிறோம். ஏற்கனவே, குறிப்பாக நிலக்கரி, மீத்தேன், ஹைட்ரோ கார்பன் உள்ளிட்ட பேரழிவு திட்டங்களை நிறைவேற்றுவதற்கு முயற்சித்த முதல்வர் ஸ்டாலின் மீண்டும் மறைமுகமாக திட்டமிடுகிறாரோ? என்று அஞ்சத் தோன்றுகிறது.

எனவே, இதனை கண்டித்தும் உடனடியாக மேகதாது அணை கட்டுமான பணியை தடுத்து நிறுத்த சட்ட நடவடிக்கைகளை விரைந்து மேற்கொள்ளவும், உபரி நீர் கடலில் சென்று கலப்பதை தடுத்து நிறுத்தி ராசிமணலில் தமிழ்நாடு அரசு அணை கட்டுமானப் பணியை துவங்கிட வலியுறுத்தியும் நாளை 02.05 2024 வியாழன் அன்று காலை 10 மணி அளவில் தஞ்சாவூர் சாந்தபிள்ளை கேட் அருகே அமைந்துள்ள கீழ்காவிரி வடிநில வட்ட கண்காணிப்பு பொறியாளர் அலுவலகத்தை முற்றுகையிட்டு போராட்டம் நடத்தவிருக்கின்றோம். 

இந்தப் போராட்டத்தில் விவசாயிகள் சங்க தலைவர்கள் திருச்சி பி.அய்யாக்கண்ணு, மகாதானபுரம் ராஜாராமன், ஸ்ரீரங்கம் தீட்சதர் பாலசுப்ரமணியன், நாமக்கல் பாலு, சேலம் தங்கராஜ், மதுரை எல்.ஆதிமூலம், நாகை எஸ் ஸ்ரீதர், துரைராஜ் நாயுடு, சீர்காழி சீனிவாசன், புதுச்சேரி மாநில தலைவர் காரைக்கால் ராஜேந்திரன், கடலூர் ராமச்சந்திரன், பயரி எஸ் கிருஷ்ணமணி உள்ளிட்ட பல்வேறு விவசாய சங்கங்களின் முன்னணி தலைவர்கள் தமிழகம் முழுவதிலிருந்தும் வந்து கலந்துக்கொள்கின்றனர். இவ்வாறு பி.ஆர் பாண்டியன் தெரிவித்தார்.

க.சண்முகவடிவேல்

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

Virudhunagar | Cm Mk Stalin: விருதுநகர் மாவட்டம் காரியப்பட்டி அருகே ஆவியூர் - கீழஉப்பிலிக் குண்டு ஆலையில் தனியார் கல்குவாரி இயங்கி வருகிறது. இந்த கல்குவாரிக்கு பாறைகளை உடைக்க பயன்படுத்தப்படும் வெடிமருந்துகள் கொண்டுவரப்பட்டுள்ளன. குவாரியில் உள்ள அறையில் வெடிமருந்துகளை இன்று காலை இறக்கி வைத்துக்கொண்டிருந்தபோது எதிர்பாராதவிதமாக வெடிமருந்துகள் வெடித்து சிதறியுள்ளன. 

இந்த கோர விபத்தில் துரை, குருசாமி, கந்தசாமி ஆகிய 3 தொழிலாளர்கள் சம்பவ இடத்திலேயே உடல்சிதறி பரிதாபமாக உயிரிழந்தனர். மேலும், சிலர் படுகாயமடைந்தனர். இந்நிலையில், விபத்து தொடர்பாக ஆவியூர் காவல் நிலையத்தில் குவாரி பங்குதாரர் சேது ராமன் என்பவர் சரணடைந்துள்ளார். இந்த நிலையில், குவாரி உரிமையாளர்கள் ராஜ்குமார் மற்றும் சேது ராமன் ஆகிய இருவர் மீது 4 பிரிவுகளில் போலீசார் வழக்குப்பதிவு செய்துள்ளனர்.

ஸ்டாலின் இரங்கல்

இதனிடையே, விருதுநகர் மாவட்டம் ஆவியூர் கல்குவாரி வெடி விபத்தில் உயிரிழந்த 3 தொழிலாளர்களுக்கு தமிழக முதலமைச்சர்  மு.க.ஸ்டாலின் இரங்கல் தெரிவித்துள்ளார். உயிரிழந்தோரின் குடும்பத்திற்கு நிவாரண உதவி விரைந்து வழங்கப்படும் என்றும் கூறியுள்ளார். 

இது தொடர்பாக முதலமைச்சர்  மு.க.ஸ்டாலின் தனது எக்ஸ் வலைதள பக்கத்தில், "விருதுநகர் மாவட்டம் டி.கடம்பன்குளத்தில் இயங்கி வந்த தனியார் வெடிபொருள் சேமிப்புக் கிட்டங்கியில் இன்று காலை ஏற்பட்ட எதிர்பாராத வெடிவிபத்தில், அங்குப் பணியில் ஈடுபட்டிருந்த மூன்று தொழிலாளர்கள் உயிரிழந்த செய்தியறிந்து மிகுந்த வேதனையடைந்தேன்.

உடனடியாக மீட்பு நடவடிக்கைகளை மேற்கொள்ள தொடர்புடைய அதிகாரிகளுக்கு உத்தரவிட்டுள்ளேன். இந்த வெடிவிபத்தில் உயிரிழந்தோரின் குடும்பத்தினருக்கு எனது ஆழ்ந்த இரங்கலையும் ஆறுதலையும் தெரிவித்துக் கொள்கிறேன். உயிரிழந்தோரின் வாரிசுகளுக்கு தேர்தல் ஆணையத்தின் அனுமதி பெறப்பட்டவுடன் அரசின் நிவாரண உதவி விரைந்து வழங்கப்படும்" என்று அவர் தெரிவித்துள்ளார்.

"விருதுநகர் மாவட்டம் டி.கடம்பன்குளத்தில் இயங்கி வந்த தனியார் வெடிபொருள் சேமிப்புக் கிட்டங்கியில் இன்று காலை ஏற்பட்ட எதிர்பாராத வெடிவிபத்தில், அங்குப் பணியில் ஈடுபட்டிருந்த மூன்று தொழிலாளர்கள் உயிரிழந்த செய்தியறிந்து மிகுந்த வேதனையடைந்தேன்.

உடனடியாக மீட்பு நடவடிக்கைகளை மேற்கொள்ள…

— CMOTamilNadu (@CMOTamilnadu) May 1, 2024

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

Jaffer Sadiq | Delhi | டெல்லியில் மத்திய போதைப் பொருள் தடுப்பு பிரிவு அதிகாரிகள் நடத்திய சோதனையில், போதை பொருட்கள் தயாரிக்கப் பயன்படும் ரூ. 2 ஆயிரம் கோடி மதிப்புள்ள 50 கிலோ சூடோஎபிடிரைன் என்கிற ரசாயனப் பொருள்கள் சிக்கியது.
இது தொடர்பாக தமிழ்நாட்டைச் சேர்ந்த 3 பேர் கைது செய்யப்பட்டனர். இதற்கு மூளையாக முன்னாள் தி.மு.க. சென்னை மேற்கு மாவட்ட அயலக அணி துணை அமைப்பாளர் ஜாஃபர் சாதிக் செயல்பட்டது தெரியவந்தது.

இந்த நிலையில் ஜாஃபர் சாதிக் தி.மு.க.வில் இருந்து சஸ்பெண்டு செய்யப்பட்டார். மேலும், ஜாஃபர் சாதிக் தலைமறைவானார்.
இதையடுத்து அவர் ஜெய்ப்பூரில் கைது செய்யப்பட்டார். அவரிடம், போதைப்பொருள் கடத்தல் மூலம் சம்பாதித்த பணம் தடை செய்யப்பட்ட அமைப்புகளுக்கு சென்றுள்ளதா என்பது குறித்து விசாரணை நடத்தப்பட்டது.

மேலும், ஜாஃபர் சாதிக்கை பட்டினம்பாக்கத்தில் உள்ள அவரது வீடு மற்றும் அவர் தொடர்புடைய இடங்களுக்கு நேரடியாக அழைத்துச் சென்று போதைப் பொருள் கடத்தல் தடுப்பு பிரிவு போலீசார் விசாரணை நடத்தினர்.
தொடர்ந்து, ஜாஃபர் சாதிக் தொடர்புடைய 30க்கும் மேற்பட்ட இடங்களில் அமலாக்கத் துறை அதிகாரிகள் சோதனையில் ஈடுபட்டனர்.

மேலும், இந்த வழக்கில் ஜாஃபர் சாதிக்கின் சகோதரர்கள் முகமது சலீம், மைதீன் ஆகியோரும் விசாரணை வளையத்துக்குள் கொண்டு வரப்பட்டுள்ளனர்.
ஜாஃபர் சாதிக் தொடர்பான வழக்கு, டெல்லி சிறப்பு நீதிமன்றத்தில் நடந்துவருகிறது. இந்த நிலையில், போதைப் பொருள் கடத்தல் விழக்கில் ஜாஃபர் சாதித்கிடம் விசாரணை நடத்த அமலாக்கத் துறைக்கு டெல்லி சிறப்பு நீதிமன்றம் அனுமதி வழங்கியுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

தெற்கு ரயில்வே-யின் கீழ் இயங்கும் ரயில் நிலையங்களில் சென்னை சென்ட்ரல் ரயில் நிலையம் அதிக வருவாய் ஈட்டி முதலிடம் பிடித்துள்ளது என்று தெற்கு ரயில்வே பட்டியல் வெளியிட்டுள்ளது. கடந்த ஆண்டு அதிக வருவாய் ஈட்டிய டாப் 10 ரயில் நிலையங்களில் சென்னை செண்ட்ரல் ரயில் நிலையம் முதலிடம் பிடித்துள்ளது.

உலகிலேயே மிகப் பெரிய ரயில்வே வழித்தடங்களைக் கொண்ட நாடு இந்தியா. நாட்டில், 7ஆயிரத்திற்கும் மேற்பட்ட ரயில் நிலையங்கள் உள்ளன. இந்தியாவில் தினசரி லட்சக்கணக்கான மக்கள் ரயிலில் பயணம் செய்கிறார்கள். இந்தியாவிலேயே அதிக வருமானம் வரும் துறையாக ரயில்வே இருந்து வருவதால் ரயிவேக்கு தனி பட்ஜெட்டே தாக்கல் செய்யப்படுகிறது.

இந்தியாவில் பொதுமக்கள் அதிகம் பயன்படுத்தும் பொதுப்போக்குவரத்து என்றால் அது ரயில்வேதான். பயணிகள் ரயில் மட்டுமல்லாமல் ரயில்கள் மூலம் சரக்கு போக்குவரத்தும் பெரிய அளவில் நடைபெறுகிறது. சரக்கு ரயில் போக்குவரத்து அதிக லாபம் ஈட்டும் துறையாக உள்ளது.

இந்நிலையில் ரயில்வே துறையில் 2024-ம் ஆண்டிற்கான ஆண்டு வருவாய் குறித்த தகவலை இந்திய ரயில்வே பொதுத் தளத்தில் வெளியிட்டுள்ளது. அதன்படி, ஒவ்வொரு மண்டலங்களும் தங்களது கட்டுப்பாட்டில் உள்ள ரயில் நிலையங்களின் பட்டியல்களை வெளியிட்டுள்ளது.

அதன்படி, 2024-ம் நிதியாண்டில் தெற்கு ரயில்வேவிற்கு 12 ஆயிரத்து 20 கோடி ரூபாய் வருவாய் கிடைத்துள்ளது. தெற்கு ரயில்வே பயணிகளிடமிருந்து ரயில் கட்டணமாக 7 ஆயிரத்து 151 கோடி ரூபாயும், சரக்கு ரயில் கட்டணம் மூலம் 3 ஆயிரத்து 674 கோடி ரூபாயும் வருவாய் கிடைத்துள்ளது என்று தெற்கு ரயில்வே தெரிவித்துள்ளது.

மேலும், இந்த பட்டியலில் கடந்த நிதியாண்டில் அதிக வருவாய் ஈட்டிய ரயில் நிலையங்களில் தமிழ்நாட்டின் சென்னை சென்ட்ரல் ரயில் நிலையம் முதலிடத்தைப் பிடித்துள்ளது. சென்னை செண்ட்ரல் ரயில் நிலையத்தின் வருவாய் ஆயிரத்து 215 கோடியே 79 லட்ச ரூபாய் என்று தெரிவிக்கப்பட்டுள்ளது. இதன் மூலம் தெற்கு ரயில்வே ரயில் நிலையங்களில் சென்னை சென்ட்ரல் ரயில் நிலையம் அதிக வருவாய் ஈட்டி முதலிடம் பிடித்துள்ளது

இதேபோல, சென்னை எழும்பூர் ரயில் நிலையம் 2வது இடத்திலும், கோவை ரயில் நிலையம் 3வது இடத்தையும் பிடித்துள்ளன.  திருவனந்தபுரம் 4வது இடத்திலும், தாம்பரம் 5வது இடத்திலும், எர்ணாகுளம் 6வது இடத்திலும் உள்ளன.

அதேபோல, மதுரை ரயில் நிலையம் 7வது இடத்தையும், கோழிக்கோடு 8வது இடத்தையும், திருச்சூர் 9வது இடத்தையும், திருச்சி ரயில் நிலையம் 10வது இடத்தையும் பிடித்துள்ளதாக தெற்கு ரயில்வே அறிவித்துள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

திருச்சியில் நம்பர் ஒன் டோல்கேட் அருகே ஆசிரியர் பார்த்திபனின் இல்லத்தின் மாடியில் ஆசிரியர் பார்த்திபன் அவர்களிடம் படிக்கக்கூடிய மாணவர்கள், அவரது உதவியுடன் உழைப்பாளர் தினமான இன்று அவர்களின் உழைப்பை போற்றும் வகையில், அவர்களின் உழைப்பை கௌரவப்படுத்தும் வகையில் உழைப்பாளர் சிலை போல் மாணவர்கள் நின்றனர்.

திருச்சி சத்திரம் பேருந்து நிலையம் அருகே அமைந்துள்ள ஈ.ஆர். மேல்நிலைப் பள்ளியில் விலங்கியல் ஆசிரியராக பார்த்திபன் என்பவர் பணியாற்றி வருகிறார். இன்று நம்பர் ஒன் டோல்கேட் அருகே ஆசிரியர் பார்த்திபனின் இல்லத்தின் மாடியில் ஆசிரியர் பார்த்திபன் அவர்களிடம் படிக்கக்கூடிய மாணவர்கள், அவரது உதவியுடன் உழைப்பாளர் தினமான இன்று அவர்களின் உழைப்பை போற்றும் வகையில், அவர்களின் உழைப்பை கௌரவப்படுத்தும் வகையில் உழைப்பாளர் சிலை போல் மாணவர்கள் நின்றனர்.

இதைப் பற்றி விலங்கியல் ஆசிரியர் பார்த்திபன் கூறுகையில்; உழைப்பாளர்களால் தான் இந்த தேசம் வலிமையாக மாறிக்கொண்டிருக்கிறது. ஒவ்வொரு சிலைக்கும் ஒவ்வொரு சிறப்பு இருக்கும் ஆனால் உழைப்பாளர் சிலைக்கு தனி சிறப்பு உள்ளது. உழைக்காமல் வாழும் தலைமுறையாக இந்த தலைமுறை மாறி வருகிறது. அவர்களுக்கு உழைப்பின் அருமையை பற்றி விழிப்புணர்வு ஏற்படுத்திடவே உழைப்பாளர் சிலை போல் பள்ளி மாணவர்கள் நின்றனர் எனக் கூறினார்.

செய்தி: க. சண்முகவடிவேல்

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

ஒவ்வொரு ஆண்டும் மே 1ம் தேதி சர்வதேச உழைப்பாளர் தினமாக கொண்டாடப்பட்டு வருகிறது, உழைப்பை மூலதனமாக கொண்டு நாட்டின் வளர்ச்சிக்கும், தங்களை சார்ந்துள்ள குடும்பத்தினர் நலத்திற்காகவும் அரும்பாடு பட்டு உழைக்கும் தொழிலாளர்களை கௌரவிக்கும் விதமாகவும் நாட்டில் அதிகரித்து வரும் பெண் குழந்தைகள் மீதான வன்கொடுமைகளை தடுக்கவும் பெண் குழந்தைகள் மட்டுமின்றி குழந்தைகள் பாதுகாப்பை உறுதி செய்ய வேண்டும். மேலும் அன்பு கொண்டு அரவணைத்து பாதுகாக்கும் பெற்றோர்களை போற்ற வேண்டும்.

பெற்றோர்களிடம் அன்பு செலுத்த வேண்டும் என்பதனை வலியுறுத்தும் விதமாக இன்றைய தினம் சிலம்ப வீரர், வீராங்கனைகள் 600க்கும் மேற்பட்டோர் உரையிடத்தில் பங்கேற்று சிலம்பம் சுற்றி உலக சாதனை நிகழ்த்தினர். உலக சிலம்ப இளையோர் சம்மேளனத்தின் சார்பில் திருச்சி கல்லுக்குழி ரயில்வே மைதானத்தில் இன்று தொடர்ச்சியாக 3:00 மணி நேரம் 30 நிமிடம் இடைவிடாது, பல்வேறு சிலம்பக் கூடத்தில் சிலம்பம் பயிற்சி பெற்று வரும் 620 சிலம்ப மாணவ, மாணவிகள் ஒன்றிணைந்து சிலம்பம் சுற்றி புதிய உலக சாதனையினை நிகழ்த்தினர்.

சாதனை புத்தக பார்வையாளர்கள் மற்றும் பொதுமக்கள் முக்கிய பிரமுகர்கள் முன்னிலையில் நிகழ்த்தப்பட்ட இந்த சாதனை நிகழ்வானது கிட்ஸ் உலக சாதனை புத்தகத்தில் இடம் பெறுகிறது. இந்த நிகழ்ச்சிக்கு ரயில்வே கோட்ட வணிக மேலாளர் மோகனப்பிரியா, உலக சிலம்பம் சம்மேளன துணைத் தலைவர் ரவிச்சந்திரன், கலைக் காவிரி பேராசிரியர் சதீஷ்குமார், தலைமை ஆசிரியர்கள் லதா பாலாஜி, சற்குணன் ஆகியோர் முன்னிலை வகித்தனர்.  இந்த நிகழ்ச்சிக்கு உலக இளையோர் சிலம்பம் சம்மேளன தலைவர் மோகன் தலைமை வகித்தார்.

க.சண்முகவடிவேல்

மதுரை காமராஜர் பல்கலைகழக துணை வேந்தர் குமார் ஜானகிராமன் தனது துணை வேந்தர் பதவியை ராஜினாமா செய்வதாக  ஆளுனருக்கு கடிதம் எழுதியுள்ளார்.

தமிழகத்தின் முக்கிய பல்கலைகழகங்களில் ஒன்று மதுரை காமராஜர் பல்கலைக்கழகம். இந்த பல்கலைகழகத்தில் துணை வேந்தராக இருந்த கிருஷ்ணன் என்பரின் பதவிக்காலம் முடியும் முன்பே திருவாரூர் மத்திய பல்கலைகழகத்திற்கு மாற்றப்பட்டார். இதனைத் தொடர்ந்து அண்ணா பல்கலைகழக முன்னாள் பேராசிரியர் இருந்த குமார் ஜானகிராமன் மதுரை காமராஜர் பல்கலைகழகத்தின் துணை வேந்தராக நியமிக்கப்பட்டார்.

கடந்த 2022-ம் ஆண்டு இவர் துணை வேந்தராக பொறுப்பேற்ற நிலையில், நிதி பற்றாக்குறையை காரணம் காட்டி, பல்கலைகழக அலுவலர்களுக்கு நிர்ணையிக்கப்பட்ட சம்பளத்தை மறுநிர்ணையம் செய்தது சிக்கலை ஏற்படுத்தியது. இதனிடையே உடல்நலக்குறைவால் பாதிக்கப்பட்ட குமார் ஜானகிராமனுக்கு, அறுவை சிகிச்சை செய்யப்பட்ட நிலையில், நிதி பற்றாக்குறை, தனது உடல்நலை ஆகியவற்றை காரணம் காட்டி குமார் தனது பதவியை ராஜினாமா செய்ய உள்ளதாக தகவல் வெளியாகியுள்ளது.

இன்னும் 11 மாதங்கள் பதவிக்காலம் இருக்கும் நிலையில், கடந்த இரு தினங்களுக்கு முன்பு, குமார் ஜானகி ராமன் தனது பதவியை ராஜினாமா செய்வதாக கூற ஆளுனரிடம் கடிதம் அனுப்பியுள்ளதாகவும், இது குறித்து ஆளுனரின் பதிலுக்காக காத்திருப்பதாகவும் தகவல் வெளியாகியுள்ளது.

திரைப்பட பின்னணி பாடகி உமா ரமணன். சென்னை அடையாறில் வசித்து வந்தார். இவர் கடந்த சில மாதங்களாக உடல் நிலை சரியில்லாத நிலையில் இருந்தார். இந்நிலையில் நேற்று அவர் மரணமடைந்தார்.

1980ம் ஆண்டு வெளியான நிழல்கள் திரைப்படத்தில் இடம்பெற்ற ’பூங்கதவே தாழ் திறவாய்’ என்ற பாடல் மூலம் பாடகியாக திரை உலகில் உமா ரமணன் அறிமுகமானார். இந்த திரைப்படத்திற்கு இளையராஜா இசையமைத்திருந்தார்.

கேளடி கண்மணி, தூறல் நின்னு போச்சு, வைதேகி காத்திருந்தாள், தில்லுமுல்லு, பன்னீர் புஷ்பங்கள், முதல் வசந்தம், ஒரு கைதியின் டைரி, புதுமைப் பெண், தென்றலே என்னை தொடு, திருப்பாச்சி உள்பட பல்வேறு படங்களில் பின்னணி பாடி உள்ளார்.

 “தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

Petrol and Diesel Price: சென்னையில் பெட்ரோல், டீசல் விலையில் எந்த மாற்றமுமில்லை. இன்று சென்னையில் ஒரு லிட்டர் பெட்ரோல் லிட்டருக்கு ரூ.100.75 காசுகளாகவும், டீசல் விலை லிட்டருக்கு ரூ. 92.34 காசுகளாவும் விற்பனை செய்யப்படுகிறது.

Tamil news updates     

சந்திரசேகர் ராவ் பரப்புரையில் ஈடுபட தேர்தல் ஆணையம் தடை

தெலங்கானா மாநிலம் சிர்சில்லாவில் நடைபெற்ற தேர்தல் பொதுக்கூட்டத்தில் பேசிய சந்திரசேகர் ராவ், காங்கிரஸ் கட்சிக்கு எதிராக தரக்குறைவான வார்த்தைகளைப் பயன்படுத்தியதாகவும், அவரது கருத்துகள் அவதூறான வகையில் அமைந்ததாகவும் புகார் எழுந்தது. இதனையடுத்து, 2 நாள்களுக்கு(48 மணி நேரம்) அவர் பரப்புரையில் ஈடுபட தேர்தல் ஆணையம் தடை விதித்துள்ளது.

தெலங்கானாவில் மே 13 வாக்குப் பதிவு நடைபெறவுள்ளது.

Udhayanidhi Stalin: தமிழ்நாட்டின் இளைஞர் நலன் மற்றும் விளையாட்டு மேம்பாட்டுத்துறை அமைச்சராக இருப்பவர் உதயநிதி ஸ்டாலின். ஆளும் தி.மு.க கட்சியின் இளைஞரணி செயலாளராகவும் இருந்து வரும் அவர், நாடாளுமன்ற தேர்தலின் போது 24 நாட்கள் பிரசாரம் செய்திருந்தார். தமிழகத்தின் 39 மக்களவை தொகுதிகளுக்கும் சூறாவளி சுற்றுப்பயணம் செய்த அவர் 8,465 கிலோ மீட்டர் பயணம் செய்து 122 பிரசார முனைகளில் 3,726 நிமிடங்கள் பேசினார். 

ஏப்ரல் 19  அன்று நடைபெற்ற வாக்குப் பதிவின் போது, தேனாம்பேட்டையில் உள்ள எஸ்.ஐ.இ.டி. கல்லூரியில் மனைவி கிருத்திகாவுடன் வந்து வாக்களித்தார். இந்நிலையில், தற்போது தேர்தல் நடத்தை விதிகள் அமலில் இருப்பதால் முழுமையாக அனைத்து நிகழ்ச்சிகளிலும் பங்கு கொள்ள முடியாத நிலை உள்ளது. இதன் காரணமாக அமைச்சர் உதயநிதி ஸ்டாலின் 10 நாள் பயணமாக லண்டன் புறப்பட்டுச் சென்றார். 

சென்னையில் இருந்து நேற்று செவ்வாய்க்கிழமை காலை 9.50 மணிக்கு விமானம் மூலம் துபாய் சென்று அங்கிருந்து லண்டன் சென்றுள்ளார். ஓய்வுக்காக லண்டன் சென்றுள்ளதால் அவரது பயண நிகழ்ச்சிகள் ரகசியமாக வைக்கப்பட்டுள்ளது. அவர் வருகிற 10 ஆம் தேதி சென்னை திரும்புவார் என்று தகவல்கள் தெரிவிக்கின்றன. 

இந்த நிலையில், அமைச்சர் உதயநிதி ஸ்டாலின் தனது மகளுடன் இருக்கும் புகைப்படம் ஒன்றை தனது எக்ஸ் வலைதள பக்கத்தில் பதிவிட்டுள்ளார். விமான இருக்கையில் அமர்ந்தவாறு எடுக்கப்பட்ட அந்த புகைப்படத்தில் உதயநிதி ஸ்டாலின் மகள் தன்மயாவுடன் சிரித்தவாறு போஸ் கொடுக்கிறார். புகைப்படத்தின் கேப்சனில் ரியல் ரவுடி என்று அவர் பதிவிட்டுள்ளார். 

REAL ROWDY❤️ pic.twitter.com/iE1L50lxgP

— Udhay (@Udhaystalin) April 30, 2024

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

சென்னையில் தனியார் மருத்துவமனையில் பணிபுரியும் பெண் செவிலியர் வீட்டில் தனக்குத் தானே பிரசவம் பார்த்த போது குழந்தையின் கால்களை வெட்டி எடுத்த கொடூரம் நிகழ்ந்துள்ளது.

கன்னியாகுமரி மாவட்டத்தைச் சேர்ந்த வினிஷா (24), டாக்டர் நாயர் சாலையில் உள்ள தனியார் மருத்துவமனையில் செவிலியராக பணியாற்றி வருகிறார்.

இவருக்கும், சென்னையில் ஐடி கம்பெனியில் பணியாற்றி வரும் மதுரை உசிலம்பட்டியை சேர்ந்த செல்வமணி (29) என்பவரும் காதலித்துள்ளனர். இருவரும் தி. நகர் சவுத்போக் ரோட்டில் உள்ள ஒரு வீட்டில், திருமணம் செய்து கொள்ளாமலே ஒன்றாக வாழ்ந்து வந்துள்ளனர்.

இதில் வினிஷா கர்ப்பமாகியுள்ளார். 7 மாதங்கள் ஆன அவருக்கு, திடீரென தீவிர வயிற்று வலி ஏற்பட்டுள்ளது. செவிலியரான வினிஷா வீட்டில் தனக்குத் தானே பிரசவம் பார்த்த போது, குழந்தையின் கால்களை அவரே வெட்டியுள்ளார். இதனால் குழந்தை இறந்து பிறந்தது.

இறந்த குழந்தையின் ஒரு காலை கழிப்பறையில் போட்ட வினிஷா, இறந்த குழந்தையுடன் எழும்பூர் குழந்தைகள் நல மருத்துவமனைக்கு சென்றுள்ளார். அங்கு அவருக்கு தீவிர சிகிச்சை அளிக்கப்பட்டு வருகிறது.

இதுகுறித்து மருத்துவமனை நிர்வாகம் அளித்த தகவலின் பேரில் தியாகராய நகர் போலீசார் விசாரணை நடத்தி வருகின்றனர்.

தனக்கு தானே பிரசவம் பார்த்த செவிலியர் மீது இரு பிரிவுகளின் கீழ் மாம்பலம் போலீசார் வழக்கு பதிவு செய்துள்ளனர். இந்த வழக்கு தொடர்பாக வினிஷாவின் காதலனை போலீசார் தீவிரமாக தேடி வருகின்றனர்.

இந்த சம்பவம் தற்போது வெளியாகி அனைவரது மத்தியிலும் அதிர்ச்சியை ஏற்படுத்தியுள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

சென்னையில் தி.மு.க சார்பில் மே தின கொண்டாட்டம் நடைபெற்றது. இதில் அமைச்சர்கள், தி.மு.க மூத்த தலைவர்கள், தி-மு.க நாடாளுமன்ற தலைவா டி.ஆர் பாலு உள்ளிட்டோர் கலந்து கொண்டனர். தொடர்ந்து மே தின கொண்டாட்டத்திற்கு பிறகு  நீர்வளத்துறை அமைச்சர் துரைமுருகன் செய்தியாளர்களுக்குப் பேட்டி அளித்தார்.  

தி.மு.க தொழிலாளர் நலன்களுக்காக பல்வேறு நல்ல செயல்களையும்  தியாகங்களையும் செய்துள்ளது என்று கூறினார். தொடர்ந்து கர்நாடகா தண்ணீர் பிரச்சனை குறித்து செய்தியாளர்கள் கேள்வி எழுப்பினர். அதற்கு பதில் அளித்த துரைமுருகன்,"கர்நாடகா என்றாவது தண்ணீர் தருகிறோம் என்று கூறியுள்ளார்களா?. அதிகமாக நீர் இருக்கும் போதும் ஒரே பதில் தான், குறைவாக நீர் இருக்கும் போதும் அதே பதில் தான் கூறுவார்கள்.

காவிரி நீர் மேலாண்மை ஆணையம் உத்தரவிட்டும் கூட அவர்கள் தண்ணீர் திறந்து விட வில்லை. அவர்கள் உத்தரவை மதிக்காமல் உள்ளனர். இதை கேள்வி கேட்க வேண்டியது உச்ச நீதிமன்றம். உச்ச நீதிமன்றத்தை நாடுவோம்" என்றார். 

சென்னை ஆவடி, மிட்டனமல்லியில் நடந்த ஆயுர்வேத மருத்துவர் சிவன் நாயர் (72), பிரசன்ன குமாரி (62) இரட்டைக் கொலையில், ராஜஸ்தான் மாநிலம், ஜோத்பூரை சேர்ந்த டி. மகேஷ், 20, கைது செய்யப்பட்டார்.

ஆவடியில் உள்ள மிட்டனமல்லியில் ஞாயிற்றுக்கிழமை மாலை நடந்த இரட்டைக் கொலை சம்பவம் அப்பகுதி மக்கள் இடையே அதிர்ச்சியையும் பரபரப்பையும் ஏற்படுத்தியுள்ளது. அந்த பகுதியில் குடியிருக்கும், ஆயுர்வேத மருத்துவர் சிவன் நாயர் (72), மற்றும் ஓய்வுபெற்ற ஆசிரியையான அவரது மனைவி பிரசன்னா குமாரி (62) இருவரும் அவர்களது அவர்களது வீட்டு மருத்துவ மனையில் கொலை செய்யப்பட்டுக் கிடந்தனர்.

இந்த இரட்டைக் கொலை சம்பவம் தொடர்பாக ராஜஸ்தான் மாநிலம், ஜோத்பூரைச் சேர்ந்த மகேஷ் (20) என்பவரை போலீஸார் கைது செய்தனர். கொலை நடந்த இடத்தில் அவர் விட்டுச் சென்ற செல்போன் மூலம் அவரைக் கண்டுபிடித்தனர்.

கொலையான சிவன் நாயர் முன்னாள் ராணுவ வீரர் என்றும், சிவன் நாயர், பிரசன்ன குமாரி தம்பதியினர் மிட்டனமல்லி காந்தி நகர் மெயின் ரோடு அருகே வசித்து வந்ததாகவும் போலீசார் தெரிவித்தனர்.

கிட்டத்தட்ட 30 ஆண்டுகளாக இவர்கள்  தங்கள் வீட்டை ஒட்டியுள்ள கிளினிக்கை நடத்தி வந்தனர். இவர்களின் கிளினிக்கிற்கு சென்னை முழுவதிலும் இருந்து நோயாளிகள் வந்தனர். இந்த தம்பதியினர் நெருக்கமான குடியிருப்பு பகுதியில் வசித்து வந்தாலும், அவர்கள் கொலை செய்யப்பட்ட நேரத்தில் அவர்களது அலறல் சத்தத்தை அக்கம்பக்கத்தினர் யாருக்கும் கேட்கவில்லை என்று கூறப்படுகிறது.

மாலை 6 மணியளவில் கிளினிக்கிற்குச் சென்ற நோயாளி ஒருவர், வராண்டாவிற்கு வெளியே ரத்த வெள்ளத்தில் இறந்து கிடந்த சிவன் நாயரைக் கண்டார். அவரது மனைவி வீட்டுக்குள் இறந்து கிடந்தார். உடனே அவர் அப்பகுதியில் உள்ள மற்றவர்களையும், கொலையான சிவன் நாயரின் மகன் ஹரி ஓம்-க்கும் தகவல் தெரிவித்தார்.

இதையடுத்து, இந்த இரட்டைக் கொலை சம்பவம் தொடர்பாக முத்தாபுதுப்பேட்டை போலீசார் கொலை வழக்கு பதிவு செய்தனர். உடலை பிரேத பரிசோதனைக்காக கீழ்ப்பாக்கம் அரசு மருத்துவக்கல்லூரி மருத்துவமனைக்கு அனுப்பி வைத்தனர்.

இந்தக் கொலை சம்பவம் குறித்து விசாரணை நடத்திய போலீசார், குற்றம் நடந்த இடத்தில் இருந்து ஒரு மொபைல் ஃபோனை எடுத்தனர், அந்த போன் கொலையாளி மகேஷை நோக்கி இட்டுச் சென்றது. சிவன்நாயர் மற்றும் பிரசன்ன குமாரியின் மகனும் ஆயுர்வேத மருத்துவருமான ஹரி ஓம், மகேஷ் மீது சந்தேகத்தை எழுப்பினார். இரண்டு வாரங்களுக்கு முன்பு அந்த இளைஞரைப் பற்றி அவரது தாயார் புகார் தெரிவித்ததாகக் கூறினார்.

போலீசாரிடம் கூறிய ஹரி ஓம் , நோயாளி மகேஷ் பற்றி தனது தாயார் குறிப்பிட்டதாகவும், தனியாக இருக்கும் நேரங்களில் பணம் கேட்டு தங்களைத் தொந்தரவு செய்ததாகக் கூறினார். கே.கே.நகரில் உள்ள ஒரு ஹார்டுவேர் கடையில் பணிபுரியும் மகேஷ், 2019-ம் ஆண்டு முதல் இந்த தம்பதியரிடம் இரைப்பை பிரச்சனைக்காக சிகிச்சை பெற்று வந்தார். “கடந்த இரண்டு வாரங்களில், பிரசன்ன குமாரிக்கு அந்த இளைஞரின் செயல்பாடுகளில் சந்தேகம் ஏற்பட்டது. அதனால், அவர் அவரை வீட்டிற்குள் அனுமதிக்கவில்லை. வெளியில் இருந்து மருந்துகளை எடுத்துக்கொள்ளச் சொன்னார்” என்று ஆவடி காவல்துறை துணை ஆணையர் அய்மன் ஜமால் கூறினார்.

ஞாயிற்றுக்கிழமை மாலை மகேஷ், பிரசன்ன குமாரியிடம் வாக்குவாதத்தில் ஈடுபட்டதைத் தொடர்ந்து, அவரை கொலை செய்ததாக போலீஸார் தெரிவித்தனர். மனைவியின் அலறல் சத்தம் கேட்டு ஓடி வந்த சிவன் நாயரையும் மகேஷ் கொலை செய்துள்ளார். பின்னர், அவர் பைக் டாக்ஸியில் தப்பிச் சென்றுள்ளார். இது சி.சி.டி.வி கேமராவில் பதிவாகி உள்ளது. மற்ற நோயாளிகள் முன்னிலையில் பலமுறை அவமானப்படுத்தப்பட்டதால் ஆத்திரமடைந்த மகேஷ், ஆயுர்வேத மருத்துவர் சிவன் நாயர் மற்றும் அவரது மனைவி பிரசன்ன குமாரி இருவரையும் கொலை செய்ததாக போலீசாரிடம் தெரிவித்தார். இரட்டைக் கொலை வழக்கில் கைது செய்யப்பட்ட மகேஷ் நீதிமன்ற காவலில் சிறையில் அடைக்கப்பட்டார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“

சென்னை மெட்ரோ ரயில் நிறுவனம். மெட்ரோ பயணிகளுக்கு முன்னுரிமை அளிக்கும் வகையில், மெட்ரோ இரயில் நிலையங்களில் உள்ள வாகன நிறுத்துமிடங்களின் பயன்பாட்டின் அடிப்படையில் பின்வரும் மாற்றங்களை செய்துள்ளது.

கடந்த 30 நாள்களில் குறைந்தது 15 பயணங்கள் செய்த மெட்ரோ பயணிகளுக்கு மாதாந்திர பாஸ் வசதி, விம்கோ நகர் பணிமனை, ஸ்ரீ தியாகராய கல்லூரி, நேரு பூங்கா, கோயம்பேடு, அசோக் நகர் மற்றும் ஆலந்தூர் மெட்ரோ ஆகிய 6 மெட்ரோ இரயில் நிலையங்களில் நீட்டிக்கப்பட்டு உள்ளது.

புதிய வண்ணாரப்பேட்டை, நந்தனம். எழும்பூர் மற்றும் செனாய் நகர் மெட்ரோ ஆகிய 4 மெட்ரோ இரயில் நிலையங்களில் வாகன நிறுத்தும் இட வசதி இல்லாத காரணத்தினால் மாதாந்திர பாஸ் வழங்குவது நிறுத்தி வைக்கப்பட்டு உள்ளது.

மெட்ரோ ரயில்களில் பயணிக்காமல் வாகன நிறுத்தும் வசதியை மட்டும் பயன்படுத்துபவர்களின் தேவை அதிகரித்துள்ளதால், திருவொற்றியூர். திருவொற்றியூர் தேரடி, காலடிப்பேட்டை, புது வண்ணாரப்பேட்டை, வண்ணாரப்பேட்டை, மண்ணடி, உயர்நீதிமன்றம், அரசினர் தோட்டம். எல்.ஐ.சி. நந்தனம், கிண்டி, ஆலந்தூர், நங்கநல்லூர் சாலை, மீனம்பாக்கம் விமான நிலையம், அசோக் நகர், திருமங்கலம், மற்றும் எழும்பூர் மெட்ரோ என 18 மெட்ரோ இரயில் நிலையங்களில் மெட்ரோ பயணிகள் அல்லாதவர்களின் வாகன நிறுத்தும் கட்டணம் உயர்த்தப்பட்டு உள்ளது.

மெட்ரோ பயணம் அல்லாத பார்க்கிங் வாடிக்கையாளர்கள்

மேலும், கடந்த 30 நாள்களில் மெட்ரோ இரயிலில் பயணம் செய்யாதவர்கள் அல்லது 15-க்கும் குறைவான பயணம் செய்தவர்களுக்கு அரும்பாக்கம் மெட்ரோ மற்றும் பரங்கி மலை மெட்ரோ இரயில் நிலையங்களில் மாதாந்திர வாகன நிறுத்தும் கட்டணம் உயர்த்தப்பட்டுள்ளது.

மீதமுள்ள மற்ற மெட்ரோ இரயில் நிலையங்களில் வாகன நிறுத்தும் கட்டணத்தில் எவ்வித மாற்றம் இல்லை. மேலும் விவரங்களுக்கு சென்னை மெட்ரோ இரயில் நிறுவனத்தின் https://Chennaimetrorail.org/parking-tariff/ என்ற இணைய முகவரியை பார்க்கவும் எனத் தெரிவிக்கப்பட்டுள்ளது.

இந்த செய்திக் குறிப்பை மெட்ரோ இணை இயக்குநர், மக்கள் தொடர்பு அலுவலர் வெளியிட்டுள்ளார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

Salem District | தமிழ்நாட்டில் கோடை வெயில் வாட்டி வருவதால், அந்த வெயிலில் இருந்து தப்பிக்க ஊட்டி, கொடைக்கானல், ஏற்காடு என பலரும் சுற்றுலா செய்துவருகின்றனர்.

இந்த நிலையில், சுற்றுலாப் பயணிகளுடன் ஏற்காட்டில் இருந்து சேலம் நோக்கி வந்த தனியார் பேருந்து 11ஆவது கொண்டை ஊசி வளைவில் விபத்தை சந்தித்தது.
அதாவது வளைவில் திரும்பும்போது பேருந்து 50 அடி கட்டுப்பாட்டை இழந்து, அருகில் இருந்த தடுப்பில் மோதி 50 அடி பள்ளத்தில் விழுந்தது.

இந்த விபத்தில் ஒரு சிறுவன் உள்பட 5 பேர் உயிரிழந்தனர். மேலும், 45க்கும் மேற்பட்டோர் காயமுற்றனர். காயம் அடைந்த நபர்களுக்கு சேலம் அரசு மருத்துவமனையில் சிகிச்சை அளிக்கப்பட்டுவருகிறது.
இந்த விபத்து குறித்து போலீசார் வழக்குப்பதிவு செய்து விசாரணை நடத்திவருகின்றனர். இந்தச் சம்பவம் அப்பகுதியில் பெரும் சோகத்தை ஏற்படுத்தி உள்ளது.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற  https://t.me/ietamil“

கல்லூரி மாணவிகளை தவறாக வழிநடத்திய வழக்கில் முன்னாள் ஆசிரியை நிர்மலாதேவிக்கு 10 ஆண்டுகள் சிறை தண்டனை மற்றும் ரூ. 5,000 அபராதம் விதித்து ஸ்ரீவில்லிபுத்தூர் விரைவு நீதிமன்றம் செவ்வாய்க்கிழமை பரபரப்பு தீர்ப்பளித்துள்ளது.

அருப்புக்கோட்டை தனியார் கல்லூரி பேராசிரியை நிர்மலாதேவி தனது கல்லூரி மாணவிகளிடம் தவறாக வழிநடத்தும் விதமாகப் பேசிய ஆடியோ 2018-ம் ஆண்டு வெளியாகி பெரும் அதிர்ச்சியையும் பரபரப்பையும் ஏற்படுத்தியது.

இதைத்தொடர்ந்து, அருப்புக்கோட்டை தனியார் கல்லூரி பேராசிரியை நிர்மலாதேவி மாணவிகளை தவறான முறையில் வழிநடத்த முயன்ற வழக்கில் 2018-ம் ஆண்டு ஏப்ரல் 16-ம் தேதி கைது செய்யப்பட்டார். இந்த விவகாரத்தில் பெரும் புள்ளிகள் பலருக்கும் தொடர்பு இருப்பதாக செய்திகள் உலா வர தொடங்கின.

இதைத் தொடர்ந்து, சி.பி.சி.ஐ.டி போலீசுக்கு இந்த வழக்கு மாற்றப்பட்டது. இந்த வழக்கில் நீண்ட காலமாக நிர்மலா தேவிக்கு ஜாமின் வழங்கப்படவில்லை.

பின்னர், குற்றப்பத்திரிக்கை தாக்கல் செய்யப்பட்ட பின்பு, நீண்ட நாள்கள் கழித்து அவருக்கு ஜாமின் வழங்கப்பட்டது. அப்போது, இது தொடர்பாக எந்த பேட்டியும் வழங்கக் கூடாது என நிபந்தனை விதிக்கப்பட்டது.

இந்த நிலையில், கல்லூரி மாணவிகளை தவறாக வழிநடத்திய வழக்கில் முன்னாள் ஆசிரியை நிர்மலாதேவிக்கு 10 ஆண்டுகள் சிறை தண்டனை மற்றும் ரூ. 5,000 அபராதம் விதித்து ஸ்ரீவில்லிபுத்தூர் விரைவு நீதிமன்றம் செவ்வாய்க்கிழமை பரபரப்பு தீர்ப்பளித்துள்ளது.

முன்னதாக, கல்லூரி மாணவிகளை தவறாக வழிநடத்திய வழக்கில் முன்னாள் ஆசிரியை நிர்மலாதேவி குற்றவாளி என ஸ்ரீவில்லிபுத்தூர் விரைவு நீதிமன்றம் உறுதி செய்து திங்கள்கிழமை தீர்ப்பளித்தது.  மேலும், வழக்கில் குற்றஞ்சாட்டப்பட்ட உதவி பேராசிரியர் முருகன், ஆராய்ச்சி மாணவர் கருப்பசாமி ஆகியோரை நீதிமன்றம் விடுதலை செய்தது. 

மேலும், இந்த வழக்கில் தண்டனை குறித்த விவரங்கள் செவ்வாய்க்கிழமை (ஏப்.30,2024) வழங்கப்படும் என்று அறிவிக்கப்பட்டது. 

அதன்படி, இந்த வழக்கில் தண்டனை விவரம் அறிவிக்கப்படுவதற்கு முன்னதாக,  10 ஆண்டுகளுக்கும் குறைவான தண்டனை வழங்க வேண்டும் என்று நிர்மலா தேவி தரப்பு வழக்கறிஞர் நீதிமன்றத்தில் வேண்டுகோள் விடுத்துள்ளார். 

இதற்கு, அரசு தரப்பில், நிர்மலா தேவிக்கு குறைந்தபட்ச தண்டனை வழங்கக் கூடாது என்று கடும் எதிர்ப்பு தெரிவிக்கப்பட்டது. இரு தரப்பு வாதங்களை கேட்ட நீதிபதி பகவதி அம்மாள், தண்டனை விவரத்தை சிறிது நேரம் ஒத்திவைத்தார்.

இதையடுத்து, அருப்புக்கோட்டை தனியார் கல்லூரி மாணவிகளை தவறாக வழிநடத்திய வழக்கில் முன்னாள் ஆசிரியை நிர்மலாதேவிக்கு 10 ஆண்டுகள் சிறை தண்டனை மற்றும் ரூ. 5,000 அபராதம் விதித்து ஸ்ரீவில்லிபுத்தூர் விரைவு நீதிமன்ற நீதிபதி பகவதி அம்மாள் செவ்வாய்க்கிழமை பரபரப்பு தீர்ப்பளித்தார்.

“தமிழ் இந்தியன் எக்ஸ்பிரஸின் அனைத்து செய்திகளையும் உடனுக்குடன் டெலிகிராம் ஆப்பில் பெற https://t.me/ietamil“